Su Casa (已搬遷) 新店位置

星期五限聚令放寬左，個個都出去食飯。不過天氣唔好，更加唔想等位，咁就緊係黎個外賣自取啦Su Casa 好貼心，可以send what‘s app 問餐廳拎最新嘅抗疫外賣menu，十分方便今日唔係好餓，又唔想食salad，最後揀左煙三文魚忌廉意粉🍝一開個盒真係比佢個size嚇親d意粉、煙三文魚同磨菇都好多絕對唔會將價就貨最尾要pack起d 留返第二日食咁高質素，加埋包杯飲品都唔駛$50唔怪得知長期都咁多人捧場

早幾日去咗石門附近搵嘢食，見到呢間舖，跟手即刻睇吓openrice，啲評語都幾好，於是就入去試吓。間舖坐落去個感覺嘅舒服，有啲cafe feel。叫咗個蠔湯、鴨肝多士、蠔肉黑松露雜菌意大利飯同菠菜忌廉帶子天使麵。先講個蠔湯，本身期望會係好濃味、好香；但上到枱時感覺一般，偏淡，反而佢塊多士幾香牛油味同脆口。然後到鴨肝配多士，配搭上個味道都幾濃，似鵝肝(*不過應該係調返轉，出面食到嘅餐廳其實用鴨肝扮鵝肝，所以先會覺得似鵝肝)。放喺多士上面食，一軟一硬嘅口感幾好，同埋件鴨肝幾滑，唔錯，值得一試。之後到其中一款主菜：菠菜忌廉帶子天使麵，個麵幾creamy，不過食唔到菠菜味，(有機會喺忌廉太重蓋過咗)，天使麵上面嗰幾粒帶子煎得幾香口，兩面都脆，而中間仲係軟身，👍最後到蠔肉黑松露雜菌意大利飯，呢個飯堅正。先係上面四隻炸蠔，但唔老，真係好脆內軟，同埋上碟時都熱。而個飯食落去好香黑松露味道，同埋飯粒唔係全軟身，食落口有啲煙韌又有咬口嘅感覺，so 👍總括嚟講可以返啅再試👌

今餐由屯門走去沙田石門果然無錯，由於自己都喜歡入廚，所以都會邊食邊俾意見，但今次就由開始食讚到去食甜品都是非常好味，睇得出製作有誠意，極力推介之選！如果注意健康的人更推薦，例如他們的南瓜湯是“原汁原味”，要客人因應喜好自己加鹽或胡椒粉，生蠔非常新鮮，牛扒7成熟加上配上汁料和芥末醬，簡直是襯絕。蝦菠菜意式飯都很有水準，現在去食還有7折，呢個價位有咁好的食物水準，係無得輸既！我們是星期日下午17：30去既，當時得幾個食客在內，可以自己選擇位置，門外又可以泊車（小心有可能被抄牌），所以很就腳，又或者乘坐港鐵去石門再行數分鐘就到達。

政府宣布禁止晚市堂食之前幾日，約朋友食最後的晚餐。我哋決定去石門港鐵站附近嘅京瑞廣場搵食。最近疫情開始嚴重，食肆生意一落千丈，晚市時段去到石門，有好多食肆都冷清清，我哋想食西餐，經過Su Casa, 落地大玻璃望入去，裝修簡約，環境清幽，客人不多，最重要係有特價生蠔，所以揀咗這間餐廳。晚市套餐價錢親民，由$68-$178, 還有精選六款生蠔買一送一。我哋叫咗五款，每款兩隻，非常新鮮，各有特色。餐湯普通，份量少，其實餐湯成本好低，唔明點解咁孤寒，蒜蓉包香脆。青口新鮮，意大利粉軟硬適中，配合龍蝦汁，味道很好。煙三文魚好少，我不愛蟹籽，不預置評，但意粉配合忌廉汁幾好味。總結，服務好，環境清幽，食物好味，同朋友傾下偈食吓飯係不錯嘅選擇。

