Stella's Bar & Restaurant (已結業)

是日一人晚餐，次次經過都見到呢間西餐好多人，今次平日一個人過黎試下，都有驚喜。餐廳尚算光猛闊落，半落地玻璃，裝修都幾有心思，值得一提就係佢地個半開放式廚房同埋水吧，感覺令人放心。叫左個set dinner：黑松露意大利飯黑松露味好濃，汁同飯既比例適度，汁唔會太咸，而且飯粒有咬口。蘋果沙冰個人好鐘意呢杯餐飲，蘋果味雖然唔算好重，帶有少少酸酸地，但係唔會有假味，亦都唔會太甜，份量算大杯，夏天飲真係一流。

I live right beside this place and always thought it was fancy and expensive. Finally I've decided to give it a try with my friends.We booked a table a day before. Good thing we did cause this place was FULL on a Wednesday night.  They do have set dinners that comes with a variety of starters, mains and a drink. there are also home made desserts. We ordered 3 set dinners and 2 desserts for the 4 of us. not bad. we had pasta, steak and risotto. for starters we have potatoe salad, caesar salad and

約朋友食飯, 黎左荃灣呢間新開既西餐, 靜中帶旺. 主要以set dinner為主, 不過都有其他main course, appetizer選擇.唔想諗都係要左set, 先來三文魚appetizer, 三文魚新鮮, 配上魚籽都唔覺腥, 伴碟既汁酸酸甜甜幾開胃.main course要蟹肉意粉, 同樣有少少魚籽, 清香蟹肉, 意粉粗幼適中咬落夠彈牙煙韌. 雖然睇落好清, 但味道唔覺淡.甜品有紅茶意式奶凍, 茶味都係清清地, 唔算太濃, 夠滑溜易入口.

今晚一家十口聚餐，睇佢食評都幾好，決定去試下啦，Book咗枱都要等2O分鐘，入去坐下環境裝修都舒適，服務態度都算好，但一䏲餐牌無咩選擇，餐湯都要加錢，我地點餐後大约2O分鐘，開始上頭盤，碟子好大好大，餸菜好少好少，再等多2O分鐘左右，上主菜，同頭盤一樣，碟大餸菜少，我叫了牛腹肉，上菜時一碗仔薯蓉同四片牛腹肉($2xx)，牛肉無牛味，薯蓉都算可以，份量少加無味道！埋單價錢好貴，食左好似無食到一樣， 重要回家食杯麵。

病假關係看完醫生與屋企人到附近餐廳午餐選了這間新開業的餐廳中午12時 未到lunch time關係餐廳內仍有大量座位兩個人點了煙鴨胸紅菜頭意大利飯煙三文魚溫泉蛋露筍意粉點餐後 先奉上熱烘烘的餐飽味道熱度剛好即使不用塗上牛油已快速吃完不久便上了紅菜頭意大利飯感覺健康的菜式微酸的味道 開胃飯的軟硬度剛剛好不錯等了一段時間（可能廚師一次過烹調關係）終於來了溫泉蛋意粉賣相確實不錯醬汁味道 與意粉亦剛剛好餐廳食物與環境都不錯服務亦很貼心店員哥哥見我準備吃藥即主動送上一杯暖水讚原來門外貼著1時前結帳享折扣優惠我們離門後才知道呢很抵呢荃灣區又多一間不錯的餐廳了

今日係好朋友生日，當然都想選間好，有日去荃灣廣場經過見佢新開，佢又想去就決定生日正日去試，我地9點半去到吾多人…聽住音樂都幾舒服…我地2個食到11點先走…每人$340…價錢不算太平但質素係荃灣比較少有 。今日朋友都好開心收到意外驚喜…黎到不久已經有2款面包食，熱呼呼又脆口但面包內軟熟，好快比我地KO晒佢地，如果有牛油就好了。是日餐湯$48…甘筍蟹肉湯，見到個泡幾特別，原來這些泡沫係豆湯的泡沫，好甜甘筍香而且蟹肉又濃，飲落滑身吾杰，味道不錯。鵝肝牛脷肉凍 $138…很漂亮的裝飾…感覺有點立體添！～而鵝肝平時都食得多，搽多士或整片煮加上生果醬汁，反而今次這樣子一層層比較少，今次食落有鵝肝香加上牛脷香味幾特別又吾會搶晒味，口感因為2款比較相似所以食落去舒服而味道混合好特別，而且還是有心機食物，需要一層一層再切出黎而又沒有爛。黑蒜松子仁意大利飯$188…用慢煮方法煮五花腩已經第一次聽，食落醬汁超濃原來係有用骨髓再煮出來，怪不知濃味而吾太油的感覺，意大利飯煮得剛好吸晒味，上面有少少松子仁有畫龍點精作用，有少少清新感覺。但講真份量都不少，2個人食都幾飽肚。法式紅酒燉牛肋條$198…一甲起芝士原來在

