Starry Night (已結業)

今日同朋友去銅鑼灣樓上餐廳食生蠔放題, 佢個提供左兩款生蠔任食, 再包左兩款主菜, 我地一人叫左一個, 一個就係美國西冷牛扒, 另一個就係卡邦尼意粉個環境都幾有氣氛佈滿左萬聖節嘅裝飾, 先食佢既生蠔, 用一個裝飾發光盤去襯托個PLATTER, 打卡一流!愛爾蘭石蠔, 蠔身較長，蠔肉屬於中等飽滿。 味道: 海水味重，蠔味鮮甜質地，肉質爽口口感方面，韓國蚝蚝杯較深，蚝肉豐滿，入口有幾分清甜的味道, 初入口的鹹味過後，一股鮮甜、清潤的感覺在口中慢慢化開美國西冷牛扒, Medium Well, 好大塊, 口感豐富，肉質厚實，肉味較一般牛隻部分濃郁，味道香濃，肉色呈現一種櫻桃般的色澤卡邦尼意粉, 用上煙肉、雞蛋和芝士製作，鹹香味重，口感軟腍

銅鑼灣勁正既Bar and Restaurant 新開勁有氣氛，環境舒適，服務100分4百幾蚊就有新鮮生蠔放題晚餐🥯黑糖麵包：暖暖又鬆軟🐟煙三文魚：質素幾高唔油膩🍄餐湯：忌廉湯質素勁好🍟炸魚薯條侍應見同行者唔食生蠔送左碟炸魚薯條俾佢勁貼心又感動呀炸魚魚肉係超軟滑炸粉薄脆薯條就係經典既粗薯條份量超大，強烈推介菜式🥩美國西冷牛扒牛扒叫左Medium肉味好濃，都幾淋而且份量係超大超厚非常足料🐑新西蘭羊架2大舊完全唔騷羊肉5熟肉質超嫩滿滿油香調味既香料味亦同羊肉好夾侍應照顧非常周到不時主動加酒同換碟而且好有禮貌服務水平100分

☘️好耐冇食生蠔了，前幾日聽個friend 講話呢度有生蠔放題，就一於約埋佢一齊嚟食返夠本。☘️間餐廳響樓上嘅，其實setting 似bar 多過餐廳，燈光很暗但見除座位外好像有些games setting 響旁邊，氣氛都幾適合成班朋友嚟gathering ! ☘️我哋叫咗生蠔放題，個套餐包埋前菜湯，餐包，同埋三文魚，另外每人可以三選一揀一個主菜。個餐湯係忌廉蜆肉濃湯，都幾creamy, 煙三文魚標準嘢冇得輸！ ☘️最重要嘅部份當然係主角生蠔啦！ 今晚有兩款生蠔，一款來自韓國另一款係南非嘅，兩款都唔係好大隻嗰種，但勝在新鮮！海水味重，有少少偏salty, 個人比較喜歡韓國嘅，朋友就喜歡南非！☘️主菜揀咗一個牛和一個羊扒，份量好大，但今日醉翁之意不在酒，所以都沒有心思在肉食上，只專注在生蠔，既然為生蠔而來，緊係留返個肚食生蠔啦😜

今晚我同朋友嚟到呢一間酒吧聚會，出乎意料地發覺酒吧充滿另類特色。總體感覺令我感到很意外。首先酒吧的環境、裝橫充滿神秘嘅感覺，令人有一種想探索佢嘅感覺。燈飾漆黑的感覺仿如墮進迷失星空之中。食物方面帶來一種嶄新的體驗。譬如放置在火山模型上的海鮮拼盤，那愛爾蘭生蠔令人一試難忘。而螺及生蝦襯托了生蠔的味道，欲有若即若離的感覺。此外，我和朋友點了一份牛扒及羊扒，水準中上，非常合乎大眾的口味。另外那西餐湯鹹鹹的、濃郁。則煙三文魚亦有不俗的口感。總括而言，食物方面非常驚喜，令人留下不能磨滅的記憶。

