SMILEY CAFE with eGG (已結業)

今日同朋友係朗豪坊睇衫行街後，順便揀左間可以坐下既cafe, 呢間cafe好特別，係眼鏡EGG品牌，店鋪一邊係cafe一邊係賣眼鏡。而cafe呢邊有種happy既感覺，好多笑哈哈，連碟都係。我同朋友叫左bb小食拼盤，香煎肉眼扒配薯蓉，香煎虎龍蝦汁扁意大利粉，仲有2杯野飲同2個甜品。首先講左野飲先，我叫左smiley blue 海洋檸檬梳打，杯野飲望落去一層層好飲海洋咁，帶小小檸檬酸，好開胃，而另一杯蜂蜜西柚茶，唔似一般西柚蜜死甜，有d新奇。bb小食拼盤，有蜜糖雞翼，馬介休，芝士條每樣3件，加薯條，同小小沙律菜。份量岩岩好。香煎肉眼扒配薯蓉，肉眼扒煎得岩岩好，調味都唔錯，肉質鮮嫩，薯蓉都好滑。虎龍蝦汁扁意大利粉，蝦食得出好新鮮，醬汁好味，令成碟意粉升華不小。雲呢拿朱古力脆脆雪糕杯，雪糕配上朱古力脆脆係經典組合，大大杯，2個人share都得。法式焦糖布丁，上面層焦糖燒得脆脆，整體唔會太甜，不錯。整體黎講，成間店無論食物定環都好適合打卡，啱晒同姐妹一齊黎。

早幾日見到有網友介紹，喺朗豪坊呢間眼鏡店外面開左間用哈哈笑作為主題嘅餐廳，應該係新嘅，自己都算係半個smiley迷，屋企都有好多產品，知道佢地開左，都搵日過來試下食lunch，咁近啱哂。同幾個同事來到，餐廳位置唔係好多，我地來嘅時候已經係下午茶，就唔係話好多人，可以輕鬆用餐、影下相。門口都陳設左好多相關產品，周圍都貼埋哂哈哈笑圖案，如果係粉絲又或者鐘意呃like嘅人啱哂。lunch價錢唔貴，套餐五十零蚊跟埋飲品，我地點左d野分享食。卡邦尼意粉：午餐附上飲品，我地加左十蚊配梳打。意大利粉份量剛好，一人用。意粉唔會煮得太lum，仲幾彈牙，裡面加左磨菇，卡邦尼醬唔會太杰，所以食落唔會好濕立整體幾好食，不過略為鹹左少少，可以接受。煙三文魚雜菜沙律：48蚊一大碟，有三至四塊煙三文魚，沙律菜墊底，份量相當多。唔係太大食，我地啱啱好。不過店員忘記問我地要咩醬？所以食落有d dry。蜜香雞翼配薯條：小食都有幾款，雞翼都連埋沙律菜上，薯條即時炸起，粗薯，唔會太鹹，幾好食。雞翼比較細隻，共三隻，蜜味唔係好重手。自家製烤豬肋排：點左半份，價錢68蚊咋，抵食！醬烤味香濃，肉質唔老，入口離骨，又唔會痴牙而且半份

好一排無去朗豪坊，前身係小甜谷原來已經變左Smiley Cafe，成間餐廳既擺設有好多笑哈哈，嗰日去到都差唔多滿座，咁多人食我地又唔執輸即管試下新野😄👁‍🗨 小食拼盤（7/10）💲98拼盤入面有鱈魚球，其實係鱈魚加上馬鈴薯泥既馬介休球，不過鱈魚味唔出，反而薯仔味更重，似食緊薯蓉，都幾飽肚🤔芝士條就比較硬身，但係入面芝士味都幾濃🧀雞翼辣辣地，感覺惹味🐥薯條係我地至愛既粗薯黎既，薯仔再加咁多薯條真係好薯好薯🍟😂👁‍🗨 香煎肉眼扒配薯菜（6.5/10）💲98 (Dinner Set)呢塊肉眼扒望落吸引，尤其係紋界得幾靚，仲要係厚切可以啖啖肉，可惜我地唔記得講明要幾多成熟，所以煎得比預期中熟，比較韌身同乾身，點埋醬汁一起食更好🤤個餐包一客甜品，當日係雲呢拿雪糕，同埋包一杯餐飲，就加錢轉左Smiley Blue海洋檸檬梳打😎👁‍🗨 香煎虎蝦龍蝦汁扁意粉（7/10）💲108呢三隻蝦帶點鹹香，口感爽口彈牙🦐至於個龍蝦汁都幾香濃，滲透曬落去扁意粉度，所以唔會話好乾，頗為易入口既🤗而且粉既軟硬度同份量亦都適中👁‍🗨 鮮芒果芭菲杯（7/10）💲68芭菲杯份量都幾多，兩個人食岩岩好😎面頭係雲呢拿味雪糕，吾易

