Siam 28

營業中

休息中

冇book台情況下即去好彩有位置食到，係銅鑼灣係算幾好。燒豬頸肉 香嫩豬頸肉你不可不食，係正常泰餐必點而質量都唔差既一味。獨門醬汁調得恰到好處既惹味辣。香茅雞雞髀菇蛋碎生菜包 有d驚喜，又d上頭，配飯應該更好，因為生菜搭配係一口接一口，口感飽腹而係健康之選。冬陰功海鮮湯粉未辣個度掌控得十分滿意，海鮮足料係有開花魷魚呀，峴肉乾淨，蝦都係去左蝦線先煮，一整個放心食～而粉吸收湯之後酸酸辣辣，真係好開胃～不愧係要等耐d既菜式。芒果煎糯米飯 同朋友都帶著獵奇心點個甜品，食物比餐牌照片要更多更豐富～一整個芒果，煎脆既糯米飯，淋上椰汁醬加芒果之後係甜而不膩，軟軟糯糯好食呀～

今日朋友請食飯去咗一間上樓泰國餐廳，居然有驚喜。兩個人叫咗四個菜：1）Phad Thai 有三隻蝦，醬汁好友泰式風味，比較香濃，係唔錯嘅選擇2）串燒 （雞牛豬各兩支）份量都算幾大，牛就比較有咬口，雞同豬就OK3）生菜豬肉包，可能因為小辣，味道就淡咗啲，但份量都幾大，有六至八片生菜 4）芒果糯米飯：糯米飯係有啲怪，似端午食嘅煎糭咁😅坐到9:00都仲係Food House，真係估佢唔到，絕對係驚喜推介

呢間泰國菜又幾好食 食物款式幾多 選擇困難症嘅我揀咗好耐😂金邊粉好鬼大份 酸酸地幾開胃 豬頸肉燒得好香 第一次食芒果煎糯米飯 幾特別 表皮焦焦地但係唔會影響口感 芒果好甜 醬汁甜度啱啱好

最近同舊同事食飯, 佢帶我黎到Siam 28食泰國菜～ 呢度所有餐點都由泰籍廚師主理，仲有好多地道小食～ 食完都覺得正！炸女婿蛋先黎個小食，原來係炸鵪鶉蛋！配上肉碎、蒜片，d醬汁酸酸甜甜，食落好開胃又惹味，唔錯。紅咖喱燒鴨配薄餅紅咖哩望落好似好辣，但其實唔辣的，食落有好香香茅味！配搭埋薄餅好滋味，燒鴨啖啖肉，份量又多，正！蝦醬炒飯遠處已經聞到好香嘅蝦醬味，炒飯炒得粒粒分明，配料仲有臘腸、肉鬆、豬肉、腰果、雞蛋，口感非常豐富！芒果煎糯米飯最後當然要食埋甜品啦，呢度糯米飯好特別，係煎的，食落口感似年糕，煙煙靭靭～ 呢個季節芒果好當造，非常清甜，必食！Overall 價錢合理,環境舒服, 下次可再黎～

夏日熱辣辣火熱火熱，除咗食涼拌菜，最好就係品嚐泰式風味，貪佢夠香辣開胃。呢日行完Sogo就嚟到Siam 28，食物好睇又好食，實在泰有驚喜😍😍半生熟三文魚伴香茅沙律 ($99) 🐟🐟非常清爽健康，三文魚搭配香茅沙律的組合很適合夏天食用，而且醬料本身香辣，三文魚烤製剛好，十分醒神開胃。泰式濕炒海鮮停頓之麵($122)🍜🍜擺盤吃具用心，十分精美，給人一種視覺上的享受玩味。麵條本身脆炸，配上醬料，半淋半脆，極具口感。海鮮有蝦、蜆等，它們鮮嫩多汁，帶有海洋鮮味。蔬菜則提供了一種爽脆的口感，增添豐富風味。沙爹雞肉及豬肉串 ($99) 🐷🐥沙爹醬汁的味道非常香甜，雞肉和豬肉的口感很厚實，十分惹味，又令人滿足。炸軟殼蟹配紅咖哩蟹肉汁 ($188)🦀🦀炸軟殼蟹非常酥脆，加上紅咖哩蟹肉汁的味道，配薄餅($23)非常美味。芒果煎糯米飯 ($89) 🥭🥭平時食芒果糯米飯都係一粒一粒糯米，呢個煎糯米飯，口感就像年糕，十分煙靭。煎糯米飯搭配芒果非常清爽，配上椰汁，真係甜蜜蜜。Siam 28地址：銅鑼灣軒尼詩道525號澳門逸園中心28樓

