Studio City Bar & Cafe (已結業)

同阿亨一向都喜歡係MegaBox睇戲，貪容易買飛又距離公司唔遠。亦因為咁，好多時都係返商場食飯。舊年食過呢度個啤酒節套餐之後，對呢間餐廳有好深刻既印象，所以定時都會黎呢度幫襯  (落單前出示戲飛有折)。早排係yxxxx! 又見到呢度有啤酒節套餐團購，仲多左個四人餐揀，二話不說，即刻買左張四人餐約阿亨同朋友啤一啤 揀左星期四晚去，七點半到，已經full左大半。好喜歡隻啤酒杯，有啤酒節貼紙，有feel。四人啤酒節套餐相當豐富，上檯果陣，大家都"嘩"左一聲。(我冇，因為我有睇過相)食物包括四客是日餐湯、德國併盤(什錦香腸、燒豬手、燒無骨春雞、芝士忌廉焗薯、燒蔬菜)、當然仲有四枝啤酒。是日餐湯：果晚係雜菜湯。湯夠熱，portion又大，味道唔錯。什錦香腸：一共有五款腸，每條都燒到有grill紋，好吸引。當中有我喜愛既紐倫堡腸，正！燒豬手：皮非常脆，一落刀切果下，好似切薯片。豬手唔乾身亦唔太鹹。燒無骨春雞：無骨係一個賣點，實在食得好方便。平時比較少食春雞，呢度整既春雞，肉juicy又嫩，好食。一試愛上。芝士忌廉焗薯：係potato gratin，薯仔切片加忌廉汁煮，再加芝士焗。薯仔索左忌廉汁，但

同事們收到一個好消息，不過暫時未能太過張揚，故暗地裏搞了一場慶祝會。既然是有特殊意義的午聚，用餐地點也要有別於平時，因此提議走遠一點前往Megabox開飯。猶記得上次午膳的經驗不錯，故今次再度光顧Studio City Bar & Cafe，素知這間餐廳與戲院有聯繫，裝修亦理所當然配合電影的主題，並加入美式風格，感覺就如置身荷里活般。午市套餐共有七款，包括薄餅、意粉、熱狗及扒類等，價錢由六十多元至一百元左右。是次選擇水牛芝士蕃茄沙律作為前菜，與想像中不同，蔬菜的種類較為多元化，除了蕃茄外還有生菜、青瓜、火箭菜、紫椰菜，顏色繽紛鮮艷誘人。可惜這份沙律不算新鮮，亦欠缺入口爽脆的感覺。水牛芝士份量太過吝嗇，味道清淡亦不夠香滑，我還是較愛巴馬臣芝士的芳香。以前無肉不歡的我現在學懂收斂，主菜點了一客香煎盲鰽配香草蕃茄汁。單憑賣相，這碟菜式的確稍為遜色，特別是煮得黃黃熟遜的拌菜，完全不能吸引食慾。盲鰽是整片魚柳奉上，份量實在不賴，大食如我亦覺得非常足夠。魚皮薄薄一層煎得香脆，出眾之處是不覺油膩；魚肉肥厚而嫩滑，並且能夠保持豐盈的肉汁，足見廚師拿捏火喉得宜。醬汁由香草和蕃茄調製，味道以酸酸甜甜的蕃茄

我同朋友一共12人被安排坐响店出面, 店員解釋餐廳入面無位SET大長檯, 所以就要對住電梯門口坐, 感覺唔係幾舒適. 如果4人以上開party, 呢度就唔係好適合喇.水牛城芝士番茄沙律, 碟頭細, 稍嫌水牛芝士唔夠香滑.全條豬仔骨, 可以開到11件, 味道香, 肉唔鞋, 夠入味香辣水牛城雞縋, 原來係一隻雞亦劏開兩份, 將d雞肉推上一邊扮雞縋, 辣汁又咸又辣又苦. Bad listed! BBQ香辣雞肉 PIZZA, 似咖哩雞PIZZA, 味道普通鮮味煙薰三文魚 PIZZA, 顧名思義即係一半生一半熟既三文魚舖响PIZZA上面, 唔好食, 感覺超怪.辣肉腸PIZZA, 普普通通, 唔會再encore.意份類反而唔錯, 特別係雜菌忌廉蛋汁寬條麵, 好香好特別好好味, 不過碟頭細, 要再encore多一碟先夠一人分少少.全單埋單有8折, 叫左好多碟野除開一人百零蚊算抵食, 中意食意粉既朋友可以黎試下. 