朋友不開心,特意帶她來這間smiley cafe☺希望令她心情好一些吧!在門口已有一大堆可愛的smiley face 迎接你😍😍店內所有陳設和餐具都是smiley face的,非常治癒Menu在平板電腦上,但order還是要人手落的小食我們叫了蜜糖雞翼配薯條($48),雞翼做得挺入味,不乾身,薯條雖然不是我喜愛的粗身薯條,但還算不過不失朋友點了烤雞沙律($48),忘記問她的評價,但見那麼大的一碟她也差不多把全碟吃完,應該還不錯吧我自己則叫了三文魚蕃茄汁意粉($68),三文魚是切碎了混到意粉中的那一種,意粉味道不錯,蕃茄汁濃淡適中然後飲品方面,我叫了雲朵紫薯牛奶($38),真的好美好美! 飲品上有可愛的眼鏡笑哈哈圖案,雲朵棉花糖☁☁懸在半空中好可愛,紫薯牛奶也不算太甜,很好喝!唯獨雲朵棉花糖是觀賞性的多,太甜了~朋友的是熱Mocha($34),沒有雲朵,但都有可愛的smiley face在飲品上價格方面位於朗豪坊有如此環境及水準的cafe算是合理,而且更不收加一,最後還送了85折的優惠卷可能待應經驗不足,服務方面確實是有改善的地方,例如下單的侍應並未能準確快速的下單,我朋友的普通Moch

放假同朋友去朗豪坊Shopping, 朋友話想佩副新眼鏡過新年, 陪左佢去呢間eGG眼鏡店揀, 原來呢度除左有眼鏡賣, 相連還有一間面積少少既CAFE。坐埋一邊等朋友慢慢揀, 同時亦順便食DINNER~ 餐廳內以笑哈哈做主題, 很有童真, 而且給予人一個開心環境下用膳。呢度提供小食、主食、特色飲品同埋甜品, 當中既飲品同甜品更有多款選擇, 大部分款式都很有特色呢~先來一個前菜小食開開胃, 【蜜香雞翼配薯條】HK$48雞翼煎得金黃, 表面更有一層薄薄既蜜糖平均包住雞翼, 甜甜的, 不過外皮不脆, 但內裡帶些少肉汁, 不會太乾。薯條好幼, 而且份量好似太少...朋友ORDER左【波子汽水沙冰】HK$42對於呢款飲品有點驚喜, 沙冰中層加左cream, 所以飲落有D似波子汽水奶昔, 帶點甜又杰杰地, 沙冰打得非常幼細而我一向喜歡食棉花糖, 看到MENU上既圖片, 立即被吸引住, 務必要order!【雲朵紫薯牛奶】HK$38大大個棉花糖已經很吸晴, 襯托一杯粉紫色笑哈哈既紫薯牛奶, 單看賣相已經很醒神! 味道更幼滑, 奶味濃郁, 淡淡紫薯香, 很少可係其他餐廳可以飲到。【香煎虎蝦龍蝦汁扁意粉】

朗豪坊係eGG隔離新開的cafe.以前係小甜谷的時候都吃過一次，見換左就試下。#環境，裝修同佈置好可愛！好鍾意d燈同哈哈笑的氣球D燈有種old school feel.#牛油煙肉分享包，首推呢個！有d意外地好食，芝士唔會太漏，配合d煙肉鹹鹹地，都幾好食。熱的時候軟d，比較香，凍左個包比較脆，都好食～#小食拼盤，正常味道，不過不失～有雞翼，薯條，芝士條，仲有一個係炸魚？（唔記得）#雲朵朱古力，幾好飲，比較濃，不過甜左dd有棉花糖，影相顏值高（）#服務，好主動，態度都好好！佢地d杯杯碟碟真係好靚，唔知有無得賣呢～

