Su Casa (已搬遷) 新店位置

SU CASA 餐廳没有中文名稱，位於石門京瑞廣場二期地下，門面相對比較廣闊，店內座位較為寬敞，坐得很舒適，只是空調相對比較冷，風量較大，最好作適當的調整。我和友人吃了一頓非常豐腴的晚餐，埋單時八百元有找，十分抵食！👏👏 而且，員工服務態度好，抵贊！👍蠔湯叫得上“招牌”，肯定不容錯過！湯很濃、帶綠色，口感柔滑，喝進去完全感受到蠔的鮮活味，只是份量似乎少了一些！脆炸軟殼蟹上枱時呈金黃色，聞到都口水流了！吃下去非常鬆脆香口，吃完渣都沒有，絕對是水準之作！我們也點了加拿大龍蝦意粉，龍蝦是原隻拆肉，蝦膏蝦汁炒意粉尤見入味！蟹鉗肉質香甜，連肉身一起炒的意粉，三扒兩撥已吃過清光！以現在的推廣價$128來說，真的認真抵食了！炭燒紐西蘭肉眼扒份量十足，厚度足有一吋，外層燒得焦香、內層肉汁封鎖，吃來不單有香濃的焦脆味，還且油脂在口中爆發。朱古力心太軟配雪糕不過不失，流心份量足，但餐廳並非主打甜品，沒甚特色。反而是菠蘿綠茶，甚為好喝！菠蘿味道香甜，加了有機奇亞籽，在炎夏中呷上一口，無比暢快！整體來說, 除了甜品水平稍有不及外，大致上抵食，且最緊要好味，招牌蠔湯值得鄭重推薦。

石門有一間高質素西餐廳，令人意想不到  <3 這裡環境舒適，員工服務好好吉列廣島蠔與黑松露薯條($78) 吉列新鮮即炸，裡面的廣島蠔大大一隻，不愧是專長是號生蠔的西餐廳，黑松露很香，薯條是中型薯條，薯肉飽滿，份量都比較多，足夠4個人吃，厲害喔。原隻龍蝦意粉($268) 龍蝦的蝦外殼已預先處理，加上比較軟，很容易就能夠破開它，裡面肉質，鮮甜彈牙，現在正進行營銷，價錢比之前平了一半，很值得吃喔。另外，意大利麵條有光澤，分明爽口不硬。炭燒紐西蘭肉眼扒($248) 牛扒多汁，肉厚，看來師傅很用心燒烤，配料的薯仔非常好吃，外皮香脆，裡面軟軟的。菠蘿有機奇亞籽綠茶 看到滿滿的菠蘿果肉跟圓圓的奇亞籽，好健康的一款飲品，選了暖暖的，沒有加冰，有不少的新鮮菠蘿味道，不會太甜，看起來應該沒有加糖水。蘋果金寶脆脆雜莓雪糕($78) 甜品必選之一，打開最上面的粉紅色糖餅，一團團白煙立即升起來涌出，給人一種仙境的感覺，外型好吸引人喔，在下面的金寶脆脆沾上了糖漬莓，酸酸甜甜的，加上雲呢嗱籽雪糕，一酸一甜，好吃喔。 📍Su Casa 沙田石門安群街一號京瑞廣場二期地下G03號舖

平時帶囡囡出去食晚飯，我都會簡有兒童餐既餐廳，因為小朋友會食得好開心。今日帶埋囡囡去Su Casa 食晚飯，Su Casa 環境好寬敞，空間感好大，以綠色白色為主，感覺好清新舒服。侍應遞上一張填色紙比小朋友油顏色，小朋友油得好開心胡麻沙律、芝士通心粉、橙汁（$88）胡麻沙律蔬菜新鮮、芝士通心粉好香好香芝士味，食完唔會好滯，份量剛剛好，囡囡食晒成份兒童餐食完仲可以出去扭蛋，囡囡扭到至愛既Pooh Pooh 意大利帕馬火腿配哈蜜瓜（$88）一口一粒，火腿和蜜瓜一齊食，甜味中和了鹹味，恰到好處龍蝦汁海鮮意大利飯（$168）海鮮意大利飯有青口、帶子、魷魚、蝦，海鮮新鮮，由其帶子和蝦，蝦夠爽口，帶子好鮮甜，意大利飯煮得剛剛好，不會太腍，帶點點硬身。朱古力心太軟配雪糕（$68）朱古力心太軟一切開，朱古力醬慢慢流出，朱古力味道夠濃郁，配上雪糕一齊食，一冷一熱，口感好滿足，伴碟亦花了心思，士多啤梨花整得好靚。凍菠蘿有機奇亞籽綠茶味道不太甜，好香菠蘿味餐廳侍應好有愛心

