影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
相關文章
有啲肚餓但又唔想食麵包，最後揀咗豆乳狂人，首先開放式嘅設計，用咗非常突出嘅黃色，而且設計得好可愛好有風格🥰勁加分，不過見到好多廢老喺度坐😂🌟黑芝麻豆乳 $32驟眼睇落定價可能有啲進取，但係其實佢都幾大支，飲完已經好飽😂一入口濃到好似飲緊芝麻糊咁樣，有好多好多芝麻粉，豆乳嘅味道唔算好濃烈，主要反映喺個口感上面，口感好厚同埋帶稠身，至於個甜度就係應咗平時港女嘅「唔係咁甜」😂我覺得好飲，但係男朋友覺得麻麻哋-🌟鮮芋泥豆花 $32同樣佢嘅豆花唔係超滑嘅路線，但係有著幾濃嘅豆香味✨豆腐花的確唔係好甜不過今次底下嘅芋泥相對甜啲，而且芋泥打得夠綿密，同埋有芋香，互補之下覺得都唔錯🌸-題外話：外賣嘅話佢係用一個膠袋包住一個紙匙羹，有冇環保人士出嚟講兩句🙂↔️🙂↔️？
繼續閱讀
豆乳狂人係我平日幾鍾意食嘅一間荳品店，基本上大部份款式我都食晒咁滯🤣有時返工做宵夜一流！款式好多，豆花有芒果系列、桃膠系列、Oreo系列、芋圓仙草等等；飲品有豆乳茶、8.6特濃豆乳、豆乳奶蓋可以平平哋最簡單食碗豆腐花，或者勁多配料芋圓仙草/糖水款式豆花😋<狂人豆花＞·堅果芋泥豆花 $38依款係芋泥豆腐花嘅進化版 多咗好多堅果，例如杏仁腰果，食落冇咁單調多啲脆口感。見到就咁芋泥豆腐花就 $32·豆豆仙草 $45屬於三色芋圓系列，好多煙靭嘅芋圓配上仙草、紅豆、特調椰奶，配料豐富·多芒楊枝甘露 $45勁多芒果粒仲要大大粒，典型嘅楊枝甘露有西柚粒仲有小丸子，勁大碗勁滿足·椰汁紅豆桃膠 $38桃膠喺滋補恩物，不過依碗嘅配料實在太豐富食落好漏🤣·黑糖豆花$22·薑汁夠薑豆花 $20我覺得依個呢個價錢質素係抵食，仲要咁大碗！薑汁就最原始簡單味道 或者加多兩蚊就有黑糖味<8.6特濃豆乳>勁大樽又飽肚又好飲，仲要冇珍珠奶茶手搖咁肥咁邪惡😈豆乳，唔係豆奶豆漿，佢嘅質地比較稠身，好香濃豆乳味，唔太甜我自己最最最最鍾意飲 ·鮮芋泥豆乳 $32 除咗芋泥鮮奶，芋泥同豆乳都好夾係絕配，仲要勁多芋泥，飲完一樽超級飽而且感覺上健康過手搖珍珠奶茶🤣·8.6特濃豆乳 $24 ·十勝紅豆豆乳 $32
繼續閱讀
態度極差，叫左兩個糖水，職員無比匙羹，自助區又無，問佢攞都黑面，唔通要用手食。食緊嘢嘅時候都心諗點解要受氣。如果職員真係唔想同客人溝通，就自己醒目少少放啲匙羹喺自助區。食物方面，粢飯OK,甜品味道淡。
繼續閱讀
由一開始係沙田區嘅第一間店 食到佢已經開咗幾間分店嘅豆乳狂人繼續都成為我間唔中嘅飯後甜品以前淨係得唔同味嘅豆漿和基本的豆花甜品到而家已經出咗好多唔同主題嘅味道 例如芒果、oreo、芋泥、桃膠等仲有好味嘅粢飯和炸物小食🍴和風白玉👉🏻一直以黎都係我必點嘅一款 有滑捋捋的豆乳布丁、煙韌的白玉和三色芋圓、軟糯的紅豆和香甜的椰奶 係最好味的配搭 食過好多次都鍾意🍴多芒楊枝甘露👉🏻超大碗嘅楊枝甘露 充滿芒果肉、金柚肉等材料 啱哂鍾意食楊枝甘露嘅朋友🍴黑芝麻奶蓋👉🏻除咗碗裝甜品 亦都有方便飲用嘅長罐裝飲用甜品 黑芝麻配豆乳和豆乳布丁就是好味配搭 仲有有嚼口嘅黑形珠 加埋我好喜歡嘅黃豆粉 呢款充滿芝麻&黃豆香的飲品 啱哂我心意舖頭提供唔少內用坐位區 環境都好闊落完全可以舒舒服服坐低食個甜品
繼續閱讀
店名: SOYmart by 豆乳狂人 地址: 將軍澳唐德街9號將軍澳中心G樓G01及G02號舖將軍澳B1出口，行5分鐘環境: 外賣價錢: 4/5味道: 4.5/5一直都有聽過豆乳狂人，但一直無機會試，今次終於買左幾款甜品同飲品🤩當然要唔少得要叫芋泥同豆乳啦😍滋潤之選❤️❤️❤️❤️❤️$45入面有芋泥+桃膠＋西米+三色芋圓＋特調椰奶+黑糖，三色芋圓味道好出，口感十分煙韌，桃膠份量滿滿，十分有口感，加上超順滑濃郁嘅芋香，秋風🍁剛至，食呢個就啱啱好，十分滋潤😝桃膠芋泥小丸子 ❤️❤️❤️❤️❤️$45有鮮芋泥+桃膠+特調椰奶+小丸子+黑糖，芋泥同樣芋香濃郁，口感滑溜🤩加上桃膠同小丸子，口感同煙韌都十足☺️奶蓋豆乳茶❤️❤️❤️❤️❤️$45有豆乳+烏龍茶+西米+珍珠+豆乳布丁+芝士奶蓋+白玉+黄豆粉，同樣有滿滿嘅配料，豆乳豆香十分濃😆配上烏龍茶好夾，加上軟糯白玉同creamy帶鹹香嘅奶蓋，超滿足😚
繼續閱讀