Soho Lounge

營業中

休息中

啱啱聽樓上啲師兄講話Soho 泰國嘢食好食, 諗住今日去一試.總共叫了四set啤酒, 八様菜。 埋單就只係同我哋講$1800， 張單完全冇嘢食價錢。 佢最後手寫嘢食張單出嚟都爭成二百幾，仲話餐牌嘅價錢係唔啱嘅. 之後話nuts加$100。 就算nuts+$100都爭成百幾蚊。 見我哋飲到醉醉地就亂收錢, 大家小心吧.總共叫咗八樣餸，張相中間嘅就跟餐單價錢。 佢加埋嘅都唔係$640。 我計連埋四set酒都係1500百幾， 之後佢話有$100係nuts. 總共收咗$1660 . 比起佢同我講話收1800都係多咗百幾蚊.

Guinness，新鮮機打不是罐裝，特別清新。Dada white wine，見到藍色有點卻步，唔會勁甜掛？提子甜味突出，幸好不太甜亦無石榴味。青木瓜沙律，傳統泰國嗅水，辣度高涼浸浸，嗅水不嗅，味道獨特，爽脆青木瓜絲，酸辣帶鮮茄味。泰式酸辣鳳爪，酸辣並重，整隻啪入夠豪氣，爽脆過癮，再凍要點更好。泰式生蝦，即叫即劏不是預先預備，新鮮度保持高質超班不容置疑！爽彈黏黏濕濕的蝦肉滑溜溜，濕潤細緻淡水蝦滾上酸辣秘汁。酸辣汁係靈魂係精髓所在，捲上辣椒蒜片提鮮提味，夠酸夠辣夠惹味，還有生蒜辛辣味道，真的生色不少，嘆到不能發出任何聲音，被轍底擊潰﹗如有苦瓜片就更開心更錦上添花。沙嗲串燒，新鮮出爐滴著肉汁肥美雞肉，彈滑鳳脂甘甜。豬肉有著兒時路邊小販串燒風味，焦香外脆，嚥韌油香。兩者醃味醇美充滿香茅獨特氣味，食完唔怕比蚊咬，串串都好食好食好好食！可能係全大埔最好食既串燒，非食不可，必食推介！帶辣花生味濃沙嗲醬，厚厚醇美使得雞肉豬肉更加滋味！炸魷魚鬚，魷魚天然味道突出吸引，質地嚥韌頑強，趙到我牙骹軟軟的，而且脆漿略硬刮口啊。椒鹽墨魚咀，圓碌碌大大粒好鬼得意架呢！鋪滿惹味的炸蒜酥，整粒掉入口一咬爆汁脆卜卜，鮮

走來走去一整天, 身心亦疲勞了. 食完飯, 胃子仲有空間, 吃甜品去?? 我不是甜魔, 一個人比較少吃甜品. 行行下, 看見有open式既酒吧, 感覺比起那些拳手吧清靜, 冇咁雜同relax. 一丁人, 就直入吧檯. 做個獨自浦吧的憂鬱帥哥.地方就是open, on tap既有不少名酒選擇, 而且啤妹沒有hard sale你飲佢既品牌啤酒. 來的, 大多是老外, 一大班人來是特登來談天的, 沒有人係度 "十五、二十、開哂、對........."坐在吧檯的, 亦有幾名像我一般, 一個人收工後, 扮哂憂鬱係度Happy Hour既帥哥.叫了一杯Stella, 係新界區既酒吧. 價錢方面, 比市區的平一大截. Happy Hour 做到8點, 一pint Stella 只是$24. 同出面市區的比, 同樣的酒, 同樣的份量, 顯得酒既貴平, 全部都是因應鋪租多少而定. Stella, 比利時最出名既啤酒, 全名 Stella Artois, 比起其他啤酒, 苦味重DD, 酒精濃度亦較強. 感覺上, 酒量不好或初學飲酒既人, 不宜攞Stella黎"劈". 而且一定要凍飲, 擺耐左, 凍氣冇哂

自19歲開始飲酒起, 都響度飲左三年啤酒.... 飲既係一份感情... 特別同bartender and d 待應熟左開始.... 成日都心掛掛, 搬左都特登返黎飲, 70蚊的士錢都在所不惜.... 好啦, 講完題外話~~~呢度d 泰式野食真係一流, 特別炒金邊粉同埋生蝦刺身~~~ 我覺得落黎唔食返次, 真係有d 晒.....飲野方面, 勝在生啤款式多.... hoagaarden 乃本人首選~~ 之前飲開喜力生啤, 但係有一排喜力生啤d 質素唔穩定, 轉飲hoagaarden 之後, 對呢隻白啤酒著左迷tim.... 其他cocktail 都幾ok架, blacklabel 溝可樂我好多時都叫下黎飲~~ 落到黎, 都係見到其他熟客多囉, 但係一有足球直播, 就會好多人... 就算歐國杯決賽呢類大賽, 都係100蚊包兩杯野飲, 對我呢d ok飲得既人黎講算抵過其他吧啦~~