【石門美食💛】前日去咗位於沙田石門性價比好高嘅西式café食午餐上2個post了咖啡照今次輪到分享佢哋嘅美食啦去到時已是中午2點鐘 客人比較少可以任意選擇位子店面都幾大 座位都舒適闊落我哋最後揀咗坐落地玻璃窗邊諗住會採光好啲但個位冇乜冷氣所以幾熱建議大家坐較入面嘅位置會舒服啲♠️精選生蠔兩隻+$48我哋叫咗4隻，師傅揀咗愛爾蘭🇮🇪生蠔比我哋，食落口好新鮮！雖然唔算大隻，但好鮮甜+ creamy，正！👍🏻♠️是日餐湯配蒜蓉包+15濃郁嘅忌廉南瓜湯，濃到似羹，滑得嚟甜甜哋。♠️加拿大無骨豬扒配燒汁$138炭香十足，肉味好濃，肉質有咬口得嚟唔鞋，邊邊位仲好香脂肪嘅味道，同個燒汁好夾，唔會過咸。♠️炭燒美國特級牛肩扒$158哩碟都係炭香味撲鼻，叫左五成熟，睇佢嘅顏色粉嫩粉嫩咁就知好夠軟熟，肉味濃度中等，以哩個價錢算是超值。另外，薯條🍟啱啱炸起，熱辣辣脆卜卜，好好味！♠️House wine +38酸酸甜甜好清新♠️Flat White (忘記了價錢😝）咖啡味好夠濃，我見到咖啡師好用心地拉花，好值得一讚⭐️。➖➖➖➖➖➖➖➖➖➖➖➖➖➖➖➖💖食物質素嚟講，我哋叫嘅樣樣都好味，調味恰到好處，惹味得嚟又唔會太濃太

外賣8折，法式牛肋條飯，牛肋條就去晒骨似牛腩，個汁不過不失，得D蘿蔔好食，D飯生米太硬，大失所望。菠蘿奇亞籽特飲，用心之作，唔錯！Hopefully it will better next time.

沙田石門越開越多食店，Su Casa係我會返轉頭的一間，樓底高，坐得舒適，西餐做得出色。是日餐湯配蒜蓉包，鮮茄忌廉湯又香又滑，香脆蒜蓉包食完再想食多塊。日式鰻魚玉子炒飯~炒飯功夫好到家，鰻魚香味滲入飯粒中，肚餓一定要揀佢。小虎蝦拿破崙意粉~醬汁做得出色，小虎蝦爽口彈牙夠新鮮。西班牙辣肉腸雜錦波菜意大利飯~芝士忌廉汁配合辣肉腸係少有的做法，這個創新令飯唔會覺得太油膩。軟殼蟹明太子忌廉扁意粉~軟殼蟹脆卜卜，這個fusion菜好受阿女喜愛。加拿大無骨豬扒配燒汁~需要耐心等候，最遲先上，厚厚豬扒，高溫烹煮能鎖住豐富肉汁。午餐包一杯凍或暖的菠蘿有機奇亞籽綠茶，健康有益，也可加錢點選咖啡。最後甜品出場，朱古力蛋糕人人喜愛。

朋友的囡囡喺石門上play group，所以約咗石門食午餐,見到依間餐廳評價幾好,咁就揀咗依一間,當日有四個大人三個小朋友！其實已經係第二次嚟食,老實講第一次感覺比較有驚喜,食物質素唔錯,午餐來講唔算特別貴,服務感覺算良好,最主要點解第二次再會黎呢一間餐廳，係因為依度會有圖畫俾小朋友去填顏色,感覺好貼心，亦會有基本服務嘅BB櫈俾小朋友坐，小朋友食完野就會專注填顏色，咁大人就可以安心傾偈當日我由2:00坐到去5:30餐廳已經開始冇乜人,我怕會阻住餐廳落場時間，就問唔會唔阻住你哋落場,員工好有禮貌答我「唔會」你哋慢慢傾啦，整體感覺很不錯，所以第二次嚟石門我照book返呢一間餐廳

在疫情其間，午膳時間，大部分人都會買外賣回公司食，見到這間餐廳門口呢個餐牌真係好有啲不敢相信，40蚊有飯有飲品，平到冇朋友，咁就緊係要買嚟試下啦…買了 B餐, 蒜香雞肉意粉加一杯菠蘿奇亞籽茶，杯茶好好飲，有奇亞籽同新鮮的菠蘿粒粒享裏面，個意粉好有咬口，係高級餐廳食嗰種唔係快餐店`冧吱吱`嗰啲， 好香蒜蓉又唔油膩，唔錯。另外值得一提的係落單個位待應好有禮貌，出單又快，等了10分鐘之內已經出到貨。下次可以再試下其他款式

餐廳服務很好，疫情下都唔會求其，價錢上覺得同食物質素匹配得起，不錯，值得一試。個豬手啱味，仲有個燒春雞，真的很姐吃，雞肉嫩滑亦同時熟透，不會出現過熟或過生的情況，而且入口多汁，很值得推薦。

I came here to buy take-away during lunch time. They are currently offering a $40 take-away menu. I ordered the seafood pasta. Including an Iced organic green tea, it was only $43. The pasta was OK- couldn’t really complain because of the price. The portion was decent and was definitely enough for a girl. I will return again.

