Story Steak & Pasta (已結業)

男朋友話想平平地食排，睇完openrice，比較過價錢，決定揀呢間。Story Steak And Pasta地方闊落光猛，所以可以坐得舒服，同埋有六座檯，適合大家庭或者一大班friend。我點左香蒜蜆肉煙肉意粉。原本係辣既，但可以走辣。跟餐有餐湯、餐包同野飲送，好抵！飲品我點左熱榛子朱古力。男朋友點左美國安格斯西冷牛扒加薯條。牛扒五成熟，配菜可以自選。呢個set一樣有包餐湯、餐包同野飲。佢同我一樣都中意榛子朱古力，揀左杯凍既，我見佢好快飲哂，應該幾好飲。而我地兩個既餐湯都揀左蘑菇湯。另外餐包整得好認真。最後，小食我地點左芝士焗煙肉菠菜，份量一d都唔少，絕對夠兩個人食！整體黎講，呢間係一間超抵食既餐廳！

那晚約朋友飲野，想食西餐和pizza，佢元朗人，同我來這間店，因有手工啤和西餐供應，啱晒我。小餐館很有異國風情，有一樣讓人慢下來的感覺。先來餐湯，南瓜湯，很濃滑，南瓜清新的味道，渇帶微甜，配厚蒜蓉包，不俗。燒豬肋骨+薯條，豬肋骨好大份，燒得好均勻，醃料又濃的香䓍味，好食，我叫了James Boags 的澳洲手工啤來配，真估唔到呢度有澳洲手工啤供應，呢款啤酒，我在澳洲試過，好清甜，飲落陣陣果香，好正的手工啤，香港大陸啤無得比!香草素食Pizza，清新，有番茄，菇，香草和芝士，芝士和茄醬份量適中，我覺得太多芝士會好滯，咁樣清清地最好，餅底好厚好食，原來pizza 配手工啤好Match。至於煙三文魚沙律，那煙三文魚好吃，蔬菜新鮮配千島汁好吃。我好享受同朋友邊吹水，邊啤下的時光。

朋友住喺Yoho個頭，附近鳳攸街有很多好野食，好多都係鋪頭仔，呢間最近試過，都唔錯，來分享下，其實我好支持D出品好的鋪頭仔，我成日覺得鋪頭仔好有人情味，辛苦經營，實在艱難。入到去好開心，好似溫暖屋企咁，簡約又清雅，而且樓底高又有D長長吊燈，唔焗促。服務員友善問我要咩，我和朋友叫佢推介，結果我點了個燒烤豬肋骨配薯菜，朋友想減肥，叫咗個煙三文魚沙律，加埋磨菇湯，蒜蓉多士和綠茶latte。蒜蓉多士厚身，又是熱辣辣上，好好味，誠意滿分。D餐湯一D都唔普通，好濃好有菇味，好好味配蒜蓉包正飛起。另外個煙三文魚沙律，D煙三文魚是好貨色，好咸香有魚味和煙燻的味道，加上沙律菜好新鮮，好好。我覺得燒豬肋骨是全場最好食，D豬肋表面帶焦香，有香料味，重有DBBQ燒汁好惹味，食落有咬口又juicy也入味，重有D好正炸薯條，good !杯綠茶latte 有鮮奶和綠茶香，好滑好清新。這間小店出品唔錯，有誠意。

今日本身諗住同朋友去郊外吸收下新鮮空氣，不過最後因為遲咗出門口嘅緣故，所以就變咗喺元朗呢頭食飯，我哋就揀咗呢間story steak and pasta睇一睇Menu見到呢度嘅嘢食價錢都唔算太貴，比較親民，所以我哋都冇後悔揀咗嚟呢度食嘢我哋兩個人就飲咗兩款唔同嘅餐湯，分別係南瓜湯同埋蘑菇湯，個人就覺得南瓜湯嘅味道比較濃郁，而蘑菇湯入邊就有一粒粒嘅蘑菇碎，好有咬口👍蒜蓉包都烘到啱啱好，好香脆飲品就點着呢杯朱古力，味道不過不失，不過勝在就都幾大杯同埋有啲cream點綴下另外不得不提嘅就當然有呢款BB豬肋骨，燒到既香又甜，肉質都好鮮嫩，不過因為我已經食咗一份小食，所以食唔晒，有差唔多一半都係俾咗朋友食🙈🙈🙈

