SONIA COFFEE

營業中

休息中

Sonia coffee 新開左新蒲崗店，仲有户外位，秋風送爽，係出面食特別有mood。餐點都幾大份，而且有質量，性價比高。店內環境也很不錯，樓底高，喜歡這裡的日式昭和風裝横和木製傢俱，燈光柔和，很relax。Dinner menu 推薦大家試溫泉蛋山葵卡邦尼意粉 set $103，包飲品，野菜沙律，味噌湯，賣相吸引，意粉wasabi味都幾嗆，好刺激，份量都幾大份，好足料，加埋温泉蛋，蛋汁令味道更豐富，簡單的雜菌和bacon配料已經好好味。沙律仲有大大粒蜜瓜，熟度剛好，都幾有質素。熱美式咖啡果然係招牌咖啡，推薦!下次會再試其他咖啡。靜崗抹茶厥餅配以黑蜜(三件) 跟餐+$15，口感幾煙韌，唔錯。和風芝心漢堡扒x黑毛和牛薯餅蛋包飯 $108，可以揀野菌咖哩汁，好少餐廳有呢個組合。漢堡扒真係有流心芝士，和牛薯餅牛味香濃，炸得香脆，咖喱味也很濃郁，是有質素的晚餐。最後點少得食返個甜品結尾，靜岡抹茶小豆窩夫配豆腐雪糕 $98，窩夫外脆內軟，豆腐雪糕味濃厚，紅豆好大粒，煮得軟糯，仲有厥餅，呢個組合無得輸。

見到好及差的食評都有，決定去試吓體驗吓，叫咗榛子朱古力曲奇窩夫配朱古力雪糕，好大碟好食，慢煮叉燒滑蛋芝士漢堡配野菜沙律及薯角，好食，兩杯白咖啡，沒有特別好飲，但也不太差。侍應都係20多歲的年青人，沒有熱情款待😅跟大多數餐廳一樣，自己用手機落單。

京都昭和風喫茶店由旺角及中環開到來新蒲崗，融合咖啡店同餐廳，極有歷史復古感。餐廳採用深棕木色，配合柔和昏暗的燈光，如置身於日本喫茶店一樣。他們更有晚市套餐，而且價格只係$63-$78，非常抵食！海鹽焦糖風味鮮奶咖啡來到時已散發出濃厚香味，入口綿密而輕盈。野菜沙律及味噌湯沙律清新脆口，味噌湯咸香開胃。自家制明太子海老餅漢堡配野菜沙律及脆薯角 海老餅漢堡甚有驚喜，海老餅中加上明太子醬，令口感更有鮮味，微微香辣，非常惹味。而且還有脆口薯角，爽脆沙律，絕對飽肚！溫泉蛋山葵卡邦尼意粉卡邦尼意粉加入山葵口，味道出奇地夾，口感順滑之餘，多了份微辣刺激感，淡淡濃香。忌廉焦糖吉士布丁吉士布丁蛋香味濃，焦糖味濃厚，口感香滑，充滿日式風味。靜岡抹茶蕨餅配黑蜜入口煙煙韌韌，茶味份外香濃回甘，配上黑蜜，味道更有層次。

同朋友👩🏻‍🦰一齊喺新蒲崗，佢帶咗我嚟呢間日式🇯🇵coffee shop兼西餐廳食晚餐，原來係嚟自京都， 喺日本🇯🇵1970年已經開業，餐廳名字叫 ソニア コーヒ🤩呢度有幾款「晚市套餐」，揀咗 $129「慢煮叉燒滑蛋芝士漢堡配野菜沙律及脆薯角 チャーシューチーズバーガーに野菜サラダとポテトウェッジ」，「晚市套餐」包「味噌湯 同 野菜沙律」，另外有多款飲品甜品可以配搭，咁揀咗飲品「白桃脆脆牛奶」同埋甜品「靜岡抹茶蕨餅配以黑蜜（三件）」🤣「味噌湯 & 野菜沙律」 簡單幾好飲 & 簡單幾好食🤣「白桃脆脆牛奶」揀咗少甜少冰，脆片脆脆哋，白桃牛奶幾清新🤩「慢煮叉燒滑蛋芝士漢堡配野菜沙律及脆薯角」：慢煮叉燒薄切幾軟熟😋，雞蛋幾滑🤩，芝士有少少鹹香🤣，薯角好香口😁，配埋漢堡包幾好食😋$98「自家製明太子海老餅漢堡配野菜沙律及脆薯角 自家製明太エビバーガーに野菜サラダとポテトウェッジ」：呢個同「慢煮叉燒滑蛋芝士漢堡配野菜沙律及脆薯角」應該係同一系列，好相似🤣，除咗「叉燒」變咗「明太子海老餅」🤩；都係幾好食🤩$98「靜岡抹茶小豆窩夫配豆腐雪糕🍧抹茶あずきワッフルに豆腐アイス」：紅豆粒粒圓潤兼大大粒，夠晒