跟男朋友拍拖，他預先已在此美國餐廳訂位，訂了八點 不用等即刻有得入！餐廳裝潢好似電影情節咁，好似係油站附近個d餐廳咁！好有feel 一坐低已經急不及待要叫野食 (因為實在太肚餓)點左一個龍蝦湯，一黎已經好香好濃既龍蝦味入囗味道更為濃郁 再叫左個Risotto 同 Sausage PlatterRisotto 得三款，揀左Asparagus Risotto味道濃！稠度適合！芝士就略嫌重左d 可以有改善既空間！另外個Sausage platter 有五款腸 都幾大份，所以食左3分1就覺有少少飽肚，注意:佢係黎先過個risotto嫁！😩我地仲叫左2杯野飲一杯係Strawberry Smoothies另一杯係Apple Juice值得驚喜既係個蘋果汁竟然係用原個蘋果榨汁！而唔係出面既濃縮果汁沖出黎既！值得一叫😆最後，上菜既速度好快！侍應又有禮貌值得再來

Studio City Bar & Cafe是一間主力提供美式西餐的餐廳，另附設酒吧提供各式酒精飲料。店內地方都算闊落，裝潢都相類似美式餐廳。一行三人點了以下美食：凱撒沙律：羅馬生菜幾嫩綠及爽甜，只是芝士份量不夠多。芝士煙肉香葱焗薯皮：焗薯皮香口度中等，部份口感硬身，加上酸忌廉吃食味能有所提升。夏威夷薄餅：十寸直徑的薄身薄餅，餅底脆度不足，配料味道予人味道不夠突出的感覺，提議再增加配料份量及用上更濃郁的芝士。牛肝菌意大利飯：牛肝菌醬汁調味出色，菌香突出的同時又夾雜芳香松虂香氣，配上煙韌意大利飯幾好食。服務方面，店員大都有禮勤快，態度懇切，令人滿意！

一行7人... 打算到 megabox 食 pizza.... 點知.... CPK full 左，仲要唔知等幾耐....一眾男孩子也狂呼肚餓，就去搵第二間食肆喇 ~去到呢間 Studio City Bar & Cafe....無人等 ... 望下 menu 都 ok ...結果就入左去喇 ~坐低再睇多陣 menu.....好多野都想試 .... 又怕大家食唔飽 .....結果咩都叫 d ....前菜叫左個白汁煮藍青口跟蒜蓉包成碟都好好味 ~個汁唔太"杰"，同埋好香忌廉味 藍青口都唔算少，可以一人都有2-3隻仲叫左個凱撒沙律，全份剛剛好 ~~不過佢汁太多，無乜麵包粒，但好彩d菜夠新鮮 呢個 ribs 係全份，我地落單時問個 waiter 全份大約有幾多佢答我 3-4 人份量.....到檯面時.... o左咀，以為佢好細條，點知....我地每人分到一條之後都仲有剩 ~哈哈..... 如果 3-4人食應該淨係食呢樣就飽左 lu ~卡邦尼意粉.... 好"漏"，不過卡邦尼一向係"漏"的....呢個用煙肉煮，所以都算 ok，食太多應該會滯 ~~ 仲有叫左地中海海鮮pizza，好足料，d蝦好大隻

睇完戲, 與友人一起到在戲院附近的餐廳吃飯,可能是假期的關係, 職員說店內的座位已被fully book,問我們可否坐店外的座位, 因為那裡也很清靜, 所以也沒所謂三人行, 點了雜菌意大利飯, 蕃茄魷魚寬麵, 紐約漢堡和芝士煙肉著皮菜很快就到, 大約只需等數分鐘, 非常有效率最其貌不揚的雜菌意大利飯最好吃, 充滿濃郁的蘑菇香味另一出色之作是漢堡附送的薯條, 非常好吃, 香脆好味薯皮則沒什麼味道, 最失望的是那個蕃茄魷魚寬麵, 完全沒味道而巨型紐約漢堡真的超巨型, 有雙層厚切牛肉, 煎蛋, 煙肉, 火腿, 芝士, 生菜等...三個人吃了那個漢堡之後, 其他東西也吃不下,如果點這個漢堡, 可叫少個菜整體來說也算不錯, 價錢也不算貴, 因為假期的關係, 所有優惠也停用, 只可以儲UA會的分