今餐好正呀🤭🤭 朋友約我去銅鑼灣吹水傾計血拼，佢喺Sogo 附近揾到呢間咁正既餐廳🍴話成間泰國餐廳都係由泰國人主理，夠哂正宗😄😄我梗係介紹下俾大家啦😃😃食物選擇多又好味，坐得舒服，最重要係服務又好😊😊😊我地lunch 時間去到，假日都有lunch set 提供，選擇仲好豐富😁😁我地叫咗四個前菜、兩個湯、一個side、一個dessert、兩個主菜及兩杯飲品😆😆😆 好滿足好開心😃😃😃Set E Siam 28 海南雞 配油飯- 好味呀！ 油飯做到好正！ 好正宗🙂🙂Set K炒鮮蝦金邊粉- 色香味俱全😄😄😄 整得好靚🎊🎊燒豬頸肉- 嘩，呢個好好味😊😊沙嗲雞- 正😄 烤得唔錯！ 肉質仲好嫩，唔鞋口😄沙嗲豬柚子沙律- 好多柚子☺️ 我鐘意😊😊泰式生蝦- 正！ 有六隻！好味！性價比超高😄芒果煎糯米飯- 好特別😄😄 第一次食煎過既糯米飯，脆脆地軟軟地😆😆 配埋少少甜既芒果！ 正☺️☺️食完一客好想再encore 🤭🤭🤭兩個椰青Siam 28 (銅鑼灣)銅鑼灣軒尼詩道525號澳門逸園中心28樓

銅鑼灣🚇呢間泰國🇹🇭菜館就係 SOGO 格來，地點方便👍而且有細枱又有大枱😎，人多人少都啱來😆，性價比💰亦都唔差。半生熟🐟三文魚伴香茅🥗沙律勁酸甜開胃🤤，香茅味好重，少少🤏辣幾惹味。三文魚🐟煎到半生熟十分之🥰香滑肥美，佢哋話亦都可以💁🏻‍♂️配合客人要求煎🔥到全熟，好體貼。地道🇹🇭泰式海鮮桶🪣，可選二人或四人份，入面有虎蝦🦐、藍青口、帶子、大蜆同埋魷魚🦑，十分之豐富😍，不過最正都係佢個汁，香辣🌶️惹味好好食。帕能咖哩🍛可選牛、雞或豬，我哋揀咗雞🐓，咖哩帶🥥椰香甜同埋微辣微酸，啱晒我口味😋。佢可以配🫓薄餅或者米線🍜，我哋揀咗薄餅🫓，夾埋帕能咖哩🍛雞一齊食十分滋味！

Siam28係嗰晚諗住去銅鑼灣食飯又想食泰國嘢而响Openrice搵出嚟嘅餐廳。餐廳格局似小店，食物+整體感覺其實都係呢個level。😅我哋叫咗個小食層層架、三文魚沙律、炸女婿蛋、泰式海南雞、蒜蓉炒雜菜，最後加埋個芒果煎糯米飯。小食層層架（都係嗰啲嘢啦，不過個芝士蝦餅係爆漿芝士⋯我麻麻地，我寧願食返普通炸蝦餅）同三文魚沙律算中規中矩，炸女婿蛋一般，海南雞都算好食嘅（雞仔嘅級數），個蒜蓉炒雜菜略嫌頹咗啲（係一大pat漿浸住一堆菜咁樣），last but not least最好味嘅竟然係個芒果煎糯米飯！😃 叫做有啲驚喜⋯而杯凍泰式奶茶唔夠凍，要成$58就覺得貴咗少少。🥲兩個人食埋單要成$7xx，感覺唔太抵食，我好似係幫手俾緊租金咁樣。Overall OK⋯啦。😏