今天我和密友想找一個地方輕鬆一下，於是在這蠔吧吃了一頓飯，感覺令人驚嘆不已。酒吧裝橫充滿迷幻嘅感覺，仿似置身於星夜之中飄浮，恨不得想遠眺窗外的景色，尋求腳踏實地的感覺。食物方面帶來一種衝擊味蕾的感覺。尤其那放置在火山模型上的海鮮拼盤。愛爾蘭生蠔好難得好吃，充滿具有另類風格的味道，在夜空中有著被「月、星」濃罩著的感覺。那難忘的味道甚至纏繞着腸胃而不散，令人異常感動。而螺及生蝦為味蕾帶來新鮮感，令人印象深刻。此外，令人更印象深刻的是，我和密友點了兩杯Snowball及Mojito。Snowball 味道異常自然而Mojito充滿青檸果汁的味道。10分驚喜。另外，牛扒及羊扒感覺簡單平凡，且迎合了大眾的口味。西餐湯濃郁而味道特別。而煙三文魚口感自然豐富。總括而言，食物方面令人留下難以忘記的感覺。

放工要輕鬆一下 去左銅鑼灣一間有生蠔放題嘅餐廳 仲要係120分鐘任食即叫即開嘅時令生蠔🦪上到去好有酒吧feel 我地揀左bar檯坐底 一開始就上左個會發出白煙嘅火山底盤 上面再放上大大碟嘅生蠔拼盤 除左生蠔 仲有凍蝦🦐翡翠螺🤗 拼盤好適合打卡📷而且海鮮好新鮮 最緊要係可以任食🤩今日真係食到攬住個肚😂跟住就上左忌廉湯、麵包做前餐 我地再揀左羊架同意粉做Main Dish🤗 兩樣菜都整得好出色😋飲品就叫左杯Happy ending 🍹 感覺好fresh 另外杯whisky cocktail 🍸 味道不錯 而且上面仲加左💕圖案

👍🏻 120分鐘即叫即開時令生蠔放題見到任食生蠔真係好癲 緊係約埋朋友會一會佢 食返夠本🤣 一坐底 店員就上左餐湯、黑糖麵包、煙三文魚🐟 全部表現唔錯 唔覺得會佔左肚仔quota 反而令我地更開胃！✅ 生蠔第一盤上菜當然要有啲儀式感啦😎噴晒煙 影相位黎喇 講返正題 生蠔比想像中大隻且飽滿 海水味濃郁 同時又食到佢既鮮甜 好味！之後都不斷encore❤️另外拼盤都有跟凍蝦🦐同翡翠螺 肉質新鮮爽口彈牙 值得食！✅ 主菜跟餐可以主菜三選一 今日我哋兩個人分別要咗紐西蘭羊架同埋卡邦尼意粉🙆‍♀️羊架非常出色 外層仲有脆脆地嘅感覺 脂肪入口融化 肉質嫩滑🐑好驚喜 而卡邦尼意粉有奶香 麵條煮得剛好另外都叫咗兩杯飲品 造型唔錯 可以chill下4百幾既價錢有得任食2小時 仲要唔拖 好快上菜☺️非堂推介注意事項⚠️- 生蠔放題另收加一 週五六日及公眾假期當日/前夕會多收$30

十月最後一個星期日， 來一點儀式感， 跟朋友去吃頓好的。之前我話想食生蠔， 但每次都吃不過癮， 於是朋友就上網找到這家新開的餐廳酒吧， 最近做緊個任食生蠔套餐，帶我去食。餐廳在銅鑼灣耀華街，地方不算大但因為是半餐廳半酒吧， 所以燈光佈置都很有氣氛， 加上萬聖節的裝飾， 更加上幾分。我地選了時令生蠔放題套餐， 除左任食生蠔之外， 還包括餐湯， 前菜及主菜。我們點好單， 先來的是餐湯及前菜。餐湯很夠熱， 正好暖暖胃， 墊墊底， 以免生蠔吃多了會胃痛。生蠔是120分鐘任食， 品種按當天供應。我們第一盤是韓國的， 還附上幾只蝦及螺呢。韓國的蠔杯較淺，所以蠔較大隻但薄身， 味道鮮但比較單一， 不過對於久久未這樣放肆地吃生蠔的我已經很滿足。第二盤吃的是愛爾蘭的， 蠔身較小隻但因為海水味重，感覺更鮮活， 天濃郁。主菜我地選了美國西冷牛扒及紐西蘭羊架。羊架肉味濃但唔騷，西冷扒就正常水準。不過最後我們地吃不完， 因為要留肚繼續吃生蠔， 可憐了大好的兩盤肉。

