Seoul Good (已結業)

Seoul Good 服務好 夠nice 價錢便宜(食咗小食拼盤 辣海鮮意粉 即沖蜜桃紅茶) 食物正常 坐位都算舒服 但唯一係唔多like既係廁所好近坐位 整體俾我想像中好 最好真係係啲staff 大部份係Male 夠親切有禮 贏咗 haha

終於搵到時間下呢間新左幾個月嘅小店。呢間都有幾多唔同類型野食，有漢堡又有飯又有意粉。今次嚟試下飯餐先。叫左兩個飯，一個辣豬肉定食，一個牛肉定食。辣豬肉定食少少辣好開胃，牛肉就甜甜地，我覺得岩岩好。個定食份量都幾足料，仲有湯、前菜飲品！而個蛋卷都幾好食，入面有少少火腿粒。呢間小店嘅野食唔錯，可以有下次啊！

呢排keep住進攻韓國野，行完條一星既家樂徑，來個韓式brunch and all day breakfast，估唔到元朗都有韓式誠意小店，這裡有提供下午茶餐，點了星星炸雞辛辣麵，包飲料品柚子薑蜜，麵係用鍋上，熱辣辣又大碗，星星炸雞好嫩口，另外點了韓式煎餅，所配汁醬有點古怪，一般來說會是煎餅豉油，但這裡是胡麻醬，這個賣相跟味道不俗，唯獨跟胡麻醬不搭配。重頭戲麵是all day breakfast，超豐富，賣相相當吸引，waffle上有隻心型蛋，waffle 好厚身，上面已沾了糖漿，味道很好又不膩不得不讚咖啡用的小杯，飲完會看見趣緻的公仔，好驚喜呀，一個別有用心既餐具。

上個星期途徑此店 望到人地個dinner set 好大份 所以今個星期特登去試一坐低 未落單 待應姐姐已經拎左餐湯俾我地 值得一讚點左一個炒辣雞set 兩條友食 包左一個蛋卷 炒雞 同炒粉絲蛋卷内有泡菜略為大塊 建議切小一點 炒雞： 雞肉鮮嫩 份量足 煎耐少少仲脆皮 全程有靚女幫你炒粉絲同炒飯價錢亦很大眾化，結帳時朋友不小心多付200元 待應立刻跑出門口給我們 十分誠實 是良心店鋪

眾所周知元朗多美食，今次去咗小店，之前呢個舖位係三殺位，但轉咗Seoul Good 之後，為元朗帶來時尚同年輕感覺！店舖裝修好靚，好適合影相！今次黎已經轉咗聖誕裝飾，特別有氣氛！我哋點咗辣炒豬肉漢堡同江南風味牛肉飯。晚餐跟餐湯同飲品，好抵食！辣炒豬肉漢堡配炸薯角同芽菜，豬肉唔太辣，我唔食辣都覺得好好味！仲有芝士同生菜，食落好清新，薯角剛剛炸起，香脆可口！江南風味牛肉飯，牛肉煮得好嫩，d汁送飯好正，配菜都係芽菜，好健康。蔥花加在牛肉上面，色彩更豐富，伴碟靚，而且飯好大碗，兩個人食剛剛好。職員服務態度殷切，價錢又抵，合共$124。

跟朋友踩完單車過黎食dinner, menu 主要係類似定食既set 多, 睇完menu 其實對fusion 既韓食無咩期望, 本身亦唔太好食韓國野~~雖然食物唔算特別, 但味道出奇地好, 而店員主要係年青人, 勤奮有禮, 舖面唔大,只有幾張檯,但原來樓上仲有位~

到元朗朋友家，路過新開的韓國餐廳Seoul Good，就在豐年路站對面，位置方便。餐廳座位不算多，但環境尚算整齊舒適。除了平常吃的韓國菜式，如炒年糕、海鮮煎餅、辛辣麵和泡菜餃子等，竟然還有炸雞窩夫、炸魚薯條、漢堡包這些快餐，感覺新鮮。今次和朋友決定去舊迎新，試試這些快餐！炸雞拼窩夫 $59 配熱檸水 $5賣相很可愛，圓碌碌的窩夫和荷包蛋，粉紫色心形的小碗，淺藍色的杯子。窩夫非常鬆軟！面層塗了薄薄一層蜜糖，甜甜的，竟然跟炸雞很配！炸雞是雞脾，外皮略硬，但肉還算滑；配菜有涼拌海帶，清一清味蕾。跟之前吃過的西式炸雞窩夫有點不同，少了一份惹味，多了一份香甜。辣炒豬肉漢堡$49漢堡包內是一片片的炒豬肉，口感特別，重口味的我略嫌豬肉不夠辣，但朋友覺得剛剛好，還不錯～如果薯條再粗一點更好。喜歡傳統韓國菜的朋友可以覺得這間餐廳有點四不像，我倒覺得創意可嘉，味道也不賴，值得試試。

