SP Senses (尖沙咀中心) (裝修中)

Love how they have small size cakes. Tried their chestnut flavoured one. Light and airy cream and soft fluffy cake

之前同朋友去咗呢一間餐廳食嘢，預先就已經喺OpenRice度訂咗位，成間餐廳好靚，周圍都係滿滿嘅打卡熱點！今次我自己就叫咗呢一個汁燒牛肉櫻花蝦煎茶泡飯！有好多人推介，所以自己都好想試吓！櫻花蝦同埋牛肉嘅味道真係非常之夾，而且呢度係有一壺茶比我自己可以倒落去個飯度，而且呢度嘅牛肉份量亦都好多，加埋淡淡的茶香味一齊食真係好正

蛋糕都係情人節一個唔少得嘅item🍰香港本地品牌 SP Simply Pleasure Limited以「詩意情人節」為題出咗幾款情人節限定蛋糕呢一款用咗加上金粉嘅紅玫瑰🌹同鮮花做裝飾加上細緻嘅忌廉唧花，賣相好精緻😍伯爵茶味嘅蛋糕口感鬆軟，配搭玫瑰伯爵茶慕絲食落茶味幾突出咁高貴優雅嘅蛋糕送俾另一半一定會滿意💕🧁

同朋友喺尖沙咀行街，見到有間粉紅色餐廳幾特別，就行咗過去睇吓。餐廳有好多花、植物做裝飾，環境幾闊落、優雅，就諗住試吓。午餐都幾多選擇，揀咗麻油淮山天然雞肉丼 $142，連湯加飲品。是日濃湯係蘑菇湯，估唔到有驚喜。細細杯，不過足料，重菇味，每啖都食到蘑菇碎。之後到主菜。主菜好大一碗，入面有雞件、淮山、紅棗、冬菇。湯頭比想像中濃郁，味道層次豐富，有麻油味得嚟唔會油膩，好啱配飯。雞件份量足，淮山夠淋入味，推薦。朋友叫咗香煎鱸魚喇沙扁意粉 $152，連湯加飲品。鱸魚魚皮香脆，肉質厚實彈牙，份量多。意粉咸香微辣，有喇沙味，唔錯。總括嚟講，餐廳菜式選擇多，味道同價錢成正比。環境舒適，坐得舒服，啱想食健康啲、一家人或者幾個女仔傾偈食飯。

早陣子，同老婆試咗一家主打花茶嘅餐廳「SP Flower and Tea Room」（現已轉名為「SP Senses」），隨心食咗個晚鳥下午茶，因為食完無耐，傍晚時份話咁快就轉咗天黑。餐廳嘅裝修都幾骨子，一室白色系，簡潔明亮，牆上掛上少少裝飾作點綴，周圍又擺放好多植物，感覺幾舒適悠然。除咗用餐部份，另僻一角，作自家品牌嘅花茶作零售，睇落啲款式都幾特別，用嚟送禮都幾好架。餐牌就得一個，兩頁紙睇晒，一邊喺套餐形式，包餐湯、前菜、主菜及甜品，分三道菜或四道菜價錢；另一邊就喺散點菜式，有日式丼飯，有意大利麵，更有窩夫或班戟供選擇，此外，有加配變成套餐嘅優惠。自選窩夫（香草挪威煙三文魚）$152基本上，窩夫已包咗蕃茄素菜沙律、烤意大利青瓜及蜜糖，主要喺揀想配咩配料，整體賣相都幾靚仔。窩夫新鮮做，所以，都幾脆口，仲因為加有半溶嘅芝士，沾上蜜糖，就變得份外好食，三文魚亦唔錯，鹹香油潤，又可以食番啲青瓜、沙律平衡吓。除上述嘅主餐牌嘅食物之外，呢間餐廳嘅另一亮點就喺佢哋嘅小蛋糕，蛋糕餐牌雖然顯示共有10款小蛋糕，用料配搭均非常特別，然而，一切以當日餅櫃所展出為準。就當日所見，都仍然有成7款選擇，仲不時有