Story Steak & Pasta (已結業)

今日落大雨但都照去左鳳攸南街搵野食，見到一間裝修得幾靚幾舒服嘅西餐廳，喺門口望一望menu之後，就決定同朋友入去坐底。一入到去，見到餐廳走文青風格，木枱配上牆上裝飾，成個感覺好舒服。店員全程都好有禮貌，唔該前唔該後，睇左下menu，我地就決定左叫2 sets dinner同叫多2個小食。原本想叫多一份蒜蓉包小食，店員都好細心咁提一提我地，話每個餐已經跟左一塊蒜蓉包，於是我地就揀左串燒水牛城雞翼同芝士薯角。我叫左set安格斯西冷配意粉，朋友叫左招牌慢煮牛肋骨配黑松露薯蓉。我同朋友都好滿意個上菜速度，先送左餐湯同蒜蓉包，餐湯可選南瓜忌廉或蘑菇忌廉湯。我偏愛蘑菇忌廉湯，香滑且濃郁。串燒雞翼全部剪開做單骨雞翼，方便食用。芝士薯角味道唔錯，用鐵板上菜，食落熱辣辣芝士亦做到拉絲效果。主菜方面，慢煮牛肋骨份量夠晒大，肉質軟林，且充滿牛味；安格斯西冷叫左5成熟，切開中間呈粉紅色，食落好有滿足感。飲品叫左榛子咖啡同薄荷朱古力，個人比較喜愛朱古力！這一餐我同朋友都好滿意，元朗有心機嘅西餐廳值得推介！！！

已有一段時間未與女伴來到元朗晚餐，這次難得再來，當然要選一間好的餐廳才對得住我們。鳳琴街附近一帶一向匯聚了不少食肆，是晚餐的好地方，Story Steak & Pasta 便是其中一間，店外大大的餐牌吸引了我們的注意力，看到食物頗為合意，而且難得地不設加一，當然要試一試它。店內裝修簡潔而優雅，配合它西餐的格調，坐下不久我和女伴便點好了今晚的菜式。率先來到的當然是餐湯，分別是南瓜湯和蘑菇湯，前者的南瓜甜味突出，後者的蘑菇濃味甚厚，算是很不錯的餐湯。然後來的餐前小食-串燒水牛城雞翼十分惹味，把雞翼拆開後串起來，使得整隻雞翼燒得非常均勻，味道自不然好。期待已久的主菜之一-蕃茄煙肉辣肉腸長通粉看上去十分吸引，份量十足，鋪面的辣肉腸出乎意料地香脆可口，配上濃厚番茄醬汁的長通粉更是令人滿足非常。姍姍來遲的西班牙黑毛豬胺架配薯蓉未有令人失望，豬肉味道濃，配上黑椒燒汁可謂一絕，令人驚喜的是本來作為配菜的薯蓉居然煮得非常好，口感和味道亦是一流，遠勝普通餐廳的薯蓉。最後以清新的檸檬柚子茶和青蘋果氣泡茶結束了一頓豐盛的晚餐總括而言，餐廳從環境到食物均不錯，以西餐而言價錢亦不算貴，平均一人只需大概百五便足以埋

放工之後，同朋友去左元朗雞地果邊搵野食，因為門口嘅一隻兔仔擺設，就吸引左我地入左依間鋪頭。一個dinner set 都係$120左右，有晒餐湯、餐包主菜同野飲，仲要免加一，以西餐黎講，真係算係好抵食。餐湯有南瓜濃湯同蘑菇湯2款揀，我自己就鐘意飲南瓜湯，如果南瓜味再重啲就更好。蒜蓉包蜜糖芥末煙三文魚依款小食真係不得不提，本身諗住是旦叫個小食，原來芥末同煙三文魚可以咁夾，亦都好醒胃👍🏻👍🏻👍🏻西班牙黑毛豬鞍可能因為去到果陣太夜，牛扒已經買晒，所以就試下豬鞍。好多肉汁而且好滑，加埋個醬汁，真係唔錯。但最令人驚喜嘅，一定係個薯蓉。真係好好好好味，滑得黎又有好濃嘅芝士香味，加上番茜吊一吊味👍🏻👍🏻👍🏻一流🤣🤣牛肋條，中間嘅肉燒得好嫩👍🏻青蘋果氣泡茶紅棗冰紅茶總體而言，依間鋪頭嘅野食都好出色，三五好友聚會都係一個唔錯嘅選擇👍🏻