韓風尚未退去~ 我地仍然好掛住韓國 ;D經過見到呢間咁靚既韓式Cafe 好自然即刻衝入去 XD入去見到店仔細細, 得十個位左右 以為無位原來仲有樓上既~樓上既裝修無樓下咁有氣氛 不過都算整齊乾淨~食物選擇唔少!! 款款都好似好吸引<3仲有星期二至五既優惠餐>>>仲有下午茶餐 (3pm-5:30pm)>>>最後我揀左韓式香蔥炒五花肉意大利粉 $49 (味道:7/10, 份量: 8/10)好香好惹味;D 少少酸少少辣 仲有唔少豬肉粒, 紅蘿蔔條同洋蔥粒醬汁滲透成份意粉 意粉軟硬度都適中~可惜真係太多油, 成個碟底都係油.... 最後都唔敢食晒成碟我朋友揀左黑松露蒜香海鮮炒意粉 $52 (味道:7/10, 份量: 8/10)估唔到呢個都好味, 雖然唔係好食到松露味 (預左)但係都有好香既白汁味 同埋有好多細粒帶子 幾鮮同幾有咬口...醬汁唔會過多過濃 好味! (同埋好夠飽, 份量唔細)再加左個蜜糖雞翼 $39 (味道:7/10, 份量: 7/10)試下^__^炸既雞翼點都唔會難食;D 仲要有蜜糖不過好熱氣....;D 好似都係Euro

一個人入到元朗，想食個快飯然後舒舒服服做facial，行經呢度發現新鋪，即管入去試試。望住餐牌，價錢尚算相宜，大約五十多元一個午餐，款式亦算不少。有窩夫、炸雞、意粉、年糕等選擇。最後，我選了韓式腩肉辛辣麵。腩肉很美味，肥瘦適宜，醬料的味道亦調得很好。美中不足是麵煮得有點硬，如果可以煮得彈牙一點就更好了！！再貪心一點，若能加上一塊芝士，熱熔在麵條上，那味道一定更佳！！配上一杯冰凍的蜜桃茶，剛好中和了腩肉的辣味。輕鬆的一人午餐，也算是不錯的選擇。

史詩有天在元朗閒逛的時候，看到了這間餐廳。恰巧這天午飯時間想起了它，就到這邊用餐了。到達餐廳的時候，剛好有張二人枱空了出來，就直接入座了。順帶一提，每張枱之間距離很近，所以座位有點擠迫，坐得不太舒服。看過餐牌後，史詩就點了一個主食加一個小食，另外套餐加$8有一罐提子汁。主食我們選了白汁海鮮意大利飯。第一口有很濃烈的蒜蓉味，海鮮有魷魚和蝦肉。可惜的是店家沒有用意大利米來煮這個飯，所以沒有煙韌的嚼頭。小食就選了韓式煎蛋卷。餡料有芝士和火腿。我們都覺得這個的味道好像港式茶餐廳能吃到的芝士火腿奄列，跟我們想像的韓式煎蛋卷味道不太像。史詩認為這間餐廳表面在賣韓式料理，內裡卻是港式茶餐廳，可取的大概是價錢便宜吧。

經過見到依間餐廳好多次，今日終於黎試下啦，外觀相當唔錯 由於係街角位，又近元朗廣場，所以行過都好易見到佢。入到去，個環境唔錯，原來佢仲有個閣樓，上面都幾大，雖然無下面咁靚，但可以容納到廿幾人，由於lunch hour去，所以上面全部都係學生，不過我無影到相...食食下仲發現白衫女士後面係個簡約洗手間，好細，不過好整潔 之後就睇餐牌，款唔算多，就叫左3款.. 炸雞拼waffle($59)賣相唔錯，但waffle普通，炸雞粉唔多，但夠脆 江南風味五花肉漢堡（$59） 個burger...食落我覺得好m記....個芝士漢堡，唔同既只係個包皮soft d.....薯條無乜落鹽...都好普通，所以覺得唔值依個價 韓式炒年糕（$39） 由於我係年糕控，所以對年糕都有d要求...依間個汁係唔錯，但年糕真係硬左d，無"in un"既質感...不過個d餐具都好用心，好靚另外，亦唔會主動為客人送水，但客人有需要都會樂意幫忙。雖然食物真係麻麻，但如果鐘意食環境..都算個唔錯既選擇既....