萬聖節正日喺港島區，唔想去中環同人迫，於是喺銅鑼灣附近覓食，上網搵到Starry Night 評分不錯，又有任食生蠔，於是上去試一試$468/位 2小時任食生蠔， 每位主菜三選一跟埋 餐湯, 煙三文魚 & 黑糖麵包首先上枱嘅係餐湯, 煙三文魚 & 黑糖麵包。 大約10分鐘後 生蠔就開好了， 上枱時會有乾冰擺設， 夠氣氛👍🏻 岩哂影相打卡擺盤上面除左有生蠔外， 仲有凍蝦 & 螺 附上今晚嘅MVP 一定係蠔！ 夠鮮甜， 爽脆肉質，肥美， 同平時食開法國海水味重嘅蠔完全唔同，向店員查問一下原來今晚的號是由韓國運來。 第一次食韓國生蠔， 一試便愛上， 食慣濃味生蠔，試下啲清新爽甜蠔肉也不錯!主菜分別order 西冷扒 & 羊架西冷扒肉味濃， 熟度剛剛好， 合格！薯角雖然係配菜， 但夠脆夠熱， 亦是抵讚嘅地方！羊架都係推介之一 , 唔會太羶又不失羊肉味，肉質好鮮嫩，配埋個汁好夾！由於食完個主菜都已經8成飽， 所以只係再order 多一round 生蠔 , 但講真都已經回本了 👍🏻👍🏻👍🏻

餐廳佈置得好有萬聖節氣氛好像今晚稍後時間就會有派對似的店員都穿上了染血的醫生袍 哈哈(oˆ罒ˆo)坐低後店員簡單的介紹了餐牌我們下單後 他們很快速來了餐湯,黑糖麵包和煙三文魚花花忌廉粟米雞湯 很足料 啖啖都吃到粟米和雞粒黑糖麵包配上牛油cream 送餐湯吃不錯煙三文魚花花拆開後都有3大片在內吃入口不會太咸 味道不錯 ( ˊᗜˋ)(ˊᗜˋ)(ˊᗜˋ )然後店員便隨即來了生蠔,凍蝦,螺 的拼盤有乾冰煙霧離漫的加持 更加配合 萬聖節氣氛店員說今天的是韓國生蠔 吃起來爽脆的蠔肉 不會太重海水味 後勁是甜甜的 很易入口𐤔(◍´͈ ᵕ `͈ ◍)𐤔試了加一點檸檬汁再吃 甜味更出眾凍蝦 爽彈 加埋 雞尾酒汁 更是提升螺就正常操作 主菜同友人 叫了西冷扒和羊架羊架 熟度剛剛好 吃入口很香邊邊都煎得香脆 減小了羊脂的油膩感- ̗̀ ( ˶'ᵕ'˶) ̖́-西冷扒配上 黑椒汁 味道香口薯角熱辣辣 加黑椒汁吃 吃不停口後來再吃了一次生蠔 盡興一下❀(*´▽`*)❀生蠔依然飽滿鮮甜說真的每人可以吃到一打就點都抵番哂 呵呵快樂的吃蠔日Waitor 好盡責 你一有蠔殼 佢就來收走唔會比機會你檯面堆積太多垃圾抵讚✨️( ^-'

星期日跟朋友到銅鑼灣逛街，晚上想放任一點，所以在Starry Night 吃任食生蠔餐。這間酒吧都幾闊落，來吃晚餐都可以。如果一班朋友來，還有類似波枱的，據朋友說，這是用來玩 “飲酒game"120分鐘即叫即開時令生蠔放題 $465 （星期五、六、日及公眾假期前夕及當日加$30）優先訂座減$30，加$98任飲指定生啤及紅白酒生蠔有法國、日本、南非生蠔，視乎當日供應，可先問一問店員我們當日是法國生蠔除生蠔外，還有三選一主菜，美國西冷牛扒、紐西蘭羊架、卡邦尼意粉另送黑糖麵包、煙三文魚、餐湯餐湯：忌廉湯加上洋蔥煙三文魚都不錯，比想像大份雖然是任食，生蠔擺放都很igable，放在火山型的碟，配上乾冰型造神秘的感覺每次點都送上8隻生蠔、蝦、螺美國西冷牛扒 ： 半成熟紐西蘭羊架

朋友揾到間生蠔任食，$468 / 120分鐘無限refill 生蠔🦪，任食喎真唔真架～一於去踩下場試個真假一出Lift就係餐廳，環境感覺似酒吧，有高枱有大電視除咗生蠔之外，套餐仲有前菜、湯、餐包，主食有3款包括美國西冷牛扒、紐西蘭羊架及肉醬意粉🍝首先係前菜～蒜蓉忌廉湯、黑糖包、煙三文魚之後主角出場喇，放在火山形狀盆上，還有乾冰做成霧煙效果，很有心思，可惜影唔到出來蠔🦪有2款，細隻既係愛爾蘭肉厚Creamy, 長身係南非肉薄身爽脆，螺亦都彈牙新鮮，蝦普通，食完一轉侍應即問需唔需要再來，refill 速度快肉醬意粉美國西冷牛扒-5成熟 ，肉淋正常，不過不失，薯角幾好食愛食蠔既，真的不錯

