Su Casa (已搬遷) 新店位置

石門依家越黎越多好西今日呢間除左好食之外，仲有一流既服務一入門口就見到笑到中左六合彩頭獎咁既親切店員招呼入座全程有咩要求都好樂意服務未食已經好開心招牌蠔湯呢個湯將蠔既精華濃縮晒入去令佢比就咁食蠔更濃郁更有鮮味德國腸拼盤配酸椰菜好豐富既一道腸拼盤我食我多，但呢到都算係整得幾有水準唔好以為腸唔洗調味就冇功夫要煎到佢微焦但唔可以爆咁先為之好咁先會焦香得好又唔會因為爆開左而失去左口感好多其他餐廳一係唔焦，一係煎爆而酸椰菜亦都好爽口，酸酸地好開胃龍蝦汁海鮮意大利飯好濃郁又足料既一個意大利飯意大利飯煮到入晒味，食飯既同時又好似飲緊龍蝦湯咁而個汁亦收得岩岩好，食落唔會膩又唔會乾而且仲有意大利飯特有既外軟內微硬既口感睇下材料幾豐富仲每一樣都好新鮮燒原隻去骨美國野春雞雞肉外皮燒到微焦夠晒香口而且肉身唔會乾，即使係雞胸肉都仍然好好味個汁亦調配得唔錯薯角外脆內軟，薯味香汝燴車厘子金寶脆脆配雲呢拿雪糕非常之賞心悅目既一道甜點真係淨係見到已經覺得好開心金寶脆脆好香脆雪糕亦好軟滑配埋勁多既香甜燴車厘子一啖可以食足唔同口感同層次菠蘿有機奇亞籽綠茶呢個飲品真係要特別推介，好有驚喜飲品入面真係會有啖啖菠蘿肉而且奇亞籽亦

唔怪得好多朋友都話做媽媽之後， 人生變得唔一樣。因為衣食住行好多都會為小朋友而改變，從前見餐廳想食就會衝入去。。。。。而家考慮到食物種類，位置，地方等。 今日就到位於石門的Su Casa 。位置相當方便，係港鐵站一出行一陣就到啦~~~ 枱與枱之間距離寛濶。實在太好啦~~~~ 仲有兒童餐 $68 選擇，好多餐廳兒童餐都只會有一至兩款揀，呢度有三款啊！揀了兩款 胡麻沙律，芝士通心粉，橙汁 沙律菜新鮮不苦澀 芝士通心粉 芝味濃，醬又唔會過多，通心粉又唔會太淋 新鮮藍莓，士多啤梨，小朋友最愛啦~~~ 胡麻沙律，炸魚薯條，牛油粟米，橙汁 炸魚軟滑，入口軟綿 有海量薯條，外脆內軟 牛油味濃的粟米橙汁係係有專屬位置架，防止小朋友容易打翻。食兒童餐係可以扭蛋1次架~~~連我都好興奮啊~~~~哈哈 信義妹就食咗個Tea Set $88（1人） 煙三文魚酸忌廉 煙三文魚唔太鹹，配上酸忌廉同青瓜，味覺清新，口感多層次。巴馬火腿配哈蜜瓜 信義妹很愛這個呢~~~沙律菜 新鮮爽脆 馬卡龍 野莓味的馬卡龍，不會太甜泡芙 抹茶味泡芙正好跟野莓味馬卡龍成絕配。一個味道清香，一

自從比悠姐知道咗我們賣甩佢去咗任食雞煲後，佢嘈住要再帶佢出去食，that's why就出現咗星期一無程程去食親子餐廳的機會了。由於樂悠爸於沙田附近工作，經佢同事介紹知道有間隱世親子餐廳位於石門港鐵站隔離約5分鐘路程，有好味兒童餐供應，完全符合悠小姐要求，於是上星期放工就帶埋悠姐去享受一下啦~一到店面外面望入去已覺非常舒適，可能是平日關係，餐廳人不多，不過闊落的環境就算爆場也一定不會感到焗促擠迫，我們一家三口被安排坐梳化位置，悠姐知道有兒童餐食，未坐低已經喊著要點，而老娘得知新鮮生蠔做緊買一送一優惠，唔洗講已即點了加拿大嘅Galiano生蠔，$58兩隻好抵啊!! 生蠔上枱後不單開得完整還保留了本身嘅海水，原汁原味的，超級正點! 🤤多得餐廳準備了圖畫及顏色給煩音兒童，不然老娘都不能好好享用我的生蠔✌🏻當我品嘗完鮮味生蠔，悠爸才剛點好菜（男人點菜真係好慢，佢聲稱樣樣都好似好正，唔知點揀）我們點了以下幾樣：悠大小姐：兒童餐B - Fish & Chip樂悠爸媽：前菜: 招牌蠔湯 + 黃金軟殻蟹主菜: 加拿大龍蝦意粉 + 紐西蘭肉眼扒甜品: 原個桃雪芭 (極度推介)悠大姐的兒童餐，唔講只睇相都睇

