Soul9+ (已結業)

又來北角覓食黎到米芝蓮街 見到呢間餐廳無咩人就入黎食（以下有🎖為推介食物）外面睇落去都幾靚㗎 氣氛好好 好適合黎撐枱腳或者黎飲杯酒食啲snacks好有格調 裝修得好有心思遲啲擺設 擡都好有貫徹嘅風格睇下個餐牌先食物嘅選擇唔多小食：小食分享拼盤 （自家三色醬）$198雖然$198好似貴貴地 但係嘢食都幾多㗎 薯條 芝士條 春卷 雞翼 沙律菜 洋蔥圈 其中我最鍾意芝士條主食：原板海膽 黑松露 蟹膏 義大利飯 $168 🎖海膽新鮮 fresh 蟹膏好濃郁嘅膏味 配埋黑松露 同意大利飯 真心推介 如果紫菜同飯多返少少就perfect 👍🏻整體而言 餐廳環境好好 服務態度都唔錯 上菜都快最緊要係食物質素非常好 值得再去❗️

放假即刻同朋友嚟到呢度食個靚lunch ，見到呢間餐廳裝修好有風格，好文青風、我哋呢啲偽文青就黎感受下氣氛裝潢非常之靚、好有特式！我地每人點左一款set lunch ！仲要有優惠價set lunch 包餐湯及餐飲！🥢粟米湯，絕對唔係罐頭粟米沖出嚟嘅，粟米湯非常之濃郁及香，見到佢咁有誠意已經即刻加分了。🥢黑松露野菌忌廉意大利粉，唔好睇佢好似份量好細咁，因為忌廉非常creamy ，所以其實都好飽肚架。🥢香蔥豬扒配洋蔥汁跟意粉，其實個餐本身係跟薯菜，但係唔想食薯菜所以我就加錢8$ 配左意粉,意粉居然係跟埋鮮蕃茄醬，非常之有誠意有心，而佢嘅蕃茄係新鮮蕃茄，所以會酸酸甜甜。豬扒份量非常之多！居然有3塊，而豬扒煎得非常之香口、不過唔係黑毛豬，唔好太有幻想。🥢燒紐西蘭西蘭扒配薯菜，食lunch据扒嘅感覺真係非常好，放假relax! 牛扒燒到剛剛好、唔會太生、亦唔會好硬、難咬嚼！而薯條新鮮出爐、熱辣辣，好脆一啲都唔淋。呢個放假之Weekday lunch，真係食得好開心😃

果日約左老公食晏就，佢又側魚涌行過黎，想食西餐又唔太貴既，於是就試下呢間喇～～餐廳雖小，但都坐到多枱客，可能價錢相宜，都幾多人，好彩搵到位🙂我地叫左溫泉蛋明太子忌廉意大利粉同香蒜白酒鮮茄魷魚意大利粉。溫泉蛋明太子忌廉意大利粉：明太子味道好重，不過醬汁有點過膩，但麵質老公大讚煙刃，係佢中意既口感。至於香蒜白酒鮮茄魷魚意大利粉，味道ok, 老公話如果份量再多少少更佳🤣我地加多左個雞軟骨餃子，估唔到既好食，好特別，方間既餃子絕少用雞軟骨做餡料，脆脆既，唔錯！餐飲我叫左熱朱古力，味一般，似係即沖既果種朱古力熱飲。不過想食西餐又唔太貴，都係其中一個選擇。

住喺北角咁多年，一路都好少入嚟呢條街搵嘢食，直至近來先知原來條街係有咁多間餐廳，其中一間就係Soul9+。間餐廳好細間，出面有啲露天位坐，不過呢排天氣熱梗係坐入面有冷氣嘅地方啦。今次得兩個人食，所以都係叫咗三碟，你三碟都整得幾出色，尤其是係個海膽，非常足料，又超級新鮮。個前菜都唔錯，炸得啱啱好。至於主菜意粉就不過不失啦，同一餐西餐廳嘅意粉差唔多。呢間鋪頭嘅用了都幾足，兩個人叫三碟已經好飽啦。值得推介呢間餐廳。

呢一條北角隱世街道 其實高手雲集幾間餐廳食物質素都 好有水準 今次要介紹呢一間同樣係食西餐 午餐時間有幾個選擇俾大家今次我叫 左西冷扒配沙律 牛扒要咗五成 有啲後悔 喺呢啲高質嘅餐廳牛扒真係要食三成先食到牛扒嘅嫩滑跟餐有個忌廉湯不過不失沒有太大驚喜 食主菜之前學過熱辣辣嘅餐湯都未嘗唔係一個幾好嘅選擇。於主菜沙律採用意大利黑醋橄欖油 係西餐常見嘅配搭個人比較喜歡這個 食法 比日式芝麻醬健康得多牛扒方面 前文已 提過 但其實選擇5成熟 應該是大多數人可以接受的 一刀切下去沒有血水 牛扒中心粉紅色但週邊已差不多到達七成熟 有點可惜整體來說這個價錢十分滿意下次再來光顧