一睇個名就知係食扒同意粉架啦😌近排同老公都覺得好耐冇食到好味嘅扒元朗有好幾間有分店個d都愈食愈差😟見呢間細細間，本住試下心態丫～～有幾好味喎😆我最愛嘅磨菇湯，濃濃菇味😋橙色嘅係南瓜湯🎃三文魚凱撒沙律🥗非常清新📍極力推介📍水牛城串串雞翼講緊我以為一串係一隻雞翼跟住係我食完嘅時候發現，點解2條骨都係粗骨嘅呢🤔原來佢係拆左幼個條骨，變左單骨雞翼😱啖啖肉，勁juicy板燒牛肩胛牛味濃郁，薯條即炸👍🏻帶子意粉帶子好大粒，落足本意粉硬度適中，唯獨唔係好夠味食左咁多野先四百幾蚊作為一間小店有咁高質真係喜出望外🤗元朗做食店真心唔易希望佢可以繼續做落去啦～

今日嚟到元朗既一間西餐廳～ 好耐都未食過意大利千層面，最近好多人都黎呢一間西餐廳食，一於等我黎試一試啦。黎都門口，有格調喎一齊睇下個餐牌先～一開始我哋嚟一個忌廉蘑菇湯先，好味，好濃郁！仲叫咗杯凍榛子朱古力，朱古力超濃正正正！Hot Green tea latte~ Great!!!!BBQ醬烤原條豬肋骨～ $118醬汁超好味，甜酸度適中～仲有超多沙律！重點黎啦！焗意大利肉醬千層麵！$98我嘅至愛！真係超好食，啲肉醬勁多汁，唔會太乾，一定會再食～d芝士仲會拉絲～西班牙黑毛豬鞍架$138肉汁勁Juice～有埋薯蓉～沙律最後係 $482蚊埋單～ 食左咁多野，咩都抵番晒啦～環境舒適，出菜都快，最緊要係岩食一定會介紹朋友黎食啊～

中學時期經常會黎到呢間餐廳食學生嘅lunch set～畢左業幾年，前幾日就決定同中學同學黎一次舊地重遊，食番舊時光嘅味道😛餐廳嘅裝修似乎比起中學時更加精緻～更加有法式嘅風情💕我同朋友叫左兩個set同埋兩個小食～套餐係包餐湯，餐包同埋餐飲嘅～我地分別叫左一個南瓜湯同一個磨菇湯😋磨菇湯十分濃郁，絕對係真材實料！蒜蓉餐包點少少餐湯一齊食會更加好味！😆飲品方面叫左一杯凍奶茶同一杯凍咖啡～用左一個靚靚嘅杯裝俾我地😆影起相上黎都特別有feel～首先黎左個黑松露薯蓉～本身唔係幾中意黑松露嘅我竟然都覺得呢個薯蓉幾好味！原因係佢黑松露聞落唔係太重味，只係食落會慢慢有陣黑松露嘅香味溢出黎～而且薯蓉好明顯係用新鮮薯仔整出黎嘅味道！所以特別吸引人😍水牛雞翼就辣味偏重～不過正正因為甘，佢食落比一般嘅雞翼更香口！安格斯牛排完全冇令我失望～五成熟的確令牛排嘅肉汁更突出～而佢嘅肉質都不遑多讓😆咬起上黎真係一大享受！忌廉汁向來同意粉都十分夾～加上佢嘅汁比較偏多，令意粉唔會太乾身👍🏻👍🏻唯一不足嘅係三文魚可以再多d，因為實在太好味啦！🤣作為一間裝修精美嘅餐廳，係晚飯時段食甘多野都只係322蚊～果然係我中學一直食開嘅cp值

今天跟女朋友到了元朗鳳琴街一間西餐店。餐廳有很多食物選擇，有意粉、飯及扒類，亦有提供很多小食。我和女友分別叫了一份牛扒及一份意粉。牛扒五成熟，肉質鮮嫩，十分容易入口。