今晚同呀媽去元朗行街，行到黎鳳攸南街附近，想食西餐，就黎左呢到啦！  呢到門口望落去會覺得好細，但入到去就會覺得都幾寬落，唔會覺得有壓逼感，都幾舒服    我們點了兩個主菜，會跟餐湯、餐包同飲品，特飲要加＄10  我地叫左個慢煮美國牛肋骨配黑松露薯蓉，一個辣肉腸pizza，另外叫左個小菜---串燒水牛城雞翼；野飲方面，就點左杯青蘋果氣泡茶同檸檬柚子茶  個人覺得青蘋果氣泡茶有少少甜左d，檸檬柚子茶就岩岩好啦  我點落左單之後好快就黎左餐湯啦！  餐湯有2款比客人選擇，分別係南瓜湯同蘑菇湯，餐廳會係湯上面拉花，南瓜湯真係會有南瓜味，足料，我個人唔係幾鐘意南瓜，所以試左啖之後就比哂呀媽飲xd  餐包係牛油蒜蓉包，味道幾好，但如果可以脆d就好，我個人鐘意烤到鬆脆既多士  之後好快就上左雞翼，呢個雞翼令我幾驚喜，味道係出面未試過，而且辣辣地好岩我口味  之後pizza就黎左，熱辣辣，芝士可以拉絲！  最後我地既主角牛肋骨黎埋！份量比想像中大份，外層係脆脆地，入面既肉好鬆軟，肉本身唔會好咸果d，配埋佢比既汁就岩岩好！不得不提，本身冇點理個薯蓉，因為本人對黑松露冇特別愛好，但食完佢個薯蓉先知原來黑

《推薦菜式》蘑菇湯，檸檬青蘋果梳打， 蒜蓉包，忌廉芝士煙肉菠菜今日去咗一個比較遠嘅地方食嘢就係元朗，元朗呢個地方其實都幾好住，不過係遠離市區， 呢間餐廳喺地鐵站行大約十分鐘之路程先至到， book嘅時候都唔知道間餐廳，原來係咁受歡迎， 不過可能係因為成條街都係食肆， 周圍都有好多餐廳， 喺餐廳門口企咗一分鐘，已經有幾班人又入左去， 今日約咗8點半鐘去食嘢， 餐廳入面雖然得一個又型氣留鬚嘅年青男侍應， 佢手腳真係好快😂😂😂, 一個人負責曬 二十個以上客人， 點餐清潔收銀🧐🧐🧐,干淨快手，服務周到又熟手。《餐廳裝潢》間餐廳係屬於浪漫式主題屋， 餐廳以白色為主， 上面掛起咗一啲 *閃著既吊燈*， 好適合約朋友去傾計， 完全唔怕畀其他人嘈住《食物質素》今日叫咗1個小菜以及兩個主菜加兩支特飲，食物賣相唔錯❤。南瓜湯-忌廉湯-蒜蓉包配主菜送既南瓜湯味道非常濃郁😋😋😋， 食落入面仲有一粒粒細細粒嘅蘑菇好有口感，正， 蒜蓉包係用嚟去煎過嘅，呢個唔係普通蒜蓉包，係厚切麵包所做嘅，口感一流😍。南瓜三文魚意粉啲三文魚非常重皮，份量好多😂😂, 啱曬鐘意食三文魚嘅我， 不過意粉味道少少偏鹹🤨。美國安格斯西冷牛扒