Sonia Coffee來自日本京都，已有超過五十年歷史。咖啡店深木色的裝修，伴隨住柔和音樂及街景，有一刻以為自己置身於京都。泡沫咖啡 Sonia Coffee於各地搜羅各具特色的咖啡杯，杯身杯碟花紋很別緻。泡沫咖啡☕可以選擇用全脂奶、脫脂奶或燕麥奶，咖啡入口飲到一層泡沫，咖啡略帶苦澀，可以品嚐到真正咖啡味。竹炭鮮奶咖啡 竹炭鮮奶咖啡☕黑色外觀很特別，味道與一般鮮奶咖啡無異。溫泉蛋山葵卡邦尼意粉 意粉🍝上面撒滿香草、芝士碎、煙肉及雜菇，伴上溫泉蛋及山葵入口香濃順滑又帶有微微辛辣味。和風芝心漢堡扒x黑毛和牛薯餅蛋包飯 蛋包飯🍛伴上日式咖喱汁，入口微甜少辣。黑毛和牛薯餅內有不少和牛肉碎，和風漢堡扒芝士流心。忌廉焦糖吉士布丁 吉士布丁🍮少甜滑溜，配上忌廉入口更覺香甜。

上星期某一個平日晚上去啟德新商場行下之後過左Mikiki 無意中發現原來開左日本人氣京都喫茶店Sonia Coffee 自家焙煎的咖啡豆加上招牌必食喫茶店原味鬆餅吸引左我地就呢度食晚餐 餐廳以昭和風為主調彷彿置身復古的京都喫茶店同時設有室內及戶外座位戶外座位亦可以攜帶寵物客人多是享受休閒的情侶或是三兩女生聚會時光平日晚上呢個地段都可以座無虛席 果然夠人氣 //溫泉蛋山葵卡邦尼意粉 $121//(套餐配麵豉湯,沙律及熱飲, 加配甜品)上菜已經聞到好香意粉軟硬適中 醬汁亦夠濃條條意粉都掛汁 有淡淡蛋香味重點係加了wasabi醬一起撈令整個意粉增加了口感同時有少少攻鼻少少辣又幾好食呢個配搭既新穎又有創意喜歡wasabi的我表示大讚 跟餐仲有麵豉湯，沙律及熱飲仲可以加埋甜品總共都係$120鬆D好抵食西餐意粉配麵豉湯呢個crossover我又係好鐘意食完刺鼻的wasabi意粉再食沙律 清清喉嚨確係唔錯熱飲跟要了Hot Americano熱到滾的溫度味道甘苦但豆香是我最愛的口味套餐最後上了甜品是靜岡抺茶蕨餅配小豆(3件)餅口感煙韌似麻薯配上微甘既抹茶味道果然係絕配 //和風芝心漢堡扒X黑毛和牛

呢排好似興起昭和風咖啡館，暖色系嘅裝潢配上大量木製傢俬，有置身日本小餐館嘅感覺～最近Sonia Coffee喺mikiki都開咗分店，唔想同人逼airside住可以經天橋過嚟呢邊，或者你喺新蒲崗過去嘅佢就對正斑馬線，一過馬路就係，連商場都唔駛入。身為明太子愛好者嘅我二話不說先叫個明太子海老餅漢堡，有啲驚喜個海老餅唔係用吉列粉，而係類似魚糕嘅質地，蝦肉彈牙，麵包都有烘脆到，水準唔錯～另外叫咗個蘑菇咖喱汁嘅南蠻炸雞蛋包飯，蛋份量唔算多但夠滑，炸雞炸漿鬆脆，咖喱都夠濃，如果飯少啲就更完美～加埋個靜岡抹茶小豆窩夫配豆腐雪糕，豆腐雪糕有好濃豆味，搽喺窩夫度食好夾，紅豆蓉粒粒分明又唔會太甜，窩夫本身大件又脆又有蛋香，正～本身以為係打卡cafe食完真係俾佢嘅食物水準驚艷到，佢晚市套餐外賣仲有9折，唔過$100又好食又包餐湯沙律同野飲，我地叫嘅mocha仲要唔駛補錢添🥹🥹🥹 朱古力味超香濃 大推！！！