Halloween無得出去玩？唔緊要，其實各區都仲有好多選擇㗎😈👻🕸🎃好似沙田咁，就算唔去新城市，都仲有石門，我地今晚就去咗 @sucasahk 餐廳除咗食物選擇多之外，仲有生蠔，每日仲有6款係買一送一，抵食，所以我地就叫咗西班牙同法國嘅生蠔❤️另外，佢地嘅招牌蠔湯🥣，入味又creamy，仲有鴨肝多士，好耐無食喇當然🤤除咗自己，都要照顧下小公主嘅，呢度嘅兒童餐有Mac and Cheese, 啱晒呢排成日要食芝士嘅小公主，食完仲有扭蛋機可以俾小朋友扭一個蛋添！🤡主菜方面，我地叫咗燒豬手同埋煎蠔黑松露什菌意大利飯，味道好之餘仲份量十足，爸爸仲食唔晒可以帶走添！👍🏻話晒10月都係小公主嘅生日月🎂，所以我叫咗個朱古力心太軟俾小姐，佢就梗係開心啦，有朱古力同雪糕喎😍呢餐我地三個都好滿足，我有生蠔，爸爸有豬手，阿女就有甜品🥳所以話，留區消費都有樣可以好滿足㗎！

石門而家係新發展地區，特別係京瑞廣場，入面有好多小朋友playgroup同學習中心。尋日同家姐去完plagroup，大家都好肚餓，本來諗住去食譚仔，點知見到譚仔旁邊有一間Su Casa。一眼從落地玻璃窗望入去，入面環境好舒服既感覺。裝修色調以綠色為主，感覺好清新。於是，決定了要入去食好西。原本係入面既哥哥見我地係門口東張西望，就立即出黎招呼我地，一坐低又拎左啲顏色筆同填色紙俾佢填色，等佢可以乖乖坐好等媽咪叫野食同等野食黎。餐廳入面有個蠔吧，而家生蠔仲緊生蠔買一送一優惠，好抵呀！不過，早兩日肚仔有Ｄ唔舒服，所以媽媽唔敢叫生蠔。不過我就叫左一個招牌。蠔湯試下。一入口就係好濃郁的蠔鮮味，好鮮甜，但又一Ｄ都唔腥。附上一塊蒜蓉包，吃起來有牛油及蒜蓉的香味，外脆內鬆軟，烘得恰到好處。牛扒一向係我最愛，紐西蘭肉眼排，牛排唔算大塊，但就好厚身，牛扒表面燒得好香，入面切開仲有Ｄ肉汁。牛排叫左五成熟Medium，上枱時剛剛好～入面無咩血水，肉色又唔會好紅好生。龍蝦汁海鮮意大利飯，好CREAMY的龍蝦汁好香，加入啖啖鹹香的意大利飯。飯上面仲配搭左唔同既海鮮，有蝦，青口，魷魚，帶子，仲有好多粒細細粒帆立貝，更

石門站自從起咗兩個大型商場 (京瑞廣場) 之後，多咗超多食肆進駐，加上上次喺嗰度試咗間打邊爐既餐廳感覺都唔錯，所以今日晚飯時間就嚟咗呢度試下其他餐廳喇。餐廳係京瑞廣場二期既外圍，裝修以淺色為主，配搭綠色、青色既傢俱，望落光鮮之剩感覺又相當舒服，所以最後決定食呢間，因為晚飯時間怕多人要等位，所以六點左右就入座。主菜餐牌都幾抵食，不過朋友同我都想試多啲嘢，所以選擇咗單點，叫咗招牌蠔湯、脆炸黃金軟殼蟹、龍蝦汁海鮮意大利飯、德國咸豬手配酸椰菜、原個日本蜜桃雪葩、菠蘿有機奇亞籽綠茶。落完單後待應向我推介生蠔，因為依家有買一送一優惠，自己本身唔太鐘意食生蠔，除咗炸既同打邊爐食既之外，因為好耐之前係酒店自助餐食到果啲都好難食好鬼腥，不過見靚仔待應極力推介咁有 Heart 所以就試下啦，叫咗西班牙 Arousa 生蠔。估唔到淨係叫兩隻都咁有 Heart，用啲冰震住上枱保持新鮮，生蠔好大隻好厚身，加埋少少檸檬汁同辣醬食，超級鮮甜好味，估唔到可以好食成咁 🤤 之後再試埋推介既法國 Tatihou 生蠔，呢款海水味較濃同細隻啲，不過都好好食 🤤 靚仔待應真係無介紹錯。招牌蠔湯 ($68) : 好似用蠔仔打碎

