Spicy Lips (已結業)

一直對呢間路德圍既小食店情有獨鍾，呢晚臨時起興，同朋友去食宵夜。　　因為未食晚餐，所以大家都幾肚餓下。兩個人叫左兩個主食同兩個小食。　　小食兩個上左先，一個係魚片，一個係咩咩卷，唔記得左佢叫咩名，魚片有口感，食完會想再食。咩咩卷脆得岩岩好，唔會太硬，微辣。只係加左價，唔係咁值。　　我的餃子拉麵，天氣好熱，一定要飲可樂。麵係超市買到既辛麵，不過佢配料多好多，雖然自己屋企整都得，不過整唔到佢咁好味！以前係用碗，今次真係用個鍋放麵，更韓風。　　朋友既豆腐鍋飯，以前食過，好味的。　　食左小小既大合照。　　呢餐飯食得開心，但佢加價加太多，小食平均加五蚊以上？我記得最過份既係部隊鍋，以前食，一百尾就得，依家竟然要二百尾，簡直恐怖。不過主食又無咩點加價，但只叫主食唔叫小食又無癮。 未必有下次了。