Starry Night (已結業)

一班朋友慶祝生日，找了壽星女最愛的生蠔放題來到位於銅鑼灣的Starry Night每人奉上蒜蓉忌廉湯、鬆軟的黑糖麵包、三文魚。最吸引的海鮮來了，有生蠔、蝦、螺是日的生蠔有南非，長而薄身，另一款是愛爾蘭，細而厚。生蠔海水味重，脆身，味道不錯。螺肉都好大隻彈牙，食完一轉都好快refill。飲品點了fruit punch，賣相相當吸睛還有lime soda主食有肉醬意粉、牛扒、羊扒選擇肉醬意粉普通牛扒5成熟，肉質適中，味道不錯。

約了久未見面朋友聚舊，大家都想找一間可以慢慢坐傾計餐廳，朋友推介這間位於銅鑼灣新開的Starry Night，而且有任食生蠔，一於試試！餐廳位於新食廈中，設計型格，而且每張台之間都有充足空間，十分適合朋友相聚$468一位就有主菜及任食生蠔，簡直超值！先上湯及黑糖麵包這晚有韓國、美國、愛爾蘭蠔。第一轉生蠔是韓國蠔，從未試過韓國產蠔，想不到又不錯，韓國蠔蠔杯較深，蠔肉豐滿，入口有幾分清甜的味道，層次不多，適合入門級吃貨享用。之後輪到美國蠔，身形肥大、飽滿多汁，鮮甜帶礦物味，海水味道恰到好處，亦較適合入門級享用最後是愛爾蘭蠔，跟其他蠔相比，蠔味、海水味較淡，更加特顯其鮮味，蠔身透明感重，肉質爽脆，適合喜歡清淡的女士品嚐。最後上主菜西冷牛扒，十分重量級，肉質嫩滑，如果烤得焦一點應該更香口這間高水準餐廳值得推薦！

講開食生蠔有朋友介紹銅鑼灣開咗間新餐廳生蠔任食兩小時468放假就搵咗個都鍾意食生蠔嘅朋試試佢 上到去環境都幾舒服，個格局有啲似酒吧，有大電視播住音樂，坐喺高枱邊食嘢邊傾計，非常有氣氛 一開始會贈送黑糖麵包煙三文魚，同埋蘑菇忌廉湯 黑糖麵包唔會太甜，細細嚿食落去好鬆軟煙三文魚display得好有心機忌廉湯裏面有半碗都係雞肉，非常足料 主菜都可以選擇美國西冷牛扒紐西蘭羊架卡邦尼意粉 我同朋友叫咗美國西冷牛扒（七成熟）同卡邦尼意粉share 西冷扒七成熟啱啱好，煎好咗即刻上枱唔會太飽，食完仲可以叫多round 生蠔 我比較鍾意卡邦尼意粉，我自己個人喜好煮得硬身啲嘅意粉，呢個完全係最鍾意嘅口感，仲要上面散滿芝士粉，同埋新鮮車厘茄，正 愛爾蘭，南非，韓國分別是咗三種不同嘅生蠔,我會鍾意愛爾蘭多d不過真係難得任食之餘仲要可以三款不同嘅選擇，迎合不同人嘅需要 最有驚喜就係飲咗兩杯特飲雖然我唔記得咗杯嘢叫咩名，但係個職員特登為我哋調配，飲完之後再想叫多杯，最後原來係個menu裏面係冇嘅（溫馨提示精類飲品要收費）

朋友同我都係生蠔怪😂知道銅鑼灣呢間starry night 有任食生蠔套餐，到個價錢$468又唔算貴，即刻邀請我同佢一齊去試吓😋上到去個環境都幾舒服，都幾relax適合我哋一路吹水一路食野，一開始嚟咗個前菜煙三文魚同埋黑糖麵包，有一碗忌廉海鮮湯，碗湯有驚喜入面有勁多配料，I like it 😋之後就到我最期待嘅主角生蠔出場，分別有愛爾蘭，南非同韓國既蠔去選擇，啱晒唔同口味嘅人，我個人就比較貪心，所以咁多口味都啱我食😂食咗幾round生蠔之後，梗係要食埋個main course ,我揀咗美國西冷牛扒，朋友就食肉醬意粉，味道都可以，本身個餐包任飲無酒精飲品，不過我覺得食生蠔應該飲少少有酒精嘅野飲，所以問吓佢哋有咩推介，佢哋整咗兩杯嘢飲俾我哋，雖然要加錢😂但係我超鍾意呢杯紅色嘅Cinderella，最後飲完再encore咗一次先夠喉😍濃厚嘅士多啤梨味但又唔會太甜，配埋生蠔簡直係完美配搭😋整體嚟講我覺得無論環境食物同埋員工嘅態度都幾好，下次可以叫多個幾個生蠔腳一齊上嚟食野傾下計一齊開心下😆