今次介紹嘅係一間銅鑼灣樓上泰國餐廳💛 Staff好nice而且食物又好食，一定會再食🤤1️⃣ 炸蝦餅 $92呢個招牌炸蝦餅好脆但無油膩感，口感好彈牙😍👉🏻 𝑹𝒂𝒕𝒊𝒏𝒈 : 𝟴/𝟏𝟎2️⃣ 炒鮮蝦金邊粉 $122 呢個金邊粉份量比平時嘅足料大份，蝦好新鮮，金邊粉口感彈牙，唔會痴埋一舊，好有驚喜🤤🤤🤤👉🏻 𝑹𝒂𝒕𝒊𝒏𝒈 : 𝟴.𝟱/𝟏𝟎3️⃣ 紅咖喱燒鴨配薄餅 $139 呢個咖喱有蠟燭保持熱度，唔驚變凍哂🕯️咖喱同薄餅都中規中矩😢👉🏻 𝑹𝒂𝒕𝒊𝒏𝒈 : 𝟲/𝟏𝟎4️⃣ 芒果煎糯米飯 $89 呢個芒果糯米飯好特別！個糯米飯係煎成一塊塊，口感煙靭又香口，芒果好甜，又足料🤪👉🏻 𝑹𝒂𝒕𝒊𝒏𝒈 : 𝟴/𝟏𝟎5️⃣ 龍眼冰 $48 成杯都係龍眼，係我飲過最多龍眼嘅一次！😍味道就同平時嘅差唔多🤓👉🏻 𝑹𝒂𝒕𝒊𝒏𝒈 : 𝟳.𝟱/𝟏𝟎𝑶𝒗𝒆𝒓𝒂𝒍𝒍 𝑹𝒂𝒕𝒊𝒏𝒈: 味道: 𝟴/𝟏𝟎抵食指數: 𝟳/𝟏𝟎環境: 𝟳.𝟱/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!😋

呢間泰式料理好多特色菜式，富有創新變化。餐牌裏邊有好多選擇，我覺得最值得試嘅係泰式濕炒海鮮「停頓」之麵，打卡影相非常正！▶️泰式濕炒海鮮「停頓」之麵$122呢個炸麵可以凌空停頓起嚟、有筷子支撐着。非常特別😍影完相之後，店員就會幫你將啲麵整落嚟。蛋麵炸得香脆，加埋醬汁食味道唔錯。配料相當豐富有菜心、粟米芯、魷魚🦑、西蘭花🥦、蜆、蝦等等。▶️泰式安格斯牛肉沙律$119呢個有好多牛肉，牛肉嘅調味好似肉碎生菜包咁樣，充滿香料味。牛肉有嚼勁。可以包住生菜食。▶️炸青木瓜沙律配自家製醬汁$99呢個青木瓜炸到一條條，腍腍的口感、再點上泰式辣汁，另外仲配有幾隻蝦🦐▶️炸泰式香蕉🍌$79甜品揀咗在香蕉，一份有七件，非常多。炸得香脆，食落有啲似番薯。▶️Lychee Garden $68呢個飲品有lychee, mint leaves, fresh mint, ginger ale, 酸酸地幾開胃。▶️椰青$42椰青夠冰凍，大大個又甜。

因為朋友生日話想食泰國菜但係又唔想去返九龍城食方便大家返屋企決定，揀咗銅鑼灣本身見OpenRice呢度，好多讚而且相片嘅環境都好舒適，就揀咗呢度後來去到樓下發現，原來呢度全座大廈都係幾乎食肆。但係竟然得兩部lift上。仲要當日壞咗一部lift。結果我同朋友人人都要等兩部lift先上到28樓大熱天時，真係都等到想走。上到去原來環境好細OpenRice嘅相片都係攞到角度好盡嚟影雖然有啲失望不過食物，例如生蝦同串燒都係好食嘅特別鍾意佢串燒嘅醬汁！冬陰功雖然唔係好夠辣，但係就正正啱晒唔太食得辣嘅朋友。柚子蝦沙律都好味。佢個脆脆牛舌，都幾特別。值得一試。豬肉生菜包，朋友就話太辣。但係對於我嚟講又OK其實我哋已經叫小辣當日是日甜品係椰青汁啫喱，形狀整到花花咁好靚。而且服務好好，見我哋叫嘅嘢飲飲完都主動送上一杯清水。 而且可能見我哋都叫得多嘢食，五個人食咗1800幾，佢仲主動送多兩支啤酒俾我哋。

