SONIA COFFEE

營業中

休息中

下午茶的價格合理，飯的價格是62元，飲品是15元，兩者加起來共計77港元，加一後是85元。食物和飲品的品質都相當不錯，但檯面較小，環境有些擁擠，就像在摩斯漢堡進餐一樣。

餐廳新開，都幾多人排隊，新開張仲有優惠，一於排隊試下先。假日午餐無套餐選擇，只可散叫，價格屬正常，選擇種類都唔少，睇落日式和風食物都好吸引，而且份量唔少。日式燒雞蛋沙律吐司份量好多，吐司烘過，少脆但較乾。雞肉加日式燒汁，味道唔錯，雞肉有肉汁，加埋蛋沙律嘅香味，整體配合唔錯。加左黃金脆薯，即係蕃薯條，炸得比較乾，偏硬。wasabi温泉蛋雜菌意粉淺淺嘅wasabi味，幾特別，加上蛋汁，夠濕潤，意粉有咬口。兒童套餐有意粉，小丸子同炸蝦。車車造型，小朋友特別開心。小朋友食得滋味。整體味道唔錯，係荃灣區一個唔錯嘅選擇。

呢個商場平時都無咩好食，難得新開左間Cafe，走和風裝潢，同日本嘅喫茶店好相似，感覺幾舒服🎐和風吉列豬扒蛋包飯·野菜沙律 $78蛋包飯可以揀野菌奶油明太子汁或者和風甘口咖喱，豬扒大件，略為炸得少少乾，咖喱汁較稀🎐黑松露奶油味噌雜菌意粉·野菜沙律 $68意粉軟硬度唔錯，亦都幾creamy🎐溫泉蛋芝士波隆拿肉醬意粉·野菜沙律 $68肉醬意粉鋪上滿滿半溶芝士，極邪惡😈雖然夠邪惡，但係會有少少膩🎐温泉蛋汁燒牛肉蓋飯 ·味噌湯$58牛肉同用菇菌同洋蔥炒過，燒牛肉個汁帶甜味亦都做得唔錯，牛肉唔韌，個汁撈埋溫泉蛋會令人想一啖接一啖👍🏻飯量都好夠，加分🎐沖繩黑糖鮮奶咖啡+$15🎐蜂蜜鮮奶咖啡+$15🎐竹炭鮮奶咖啡 +$15🎐特調咖啡布丁+$28🎐忌廉焦糖吉士布丁+$28🎐靜岡抹茶蕨餅配小豆+$15三款甜品都唔錯，布丁蛋味幾濃，咖啡布丁亦好香，呢個價錢可以一試Lunch時間黎都幾抵食，加杯有拉花嘅咖啡都係15蚊。雖然甜品都係啲現成野，但係出餐時間較耐，建議預早叫佢上定。另外新張期食夠$250仲有全單85折優惠，質素唔錯👍🏻

又一間新分店啦～～❥ 和風吉列豬扒蛋包飯 配 野菌奶油明太子汁 $𝟽𝟾幾有驚喜！畢竟以這個價錢來說 賣相是挺有誠意的～雞蛋很滑 醬汁也很足夠吉列豬扒水準就普通 ❥ 溫泉蛋汁燒牛肉蓋飯 $𝟻𝟾份量很多 醬汁濃味抵食啊♡︎♥︎♡︎❥ 紫薯巴斯克麻糬芝士蛋糕配玫瑰草莓醬 +$𝟺𝟾芝士味道比紫薯味道突出麻糬份量都算幾多❥ 忌廉焦糖吉士布丁 +$𝟸𝟾布丁口感不算最輕盈的那種味道還好~~❥ 沖繩黑糖ʟᴀᴛᴛᴇ +$𝟷𝟻❥ 沖繩黑糖朱古力咖啡沙冰 +$𝟸𝟿🜚 ʟᴜɴᴄʜ sᴇᴛ性價比不錯新張期間吃滿$𝟸𝟻𝟶還有𝟾𝟻折優惠

新開無耐，跟同事去試吓好唔好食，點知又ok 喎。午市有set lunch, 但飲品需加錢或補差價，跟餐只係一杯凍凍哋麥茶。另外，午市套餐跟沙律或麵豉湯是但一樣。🌱溫泉蛋慢煮豚肉飯蓋: 啜咗啖蛋黃，覺得好甜😊可惜要整穿個蛋黃用嚟撈飯，唔係碗飯會有d 乾。豚肉片有3-5 片左右，味道唔錯，煎得幾香。若豚肉嘅油脂含量減半就更加完美🌱和風吉列海老蛋包飯：炸蝦算多(4隻)，炸得香脆，蝦肉咬落爽口。而咖喱汁屬日式，所以味道香得嚟帶少少甜味，一d 都唔辣。至於隻蛋就好似熟咗少少，少似醃列🌱榛子朱古力曲奇窩夫配朱古力雪糕：即叫即整，個窩夫好厚身，但整得好鬆脆👍🏻配埋d 脆米花同曲奇碎一齊食，口感大增👉🏻溫馨提示：由於試業期間，滿$250可享全單85折。另外，午市開12:00，但未開前已見數人排隊，未到12:30已滿座，所以有心食就早少少去排隊😆

早排行過見到呢間Cafe圍左板 已經bookmark左等佢開張一定要黎試下 可能係新開既關係 過左食晏時間都仲要等位 門口企滿晒人 不過都好快入得 餐牌好多選擇 有全日早餐 意粉 多士 蛋包飯 甜品 窩夫 吐司 芭菲 好多食物都好吸引主食我地叫左個和風全日早餐 有照燒雞扒 多士 薯波 炒野菌 早餐腸 炒蛋同埋沙律菜 成個全日早餐都係正常味道 冇乜特別 係薯波已經凍晒 食落都唔脆仲叫左個溫泉蛋汁燒牛肉蓋飯 賣相唔錯 望落好大份 好足料 牛肉既份量有好多好多 食極都好似仲有咁 但佢啲牛肉食落好韌 完全唔淋 另外飯既份量又係好大份 但真係太多汁 成碗飯都好濕 呢個飯真係唔好食 飲品叫左杯芒果梳打 賣相幾靚 酸酸甜甜幾好味整體黎講 食物味道正常 下次會試下其他食物 當日去到想叫甜品食 但想食既甜品都寫住售罄