Soul9+係我很喜欢的restaurant，还曾经在这里为好友庆祝生日，今晚又与友人来开餐，回味一下啦！香煎雞軟骨餃子 煎餅汁賣相精緻的雞軟骨餃子, 入面既雞軟骨脆脆的很好入味，加左煎餅汁甜甜的好搭配，味道真係好正！西冷扒配薯條同沙律$88呢個價錢，超抵食牛扒食落去口感厚實，肉汁鮮美。唔會似出邊d扒有大陣鬆肉粉味，不錯！原個波特菇明太子忌廉意大利粉，$98首先造型滿分～波特菇即係大啡菇，先拎開佢，卷咗啲意粉食下先～個芯有少少硬，口感一流～明太子忌廉非常好味～然後再切開個大啡菇，不得了！一切開個菇嘅汁就留晒出嚟，超級juicy！整體賣相和味道都唔錯！正！味道：这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

工作辛勞左一星期，加上要慶祝朋友升職，要食番餐好既安慰自己同慶祝，位置還算方便易找，環境也不錯，是適合聚會的地方。煙燻鮮蟹肉玉子燒（$98）賣相真係非常精緻，店員係上枱時，準備好相機影相時，先會為你打開玻璃蓋，鮮拆嘅蟹肉夠晒鮮甜juicy，蟹味十足，玉子燒食落嫩滑，好正，推薦。香煎雞軟骨餃子 煎餅汁入面既雞軟骨脆脆的好好食，因為煎到外脆和加左煎餅汁甜甜的。 很惹味， 份量很多，口感很不錯。鵝肝味道好好可能我本身就好鍾意食鵝肝，risotto就返香港人口味唔會太硬。總體來講我都我朋友都覺得不錯。

想食西餐，一路都放左呢間餐廳係 to eat list 。見順路於是就試下。餐廳係北角既一條巷裡面，都好易搵到。餐廳環境幾優雅，有啲比較有特式即裝飾，室外內有十張枱倒。Menu選擇就唔算多。但係每類型都有，總有一款岩心水既。今次食左燒雞同蟹肉明太子意粉。佢既燒雞做得好差。佢份量係半隻雞，一個人食都飽，但雞肉唔滑然後又唔入味。比較之前食過既都算相對失色。個意粉就做得比較好，汁係creamy, 好重蟹味，食到蟹肉，亦都食到明太子。食一個會濟，但share 份量就岩岩好。

香港很多地區都是集團式經營的餐廳，好處是質素穩定，壞處是食物千篇一律，欠新鮮感，很快就厭倦了。難得發掘到北角有美食一條街，試過呢度唔錯，成為我其中一間心水之選。 今次再訪，發現餐廳改左新menu, 於是點了意式紅醬水牛芝士薄餅薄餅係少少厚底，加了好香既herbs，水牛芝士本身味道冇咁濃，卻可突顯出蕃茄既鮮和酸甜味。食pizza再加酒精，好寫意。自家製美國和牛芝士漢堡。薯條好fresh, 和牛好juicy, 芝士勁香軟。份量又大，味道好所以好快食哂。香煎雞軟骨餃子 配左燒餅醬呢個煎得唔錯，好香口。雞軟骨同餃子都係我杯茶，合埋一齊第2度食唔到。加40蚊升級做餐，有沙律同餐湯。現場唔少人點了海膽意粉，再睇餐單係168 有成份海膽，又新鮮好抵食。下次要試試。欣賞用心製作的餐廳，更鍾意於家庭式的小店。

