影片
港鐵旺角站 E1 出口, 步行約1分鐘
繼續閱讀
營業時間
星期一至日
12:30 - 22:30
以上資料只供參考, 請與餐廳確認詳情
今晚同朋友o係朗豪坊睇戲，未到入埸既時間，我哋一於去搵下食醫下肚仔先，用 Openrice search下附近有咩好西食咁啦，比我哋搵到10樓有間笑哈哈餐廳，隔離仲有得睇下眼鏡咁，又幾得意喎。我哋叫左「香煎肉眼扒配薯條」， 肉眼扒可能煎得稍為過熟，有點韌身及加上有點筋，咬得牙仔有點辛苦，同埋唔係太方便，因為會痴牙。「卡邦尼意粉」意粉既韌度剛剛好，不過略為不太夠味，可能芝士和忌廉都不太足夠吧，煙肉亦過了火喉，比較硬。不過勝在環境氣氛夠輕鬆歡愉，顏色好豐富，店內的餐具、Menu、擺設、四周圍都係笑哈哈和以黃色為主大前題，這個一進餐廳內就已經可以感受到。食完飯仲可以過隔離睇下眼鏡，買下戰利品咁，都相當唔錯喔。
繼續閱讀
難得中午可以出走，一行九人來到朗豪坊食個晏。同事說想試下這間餐廳，因為睇相都覺得開心，咁大伙兒就一起來了。來到才知道是眼鏡店egg 內的cafe, cafe 位不多，因為時間尚早，待應幫我地安排坐在一個獨立的corner,好似包廳咁，又幾好喎！一進內，周圍都是色彩繽紛的smiley ,見到又真係幾開心架，瞬間成個人充滿了活力！set lunch 選擇不算多，起初都選不到，最後決定跟食神同事order餐桌紙都靚爆燈，在這樣的環境下進餐，心情真的特別愉快！set lunch 包餐湯和多士，餐湯是雜菜湯，不過無咩味，好似飲水咁，多士就很脆卜卜，但size 太細，可愛的同事以為一人一碟，其實是一人一小片。跟食神同事點了香辣海鮮意粉， 微辣 ，意粉軟硬適中，夠醒胃！加十蚊點了杯蜜桃乳酪汁，又係有smilely 裝飾！其實吃什麼都不緊要，最重要既係同誰一起吃，在這環境中與志同道合的同事一起進餐，食物的味道也不是重點呢！後記：平日中午還有85折，七十多元，買個環境都值啦！
繼續閱讀
I wonder is it most of the brands after getting their business on track, their next phase is stepping into food & beverage industry. I had bought their eyewear products before, and wonder what their cafe would be like.I have no hesitation in trying their cafe as their main colour tone is yellow, which is my favorite color. The spaghetti dish is alright with this reasonable price and pretty chill place for hangout.
繼續閱讀
星期六嘅朗豪坊真係逼爆，食肆 food court 冇位點算好？呢間就可以滿足到懶人啦 又吾駛排隊又坐得耐👑飽鍋海鮮飯 (~$130)滿滿的蜆肉 青口和蝦。最主要是飽皮焗得金黃鬆脆 又有很香的牛油蒜蓉味美中不足是白汁味道太淡 如加上些少黑胡椒層次感更多建議開心share 因爲一個人絕對吃不完朋友點了一口牛柳扁意粉 (~$75)味道一般 牛柳粒有啲牛味 但略嫌太熟 有點韌但在朗豪坊這種貴價商場 又唔駛同人逼 唔駛排隊 又冇人催你走 呢個價錢同質數就算係咁。
繼續閱讀
夜晚去朗豪坊睇眼鏡，發現原來呢到有一間眼鏡crossover既餐廳，行到攰攰地就決定直接係到食埋晚餐。今晚叫左牛油果雞肉藜麥沙律，肉眼扒同埋燒三文魚意大利飯。首先上既係餐湯同埋沙律。餐湯方面細細碗酸酸地幾開胃，配塊麵包亦都增添口感。沙律就比想像中出色，雞肉有調味之餘燻完唔會太乾身，藜麥份量唔小，配埋沙律菜好好味！跟住就到主角肉眼扒同意大利飯喇，肉眼扒要左5成熟，雖然表面煎得唔算太靚仔，但係口感同味道都唔差，食得出唔係平時茶記食開既「牛扒」。而意大利飯creamy得嚟唔會太膩，配上蟹子亦加重左口感。三文魚就非常juicy，同沙律塊雞扒一樣唔會太乾。總結今餐既食物質素加上舒服既環境算係值得推介既一間餐廳。
繼續閱讀