今日同表弟旺角行街街,佢話要行朗豪坊,咁上下時間想食午餐,睇睇水牌有間餐廳叫smiley,個名咁正能量,就幫襯佢喇。去到餐廳門口,果然勁多哈哈笑公仔,表弟勁like,即時不停影相放上網呃like先,睇真D原來餐具,水樽都係哈哈笑圖案,未食野都感覺好開心。原來餐廳是egg眼鏡同集團,食物未到仲可以週圍睇下眼鏡框。餐牌是用ipad,可以一隻手指碌來碌去慢慢睇,食物種類都很多,牛扒,all day breakfast及各種小食。煙三文魚雜菜沙律,煙三文魚厚切夠新鮮,沙律菜全部都很爽脆,配埋芝麻汁食,相當醒胃。全日早餐加大版,份量真係好夠.炒蛋非常之香滑,德國腸皮脆味道不錯,炸薯併同蒜蓉多士很香脆。小食拼盤,有四款唔同嘅小食,燒雞翼微辣,皮脆,味道很惹味,炸芝士條皮脆內軟,芝味很夠,鱈魚球用薯蓉包裹着鱈魚再炸,味道幾豐富。香煎肉眼扒配薯蓉,肉眼扒厚切,表面燒得很香但肉質仍保持很嫰滑,而且牛味很濃,點埋附送嘅醬汁,味道真係一流。飲品方面,熱蜂蜜西柚茶,熱辣辣西柚蓉勁多,好滋潤,雲朶特濃朱古力,熱朱古力味道相當香濃,表面當然有可愛哈哈笑拉花,朱古力上邊有一舊很大的棉花糖,隨着朱古力熱度,可以令到棉

晚上相約友人在朗豪坊看電影，打算先祭五臟廟，經過十樓時被一個個黃色笑臉吸引住了，原來是間新開張的café。此店上一手是小甜谷，均與鄰舖EGG眼鏡店有合作關係。客人如果購買眼鏡特快一小時取貨，可以在Smileycafé吃點東西歇一歇腳。Dinner set價錢相當合理，有主菜、甜品、飲品。另外有一電子餐牌，有其他沙律、小食、甜點可選。整間餐廳從餐墊、餐具至大小裝修均充滿笑哈哈圖案，令人心情也不期然地好起來期間不少大人帶著小朋友入座，看來餐廳將會大受小朋友歡迎刺青瓜煙三文魚蟹子他他 $78數片煙三文魚放面頭裝飾，比較像是沙律，味道中規中矩。小食拼盤$98有鱈魚球、芝士條、雞翼、薯條，個人比較喜歡芝士條，炸得香脆可口，雖沒有強勁拉絲效果，勝在芝味濃朋友的Mocha朱古力味頗濃，咖啡味相對較弱。香煎肉眼扒配薯菜 $98 （set dinner)肉眼扒質量確實令人喜出望外三成熟煎得剛好，有肉汁，配搭蘑菇汁也不錯。$98這價錢超值!包鍋西班牙海鮮飯 $98以大大個農夫包盛載，麵包烘得脆卜卜，撕開時咔嚓咔嚓的聲音脆得像薯片般西班牙海鮮飯夠乾身，沒有沾濕麵包底部，整體很不錯，非常飽肚。雲朵特濃朱古力

日前經過朗豪坊，發現這間新開的餐廳在10樓的角落，所以和朋友試一試發現環境舒適，味道不錯而且性價比高。趁着周末再和男友到訪。餐廳裏佈滿不同嘅表情圖案，全部都係笑容，不愧為Smiley cafe。餐廳有唔同嘅小食、飲品、甜品、主菜供應。亦有不同嘅套餐，價錢介乎於$58至98之間，套餐中包括主菜、飲品、甜品，對於在朗豪坊的餐廳來說，價錢非常划算。可惜忘記左影餐牌。因為飯前食咗小食,所以今次和男友只係各點了一個餐Share。意粉一到，店員提醒小心碟便非常熱，賣相非常吸引，份量也不少，明顯即叫即焗！而且當我們拌勻意粉時，內裏嘅意粉並非白雪雪！已有芝士和醬汁！唔可以有拉絲嘅效果！意粉味道濃郁，有唔少番茄同牛肉粒，但味道不會又過酸。不太好肉醬意粉嘅我也覺得不錯。上次光顧時，看見別枱嘅肉眼扒賣相不錯所以今次也來一份。 上枱時發現雖然份量不大，但賣相吸引！切開牛扒發現大約七成熟，肉質嫩滑，即使扒邊亦沒有韌嘅情況,一如想像牛味欠奉，但有油香，對於＄100有找嘅牛扒套餐，着實收貨了。伴碟嘅配菜也比想像中好，薯條香脆夠熱，配以胡麻醬嘅沙律亦新鮮。如果想平平哋，鋸下扒也係不錯嘅選擇。食完仲有除餐附送嘅小甜品，