玩具塵旋風式襲港，沒有8 號風球，卻帶來滂沱豪雨，原本要番教會聽talk，但因黑色暴雨關係取消，造就了可以捧一捧愛隊場，在大埔墟睇波我不作他選，與男友一同來soho，不知是否因為大雨關係，甚少人，我們選了對正大電視的沙發，先叫了kilkeeny 和hoegaarden，再order 了泰式金邊粉。金邊粉非常惹味，又大碟，配料勁多蝦，絕不欺場，眼看愛隊上半場已入兩球，極為興奮。下半場剛開始，正好是happy hour 的last order，趕緊多點一杯菲律賓生力，繼續看比賽，這兩季愛隊成日中柱，那所謂的前鋒把握力又「超乎常人的好」，看得我心都跳埋出嚟，如果唔係咁，至少贏5 粒啦！

入完長洲，庸懶的感覺揮之不去，回到大埔才不過6:00 左右，不想太早回家，於是轉到巴入杯嘢，繼續hea。是日沒有喜力生啤，要了kilkeeny、嘉士伯和Hoegaarden，看著意大利vs 西班牙的友賽，下半場西班牙7 號仔David Villa 一記世界波大破保方鋼門，認真厲害；接著法國vs 英格蘭，列貝利12 碼一球茵勝，論賽事可觀性當然不及前者，就這樣坐到8 時多，才施施然回家吃飯。

上個星期個friend話想約我去呢間食飯,本來都無諗過喺BAR食,硬係覺得怪怪地,點知佢同我講試下啦唔錯架,心諗Bar 點會食嘢好架,啤酒就叻啫！到左之後發現佢裝修左，多左d sofa ,坐低之後攞起個meau一睇之後都無咩好叫,又見咁夜咁咪求其叫左一個雞肉沙嗲同一客肉生菜包囉，都等左好耐架,不過同個friend叫左杯啤酒咪算慢慢等,大概30mins 終於有得食,先黎個沙嗲....咦~熱辣辣幾好味噃,沙嗲醬夠,唔錯。再等左一陣我嘅至愛生菜包上場...嘩~d 生菜好新鮮，d肉碎、紫蒜加上檸檬汁同辣椒,簡直係難以形容,總言之一句:正；$40 一客唔算太貴，有水準，拍得上九龍城！3個人5杯啤酒成為$270

星期六晚，家住大埔的我，跟友人在主場看愛隊vs 艾歷臣領軍，自開league 以來未嚐一敗的曼城。9:50 入座，吧已大半滿，立刻order 了hoegaarden 和kilkenny，跟著點了炒金邊粉和一客薯條。酒先來，味道當然是good 啦，跟著邊看球賽，邊等食物送來，看著頭15 分鐘被人以排山倒海式的攻勢，攻到有氣冇碇抖，真係心臟病發作，25 分鐘，正當開始搶回優勢時，金邊粉端來，邊看電視邊夾粉上碟，全程有夾冇食，專心看比賽。直至上半場完結，才正式吃著那碟炒得勁好味的金邊粉，辣而不搶喉，好正，還有大大隻蝦，$40 真係抵到爛。薯條係我至愛的波浪紋，炸得過了火，但尚可接受。我和友人趁下半場未開始，拿拿臨ko 了碟金邊粉，跟著來多兩round 啤酒，當下半場80 鐘愛隊中鵠，開心到成間吧震天，非常high 呢！

啲 金邊粉係喺 隔離酒吧莎士亞炒過黎架,除左金邊粉,生蝦都好好味,好多人食架

夜晚十一點同朋友去soho飲野佢推介0個度0既泰式炒金邊粉唔知咩問題啦我要點左成粒鍾碟野先上正想發難之際一入口,即係發覺等一粒鐘都值!熱辣辣的,未食已經覺得好香好有鑊氣入口酸辣,大概八分辣兩分酸,好惹味十分開胃.我朋友怕辣都忍唔住要不停咁夾金邊粉稔得0黎不失煙韌配合豐富用料,包括原隻鮮蝦, 泰式香料, 蒜頭同蛋口感一流!整碟炒粉食到落尾都仲係咁好食因為佢兩點左右已經打烊我地未食完晒碟粉就要閃而家諗番真係好鬼後悔呀!極力推介!!!!聽我朋友講soho cafe0既老細都有攪開泰菜館0的貨都係0係0個度拎返0黎唔怪得咁有水準啦!!

其實我幾鐘意落ｓｏｈｏ，一黎開放式ｂａｒ都冇乜點察牌，二黎我好鐘意食佢ｄ蝦片，幾正! 一個冇野做同ｄ　ｆｄ坐下傾計既地方。不過咁就緊係比唔上尖咀，銅鑼灣ｄ　ｂａｒ架喇