Smile Cafe Yogurt.Cake.Comfort Food (已結業)

我喜愛食甜品，甜品對我來說不能只有甜味，能夠做到多層次又有其特色，這裏是我最欣賞的一間。今日選擇了非繁忙時間食甜品，人流不多，地方亦清潔，乳酪選擇了 Love Green Tea, 有8種配料，由頂食到落底都有唔同口感綠茶芝麻脆脆 - 香脆朱古力脆珠 - 份量不多不少，剛好綠茶麻糬 - 粘糯有咬口，綠茶味再濃些會更好綠茶朱古力 - 好正綠茶布甸 - 綠茶味唔夠，呢度扣分朱古力班尼餅 - 濃朱古力曲奇餅咁囉自家制脆粒 - 餅碎芒果粒 - 芒果當做，超甜主角乳酪新鮮夠，又多又實淨。整體上每樣配料都精心製作，同乳酪夾得好味，畢竟個價錢都幾貴下，就係呢份心思令我難忘，一再回味。

smile yogurt我就不嬲都勁中意食架喇（因為佢ge yogurt真係好香好yogurt！！），不過呢家cafe就未食過，今日停一停抖下去食啦，讚好呢個荔枝的甜品最大原因為佢有超strong的荔枝味，好fresh，感覺只係食到荔枝的甜味而完全不是糖，底部仲有荔枝肉tim～

其實留意到這間鋪頭很久了，每次跟朋友經過，都會有朋友提議進去食yogurt 。雖然覺得店的裝修很美很吸引，但是因為本人真的對yogurt 不太有興趣，到現在都沒有進去食過。今天吃過晚飯之後，在新世紀找甜品食，再一次有同行的朋友提議到這裏，看開店都有一段時間，依然那麼人氣，所以最終決定一試！朋友要了banana split，我要了chocolate lover。正如大家看到的，賣相是非常的吸引。當我試食第一口，並沒有個想像中的那麼酸，正確來說應該是酸甜的balance拿捏得非常好！而且口感香滑，配料也配搭得剛好，朱古力夠可可味，但並沒有太甜，加上香滑的yogurt簡直是絕配！對說不上是yogurt fan的我來說，也是會給高分的！而且也會想再吃第二次！P.S. 朋友說他的banana split 也很好味，香蕉的味道也很濃郁。

平時去cwb間smile得企位 估吾到旺角呢間有得坐呢間smile cafe除左yoghurt外 仲有salad呢d輕食 食物款式比其他分店多但我只係口痕食甜野 所以都係叫左yoghurt今次揀呢個yoghurt貪佢粉紅色靚靚地面頭有蝴蝶酥味大餅乾一片紅桑子百力支一條 酸酸尾尾幾得意黃色桂花啫喱都好香 但口感方面實左d再有荔枝汁淋係面 食落係好清新吾會太甜或者濟但略嫌今次杯yoghurt份好似比之前少左d肥妹仔吾夠喉

Smile的乳酪雪糕的確是會令人上癮，即使大部分款式已經重複吃過無限多次，但一而再再而三依然回味無窮。大多時候來到Smile，不想動腦筋都會點選店方精選組合款式，幾乎每次亦離不開配料最為豐富的Golden Smile、Wild Summer和I Love Green Tea，間中想轉換口味，都會自行選擇配料，就當是提升一下新鮮感Base+1 topping的價錢為$42，另加每款配料$6-$20不等，而我就挑選了抹茶糯米糍、芒果熱情果棉花糖、草莓蛋白脆、自家製Crumbs、荔枝及柚子汁，全部配料都是我的最愛My Own Creation with 6 Toppings ($66)煙煙韌韌的食物向來都是我頭號最愛，所以一向非常喜歡糯米糍及綿花糖這類東西。之前嚐過多次Smile的綠茶糯米糍，每次綠茶味都不俗，細嚼之下會在口中散發陣陣綠茶清香；然而這次的綠茶糯米糍完全欠缺綠茶味，不過就比我以往吃過的都還要軟熟和煙韌，算是拉上補下吧第一次嘗試芒果熱情果綿花糖這款配料，不過味道其實與原味綿花糖沒有分別，完全欠缺芒果和熱情果的酸甜果味，不過都一樣煙韌軟綿草莓蛋白脆完全顛覆了普通蛋白脆那種死甜且入口