這天晚上兩位好友幫我慶祝生日🎂，原定想食果間無開所以即日再揀過第2間，見尼間又係元朗而且成日要有人排隊，所以好友預約左尼間食生日飯內在環境報置單調舒適，當晚服務員不多，只有兩個人左右。大概晚上7時至8時左右人流都滿座，餐廳大概有二三十個位，門外亦有人等候。尼間晚餐有套餐選，選一個主菜已包飲品、餐湯同餐包除左餐湯同餐包、餐飲即上外，食物等左好耐，起碼三樣野加埋有廿分鐘至半粒鐘兩位好友揀左蘑菇忌廉湯，我就揀左南瓜忌廉湯個湯好正，好有南瓜味同好滑，吾算太濃所以吾會好膩不過差吾多飲晒個湯先上餐包蒜蓉包好香好夠牛油香味餐飲我地轉晒特飲加$10我揀左《Green tea latte》外貌已經好一般點知飲落仲一般，淡如水好友都話麻麻地都好淡之後終於等左好耐上主菜我地三人揀左3樣主食第一款揀左《手打安格牛肉漢堡》$78漢堡吾算大個配埋個薯條🍟漢堡包🍔皮吾會油淋淋而且有口感，芝麻香口，最讚當然係入面舊安格斯牛扒啦超級入味而且吾會煎到好燶，最緊要吾會太熟啊而且佢個薯條🍟炸得吾好太乾身又吾會太鹹，好味另外第二款叫左《南瓜🎃煙三文魚忌廉汁意粉》$88意粉份量偏少，煙三文魚都係一小舊，但南瓜汁同湯一樣煮得好入面

大人終於投訴我成日帶佢去打小D邊爐，叫我俾多D新意喎...咁我咪間西餐同佢食，最緊要價錢合理又唔太差嘅地方啦。揀咗一份西冷扒同一份厚切黑毛豬，兩份都有套餐嘅，先飲個南瓜湯配個麵包，個麵包係用牛油煎香，因為大人鍾意食雞翼所以就加多咗份，熱辣辣又幾好食仲有少量蔬菜都幾好，而個西冷肉佢哋個醬汁係分開上肉質同味道都唔錯，配菜嘅薯條係厚身嘅有咬口又脆，而個黑毛豬可以做到外脆內軟，又唔 韌，食落口仲好有好多肉汁好香肉味，而份我哋揀咗配意粉，個意粉唔係普通白下，係用蒜香去炒，本人相當喜歡而每碟個主菜都有沙律菜配仲要係用日式麻醬，餐飲就一杯凍檸茶，另一杯係凍薄荷朱古力，而面個cream溝埋落杯朱古力令佢更加滑，好似食緊甜品咁，所以我可以慳番個甜品錢。

今天到Story Steak and Pasta 午膳，十二點幾到，點了一份午餐。1. 忌廉野菌煙三文魚意粉: 忘記走蒜，不過意粉硬度適中，醬汁亦不錯，可是煙三文只得一細片，實在少得可憐。2. 榛子咖啡 (跟餐加$10): 下單時問店員是否用鮮奶沖，她回答用咖啡奶，我問: 咖啡奶? 她說是用即磨咖啡，我便姑且一試，結果望落去似即沖三合一咖啡多啲，而且甜味遠掩蓋咖啡味，比家中買的三合一咖啡還差得多。雖然入座時大約只有三成滿，意粉還是等了約二十五分鐘才上枱，而且店員態度麻麻，不論食物還是服務質素都令人失望，不會再幫襯了。