早排收到為食朋友嘅分享，得知銅鑼灣耀華街呢頭新開咗一間任食蠔吧，仲要night set dinner 只係人頭四百幾。聽完當然要馬上去試試啦。一入門口轉左就有個好似聖殿咁嘅bar枱，而且餐廳入而仲有beer pong / Stack cup枱。問店員得知原來餐廳會分咗上下半場，上半場就係一間蠔吧，入夜下半場就會變成一間酒吧。前菜係煙三文魚同埋忌廉海鮮湯，煙三文魚好重魚油，好creamy同埋有少少煙熏味。餐湯嘅海鮮好足料，而且黑糖餐飽仲可以任添。一上前菜無耐接住落已經係冷盤，正是主角生蠔。今期餐廳主打係愛爾蘭同南非嘅生蠔。睇size嘅話就一定係南非完勝，蠔味啖海水味幾濃，配返白酒就會有陣青蘋果嘅香甜。而黎自愛爾蘭嘅雖然體積較細，但係味道就十分鮮甜，配白酒能夠提升整體嘅香味，而且仲好似食緊哈密瓜咁甜。生蠔可以無限添食，完全唔洗就住就住。美國西冷牛扒本身一心諗住嚟食蠔唔會話對其他菜式有太大期待，點知呢份西冷牛扒又幾有驚喜。肉汁鎖得住又唔會話太生。而且份量都有返咁上吓。食得太多蠔都差啲食唔落。紐西籣羊架羊架都有兩大嚿，好在朋友食量大都頂得住。羊架唔會話好騷，半肥瘦極邪惡。灰姑娘 Mocktai

自從出現疫情之後，我都好少出街食飯，喺網上面見到呢間餐廳，可以任食生蠔，就即管嚟試吓啦。首先講吓餐廳嘅裝修，佢唔似一般傳統嘅餐廳，反而似一個私人派對房間，當中有好多玩酒game嘅設施，間格好鬆動。首先一嚟到我哋就叫上一打生蠔，除咗生蠔之外，碟上面仲有海螺，鮮蝦等等，望落去都好新鮮。佢哋上菜嘅方法好靚，有一個類似火山嘅物體，入邊放咗啲乾冰，放咗生蠔喺上面之後，啲煙係入邊漂出嚟，視覺嘅享受一流，未食已經感覺到餐廳好有誠意。啲生蠔唔似出邊嘅飲食餐廳咁樣，又細粒，又放咗好耐，呢度啲生蠔隻隻都好大隻，好肥美，而且係咬落去好多juicy !!!你可以望住師傅喺你隔離開生蠔，每一隻都好吸引。最重要係可以任食，而且每次都唔會慳住慳住，大大碟咁樣上。套餐另外有主菜，跟住我哋再叫咗一個牛扒，同埋羊架，食完生蠔已經有啲飽，但係牛扒同羊架真係好好食，食得出廚師嘅功力，啱啱好整到外面熟，裏面多肉汁，而且羊架用嘅應該係羊仔，食得出啲肉好嫩滑。臨走前，我哋再叫多咗半打生蠔，老細見我哋咁鍾意食，特登揀咗幾隻最肥美嘅俾我哋，淡淡都係肉，好creamy，真係值回票價！誠意推薦比大家！

這間位於銅鑼灣新開的酒吧餐廳，推出的120分鐘任食即開生蠔套餐，包埋餐湯、餐包、前菜及主菜，每位只需$468，性價比超高，難怪吸引了不少蠔迷洶湧而至。身為生蠔狂熱份子，當晚試了兩款即開生蠔，分別來自韓國及愛爾蘭。韓國蠔身偏大，海水味濃烈。愛爾蘭蠔身較小，口感肥美，奶油味較重。一盤盤生蠔放在火山造型的托盤上，配合乾冰仙氣的視覺效果，愛打卡人士必讚。跟朋友各吃了一打，非常滿足，最重要是新鮮高質無肚痛，回本無難度。是日餐湯是海鮮忌廉湯，配黑糖麵包，海鮮湯好足料，前菜有肥美的煙三文魚，主菜有三款選擇，選了美國西冷牛扒及紐西蘭羊架。雖然牛扒跟羊架今晚不是主角，但同樣肉嫩多汁，果腹滿足，有質素。