北角地鐵站附近行上去有條斜路係隱世美食街，今日黎到呢度揀左間法國風情既精緻西餐廳食西餐。餐廳有露天和室內 ，座位不多，室內佈置精美，室外夏天時有冇風扇吹住，目測外邊座位很受外國人歡迎。今日準時開完會，立即去拎位。menu是全新既，餐廳集結了最受歡迎的菜式。煎雞軟骨餃子燒汁擺盆和食物味道一樣咁正，餃子皮煎到好脆，內面有雞軟骨好爽脆。個燒汁唔係得個樣，點餃子食好開胃。香草蟹肉明太子意粉每條意粉都沾滿了明太子，食落有蟹肉，味道好香，咸咸地有明太子的海鮮味和脆脆地既質感。 鍾意食海鮮百合定鍾意呢個麵。美國prime肉眼 配薯菜和沙律呢個係今晚晚高潮，肉眼夠厚和大塊，叫左5成熟。冇俾牛肉汁，原來食落已經好juicy好多汁好有牛味。脂肪位都煎到脆脆地，好正。另外沙律也很不錯，沙律菜的配搭和醬汁很惹味，可能是好新鮮所以食完仲想食。沙律也有橙肉和去皮青瓜等，增加了沙律既口感。薯菜是薯仔片，有薯條咁煎炸熱氣，望落稍黑但食落冇苦都冇焦，薯仔很入味。最後點了朱古力奶和水果茶Milk chocolate 很滑，真係好滑。牛奶和朱古力味剛好。除左食物，連飲品都做得出色，確實是值得支持的小店。水果茶有檸檬片 ，對

書局街轉入去行上少少就係Soul9+網上睇評論好似唔錯 所以決定lunch試一試佢裝潢好有住家feel座位有d逼Lunch sets選擇唔多兩款pasta 兩款肉類main餐湯係栗米忌廉湯 不過不失我叫左Set B 香草蟹肉忌廉蘆筍意大利粉@$78P.S. 一點半後$68 抵好多😂😂意粉硬度恰到好處 cream sauce亦唔會太漏可惜蟹肉好少😯 有d「略水」見佢其實都落左好多香草但就係冇咩香草味😂😂整體我會俾7/10

無意中去後巷覓食，搵到間優質的西餐店舖唔大午餐無加一1點半後，意粉會平d，不過應該都無緣每人一碗餐湯加$10，有脆炸洋蔥圈，名乎其實是脆炸，好好食又厚身抵加溫泉蛋明太子忌廉意大利粉好味啊又有好多菇西冷扒配薯條同沙律$88呢個價錢，超抵食牛扒厚實，唔會似出邊d扒有大陣鬆肉粉味飲品加$3要凍咖啡，上面有咖啡泡，好吸睛或者加$3飲朱古力，都好唔錯樓面得一個幫手，所以請耐心等候呢到慢慢歎個lunch, very nice

餐廳雖然唔大，但唔會好迫，裝修都好靚而且外面仲有檯pizza，最好食，雖然比較細(7吋)，但好足料，每一個三角形都充滿cheese，我地另外仲加錢叫左三文魚，三文魚都好新鮮龍蝦risotto，risotto唔夠林，好多汁扒唔錯，係rib eye的味道，好大份，肉唔韌煎北美銀花鱸魚味道比較淡，冇咩味薯蓉一般，都幾soft薯條都係一般，少脆，可以唔洗特別叫原個波特茹明太子忌廉意大利粉，好creamy 新鮮檸皮炸雞翼，檸檬味都算香，上面仲有少少芝士片野食quality一舨，但格錢偏貴；環境就唔錯食物等得比較耐，可能即叫即整，而或者只有一個廚師?

就返朋友食飯，所以去左北角。一出地鐵上到去行左一陣，竟然俾我發現呢個窿窿入邊原來有幾間好似幾得嘅餐廳。基本上全部被book了，匿間就仲有outdoor，見天氣都算ok，我地所以就坐出面。我地三個人叫左2個set同一個pizza... 👇🏻粟米湯 - 正常👌🏻salad - 新鮮 👌🏻Pizza - 一般般 ，不過比例上都叫多cheese 😋鵝肝Risotto - 好味可能我鍾意食鵝肝，risotto就返香港人口味唔會太硬😋牛扒 - 鹹咗少少 👌🏻

夜媽媽唔知食咩好，打開個openrice 見到呢間係附近又幾好評咁，於是一於試一試。去到都幾多人，好彩又啱啱有一枱客人走，好快就有位。門口有個大餐牌，價格都幾合理。坐低再睇下食咩，飲咩。我地叫咗一個龍蝦尾意大利飯，豬鞍扒，雞翼，兩杯野飲。先嚟雞翼，賣相都幾吸引，上面有d車打芝士，好香濃，雞翼炸得好香，拎出吸溫度適中冷嘅fruit tea甜甜地幾清新，唔會太甜無晒水果清甜味。coffee 個杯好有特色，比較辛口。大大份龍蝦飯，個飯入口好滑，個汁包住每粒米。龍蝦尾肉好結實，唔會散，啖啖肉。豬鞍扒，配沙律，薯條，配料中上。豬鞍扒，好出色，好厚，但入面仍然做到熟而唔老，味道亦出色，份量又大。