嚟到元朗呢個好似好荒蕪嘅地方原來都有一啲平民質素但係味道十分好嘅餐廳咁似就嚟到元朗都幾近地鐵站嘅鳳攸南街都覓食一番咁發現呢度成條街都知我係食嘢嘅所以唔使擔心冇嘢食二呢一間似乎係一個高級西餐嘅格局原來實質上係平民價錢但係可以滿足到你嘅胃口嘅一間餐廳咁今次就試咗呢度嘅招牌安格斯牛肉煙肉芝士漢堡配薯條係呢個嘅話要等耐少少但係全部都係新鮮即整包你唔會失望首先講吓個配菜薯條絕對係新鮮即炸嘅而且係厚切入面仲有好多薯蓉令到外脆內軟點小小茄汁食起上嚟又唔油膩絕對係博博趣好新鮮薯蓉令到愛吹來遠點小小茄汁食起上嚟又唔油膩絕對係卜卜趣好新鮮至於個漢堡包就買相已經好吸引一咬落去係好juicy同埋好Fresh所有嘅配搭都係非常之井井有條個漢堡更加係一大傑作係整到大約七成熟二好多漢堡包店佢哋都做唔到呢一個水準因為一係就完全係生嘅一係就完全係熟嘅但係呢一間係控制個火候控制得幾好所以自己個人覺得呢一間係喺元朗之中嘅一個西餐之星

今日收工早同朋友嚟到元朗呢間西餐廳食晚餐，佢話都係同事介紹佢嚟，所以即管黎試一次。先來餐湯，係蘑菇野菌湯，蘑菇磨碎用料十足，配合上小小忌廉，口感零舍香滑，係非常好嘅前菜，仲有香蒜厚多士，都係好脆口，確實唔錯。跟住係番茄帶子意粉，帶子煎到金黃色，食落零舍香滑，仲有蕃茄味索埋落去，零瀉好味，意粉將帶子汁索埋入去，所以味道鮮甜。仲有另外係香草野菌pizza，呢味係食素菜嘅人士啱食，野菌上面有香草嘅香味，加上Pizza本身薄薄地，又夠趣口，真係好有口感。最後係啱晒一家大細仲有小朋友食嘅口薯條，用芝士嚟焗係將味道昇華，而外皮香脆之餘，裏面亦覺得軟林林，好適合小朋友嘅味道，估唔到一樣簡單嘅菜式都整得幾好食。仲有杯凍mocha,非常充滿咖啡香，同奶嘅比例亦都啱啱好，係有質素嘅mocha。

西餐喺元朗已經買少見少， 而小本經營嘅西餐廳就更加係兩隻手已經數得晒。 鳳琴街附近一條街出名連住有一排食肆， 種類不嬲都多。 唔同地方既菜式都會係到搵到。 今日就同埋幾個朋友一齊搵左間西餐黎食， 個名幾有趣 叫做story steak&pasta， 名就唔太特別。 所以特登想去食下 睇下有無驚喜。 一入去見到鋪頭唔算大， 但都夠坐到一定人數，而且仲好爆下。 睇左睇個菜單 款式都算多， 豬牛雞魚都齊晒。 咁就即刻叫左幾款黎食， 邊食邊同埋班朋友講返以前一齊讀書既笑料，講極都講唔完。過左振已經有野食野到， 先前落單既時候已經叫左d小食熱下身先， 我見里個薯條都好多人食， 所以都叫左個黎大家share食。有濃芝士 有煙肉 加埋熱辣辣既薯條。 無骨雞翼，非常惹味，外脆內滑 ，同時間燒得非常之香。蒜蓉包， 好軟熟 ，我個人鐘意呢種包底。 蒜蓉入曬落包入面。飲返杯野先， 朱古力 檸茶。黑毛豬扒， 堅好食， 第一次食咁鬆軟多肉汁既厚豬扒。 當然沙律菜都唔會放過啦。炸魚連意粉 仲有腸仔， 意粉個熟度岩岩好，有水準 而且份量都好多 唔敢食太多，驚食唔到其他野。 清到7788 最後都係頂唔順， 爆晒肚都攪