搬到嚟石門已經兩個月 係時候 周圍搵下好嘢食 今日我哋去咗京瑞廣場二期地下嘅 #Su Casa , 呢間之前聽朋友講過話 值得一試👍🏻我哋去到門口 已經有個哥哥仔👦🏻好熱情咁招呼 呢間餐廳🍽又真係相當闊落 仲要係無障礙餐廳 即係bb🚼車輪椅♿ 要入嚟食嘢都完全冇難度🤩我哋一坐低， 就開始揀我哋今晚嘅halloween🎃晚餐，餐牌📔裏面種類繁多 仲有幾款兒童餐㖭 睇咗一陣 我哋就好快咁落order我哋叫咗招牌蠔湯🍵 鍾意食蠔嘅朋友一定唔可以錯過 蠔湯軟滑， 重蠔味 仲要配埋脆卜卜嘅蒜蓉包🍞，正小虎蝦沙律🍤 用料超新鮮 沙律菜 索索聲， 小虎蝦上碟 仲係暖㗎， 證明佢唔係整定 真係有用心製作主菜德國咸豬手🍖， 豬手皮夠脆肉質不硬仲要入味 唔使點芥辣都好夠味， 再配薯蓉 +酸菜 又幾夾喎最值得推介⭐嘅係呢個日本帶子菠菜忌廉天使麵🍝 有好creamy嘅感覺 帶子入曬味 你聞落好似食緊菠菜咁， 但係你係食緊 天使麵 呢個 真係好特別👍🏻👍🏻👍🏻兒童餐我叫咗 炸魚🐟薯條🍟 粟米🌽配芝麻沙律🥗加橙汁🍹 個兒童餐係用架好靚嘅車仔🚗 載住曬啲食物 比卡🐽一見到， 已經急不及待搶住食🤤🤤🤤呢度嘅特飲🍍菠

石門在近2年期間有很多餐廳在這裡開業最近就有一間新潮的西餐廳進駐到石門開業這間餐廳就是Su Casa餐廳門口都是洛地大玻璃而且樓底很高座位也是寬敞的給人一種舒適的感覺來到西餐怎可能不喝湯呢這裡有羅宋湯還有特色的蠔湯蠔湯是由蠔肉打碎以成的所以滿滿的蠔味還有烤得香脆的蒜蓉牛油法包可以配著食鵝肝多士為什麼鵝肝一定要配多士來吃嗎？！當你吃完就知道了在底下的多士吸收了剛剛煎完的鵝肝油脂而且多士是焗到表面是酥脆的加上幼滑的鵝肝簡直是絕配柚子雞翼店家十分貼心地把雞翼骨拔掉一根在這裡吃雞翼不用吃得那麼狼狽了甜甜的柚子醬加上外皮脆的雞翼這配搭得不錯煙三文魚忌廉明太子意粉煙三文魚花很大朵而意粉的口感煮得剛剛好有點咬口也不會太過加上現在大熱的明太子忌廉汁來炒很香很肥阿！煎蠔肉黑松露什菌忌廉意大利飯一拿出來吃不慣黑松露的會覺得很臭喜歡吃的會覺得超香蠔肉煎得外脆內超多汁而且是剛剛好熟透把飯面上的芝士粉和飯攪拌好再吃令到整個飯也更香黑松露味也更出最後要吃個甜品才算是完美的結束這次就選擇了心太軟一切開心太軟裡面的朱古力醬就流出來外層暖暖的吃下也比較香而加上旁邊的雪糕一熱一冷這樣吃感覺很好

今日(1-11-2019 Fri)同老闆女同事CS食晏,我揀咗呢間,亦book咗枱,我要咗$78.00嘅大蝦拿破崙意粉,CS要$68.00嘅螺絲粉,老闆就要百幾蚊嘅豬扒,大家都要暖菠蘿有機奇亞籽綠茶.落完單,暖菠蘿有機奇亞籽綠茶即到,都幾大杯而且有好多奇亞籽,味道唔太甜,好舒服.之後我嘅大蝦拿破崙意粉到嚟,咁我食住先.酸甜度啱啱好開胃,大蝦正常冇問題.份量都唔少.我食咗一半喇,佢兩個嘅嘢食重未嚟,就催一催,但其實催嚟都冇用,因為佢哋係輪流出同一款嘢食.CS話佢碟螺絲粉好辣.環境:留嘅係半圓形枱,梳化椅好舒服,不過呢個位嘅冷氣凍咗啲.服務:只係出餐嗰喥唔太理想,其他都好好.價錢:有加一,TTL$290.002.7分呢個食評只計我食嘅嘢.