去完新商場過埋Mikiki 行下，見到呢間來自京都既喫茶店，比佢既窩夫吸引左最後決定喺度晚餐！ 點左份set dinner menu既山葵卡邦尼意粉🍝，先有酸酸地既和風汁沙律菜，配濃郁海帶味噌湯，好開胃。香滑流心蛋係卡邦尼靈魂，蛋汁拌勻菇菌、洋蔥、煙肉、香草跟意粉，配上獨特山葵氣味，蛋香感更上一層，比起classic做法又有緩解滯膩感。和風芝心漢堡扒x黑毛和牛薯餅蛋包飯睇個名已經覺得好豐富，漢堡扒厚身脹卜卜，切開入面芝士緩緩流出，咬開和牛薯餅夠香脆，和牛薯蓉香口軟綿，配埋日本咖喱汁，相當有驚喜！ 和風栗子窩夫配豆腐雪糕好厚既窩夫，即叫即做脆口又夠蛋香，上面放滿激多栗子蓉，口感軟滑味道清甜，跟豆腐雪糕、cream、脆脆粒配送一口窩夫，豐富好味。竹炭鮮奶咖啡 Halloween快到啦！連latte都增添節日色彩，竹炭鮮奶面做左個鬼怪拉花奶泡，texture香滑，好有heart。

《Sonia Coffee》係新蒲崗一間出色嘅咖啡店，抵食性價比高！首先係和風吉列蠔蛋包飯🍛，蠔炸得香脆，入面嘅蠔肉鮮嫩多汁，同蛋包一齊食，口感好豐富。另外仲有一碗味噌湯同埋新鮮嘅野菜沙律，湯嘅味道濃郁，沙律清新爽口，一齊食更加開胃。如果你係咖啡愛好者，一定要試下佢哋嘅熱朱古力鮮奶咖啡。呢杯咖啡有濃郁嘅朱古力味道同鮮奶嘅香甜，飲落好滑順，好適合享受一杯。自家制明太子海老餅漢堡係另一個必試嘅菜式，內裡明太子同海老嘅鮮味，每一口都彈牙。配埋新鮮嘅野菜沙律同炸薯角，沙律清爽爽，薯角炸得香脆，完美搭配漢堡。最後，我試咗佢哋嘅靜岡抹茶小豆窩夫配豆腐雪糕🫘🍵🧇🍦。窩夫香脆，一份4件，抹茶味道濃郁，內裡有豆腐雪糕同紅豆，甜而不膩，好適合作為甜品享用。

餐廳裝修有濃郁的復古氣息，裝修風格採用濃郁的深棕木色，配合柔和昏暗的燈光，有種置身日本喫茶店的感覺甜品櫃的忌廉焦糖吉士布丁十分吸引，但要留胃食窩夫下次會再黎食呢個招牌甜品!靜岡抹茶 $52 - 抹茶茶沫豐富幼滑、味道甘甜，配合牛奶，十分順口。自家制明太子海老餅漢堡配野菜沙律及脆薯角 $ 98  - 海老餅肉質彈牙，沙律醬加上明太子醬不會過份咸，反而有甜滋滋的味道，配上香脆可口薯條、清爽解油膩的沙律菜，整個配搭完美溫泉蛋山葵卡邦尼意粉 $98 有驚意的意粉，卡邦尼意粉通常食到最一半便開始感覺膩，但夾埋wasabi 味，多左種刺激的味道靜岡抹茶小豆窩夫配豆腐雪糕 $98  窩夫餅添加了日本蜂蜜，外脆裡軟，搭配靜岡抹茶小豆粉、糖粉，楓糖酥同豆味濃厚的雪糕，自己獨享一份都可以

今晚來Mikiki呢邊食飯，呢間Cafe開左無耐，主打🎌日式西餐，🍧🍨甜品都好吸引！🍛 和風芝心漢堡扒配黑毛和牛薯餅蛋包飯🍳蛋包飯係呢度嘅招牌菜。漢堡扒嘅肉好軟腍，一切開漢堡扒裡面嘅🧀芝士就流出來，芝士、漢堡扒同咖喱汁配搭好好，蛋嘅熟度剛好，呢個蛋包飯有🥔薯餅、滑蛋、漢堡扒，十分豐富又好夠飽！🍵靜岡抹茶小豆窩夫配豆腐雪糕呢個嘅豆腐雪糕好特別，係好高質嘅雪糕，豆腐味突出，唔會好快就融曬，🧇窩夫外脆內軟，值得推薦一試！🦐🍤海老拿坡里意粉🍝茄汁裡面混左芝士，所以醬汁係酸鹹各半，蝦唔會煮得太熟太軟，食落嘅口感比較彈牙，相當不錯！呢個意粉係跟dinner set，配埋🥗沙律同一杯野飲🍹。

