影片
港鐵佐敦站 E 出口, 步行約2分鐘
繼續閱讀
電話號碼
55438551
營業時間
今日營業
11:00 - 15:00
18:00 - 22:00
星期一至二
11:00 - 15:00
18:00 - 22:00
星期三
全日休息
星期四至日
11:00 - 15:00
18:00 - 22:00
以上資料只供參考, 請與餐廳確認詳情
影片
相片
HANDMADE PASTIERA CAKE FROM NAPOLI
+730
+71
食家推介
Sfizio說是佐敦這一家大熱的手工意粉店，就是典型的家居小店風格，空間不大，兩人位有點窄，定價有點高昂，特別是和同區附近的Amour Cafe和老婆童年回憶的Tovoli的意粉比較，差不多是後者的兩三倍，當然意粉的的選擇比較多，在這裏點的就是玉棋和貓耳朵意粉，前者吃起來馬鈴薯味比較重，口感也比較粉，少了一些煙韌；貓耳朵意粉口感不錯唔好嘔，相當Al Dante，前者用清帳，後者用煙肉和忌廉醬配搭，因為意粉的形狀，所以不會特別需要強調掛。最貴的是意式慢煮豬手，底下鋪上滿滿的薯蓉，豬手經過慢煮，吃起來相當下，慢煮過口感也比較結實，沒有豬皮的情況下，吃起來有點寡，也有點吃力，至於薯蓉的顆粒感比較強，並沒有太多的奶油，吃起來比較直接，但因為豬手本身的鹹度，也令薯蓉吃起來相對較鹹，期望有點過高，吃起來有少少失望。Sfizio, a popular handmade pasta shop in Jordan, embodies a cozy, home-style vibe with limited space and slightly cramped two-person seating. While the pricing is on the higher side—nearly two to three times that of nearby Amour Cafe or Tovoli from childhood memories—it offers a wider pasta selection. We ordered gnocchi and orecchiette; the gnocchi had a strong potato flavor but was powdery and lacked chewiness, while the orecchiette was nicely al dente with a pleasant texture. The gnocchi came with a light sauce, and the orecchiette was paired with bacon and cream sauce, which suited its shape without needing extra emphasis on sauce cling. The most expensive dish, slow-cooked Italian pork knuckle, was served atop a generous layer of mashed potatoes. Though tender from slow cooking, the pork felt dense and somewhat bland without skin, making it a bit tough to eat. The mashed potatoes had a grainy texture, lacked creaminess, and felt overly salty due to the pork’s seasoning, leaving us slightly disappointed despite high expectations.
繼續閱讀
見到ig啲相好似好正咁, 所以同朋友lunch hour嚟食飯嚟到嘅時候裏面仲有幾張空嘅枱, 我哋企咗喺門口好耐都冇人安排入座, 不過都體諒佢哋可能人手唔夠裏面有兩個外國人女侍應, 一個好有禮貌, 另一個就令人感覺好差我同朋友坐最近廚房嗰張枱態度差嗰個侍應喺廚房攞檸檬茶出嚟嘅時候一個華麗轉身將杯檸檬茶撞咗落我度, 倒瀉咗啲檸檬茶喺我隻手最後佢一句道歉都冇, 淨係望住我zip左一聲好似我阻住佢做嘢咁...🤯🤯🤯其實都唔係話要佢好誠懇感道歉, 其實講聲sorry都唔係咁難? 喺街撞到人都會講sorry啦仲要杯檸檬茶倒咗落我度...最後叫埋單叫咗5分鐘都冇人理 淨係話等陣等陣成餐飯食得好唔開心, 俾錢買難受, 以後都唔會再嚟食(補充: 然後嗰杯檸檬茶照樣serve咗比台客🤡)
繼續閱讀
本身有好多人推薦呢間餐廳，就諗住個fd生日就去試下，佢book位分2個時段，6-8同8-10，咁我地就book咗6點半，去到嘅時候，都見係full house。由於個日本身係諗住同個fd慶祝生日，就買咗個細蛋糕，去到就叫個男店員幫我雪住先，點知佢個態度真係令人為之一振，第1下佢就皺晒眉咁問我，你係度食定點，我本身就諗住係度食嘅，要俾切餅費都無所謂，但見佢態度咁，真係連切餅費都唔想俾。之後就話攞走，想唔該佢幫我雪住先，結果佢個樣真係好唔願意，如果你唔想雪or無位雪，你都可以岀聲，我唔會強人所難。都唔緊要，我都係想食嘢姐，咁就嗌嘢食啦，我地嗌咗個burrata cheese salad，一個黑松露貓耳朵同埋一個意大利雲吞，個burrata第1下食，我已經feel到條脷有d拿，不過佢個黑醋係好食嘅。呢個都算，個黑松露貓耳朵，一d黑松露味都無，你話個意粉al唔al dente，我就覺得pici都做得好過佢，味又做得好過佢，我唔記得個menu本身係咪話係豬肉腸，𣎴過上到嚟，係肉碎多，個意大利雲吞就正正常常，無咩特別。同埋個portion size我地覺得係比正常細嘅，所以見到好多枱女仔，就算係嗌比較漏嘅白汁，都可以嗌3碟意粉，咁都有好處嘅，就係可以試多幾款，不過我地就算唔飽，都無打算叫第3碟意粉。總括嚟講，服務態度應該係得個位男士唔好，d外國人廚師，同埋有位女士都好好，但環境比較迫，枱同枱之間嘅距離都比較細，嘢食嘅話，就真係無第2次了
繼續閱讀
尋日突然想食意粉，諗起佐敦呢間幾多人推介嘅意大利餐廳，就專登搭車過去試下。餐廳環境其實幾乾淨企理，入面廚師都好有禮貌，主動同我哋打招呼, 我地直接對答問有冇兩人位。然後, 餐廳入面一個男侍應(可能係老闆?) 施施然咁行出黎, 目無表情,用語帶不屑既口吻問多次我地有冇訂枱。我地答冇訂枱,佢保持語帶不屑話 冇訂枱冇位, 想食下次黎之前訂枱, 再跟手俾張卡片我地。佢個種傲慢令我誤以為自己入去食免費飯既感覺。由於廚師既熱情同佢既反差極大, 當下反應唔切冇即場爆佢, 我地問係咪冇得walk-in, 然後佢冇答, 冷笑一下唔出聲企係度。最後我地去食其他野, 佐敦亦有好多好既餐廳。呢次經歷真係差, 唔係要求你特別熱情款待，但係個男侍應既態度同語氣缺乏基本尊重，只係用好少少既語氣態度去講解你餐廳既政策我地既感覺會正面好多。 況且，餐廳喺social media 同openrice都冇註明只接受訂座, 我地WALK IN點解要俾你睇唔起。其實香港既意大利手工意粉選擇多, 要我莫名其妙地受氣同感覺好似我求你俾我幫襯你間餐廳既話, 免了!
繼續閱讀
樣樣都好好食！他他好味，份量比出面多，正！鯷魚意粉，唔咸，好香咸香魚味！意飯好正，係硬硬地個隻！粉仔正，濃多白汁唔漏，好正！好似係主廚自己整！3款甜品都好好食，尤其個lemon雪糕❣️最後一杯檸檬酒，完美。但記得要book位同多幾個人尼食，2個人試唔到咁多嘢！！
繼續閱讀