上星期朋友帶路係銅鑼灣去左一間環境幾舒服既樓上酒吧 初嘗任食生蠔既滋味🦪 對於超級吃貨嘅小妹嚟講 畀一個合理價錢可以食到有質素嘅生蠔 仲要可以瘋狂任食 實在相當化算🤭頭盤係煙三文魚玫瑰花+ daily soup重點 個煙三文魚幾好味未食完個頭盤 職員已經好快送上第一round生蠔 落左乾冰出晒煙咁 勁有氣勢初頭對任食生蠔唔敢抱太大期望 但結果竟然有驚喜生蠔有兩款 南非生蠔勁大隻 質地creamy同極重海水味，另一款愛爾蘭生蠔就size細d 但其實都好厚肉 味道好鮮甜最後兩個人total食左5-6 round 每人食左打半😆main course同朋友各自點左牛扒同羊架 不過可能食蠔都食飽晒 所以吃貨小妹只係食左半份牛扒就食唔落不過就聽朋友講話個羊幾好味 熟度剛剛好 總結 環境靜靜地幾好坐 生蠔質素唔錯 同埋職員好主動問駛唔駛refill 飲埋杯Mocktail好滿足

今日去左銅鑼灣間樓上餐廳，一入到去，都幾有氣氛幾有格調，啲位隔得都幾開坐得好舒服。今次叫咗個生蠔放題，首先嚟咗頭盤先，頭盤有煙三文魚，夠凍同幾好味。另外個蘑菇湯就比較濃味。坐咗一陣佢就好快上咗第一輪海鮮拼盤，分別有10隻蠔，蝦同埋螺。因為係放題嘅關係可以再叫，佢主要有兩款蠔，大隻嘅就係南非，海水味比較重；細隻嘅就係愛爾蘭，蠔味比較濃。兩款蠔都好Creamy，蝦同攞螺就係平時食自助餐嗰種。叫bar tender 調咗杯開胃嘅mocktail俾我，杯嘢叫咩名就唔記得咗，但係酸酸甜甜都幾開胃。總共食咗四轉，質素都係咁好。之後就上咗主菜，個紐西蘭羊架燒得幾好，有兩舊份量都好足夠，唔會話太勁羊酥味。最後當然叫多一轉啦，飽到唔知講咩好。

朋友有喜慶事慶祝, 請我去銅鑼灣食任食生蠔, 先上餐湯，忌廉周打蜆湯， 材料都多, 有蜆肉，同蘑菇片。前菜是黑糖麵包配煙三文魚。黑糖麵包有輕微甜味，夾埋煙三文魚食。店員好快幫我地Set 好生蠔盆, 枱上一個火山形的器皿, 先放乾冰在中間再放水, 呈現火山煙, 再放一盤韓國生蠔響上面，視覺一大享受。冇食過韓國生蠔, 原來可以咁鮮甜, 而且尺寸都大隻, 好肥美，海鮮盤還有海螺和海蝦，蝦肉彈牙。之後店員問要唔要上埋第二round 的南非生蠔, 服務好好,南非尺寸相對細隻啲, 但口感嫩滑。主菜, 點了美國西冷牛扒, 薄薄地容易食, 唔會韌, 配了薯角。再來羊架, 上枱已聞到好香, 肉質鮮嫩。小食叫了炸魚薯條, 炸魚係魚手指, 外脆內軟, 炸至金黃色, 沾上沙律醬, 好味。餐廳中間還有幾個遊戲, 啱晒來Happy Hour , 飲下野, 玩下既上班一族。

同朋友想揾生蠔放題, 知道有間新餐廳開咗, 收Starry night, 去到見係全層, 有啲酒吧感覺, 有間卡拉OK房, 私隱度高, 見餐牌有個包了前菜、湯、主食、小食及任食生蠔嘅套餐2小時$468, 好期待, 餐湯係海鮮蘑菇湯, 湯內有大片蘑菇、有蜆肉等前菜有煙三文魚, 我夾了麵包一齊食店員已問是否可上生蠔, 第一轉係來自韓國的M1生蠔，好大隻喎, 有濃濃的海水味, 口感厚身，帶子位夠清甜。中間還有其他海鮮, 包括爽口的海蝦、及鮮甜的螺，第二轉生蠔, 店員介紹係來自南非的生蠔, 尺寸較細隻, 鮮甜。主菜叫了西冷牛扒, 有炭燒香味, 伴菜有薯角。另一主菜係紐西蘭羊架，完全唔羶喎, 熱辣辣, 肉質淋身。有多款小食選擇, 叫了炸魚薯條, 份量都多。飲品叫了Fruit punch 及可樂。之後唔夠喉, 再叫多轉生蠔, 好满足呀!