Sonia Coffee 係日本過江龍，第一間好似係係新世記廣場。原來新蒲崗都開左分店，cafe 好似係出名焦糖吉士布丁同waffle而mikiki 呢間有戶外座位，好岩帶埋寵物一齊黎。見到有款好西日fusion既溫泉蛋山葵卡邦尼意粉，聞唔到太有wasabi 味，材料有煙肉、冬菇同溫泉蛋，carbonara 通常食食下會膩不過少少芥末味中和返，岩岩好。唐辛南蠻炸雞蓋飯，我自己就麻麻D他他醬，D飯質地幾好，粒粒分明，醋醬汁唔會太多帶少少酸都算開胃，雞肉就普普通通。靜岡抹茶小豆窩夫配豆腐雪糕好大份但窩夫好乾，紅豆夠大粒微甜，抹茶蕨餅正正常常，最期待既甜品反而最失望

晚餐去咗「Sonia Coffee」食飯，真係一個令人驚喜嘅地方！🍔🥗🍟 佢係一間融合咖啡店同餐廳嘅地方，環境舒適又富有現代感。餐廳內有舒適嘅座位同潔淨嘅裝潢，令人感覺好放鬆。佢地嘅菜單都好豐富！☕🍽️🌟「自家制明太子海老餅漢堡配野菜沙律及脆薯角」，呢款漢堡真係驚喜萬分，明太子同海老餅，口感鮮味，配上清新嘅野菜沙律同脆口嘅薯角，真係一份完美嘅套餐！「和風芝心漢堡扒x黑毛和牛薯餅蛋包飯配洋風完熟蕃茄汁」，呢款漢堡扒好嫩滑，芝心帶出濃郁嘅芝士味道，再配上香甜嘅黑毛和牛薯餅，蛋包飯同洋風完熟蕃茄汁好夾，味道真係絕妙！🍤🥗🍟🍚🍅我哋亦試咗「雞皮餃子」同「溫泉蛋壽燒風牛肉蓋飯」。雞皮餃子外皮煎得香脆，內裡嘅雞肉鮮嫩多汁，正中我的味蕾！溫泉蛋壽燒風牛肉蓋飯則是一道令人垂涎的美食，溫泉蛋的滑嫩口感配上燒風牛肉的香濃味道，絕對是一個大快朵頤的選擇！🥟🍳🍚🥩整體而言，「Sonia Coffee」嘅晚餐真係令人驚喜！菜式味道出眾，每一道菜都充滿驚喜。餐廳環境舒適，服務亦非常友好。如果你想品嚐和洋風美食，「Sonia Coffee」絕對係一個值得一試嘅地方！🍔🌟😋

小弟一向只影食物和餐牌附上說明和價錢，不過今日嘅經歷實在太“有趣”，趁我仲記憶猶新寫低。我用qr code落單窩夫另加朱古力雪糕，之後食物準備好，有侍應提男侍應窩夫出咗，佢就攞個窩夫畀我，之後佢望住個朱古力雪糕和其他食物不知如何是好，我同佢講我加咗雪糕，佢先將雪糕攞畀我，雪糕溶咗少少但仲在可接受範圍。之後餐廳只剩番我一位客人，我用qr code落單熱蜂蜜咖啡，然後用電話，隔咗一陣就奇怪點解咁耐都未有咖啡，但見到三位侍應聚埋一齊疑似閒談，唔似在忙碌嘅狀態，最後我取消杯咖啡埋單。雖然侍應每次出錯都有講唔好意思，但侍應這段時間同客人的比例是1:1甚至3:1的情況下仍然有兩次出錯，令人費解。

Lunch time黃金時，明明有位，店員只掛住傾計唔休做，結果等了40分鐘先入去，出餐又慢。結果只能用5分鐘食一個lunch ….店員完全唔安排調位入坐… 安排極差味道其實不錯，不過唔會再食除非你有大量時間，罰企甘等… 店員態度有待改善，完全懶閒另外，希望可以跟餐有飲品，本來有好多野想試想食，但用盡了40分鐘等候… 已經比左2次機會去食，結果同樣失望。😏 全因店員安排失當。自己係到嘆住冷氣傾計，客人在外等到出曬汗，絕對不知所謂