行街行得耐 除左去coffee shop飲杯咖啡其實去Smile食杯Yogurt 休息下都係唔錯提議Smile有好款Yogurt選擇 真係花多眼亂最後買左兩杯Chocolate Lover & Super Moko之前已經試過Chocolate Lover同以往一樣 朱古力味夠濃 朱古力愛好者必選另外Super Moko 唔知係咪只係MOKO有得食frozen yogurt夠凍夠硬身 加埋中間有層green tea pudding食落好有日本風味 

今次嚟到Smile Yogurt搵食！好耐冇食過yogurt～今日經過新世紀就走咗入去食The Garden ($53)呢個yogurt有紅桑苺棒棒、千層酥網、桂花啫喱、荔枝玫瑰汁、自家製粒粒、草莓蛋白脆同原味乳酪！Smile yogurt嘅乳酪真係滑得來又酸甜適中～難怪佢每間分店都要排隊啦！之前食過芒果嘅配料係比較酸，但今次就荔枝玫瑰汁有特別嘅香氣。粒粒同蛋白脆令軟滑嘅乳酪中多添一個層次感。伯爵茶焦糖布甸（$42）冇錯！小妹最愛嘅伯爵茶味又出場啦不過呢個焦糖布甸太甜了上面個焦糖夠脆～生果就普普通通

話說今晚上課之前只有三十分鐘晚飯時間，又不想吃得太重口味，所以急急腳地選了一間就在來往途中的輕食。一直都算幾喜歡吃smile yogurt的大大杯yogurt，因為多樣的配料能滿足我的心大心細、大大杯的份量能滿足我的食慾、吸睛的外貌又能滿足我的社交網絡虛榮心，而且因為它是yogurt，又好像不需背負太多罪惡感。但最近很多甜品店都像不能自拔地，開始一間又一間賣起咸食來。因為用甜品的尺來估算咸食的我，以為質素也會在同一水平的。可惜，這個世界好像有些事情還是不會十全十美。避開一些肉類和一些熱食類之後，決定點一份蛋沙律三文治。本來以為會附飲品，但點餐時店員提醒因為過了下午五點就要單點，結果一份三文治+一杯熱飲已經$90。當下是有點覺得貴，但倒是抱著期望等嗌號碼。這邊採用自助模式，聽到號碼要到櫃台自取。然而一杯熱飲、一碟三文治、一雙刀叉，竟然沒有托盤，一個人用餐還得走兩次，如果我公主病發作是會有點忟的。三文治是凍麵包夾著蛋沙律、蕃茄片、少許沙律菜、與一片薄薄的芝士，旁邊附有蔬菜沙律。老實說，就是一碟和文字形容出來一樣的食物。薑蜜檸檬茶，也就是想像到的味道。其實所謂美味，還是要吃得出用心才算數。

又食SMILE YOGURT啦!今次睇左好耐都唔知揀咩好, 又想食下生果健康D, 最後就選左看似最普通既Fruity Fruity!最上高有士多啤梨羅勒雪芭, 雪芭個味道一向清新開胃, 加埋BASIL效果更佳, 味道唔係好濃烈既香草味, 但帶出多一份清新既味道, 令雪芭同YOGURT更夾生果有超甜蜜瓜一大片!!!!!  藍莓數粒鋪面有柚子汁, 但就略嫌甜少左左, 有D似濃縮果汁 比較杰身, 或者只係我無留番D醬俾下面既YOGURT, 所以太甜中層有士多啤梨同芒果, 配埋原味YOGURT非常夾BTW, 唔知佢有心定無意, 藍莓加中層芒果拼出左佢地品牌 SMILE *牆上有詳細描述每款材料, 令選擇困難既人更加容易做決定

驟晴驟雨的一天，上午陽光猛烈，曬得快要把人融掉，午後傾盆大雨，照頭向人淋下，在這天氣變幻莫測的夏日裡，來到新世紀廣場內的 Smile Cafe, Yogurt, Cake, Comfort Food吃一杯冰涼透心，清新味美，以芒果、荔枝等水果與原味乳酪為主要材料的 Wild Summer ，頓感暑氣全消，涼快得多。這杯 Wild Summer，除了原味乳酪外，還有不少水果，既有荔枝肉，又有芒果粒，還有透心涼的芒果碎冰，加上澆在乳酪上的紅桑莓汁和埋藏在乳酪底層的自家製脆粒，口感豐富多樣，味道甜中帶酸，而且在最上層還有原粒荔枝，檸檬罌粟籽棒棒和蜜錢蘋果脆片可吃，雖然價錢並不便宜，在夏日炎炎裡，可以吃上一杯，實在令人十分滿足。