好少寫食評, 但係呢間餐廳值得一寫。因為去睇<蝦仔爹哋II>又唔想係E-max食, 所以揀咗係"附近"嘅MegaBox開餐。又因為好想食燒豬排骨, 所以揀咗呢間美國餐廳。好, 入正題, 講返嘢食。因為唔太肚餓又只係得兩個人, 所以只係點咗兩個主菜: 燒豬排骨同脆皮三文魚。燒豬排骨: 無Tony Roma嗰啲咁"骨肉分離", 但係整體味道好足, 也有肉味。不過最叫人驚喜嘅係伴碟嘅薯條, 又脆又夠味, 食到最後嗰條都咁脆!至於三文魚, 初初見佢寫脆皮, 以為係係三文魚上面鋪一層脆皮料, 點知上枱嗰下...咦? 點解淨係得舊三文魚嫁? 但係一食就知點解, 嘩, 塊三文魚皮脆到呢, 咔嚓咔嚓咁聲。點知魚肉仲正, 啲魚肉半生熟, 既有熟肉嘅質感, 又有生肉嘅軟滑。至於服務, 個人覺得唔錯, 甚至算好, 係適當時候走埋嚟, 食到咁上下又問啲嘢好唔好食, 稱心得嚟但係無壓迫感。咁呢篇嘢點解叫<戲院以外>呢？因為呢間餐廳其實同UA戲院同一集團, 其實不嬲對呢啲"跨界別"嘢都無咩信心, 不過經過今次一試, 下次去MegaBox除咗California Pizza Kit

同事生日，想坐得舒服些，見這裡不是太多人不會太嘈雜。Lunch Set有A至G款，由$68-$95，可選餐湯或沙律，主菜連咖啡或茶。前菜選了什菜沙律油醋汁，份量頗大，不過個醋汁酸咗小小香煎鱸魚 伴木瓜沙沙($82) - 有兩大塊魚柳，塊皮煎得很香脆，魚肉肥美肉厚多汁且不油膩，木瓜沙沙清新清甜，還有伴食的薯菜份量也很多。見其他同事點的雞腿芝士漢堡配薯條($68) 和燒蝦凱撒沙律份量($68) 也很大，他們說味道也不錯呢！值得一提是同事點了安格斯肉眼跟薯菜($95)，點知上菜時薯菜只有紅蘿蔔和荷蘭豆，同事這兩樣都不吃，經理很貼心地弄了炸薯條給他，是新鮮即炸的，而且美味非常，大家都食到津津有味總括：價錢唔算貴，份量足，服務貼心，食物質素也很好，值得再來。

早前係團購見到呢間餐廳有德國啤酒節套餐賣，包一份拼盤、蒜蓉包同兩杯啤酒。價錢相宜之餘，賣相又唔差，加上之前係度食過飯，感覺唔錯，就二話不說買左兩張，同阿亨同朋友一齊fever下。可能係星期五晚既關係，七點半黎到已經有五六檯，驟眼睇大部份都食呢個拼盤。入座後，侍應好細心同我地講燒豬手製作需時，可能要等耐dd。反正我地幾個人傾下計，時間好快過。最先到既當然係啤酒，係一隻p字頭既德國啤酒，我第一次飲，都唔錯。酒鬼朋友J話想試第二隻酒，嗌左杯L字頭既啤酒 (題外話：我好鍾意佢隻杯) 之後就係熱辣辣既蒜蓉包，好香、好脆，餓鬼們話咁快就化整為零。主角出場！一上檯，阿亨同朋友C有少少o咀，因為佢地冇睇過相，唔知個併盤係點既樣。(其實見到實物之後，我都有d震撼)併盤有燒豬手、五款德國香腸，炒什菜、酸椰菜同沙律。燒豬手：size有返咁上下，外皮好脆，肉唔鞋。非常好食。德國香腸：(我問侍應拎餐牌睇有咩腸) 紐倫堡腸 、慕尼克香腸、辣燒烤腸、黑森林香腸同牛仔肉腸。腸仔燒得夠熱，款款都唔同味。我最鍾意食係紐倫堡腸同辣燒烤腸。炒什菜：有蘆筍、紫椰菜、蕃茄等等。係食左一堆肉之後，有d蔬菜調劑下確唔錯。之後我地每