好開心,元朗又開多左間cafe,一去到可能星期日..所以我都要等一等先入到...等左5-10分鐘就入到LU入到去見到有2層...下層光猛D之後再睇下個MENU我一見到就二話不說嗌左個【炸雞拼窩夫】價錢便宜咁岩我嗌呢個餐又好味,心心眼呀一上到黎我就心諗【嘩,咁大份既】窩夫 就算只係就咁放左啲蜜糖係面都讚好佢呀,軟綿綿,上面仲有心心蛋架雖然隻雞脾好似好乾咁炸到,但切開佢其實仲係滑身既啲肉!不過美中不足雞脾有小小炸得唔熟但整體都ok ga ,經過開可以試下呀

話說元朗新開左間韓式食店，我當然要去試下啦爆谷雞軟骨 $49雞軟骨炸得金黃鬆脆，唔會太油膩，味道唔會太鹹，而且份量剛剛好牛油炸雞 $29炸雞充滿牛油香味，不過略嫌太油膩，食一件已經飽飽地，炸雞會配埋薯條同紫菜，如果採用粗薯條會更佳！韓式蛋卷$29蛋皮煎得好香，入面包住泡菜飯，好惹味！不過我唔鍾意蛋卷配沙律醬， 下次會走醬！補充：下午茶時間幫襯會抵啲！

☕️（因為條叉電線爛得太有型，決定比佢最後出次鏡） 元朗新發現的迷你Cafe係正元朗廣場對面的 商會中學對面，即是剛剛落左輕鐵條天橋行多幾步會見到～ 下午時間想同朋友坐低傾下計，但又唔想食得太full，行過見到個價錢牌都有啲難以置信！下午茶不過三十元有交易又有飲品又有小食，而已就咁睇環境都唔差，會唔會太抵丫推介～ 超值茶餐才 HKD $30左右（包一款小食及普通飲品）加 $8 可以飲特選咖啡之類。飲品一般般但勝在平。 今次介紹埋呢個好味到不得了既泡菜蛋卷😳😳😳👍真係估唔到（可能因為同咖啡有落差）好軟滑，切開仲有絲絲芝士流出，又有泡菜等配料，好match好好味！ 老實講，杯咖啡實在普通到不能再普通，連拉花都欠奉，不過超值價茶餐才 HKD $30左右 加 $8 可以飲返杯同朋友舒舒服服坐低傾計（無限時間，自己睇情況啦，都唔可以太過分既）加埋晒 $40有找！！飲個Starbucks都唔止喔。

早幾天路過見到有新餐廳，算是韓式的茶座，於是和老公一起試試。還好他早一點進店拿了位置，因為很快便滿座。後來才知道原來還有小閣樓。食物款式不算太多，有一些小食和幾款主食。我們點了一客爆谷雞軟骨 ($49)，辣炒豬肉漢堡 ($49) 和芝士泡菜炒飯 ($49)，加$8再配餐飲凍檸檬茶。爆谷雞軟骨 ($49)，是用爆谷盒盛載的，熱辣辣算是不錯，而且炸粉厚度適中，油份不算太多，作為小食的確比炸雞要好。辣炒豬肉漢堡 ($49)，賣相讓人覺得有點失望，因為包本身太軟，整個漢堡看上去扁扁的，加上有醬汁的炒豬肉，令包很快便淋了，用手拿著吃幾口便散開了。可是豬肉本身是炒得不錯，辣度亦剛好。伴碟的薯條算是合格，很新鮮很好吃，我亦喜歡有些泡菜作配菜，可是這裡的泡菜比較辣。芝士泡菜炒飯 ($49) 等是等了很久，卻是讓人失望的一道菜。根本找不到一點芝士，是在飯裡面？還是在那裡？飯本身炒得算是乾身，不像是把芝士混進去炒的樣子。即使加了太陽蛋的汁拌著來吃，味道也不算突出，非常一般。整體來說食物不算難吃，可以一點也不突出。價錢雖然不貴，可是一試便算，下次還是吃傳統韓國料理吧...