萬聖節呀!雖然香港氣氛麻麻，但始於要食飯嘅，一家三口近近地行去京瑞廣場搵嘢食，有咗比卡豬之後，食飯嘅地方一定要舒適闊落，行過呢度喺門口哥哥仔已經好有禮貌招呼，再睇吓環境，座位大到可以放埋BB車，唔使諗喇就呢度食我地嘅萬聖節晚餐，睇餐牌食物種類都算多，仲有幾款兒童餐添，交俾太座話事，先嚟呢度嘅招牌蠔湯，嗜蠔者一定會超滿足，成碗湯充滿蠔味，第二度從未飲過，當然呢度仲有其他餐湯嘅，因為唔係全部人都喜歡蠔；小虎蝦沙律用料超新鮮，沙律菜真係冇得呃人，小虎蝦上碟係微暖，睇到係用心去整，唔係一早煮好冷藏好，等客人點菜就上嘅貨色，用心；呢度嘅特飲菠蘿有機亞奇籽綠茶係我至鍾意嘅味道，微酸而帶甜，清新醒胃；兒童餐太座點咗炸魚薯條粟米配芝麻沙律加橙汁，唔知係咪因為用架車車做餐盤，比卡豬竟然搶住食，少可少可；到主菜上喇，有我地最愛嘅德國咸豬手，呢度配上酸椰菜，又係第一次食，估唔到咁好食，首先食哂嘅係酸椰菜，哈哈，豬手皮夠脆而肉質不硬入味，唔使點芥辣都夠味，美中不足係我覺得今次我呢隻太細了；最值得推薦嘅係呢個日本帶子菠菜忌廉天使麵，食麵好似食緊菠菜咁嘅感覺，食哂豬手先食都食哂可想而知好味程度；飽到捧住個肚，但甜

面試完畢，帶着小朋友去餐廳輕鬆一下👯‍♀️這間西餐廳雖然沒有遊玩設施，但會細心的提供親子服務🥰例如有BB櫈，圖畫及畫筆讓小朋友可以安靜畫畫，如果叫了一份兒童餐，更有扭蛋遊戲，真的很貼心。💝🍴煙三文魚配番茄莎莎（$78）頭盤番茄莎莎配上薄薄的煙三文魚酸酸地，很開胃，不錯。🍴招牌蠔湯（$68）蠔味很濃，唔咸，濃度適中🍴原隻加拿大龍蝦意粉（$268）龍蝦好大隻，啖啖肉，龍蝦味的意粉份量十足，一食難忘。🍴脆皮燒完隻德國鹹豬手配酸椰菜（$228）鹹豬手外皮很脆，皮層趣卜卜，肉質柔滑豐盈，配以酸菜同吃，更添風味。🍴兒童套餐👧🏻👦🏻用粉紅汽車餐具配上胡麻沙律，芝士通心粉，橙汁（$68）小朋友見到都覺得很驚喜很開心。🍴朱古力心太軟配雪糕（$68）雪糕是movinpick🤤配上朱古力心太軟，流心朱古力好香好濃郁，食落又不會很甜。食完兒童餐之後仲可以扭蛋，我女好開心，走的時候問我幾時可以再嚟。🥳

上個月忘記了20號的約會，今個月補返數，唔係食蛋糕啦，係一家人出去食好嘢😋朋友介紹來這舖頭，佢話坐得舒服之餘，食物及服務不錯架，所以就嚟試下。 入到舖頭，無柱位一眼見晒，樓底好高，感覺好開揚，職員安排咗我們坐梳化位，由於他們知道有小朋友，職員已準備兒童餐具及有蠟筆畫紙給女女，十分細心💕。 同亞女慶祝20號，當然叫咗個兒童餐比佢，茄汁粟米雞肉意粉🍝、煎魚餅、麻醬沙律🥗、橙汁，亞女食得津津有味！叫兒童餐仲有張飛仔比小朋友去扭蛋，有得食、有得玩、仲有禮物🎁，值得一讚👍另外我們叫咗幾樣嘢：🍴招牌蠔湯：好香濃的蠔味，老公好快就飲晒！🍴帕馬火腿哈蜜瓜：好少地方有得食，最常食的地方係我娘家🤣，火腿不太鹹，哈蜜瓜好清甜，做前菜一流！🍴鵝肝野菌扁意粉：鵝肝味不會太搶，醬汁味道亦剛剛好，若是鵝肝全隻煎香上就更好！🍴紐西蘭肉眼排：好厚身，煎得稍為熟咗的，鎖住肉汁，肉質都幾嫰，唔洗點醬都好食，配上微辣的薯角，不錯！🥂送凍/暖嘅菠蘿有機奇亞籽綠茶：不太甜、又有咬口，幾健康的飲品！🍨朱古力心太軟配雪糕：甜品又係另一個肚，心太軟外脆內軟，濃濃的朱古力醬、暖暖蛋糕，配埋冰凍雪糕，好正呀！