呢日同朋友係sogo行街突然想食泰菜，搵到呢間評價好高就來試下🥰.馬沙文咖哩牛舌 $78炒鮮蝦金邊粉 $98泰式奶茶 +$12泰式咖啡 +$12.點了兩個set lunch，餐湯竟然係冬蔭公湯😍香辣惹味十分足料👍🏻咖啡奶茶泰式口味正，小食炸蝦餅彈牙點泰式辣醬我最愛，柚子沙律上面有炸蒜，清新泰式口味😋.到主菜！泰式咖哩充滿椰香，仲有好多花生🥜😍令味道更香，撈飯一流👍🏻 牛舌淋身，好好食🥰金邊粉賣相好靚，蔥吉住蝦好得意🤣大大碟甜甜的地道泰式風味，好多芽菜豆腐炒蛋相當足料，加青檸、花生碎、辣粉正😎.一個set lunch咁豐富，價錢又合理，難怪咁多人排隊！

🌸泰式生蝦（8隻）｜$149每隻生蝦上面都有蒜片同一小块紅椒，配兩款醬汁，兩款都系辣既，綠色果隻會再辣啲。蝦肉爽口配微辣開胃醬汁系一道好好既開胃菜👍🏻🌸SIAM 28小食層層架（For2)｜$148性價比高既小食拼盤，分別有兩串沙爹雞肉串燒、炸單骨雞翼、兩件炸春卷、兩舊超大舊既芝士炸蝦餅球、全部都熱辣辣脆卜卜。🌸冬蔭海鮮湯粉｜$119湯底可以選擇辣度，酸辣惹味既湯配金邊粉超滿足。海鮮分別有魷魚、蜆、蝦，分量好多，亦有芫茜、芽菜等配料。🌸芒果煎糯米飯｜$89糯米飯加左蛋漿煎成餅狀，味道好似新年蘸蛋漿煎年糕果隻味😂芒果好甜，整體黎講都幾有創意。🌸菠蘿梳打/青檸梳打｜$38預期中既味道～冇乜特別，兩杯都好清爽。

今日嚟銅鑼灣同朋友食呢間泰式料理，呢間新式泰國菜係由泰國人主理，主打創意泰式料理同小食～ 🥚炸女婿蛋 $79呢款小食係炸鵪鶉蛋，配上肉碎同蒜片，醬汁酸酸甜甜好開胃😝，好香好惹味～🍆燒茄子沙律配香茅肉碎鮮蝦 $99茄子燒得好香好淋，配上香茅肉碎好香，加咗椰汁，味道好似冬陰功酸酸地少少辣好開胃😋～ 🍤鮮蝦爽口彈牙，拆咗殼好入味～🍜泰式濕炒海鮮“停頓”之麵 $122賣相好吸引，造型好似凌空“停頓”的麵，麵身炸到脆卜卜，配埋醬汁同海鮮味道好特別👍🏻🌺 Flower $68呢款Mocktail 係由蝶豆花茶，蔓越莓果汁，薰衣草糖漿同新鮮青檸混合而成～ 味道清新，酸甜開胃～ 🍍菠蘿梳打帶有清新菠蘿香味，梳打夠晒氣，夏日消暑一流～

是晚和朋友在銅鑼灣逛街，肚餓了就在澳門逸園中心搵食，siam 28位於高層，一邊享受繁華的城市夜景，一邊品嚐傳統地道泰國小食及創新料理，特別的是這裡的食物出品全部都是泰國人主理。Fried G.Papaya Salad $99一根根的可不是薯條，居然是酥炸青木瓜沙律，和一般濕潤的青木瓜不一樣，吃來金黃酥脆，像炸薯絲一般，沾點醬汁，吸收酸辣鹹甜，口味新奇，還有鮮蝦浸在醬汁中品嚐，值得一試。Roast Duck Salad $79平常泰菜吃生菜肉碎包多，這裡的烤鴨生菜包是餐廳推薦的新奇之作。烤鴨肉非常嫩滑香口，咸香辣惹味的肉絲夾著爽脆清甜的生菜葉，口感平衡，喜歡濃味的朋友不容錯過。Grilled Chicken half $159烤雞外層焦香，有少許泰國特有的香料。烤雞肉非常嫩滑，吃起來肉質結實香噴噴，加上惹味的醬汁，口味有層次。Honey Coriander Soda $48 Flower$68Honey Coriander Soda以蜜糖芫茜及其他材料製成，味道芬芳清爽，芫茜味是入門級，沒有特別喜愛的也可一試。Flower飲品是以蝶豆花茶、蔓越莓、薰衣草糖漿和青檸汁製成的，味道清新迷