元朗b仔就聽得多， 但元朗食西餐就真係唔係成日都有人講。今日一行四人諗住食西餐，可以慢慢食之餘又可以和好耐無見既朋友聚下舊同傾下近況。 行過yoho mall實在太多人，所以就近近地選擇左呢間係雞地叫做story steak and pasta， 感覺比較貼地既西餐廳。 餐廳門口， 唔算顯眼， 經過未必留意到，但內裡都算幾大。 設計好像處身於家裏既感覺，感覺舒適和寧靜。4個人order左2個小食，3個main set。 有埋湯同飲品跟埋。有二款湯可以揀，分別係南瓜湯同蘑菇湯。湯上面有拉花， 外觀吸引。我自己就選擇了蘑菇湯， 湯夠晒濃郁，蘑菇味重，重質不重量，夠晒飲。無骨燒雞翼熱辣辣帶點脆口，非常方便，味道幾過癮，可以一試。醬燒豬肋骨， 易入口無雪藏味， 肉夠鬆軟，分量超多。黑毛豬 豬扒， 必食推介， 肉汁多，鮮味夠， 烹調時間剛剛好，食完唔夠喉想再食。炸魚肉腸加意粉， 炸魚香脆粉薄， 肉腸彈牙，意粉個口感岩岩好， 無過火， 調味夠。再配上少量沙律，幫助腸胃消化。 由頭到尾野食都係接住上， 唔洗點等， 4個人既分量足夠有餘。 邊食邊吹水， 氣氛唔錯。 有機會下次會再黎食下其他野， 朋友都

前言：好耐無返嚟依間食 尋晚特登返來睇睇 好似多咗好多新嘢食 我又點咗最愛嘅牛肉1.餐湯及餐包磨菇湯唔夠入味 不過不失 蒜茸包就牛油味十足 幾香脆 ok2.主菜：慢烤美國原條牛肋條+黑松露薯蓉感想：估唔到份量好足 邊位烤得有點太乾 但總體嚟講肉質都軟熟多汁 有醃過 鹹度適中 點右上角微甜嘅烤烤醬恰到好處 薯蓉亦有奶味 加埋黑松露幾特別總結：價錢適中 店內坐位比較闊落 幾舒適 西餐有一定水準及足夠份量 會返來再試新菜式 唯冷氣唔夠涼 有點焗促

開頭係行過俾佢個名吸引，Story 有故事既餐廳🤔跟手上Openrice睇睇d評言先~百幾個哈哈笑😄一於試下您個故事嗱😀📖裝修有d歐陸feel個Menu真係成本書咁厚😇一黎見到近期好hit既慢煮😍牛肋骨就叫黎試下先😋同相一樣咁大份~d肉好冧~再跟埋個黑松露薯蓉， 佢個薯蓉好creamy, 再配埋黑松露都幾match~講埋個餐湯先~兩個人一人試一隻味~南瓜同蘑菇湯~蘑菇好飲~再黎一個Parma Ham黑醋沙律， 餐前小食~塊Ham好味呀, 連我平時唔係好食Ham既，今次都添食😋不過成餐最驚喜既，竟然係呢個朋友叫既焗意大利肉醬千層麵😍因為平時食呢個麵覺得唔好食，一pat野😦但今次竟然覺得好好味，好新鮮😍圍住個麵個d薯蓉仲要好好食，外面少脆，同朋友爭食tim呀🤣最後飲埋杯薄荷朱古力🍵飽晒😌