有兩種放題，係最難抗拒。一，係大閘蟹；二，係生蠔！介紹返呢個任食生蠔套餐，其實放題任食呢類真係唔敢亂推介。但呢間我覺得都可以輕輕一推，當日食冇伏（戴頭盔）！套餐就唔止得生蠔，仲有三款main course牛扒、carbonara同羊架任君選擇。講返主角生蠔，任食有南非同愛爾蘭生蠔，後者較為肥美礦物味較南非蠔濃啲，不過鍾意清爽順口就應該啱食南非蠔。主食就尚可，紐西蘭羊架比預期有驚喜，羶香得嚟肉厚嫩滑，火候控制得宜！澳洲羊架羶香得嚟肉厚嫩滑，邊沿脂肪位稍為肥膩但嗰個羶香又會令人想大啖咬埋個嚿肥膏，呢個moment就要多謝個薄荷醬幫手解除口腔嘅油膩感。另一主菜係套款嘅美國安格斯牛扒，五成熟啱啱好，軟稔細緻脂肪少。

唔係朋友同我講，我都唔知銅鑼灣開左呢間新嘅蠔吧❤️佢地做緊個$468蚊任食生蠔嘅套餐，仲可以揀唔同嘅主菜同小食，非常抵！前菜方面有麵包，餐湯同煙三文魚，水準正正常常冇咩特別。主角就當然係任食嘅生蠔喇！可能因為任食嘅關係蠔唔算係好大隻，但都幾新鮮。餐廳提供幾款來自唔同國家嘅蠔，分別係韓國、南非同愛爾蘭，每款嘅口感同味道都略有不同。我自己就較鍾意韓國蠔，相對較大隻。主菜方面可以揀牛排、卡邦尼意粉同羊架。我地分別揀左牛排同羊架，我自己就覺得羊架係比較好食，煎到岩岩好熟，相當嫩滑。牛排就相對煎得較硬，冇咁推薦。

位於銅鑼灣新開嘅starry night推出左有前菜、湯、主食、小食同任食生蠔嘅套餐～餐湯：海鮮蘑菇湯/附黑糖麵包海鮮足料有蜆肉、八爪魚等前菜： 大大塊煙三文魚2客頭輪除左生蠔外，亦有serve 海蝦、螺第一款：來自韓國生蠔，裙邊呈金啡色大大隻、海水味偏濃螺肉幾爽甜第二輪來自南非生蠔比韓國果種，蠔身較細隻，裙邊較爽～礦物味濃d主菜西冷扒 配薯角西冷扒較薄身，正常水準紐西蘭羊架 呢道超有驚喜質地軟熟，羊羶味唔會好勁！小食：就揀左炸雞扒 配泰式辣醬炸雞扒炸得好juicy, 份量好多！Fruit punch 1人1杯，如要飲酒就加$98 free flow

今日嚟咗依間喺銅鑼灣新開嘅西餐廳食飯，見佢出咗個新鮮生蠔放題，食2個鐘都係$468，仲有包其他野食。先嚟咗個餐湯，今日個湯係周打蜆湯，係我嘅至愛😍湯入面有幾粒原隻蜆肉，同埋都食到薯仔同蘑菇粒。濃度都啱啱好，唔會太稀/太稠。前菜仲奉送黑糖麵包同煙三文魚。黑糖麵包好軟熟，食到淡淡嘅甜味，三文魚新鮮。去到任食生蠔嘅環節，我哋先叫咗韓國生蠔食。韓國生蠔size比較大隻同埋肥美，生蠔係即開嘅，望落非常之新鮮。生蠔拼盤入邊仲有一啲海螺同埋鮮蝦，螺肉彈牙，蝦味鮮甜，蝦頭有d蝦膏，都幾甘香。之後仲有南非生蠔同埋愛爾蘭生蠔揀，兩款嘅味道都比韓國生蠔嘅海水味重，口感亦隱約透住奶油味，個人鍾意食南非同埋愛爾蘭生蠔多啲。主菜方面，美國西冷牛扒唔算好肥，肉質比較厚實，不過勝在牛味都濃，而且仲有配薯菜。最後仲叫咗一個小菜，椒鹽鴨舌。平時比較少食到，鴨舌外面被炸成金黃色，外脆內嫩，加上濃郁的椒鹽香味，令人食到唔停呀！