之前復活節假期想食好啲，但又唔可以出街，唯有叫老公去買外賣公屋企嘆啦！今次揀左 Su Casa，因為佢地推出左復活節活動丫比小朋友丫！只要惠顧，佢地就會送一套DIY復活蛋連顏色筆比小朋友帶返屋企；填色後將製成品放上佢地個post，就可以免費得兒童餐一份及神秘禮物一份，好有愛！講返我地既復活節晚餐，我地點左：吉列廣島蠔伴松露薯條 吉列廣島蠔炸得剛好，外脆內Juicy，而且松露跟薯條係絕配；炭燒紐西蘭肉眼酥炸魷魚圈配他他汁炸魷魚圈外賣拎到返屋企已經淋左，不過味道都唔差煎蠔肉黑松露雜菌忌廉意大利飯黑松露忌廉既意大利飯好香濃，而且份量都好多炭燒紐西蘭肉眼由於大肚婆唔食得太生，就叫左8成熟，但肉質都唔會太老太鞋，肉汁豐富，仲配埋薯菜食物水準都算不錯，作為親子餐廳，佢地當然有兒童餐既菜單，下次有機會一定要同麥皮姐姐去堂食先！

爸爸媽媽想偷懶一日💆唔想煮飯…所以廚房要停工啦 😝之前吃過Su Casa 的脆炸黃金軟穀蟹忽然好想好想食呀😋😋爸爸自動請纓，去餐廳自取外賣我們點了兩個小食，兩個Main Set必點我們的最愛❤脆炸黃金軟殼蟹🦀香濃咸蛋黃味，淡淡肉！唔會好似其他餐廳般炸粉多過蟹肉🐥煎焗柚子雞翼好清新的柚子味，味道剛好👍好開胃🐮炭燒紐西蘭肉眼扒外脆內嫩，面層有淡淡炭焦味切開後有肉汁流出，中間心呈粉紅色🐓燒原隻去骨美國野春雞同樣皮脆肉滑，肉質都不會太乾有少少辣所以更加惹味原來最近只要係Su Casa堂食或外賣自取就會送DIY復活蛋連顏色筆一套比小朋友完成指定Steps 餐廳仲會送兒童餐 + 神秘禮物一份

今日去咗石門買焗蛋糕麵包材料，順便去Su Casa拎外賣！今晚好豐富，全部都係食肉獸鍾意嘅肉肉肉煎焗柚子雞翼 - 酸酸甜甜，夠晒開胃，小朋友亦好鍾意食！ 德國腸拼盤配酸椰菜 - 幾款德國腸都好味，配埋酸椰菜，消除肥膩感炭燒加拿大有機有骨豬扒 - 呢個豬扒勁厚身，配菜亦都好有誠意，喺餐廳食一定更加好味燒原隻去骨美國野春雞 - 呢個係必食推介！春雞皮脆肉嫩，醬汁有少少辣味，好食惹味除咗有得食，餐廳仲送咗DIY復活蛋連顏色筆一套， 拎外賣嘅時候可以帶埋返屋企，食完飯仲有得做手工！過咗復活節都仲有得送啊！

遲來的分享，之前復活節前夕疫情仍然極之嚴峻，明知長假兩隻小魔怪冇得出去玩，於是爸爸提議買好西回來氹下兩小🥰上次試過石門 Su Casa悠姐念念不忘，今次就一試佢個外賣自取😋🌟 吉列廣島蠔配松露薯條- 我最愛就是蠔，大大隻蠔一咬落去好Juicy，正！樂最愛食薯條🍟，小朋友食點都要有個薯條才似樣，估唔到拎到返嚟都唔太淋，依然好味！ 🌟脆炸黃金軟殼蟹 - 必食之選❤️以蛋黃醬炸成的軟殼蟹，夠邪惡啦啩😈，悠姐至愛，拎到返嚟仲係熱辣辣，又香又正，食到停唔到口！🌟紐西蘭肉眼扒 - 話明食大餐點可以冇牛扒？第二次幫襯肉眼扒，依然不失水準，以為拎到返嚟會冇咁好味，點知咬落去依然肉味濃郁，唔韌，小朋友食都冇問題👍🏻🌟日本帶子菠菜天使麵 - 大大隻日本帶子配埋菠菜汁天使麵，帶子鮮甜菠菜忌廉汁清新唔太「漏」，仲好啱小朋友食添！外賣仲包埋隻DIY復活蛋🥚連顏色筆比小朋友返嚟食飽做手工，就算 #留在家中 都唔怕悶親啦，好窩心的安排，果然是著名親子餐廳🍴❤️特別優惠：CASA請你食兒童餐😻📸 做完手工當然要show返比人睇啦係咪先？小朋友只要將作品放上呢度 👉🏻 shorturl.at/yPYZ6 ，🥳CASA就