荃灣區終於有間像樣少少嘅西餐廳了！而且價錢唔貴 坐得舒服 地點方便！行完商場就同媽媽食呢間裡面都幾大架叫左兩客set dinner 跟餐送嘅熱辣辣餐飽前菜媽媽要左三文魚薄片配魚籽好大隻碟😂三文魚配埋少少辣椒汁 好惹味我嘅炒蘑菇配溫泉蛋 加左松露忌廉汁少少creamy 好好味喎👍🏼👍🏼👍🏼牛肝菌意大利 超香！加埋大塊芝士無得輸👍🏼又係好creamy 而且米飯軟硬適中蟹肉意粉 略嫌意粉有點硬不過好香蟹味 而且蟹肉都幾多😙埋單都係$400左右 超抵食而且店員好有禮貌 抵讚！

係車廠附近開嘅西餐廳味道如何實在令人好奇，於是個日就同左朋友黎試下。呢個菜式係我最鍾意嘅菜式，牛肋條吸收晒醬汁，非常juicy。除左牛肋條仲有薯蓉，薯蓉非常細滑，又重牛油味，都係我食過最好味嘅薯蓉！呢一個係松露忌廉汁炒雜菌，初頭以為只係一個好普通嘅炒雜菌，但一食落口就被松露忌廉汁吸引住，個汁惹味得黎又唔會蓋過菇嘅味道！呢個菜式亦都係我鍾意嘅菜式，蟹肉數量都算多，面頭嘅蟹籽再配埋蟹肉同個汁，配套得非常好，口感一流，充滿鮮味，下次再黎我都會叫番呢一個意粉！

這Stella Bar & Restaurant在荃灣大壩街，就在荃灣廣場後方，鄰近荃灣西鐵站，也算方便。這是一家法式餐廳，據店方所說，廚師以前都是在SOHO區煮高級西餐的，而來到這區，質素仍然甚高，但價錢明顯划算得很。Set Dinner包括餐包、頭盤、前菜、主菜、飲品，最重要的是價錢只是$200餘元，便有法式享受，認真超值。餐前的法式餐包醃黑醋橄欖油是必然的配搭，基本上大部份西餐廳也是差不多的。63°c溫泉蛋, 炒雜菌, 松露忌廉汁: 這是蠻精緻優質的一道Appetizer，先把溫泉蛋穿刺，讓蛋汁與雜菌結合，加上松露汁的香濃味道，層次非精豐富。另一前菜三文魚他他不多說了，雖然無論賣相、味道也十分討好。我們另外各點了一款蕃茄忌廉鮮蟹肉湯。此湯非常Concentrated，香濃而鮮味十足，蕃茄忌廉之味各有特色，相輔相成，再加上蟹肉之鮮甜，這是非一般的餐湯。是日精選鮮魚是香煎盲曹，魚皮煎得十分香脆惹味，上菜時香味撲鼻，而魚肉鮮甜嫩滑，可謂外脆內滑。一般的魚柳味道清淡，往往需要醬汁加持，但此香煎盲曹卻能獨當一面，可見其鮮香程度是有保證的。二人法式晚餐只是$497，平均每人$249，只能說是

PJ近排的生活發生了巨變，熟悉我們的朋友都知道我們是痴家一族，就算去旅行，都是短途，一定不會去多過七日。原因是我們都不喜歡在酒店過夜，而且也放不下家中的寶貝小狗狗。但有時真係人算不如天算，有誰會想到我們竟然會有家歸不得？已連續在家附近的酒店過了兩個多星期。家裏沒有水喉水，廁所也不能用，更何況是煮食呢？其實受害的，也不只是我們的家，而是整棟大廈的住戶，真的不明白為何一橦樓齡不超過十年的屋苑會發生這麼離譜的意外。我們都不知道修補工程還需時多久，只希望可以盡快吧！老實說，雖然我們住了在荃灣區已長達八年之久，但在同區覓食的機率可謂少之又少。正正因為今次家裏冇飯開，而且酒店又近荃灣市中心，於是便多了機會在荃灣周圍行下。荃灣車房這一帶食肆林立，早前我們曾經拜訪過有名的車房壽司店，價錢貴絕荃灣，但味道卻名過於實。今天，見轉角位開了一間有格調的西餐廳，一室大玻璃，而且裝修新淨，於是便決定在這裏吃晚飯。原來這間 Stella's Cafe and Bar 只開了短短幾個月，主打法國菜，是區內少有的正統西餐廳。大廚是一位年輕的小夥子，諗頭多多，菜式配搭非常有心思，除了傳統的法菜外，亦加入了一些中西合璧的元