京瑞廣場夾公仔就夾得多，估唔到呢度有間餐廳係小朋友食得開心，大人食得舒服嘅。一入到去餐廳侍應好好噤問仔仔: 玩唔玩油顏色啊？仔仔當然話好啦，之後侍應就去左拎左填色紙同筆喇！我就可以好舒服噤慢慢睇下餐牌喇！呢度有兒童餐，仔仔點會放過呢！叫兒童餐重有得扭蛋一次Tim!!!我地叫左個蠔湯，加拿大龍蝦意粉，柚子雞翼同德國咸豬手，哈哈，全部都係我最鐘意食嘅嘢！蠔湯，蠔味重而又唔戥，正！加拿大龍蝦意粉，賣相已經一流！龍蝦爽口彈牙同意粉個汁味道好夾啊！柚子雞翼，呢個我極力推介，一向我都鐘意食柚子，呢個雞翼煎得夠香，再配柚子味道清新而唔油膩！徳國咸豬手，隻豬手皮好爽脆，豬手肉唔會太硬，幾好幾好！食完噤豐富嘅嘢再order 2杯波蘿有機奇亞籽綠茶消消滯。再叫左杯水蜜桃雪葩我地一家三口食，個雪葩簡直係邪惡！原個水蜜桃雪到冰噤，內裡係桃味雪葩，食一啖係會停唔到口㗎！呢間餐廳kids friendly! 全程仔仔食得好開心！味道係會有驚喜，環境亦都舒適。總結，我比滿分㗎！仔仔開心我就更開心！

諗住黎試下個招牌蠔湯 點知中個大伏名過於實 蠔湯零調味 得蠔味 清如泉 淡如水 飲多杯水好過青口海鮮意大利飯 青口又係得個清字 冇味個意大利飯冇用任何忌廉味 求其打個汁扮係整左 跟住再落d芝士粉hea過又係淡而無味 多謝哂軟殼蟹天婦羅番茄乾意粉又係不得了又係冇調味 純粹整左個色比你睇仲要入面既洋蔥想做焦糖化 點知炒燶左 了不起 最後餐飲杯咖啡 飲兩啖 頂佢唔順都唔明點解食物質素咁差 竟然可以一個負評都冇 以後都係唔好信食評了強烈建議唔洗去 唔好食 唔好哂錢

之前去過銅鑼灣「Casa Pennington 」，覺得相當唔錯！ 知道沙田有間同集團Casa Group嘅西餐廳—「Su Casa」， 同小妹公司好近， 就諗住接完小妹放工之後，同佢黎約會下！ 「Su Casa」同「Casa Pennington 」走不同路線， 價錢比較相宜， 同樣地有前菜、意大利麵、意大利飯、主菜、甜品， 身為蠔吧，點少得生蠔、海鮮呀！😏餐廳同「Casa Pennington 」一樣，都做緊生蠔買一送一優惠，好抵呀！😎 小編比較鐘意creamy嘅生蠔， 所以就叫左款來自法國🇫🇷嘅Mermaid， $68有兩隻， 生蠔開得好完整， 本身嘅海水都保留住，原汁原味！☺️ 中度嘅海水味，甜味回甘，肉質肥美creamy～ 是日餐湯（$48）為南瓜湯，入口順滑，不錯！ 值得一讚係法包夠熱辣辣，烤得香脆可口嘅！👍🏻 香煎鴨肝配多士（$88） 鴨肝煎至七成熟，入口肥美豐腴， 配上烤得香脆可口嘅多士，正！😋 ⭐️推薦❗️菠菜忌廉帶子天使麵（$158） 天使麵幼而爽滑， 每一條都沾滿菠菜忌廉汁， 醬汁雖然唔會有濃郁嘅菠菜香， 不過柔