十號颶風山竹過後，街市d菜貴到不得了，咁就不如出去搵食啦。元朗搵食應該唔難既，西鐵站行10幾分鐘，行到見條街都好多野食。就揀左間食意粉既試下啦。可能打完風，仲未太多人出街，餐廳冇咩人，但坐位同裝修都幾靚幾乾淨。睇睇餐牌，有扒、pizza ，burger 同意粉等等。。因為時間都唔早，唔想食太飽，最後同友人每人點了一個餐再點左一個小食。先有餐湯同蒜蓉多士，多士好味，唔會烘得燶，蒜蓉牛油味好香。餐湯分別有南瓜忌廉湯同磨菇湯，南瓜湯好甜，食到南瓜蓉，磨菇湯好重磨菇味，入口會食都粒粒好細既碎磨菇。兩種湯味道都好，唔會係罐頭湯。小食：串燒水牛城雞翼$48共有3串（6件）。雞翼係辣辣地既，拎到過黎時仲熱辣辣出哂煙，下面有沙律菜墊住，覺得辣辣地食返塊生菜又可以舒緩下辣味。唔錯唔錯忌廉汁磨菇煙三文魚意粉$98忌廉汁再加上少少芝士，成個汁好香但又唔會好溜，意粉既軟硬度亦都適中，唔會太軟又唔會太硬。煙三文魚都有兩大片，都唔算少，意粉份量就好多，好大碟。另一個意粉是：焗芝士肉醬雞扒意粉$98可能係即叫即焗，所以焗既食物都等得耐左少少，所以大家如果點焗既食物要有心理準備等耐少少。熱辣辣既芝士加肉醬，好香。意粉

今日lunch試下食元朗story, 店舖裝修簡潔，主要用上悠和既色彩，坐得都幾舒服, ，午餐都有好多選擇，羊架、西冷牛扒、漢堡，豬扒。任意選配飯，意粉或者薯菜。我今次揀左羊架配薯菜，羊架煎得香又好淋，食得出來貨高質素，幾好味，係個醬汁甜左d，薯條份量都多，兩個人食一份都覺得夠，沙律亦很新鮮。店員態度都親切有禮，但可能人手較少，店員都幾忙，但都不斷加水和清潔。價錢ok, 店員介紹晚上的套餐很抵食，有機會都會再試。

眾人返工我獨放假，當然就要對自己好一點啦。一個人去据扒又有咩可怕喎，所以選了一間很溫暖的餐廳一試，享受下一個人的休閒係一個好有藝術的湯，其實是忌廉南瓜湯啦。但係就用忌廉在上面畫畫，飲落都好creamy，而且仲食到少少南瓜蓉添有菜有肉有飯，係完美的配搭。菜是沙律菜，非常新鮮，而飯則是黑椒汁的，配上牛扒，真係好juicy呀！切開左個扒之後，肉質鮮嫩，而且好入味，不難咀嚼，一口牛一口飯，好正！切開就見到肉質紅紅地，係因為點了5成熟，所以肉質會較為有口感本身無諗住點小食，但被隔離枱的食相吸引了，於是點了一份菠蘿釀雞翼。滿心幻想是否會一整個菠蘿呢？答案係....錯！雞翼烤得好香口，有少少菠蘿味的外皮，配上甜甜的燒汁味道，令到外皮非常甜嫁！咬了一口就見到內餡是看不見菠蘿的，但是就吃得到味道，真心好正。而且雖然係香烤雞翼，但係肉質都唔會難乾。整體來說，整餐飯都非常正，有好的環境，好的食物，自然會有好的心情

今次介紹Story Steak & Pasta既原因, 係因為我食得出佢地有HEART!!!話說大約大半年前, 我食過Story Steak & Pasta一次, 覺得普普通通, 有D唔值依個價錢...前排朋友約食飯, 建議食依間, 雖然唔太想, 但又唔想諗食咩, 所以就比多次機會佢!而依次機會, 令我對Story Steak & Pasta改觀!!!難得比我搵到一間會進步既餐廳呢~餐牌我覺得唔太美觀, 如果文青少少會感覺high-class d, 但內容係夠既, 有扒有粉有pizza, 選擇都幾多!我地叫左兩個晚餐, 慢煮美國牛肋骨配黑松露薯蓉($218)&即叫即燒西班牙BB豬1/4隻配黑松露薯蓉($198)!前菜既湯, 麵包, 餐飲我就唔多提啦, 因為都中中矩矩, 唔算超正又唔會太差~我主要集中講下兩款主菜!慢煮美國牛肋骨一黎就哇一聲, 超多呢牛肋骨已細心地分開骨同肉, 再將肉切成一件件, 食落好方便~因為用左慢煮既方法, 牛肉好腍, 但又唔會腍到好似煲完湯咁, 有返一定口感。而且慢煮亦可保留牛肉的肉味, 啖啖都係精華, 加上略甜甜地既醬, 真係必試即叫即燒西班牙BB豬1/4隻都好