2016年5月22日下午5時和家人特地到太子新世紀的 smile yoghurt試試下午茶叫了 all day smile 及 烤雞三文治伴乳酪蛋黃有以下感受：1. 衞生環境很差2. 非常多蚊3. 地下有已溶化雪榚，有兩位店員看見，但都裝作視而不見4. 餐具有食物殘渣黏附，不能接受5. 店員抹台態度求其6. 食物一般不會再來

唔同Smile分店間唔中都會有限定既組合款式 而呢一款正正就係早前新世紀店限定款式 其他分店無架Super MOKO ($63)配料方面 除左有面層既紅莓熱情果脆棒同朱古力牌外 雪糕中間仲有抹茶布甸同士多啤梨 再淋上芒果汁其實 呢款吸引到我買既重點正正就係中間一層抹茶布甸 自選配料無抹茶布甸可供選擇 而其他組合亦無呢款配料 當時I Love Green Tea仲未出 要試到抹茶布甸就只有購買呢一杯抹茶布甸同平時既布甸質感截然不同 不但不軟身而係比較硬實 更加唔滑溜而係比較粗糙 有少少似中式糕點既質地 不過我個人覺得呢種質地幾討好抹茶味濃度方面 係食落口慢慢先會滲出黎 抹茶味逐漸愈來愈濃 不過乳酪雪糕味道始終太突出 雪糕布甸同吃布甸既抹茶味就會徹底消失 如果想試真啲抹茶布甸既抹茶味 就只有單吃細味了 美中不足既係最底層既士多啤梨真係好酸好酸 不過呢點亦證明士多啤梨既新鮮 有利自然有弊

今日跟男朋友來旺角新世紀廣場食甜品～ 一看到menu, 就挑選了這間食乳酪的店舖～ 在帝景酒店旁邊～ 一去到已被店舖的裝橫吸引著，非常漂亮，而且因為在角落位置的關係，很少人經過，變相坐得好舒服～ 我跟男朋友坐了出面，點了兩個yogurt～ 雖然見到有其他食物可order，而且蛋糕望落亦非常吸引，但因為呢間店主要sell yogurt，而且之前已吃得飽飽，所以點了兩款乳酪～我點了A- vanilla sky ($53)- 我第一口吃的不是乳酪，反而是旁邊插起的四，五塊餅乾，非常美味，脆得來帶點焦糖味～ 而乳酪加上雲呢拿醬則非常好味，而中間有兩層水果，中間是非常甜的芒果，而最末那層是藍莓，可惜太酸～ 而且嗰味不太相襯～ 但總括而言非常好味～ 但價錢始終有些貴這個是D- very healthy mix ($53)- 這杯是我男朋友點的，貪佢話係‘非常健康’的配搭～ 可惜我男朋友吃第一口已經說：不太健康唷，因為好甜～ 甜在什麼地方呢？原來落了蜜糖～ 我試了一口，真的太甜～ 與健康這兩字不太相襯～ 但配上的生果很甜很美味～ 整體不錯而下次我係想試蛋糕，飲品等～ 我相信質素應該不錯的

Smile真係會食上癮 每次食完成個人都開心啲 好味到會令人會心微笑Wild Summer ($70)睇名都知呢款既配料組合同夏天有關 有好多款夏日水果 檸檬麵包脆棒 蘋果脆片 荔枝 芒果 芒果碎冰同自家製牛油Crumbs 再淋上紅桑子汁面層粒荔枝外貌十足十帆立貝刺身 好甜不過應該係罐頭糖水荔枝 所有配料夾埋 非常清新開胃而我最鐘意既超濃牛油味Crumbs絕對係錦上添花

今次試這間Yogurt,近旺角火車站玻璃柜，蛋糕外表吸引，yogurt夠大杯，今次點左2杯yogurtbanana split,chocolate lover嘩！加錢配了一雙蝴蝶(蝴蝶不是裝飾紙，可以食落肚 )乳酪幼滑，重牛奶味，酸度適中，而且夠凍(食左半杯，依然未溶)，隔層有餅碎，有口感值得再試！