同朋友慶祝生日，揀左呢間西餐。7點半入到去，個陣無乜人，D位幾闊落坐得都舒服。佢D野食幾吸引，價錢唔貴仲要全部跟餐。嗌左好多樣野，肉呀扒呀個D就正正常常所以唔多介紹啦，講下D意粉算。1. 焗意大粉芝士肉醬千層麵 ($98)好好食份量仲好夠，除左芝士仲有D薯蓉係側邊，睇個樣已經知正^^2. 香蒜辣椒帶子意粉 ($98)大大粒帶子，意粉少少辣開下胃，未食D香味已經湧入個鼻度，值！3. 牛肝菌鵝肝Risotto ($118)呢個係我全晚食過最好食最想推介既野。都係未食已經聞到超香，放入口鵝肝開始溶化既感覺直頭令我個心都溶化埋。吞左落肚個種鵝油既味道依然係口腔揮之不去。可能同朋友share食左少少，所以硬係覺得唔夠喉，唔知下次自己食成個會唔會好溜呢。野食同價錢係無得彈既，因為佢仲要唔收加一。不過後尾越黎越多人就發覺有D難傾計，其實所有顧客傾計都唔會好大聲，但D聲就真係好似trap住左係間餐廳度，有時唔係好聽到朋友講乜。同埋有朋友食完野想要杯水(佢唔舒服所以無另外叫野飲)，但店員就話而家忙緊俾唔到佢。呢個就有D令我地傻眼O.O

慢活的生活偶爾收工後，我都會放慢腳步，找一間西餐廳食飯，順道和朋友聊一聊。今天朋友找來一間在元朗Yoho附近的餐廳-Story steak & pasta。撇除商場的食店，這間餐廳地點方便，元朗站出，行10分鐘左右便到了。店內裝修走大自然風，假窗和假花的配搭，令人感覺舒服。而枱與枱之間留有一定空間，甘同朋友傾計就唔會嘈到別人了，值得一讚。晚餐有多款套餐選擇，但既然黎到西餐廳，當然要點一點扒之類的。我點了板燒牛肩胛配薯蓉配南瓜湯，而朋友則點了豬肋骨配薯條配蘑菇湯，小食則點了串燒水牛城雞翼。南瓜湯味道十足，唔會好稀；蘑菇湯也好飲，濃度合適。餐包好好食，香脆又夠熱，好味。串燒水牛城雞翼有驚喜，串住食好方便，夠味道又夠辣，讚讚。2款主菜都配上大大份沙律，夠曬健康👍🏼牛肩胛燒到剛剛好，唔會韌，再加埋配上的醬油，好合適；而豬肋骨大大件，性價比高，仲好鬆軟，本人好滿意呢。總體來說，這間餐廳食物相當不錯👍🏼，性價比高，而且店內環境舒適，不侷促，可以encore 。

元朗yoho mall附近一帶不嬲多美食決定今次試吓見到story steak and pasta呢間餐廳午餐幾抵食 $50-60又想坐耐d 決定入黎食下lunch set朋友叫咗香蒜辣炒蜆肉意粉意粉份量夠多但略嫌硬身如果想要口感好啲可能要叫佢煮耐小小味道十足蜆肉都好多我本身想鋸扒但發現晚餐先有牛扒餐還有試住牛肩肉先啦我叫咗燒牛肩意粉配菜沙律好大份牛肉燒得靚冇過火口感好諗 好香牛肉味我哋加咗餐湯係蘑菇忌廉湯雖然蘑菇唔係食到好多但都好creamy幾好飲飲品我叫咗凍綠茶牛奶佢仲jit堆cream賣相靚之外仲好好飲唔係好甜啱晒我口味元朗真係好多抵食小店我兩點去到唔係好多人下午茶時間仲有得食lunch set仲可以慢慢坐有機會一定去試埋其他餐廳

星期五夜晚walk in ，望下餐牌 有吾少set dinner可以選擇，相比其他西餐黎講算抵食 ，兩個人叫左千層面同意大利飯 都係包餐飲餐湯餐包，另叫左芝士焗薯條，蒜蓉包。焗薯條好似被油浸住咁 雖然熱但吾脆 ，呢個食左一半已經無食。蒜蓉包好香好脆，值得試下。整體而言，咁既價錢真心覺得算吾錯 有下次。