有時看到很多喊面食評，也有點擔心．來看電影，經過這裡，也見餐牌也不錯，就入來試試吧．要了份肉眼扒，事實上，我認為是不錯的．要了medium rare,結果偏熟了一點，但也可以接受．切下去肉質非常軟熟，肉汁豐富，肉味是稍遜，但以百多元來說，己相當不錯了．

「Studio City」，是美國洛杉磯的一個城市。為何個名咁熟口熟面？因為去親 UA 院線睇戲，片頭除咗有 「Less is 摸」的「Fancl」之外，都梗有「泰蘭花」同「Studio City」個廣告，說憑飛尾幫襯會有九折云云。這間美式餐廳是以電影為主題，牆上的電視不停在播電影 trailor，聊勝於無。先來的南瓜湯：「Charcoal Grilled USDA 100% Angus Rib Eye」$95USDA，即是美國農業部，安格斯的牛扒仲要寫明係 100%，劃公仔劃到出腸。肉眼扒不算厚，帶點肥脂，燒得挺焦香，配菜的薯條也是出奇地香脆，三扒兩撥就成碟食哂。

友人C說要和我補祝牛一, 所以特地挑選餐廳慶祝+聊天...一如以往...只有四人出席 XD地點對我來說有點偏遠...友人P跟我都用了三個小時才到 笑言可以上大陸了..這間餐廳以美國風為主..與UA合作...在餐廳內兩部電視不停怒loop trailor (話說我睇左5-6次spiderman trailor)..喜歡看trailor 的朋友們不要錯過~!!因為友人C上次吃了個青口說好味道..所以今次我地點左青口,雞翼,pizza,意粉同湯...唔知係咪美國餐廳, D份量原來好好好大!!!! 個湯兩個人飲一個絕對OK! 但落單待應係我地點左咁多野都唔好心提下我地D野食會好大份..!!! 扣分1湯到時因為個湯碟太大, 待應們犯了個新手錯誤, 佢地唔識拎開幾杯水, 就咁將湯放落去, 令碟同杯踫撞了幾下, 差D倒哂兩樣野!! 扣分2D食物速度好快...我地一上就馬上食...嘩..但都唔夠佢地快...5分鐘內差唔多所有野都黎到 (差pizza同意粉)..但因為D湯碟好大...基本上都無咩位放食物...我地意識到所以叫待應A停左上意粉同pizza 先...待應A話"OK,唔黎住嘛", 點知過左一分

看《怪誕黑家族》前一如以往，先在Studio City Bar & Cafe吃下午茶，等待好戲上映。下午茶餐牌仍是那一個，我們每次都是吃意粉、雞翼或漢堡，今次決定要吃其他，結果我們吃了～煙三文魚法國麵包($48)：感覺不及$52的頂級牛肉芝士漢堡般經濟，只能安慰自己：煙三文魚比較矜貴嘛！的確，煙三文魚只有兩片，份量較少，但味道有保證，加上少許沙律醬，與香脆的麵包一同入口，味道好！蕃茄和生菜也很新鮮。薯條較幼，但很香脆。炸魚薯條($48)：本來擔心吃了都不夠飽，但結果份量適當，兩片魚肉塊都炸得金黃，外脆內軟，好！薯條比煙三文魚法國麵包的較粗，熱騰騰，很惹味，好！餐飲：凍飲要加$3，所以我點了熱檸茶。與朋友的凍咖啡比較一下，份量少很多嘛！或許加$3更「抵飲」呢！整體而言，Studio City Bar & Cafe食物有質素，已成為我們的落腳地。

今日來左呢邊睇戲,貪呢邊戲院無人,梗係啦,去MEGABOX仲煩過去澳門睇戲前搵D野食下,簡左呢間.下午茶時間,有幾款簡,我簡左fish and chips杯野唔記得咩名,唔酸既,我鐘意飲D酸既cocktail-o-中左計!呢D唔重要先講個薯條,夠脆,有肉,仲有D唔知咩調味,食左上隱添,正個魚就OK啦,雖然唔係新鮮貨,D肉又實,但係勝在份量夠多,呢個價錢差唔多啦.他他醬 就緊係炸魚既絕配!下次睇戲前都要入來食下野,D burger好似好得