剛巧在荃灣廣場睇戲，便在附近找東西吃。轉角位這間餐廳的裝修別樹一格，便試試看。餐包應該是全晚最欣賞的菜色。微暖之餘，還外脆內軟。 Appetizer 點了番茄芝士沙律。擺盤好看。味道清新，番茄少少酸，芝士不濃味。餐湯似奶茶，奶味超級重，覆過魚的鮮味，失望。主菜的松露意大利飯，松露味濃，意大利飯煮得有口感，不會太腍，有口感，但沒有咸味，味道太淡。另外點了一份牛肋骨，肉質夠腍，但沒有咸味，應該說是沒有味道。配菜的薯蓉很幼滑，味道很好，有牛油香。整體來說，所有菜式都有香濃的忌廉味，但就說不出是咸，是淡，就是沒有什麼味道。

今日去荃灣搵朋友食lunch,之前見到有間新開既,今日就試下個lunch先~價錢唔算太貴,朋友係附近番工,話平時好多人,唔知點解今日星期五唔駛點等~望完menu,我同朋友都好快決定食咩啦~餐包,蕃茄忌廉湯---包一般,個湯微酸幾開胃,個人覺得如過再杰少少就更加好~香煎慢煮豬梅頭配薯菜---朋友食呢個,我無食所以唔知咩味,不過賣相幾吸引,同埋望落都幾淋~香煎盲曹---皮煎得幾香幾脆,上面撒左少少盬提升左味道~魚肉幾多,煎完亦都幾多魚油滲出黎,好香~薯角唔多但好大舊~不過難得想扮下健康食下魚竟然有個唔好既遭遇...就係...我等左十個字先黎........無論又幾好食....印象都大打折扣...如果要等咁耐,佢應該一早講定....我附近兩三台既客人都係有咁既投訴柚子檸檬梳打---正常味道,唔會太甜,都幾足料~等咁耐先黎菜真係有d美中不足😅😅😅

外出用餐, 若身邊帶住小孩就不能隨便揾一間(如要睇1)衛生環境,2)有否BB椅,3)食物是否適合等等)望到間外牆裝修高雅的餐廳便帶住個仔入去,店員第一時間帶我地入座,而且仲自行拎左張BB椅及BB餐具俾個仔,而且BB碗仲係防滑的,感覺很貼心。前菜叫左(温泉蛋,抄雜菌,黑松露忌廉汁),入口很香黑松露味,而且非常濃郁,但沒有蓋去雜菌的鮮味。主菜叫左碟鮮魚薯蓉,很岩小朋友食,吾會太濃味,鮮魚真係很鮮甜,而且配搭的顔色及外觀連小孩都喜歡,全部清世。接著叫左杯檸檬梳打,在炎炎的夏日,飲杯冰凍而酸酸地的飲品,真爽。

今天，也是我第一次食法國餐廳，我、媽媽和媽媽嘅朋友在荃灣發現咗一間法國美食，我們在餐廳門口看見了入邊嘅客人食得津津有味，所以我們便入去嘗試食，誰知道真的很好味我們分別叫了幾味菜道，而我最喜歡食的是法式松子仁寶云酥焗牛骨髓，佢嘅牛很好食，回想起那味道也想再食多次。而飯那方面，有他們嘅松露意大利飯意大利飯是我人生中最好食也是我第一次食的，真的很幸福每一餐飯都會有每一個人的飲品，而我叫了一個朱古力牛奶沙冰，這沙冰令我感到涼快

母子响荃灣廣埸睇完戲出來, 下大雨喎! 唯有响附近搵嘢食啦! 咦…. 新開ga? 未見過呢間餐廳嘅, 一於試吓佢啦!我哋點了溫泉蛋炒雜菌、松露意大利飯及士多啤梨乳酪沙冰, 而亞仔就點了意式三文魚薄片、 澳洲蟹肉意粉及朱古力牛奶沙冰. 不要以為我哋兩母子咁大食, 叫咁多嘢, 係因為我哋見到隔離枱點個d嘢食, 都係個碟大大, 食物細細, 以我大食積嘅仔, 係好肯定係唔夠佢食, 所以先點多兩個餸.溫泉蛋炒雜菌好香, 同平時出街食個d有好大分別, 唔知係咪因為加咗隻蛋的關係呢? 松露意大利飯都係好香, 廚子都放足夠嘅松露, 無呃秤! 最正係杯特飲喎, 天氣咁熱, 整杯沙冰, 好爽! 亞仔快手到, 相都未影, 佢已經飲咗半杯!偷咗兩啖亞仔碟意粉嚟食, 又幾好味喎! D意粉都爽口彈牙, 無黏嘴, 唔錯! 整體嚟講, 食物質素唔錯, 唯獨份量對我哋嚟講有點細!