Stella's Bar & Restaurant (已結業)

在荃灣廣場附近尋找美食店時，發現了一間裝修比較高尚的餐廳，外貌也跟其他附近的餐廳不同，所以吸引了我們的視線。走近發現是新開張的，四周環境和氣氛都挺好，可是可能因為最近天氣比較潮濕，在進食途中不時發現有蚊子。這天我們點了一個set dinner 和一個daily special. Set dinner有前菜，麵包還有主菜。前菜我們點了65度溫泉蛋松露蘑菇。松露味很濃，上菜時侍應也很貼心的提醒我們要把溫泉蛋攪拌一起吃。主菜我們點了白酒忌廉汁青口意粉青口很新鮮，但意粉味道比較淡，而且很油。Daily special 我們點了澳洲蟹肉意粉外貌非常吸引，而且很香。蟹肉也很新鮮，意粉的汁是忌廉汁，比起上面的青口意粉，這個汁忌廉味突出得多，很適合我個人口味。可是同行友人也指這個意粉也比較油。整體也很滿意，但是可能是新開張，硬件方面並未準備好。在吃飯期間上面的冷氣機滴水了，滴到我們的桌子上。 但值得一讚的是侍應很貼心，會主動幫我們添水，而且笑容滿面，非常有禮貌新開張期間會有8折優惠，但是信用卡機還沒有準備好，所以我們要用現金結賬。

上周日，朋友邀請我到Stella 試菜。一試就愛上～每一道菜精緻但絕不馬虎！最inspired 係個青豆蟹肉湯～我本身係唔食青豆，一上菜，心想：都係唔食，但試一口，就發現它完全唔係用平時街市ge 急凍青豆，口感像新鮮豆做的～另，龍蝦意粉也大推介！它汁不多，但用龍蝦上湯濃縮製汁，叉上一小撮意粉連汁（還未吃龍蝦啊），一入口，已彷彿在吃整隻龍蝦！！！餐廳選料上乘，簡單如餐包，都唔係hea交貨，自問對面包都有d要求, 這裡的餐包外脆內軟，👍🏻👍🏻👍🏻難得在荃灣區有如此高水準ge 西餐，以後多個同朋友、家人ge聚會點！

鍾意試新野嘅我,知道有新餐廳開張梗係要試下。晚餐百幾至二百幾都有,想la carte都有,甘價錢就梗係貴少少。我地一行四人,叫餐又散嗌左d。個牛係slow cook,好冧,個底唔係用薯蓉而係用粟米蓉,好得意。個魚係馬頭嚟,特色係食埋d魚鱗,趣卜卜,好過癮。個意大利米好堅持,唔似得好多其他甘用珍珠米,閨蜜本身係牛怪嫌魚腥,都話個魚好好味,但係都係鍾意個牛夠tender,真係佢講晒。唔記得左頭盤添，個溫泉蛋好味,d菇仲好味,所以湯都要encore嚟磨菇湯。三文魚他他用黎麥做底好捨得用料。我地係散嗌到叫左個腌魚,好鮮,好香,可能酸味味,好開胃。其實已經好飽,但女仔有個胃專俾甜品嘛!個panna cotta 有一粒粒黑色野,唔係芝麻,係新鮮雲呢嗱籽,好香。個紅酒煮梨加左肉桂好香。野飲杯沙冰都好令好味。