自從石門地鐵站開通後, 加上越來越多新式商業大廈落成和大型機構進駐石門區, 石門區轉眼間變成了食客們覓食的新熱點。其中一間店子Su Casa，我也開始留意到。食友們最近也追上熱潮, 紛紛在這區活動, 而且通報這店的食物很不錯, 對於這個消息我是採取半信半疑的態度，經過上一次試過了這店的食物，才知道這店是有水準的, 這晚又再來試試。飲品點了菠蘿特飲，甜度合適, 菠蘿味濃, 感覺唔錯。先來小虎蝦香橙田園沙律, 虎蝦已預先去了蝦殼, 食用非常方便, 蝦肉厚而香脆, 口感是爽口彈牙, 香橙肉甜美多汁, 新鮮的沙律菜夠爽口,味道清新開胃。一道餐湯送上來, 是招牌蠔湯, 鋪面的忌廉, 香氣味濃, 湯本身味道甜美而蠔味濃郁。蒜蓉包烘得皮脆而內鬆軟，塗上蒜蓉就是簡單的美味,吃起來滿有牛油及蒜蓉的香味。是日的主菜炭燒美國特級牛肩扒拿上來了, 牛扒選擇了五成熟，烤牛扒的功夫做得不錯。先吃一口，牛肉鮮嫰, 有濃郁的牛味，肉汁非常豐富, 入口肉質細嫩帶嚼勁，伴碟有薯條。還有甜品是意大利芝士餅, 賣相幾精緻, 面頭舖上一層可可粉, 口感是幼滑的, 也夠鬆軟, 還有爽脆的意大利酥餅。今時今日餐廳要在市場上突圍而出

今日同老婆去左石門搵食，京瑞一二期都有好多食肆，到最後揀左呢間西餐廳。老婆獨愛既雲石枱面，而且座位都幾舒服。菠蘿有機奇亞籽綠茶，清甜夠哂解暑，又有健康既奇亞籽。招牌蠔湯，整溶哂啲蠔肉，賣相似蘑菇湯，飲落有超濃既蠔味。脆炸黃金軟殼蟹，熱辣辣既軟殼蟹好香，再有層香脆既炸皮，極邪惡！炭燒紐西蘭肉眼，5成熟既肉夠哂腍同好夠肉味，完全唔洗點醬都好好味。鴨肝野菌扁意粉，啲白汁完全上哂喺意粉到，每啖都有濃濃既白汁。朱古力心太軟配雪糕，即焗所以好熱，入面朱古力醬冒住白煙咁流出黎。

石門揾食，見到呢間裝修不錯，幾有情調，價錢亦合理。平日晚上，都唔少人架。招牌蠔湯 $68超濃郁蠔湯，飲得出好足料，應該用了蠔肉做成蓉，每啖都十足蠔味。旁邊的蒜蓉包亦係香脆好味的。蠔控必試！小虎蝦沙律 $88沙律顔色鮮艷，夠曬吸引。主角虎蝦有略略煎香，更加香口。另一特別之處係加入左香橙片，即刻開胃左。軟殼蟹天婦羅乾蕃茄意粉 $138欣賞佢既乾蕃茄，令意粉香味提升不少。而意粉的軟硬度亦控制得啱啱好，索曬D汁，酸酸地幾開胃，份量亦好足。而軟殼蟹亦好大隻，每人半隻都好夠食。唔會感覺「乾爭爭」。紐約西蘭肉眼扒 $248牛扒七成熟，肉質唔錯，亦煎得幾香。有牛味，有口感，對得起呢個價錢。牛扒下面亦墊左不少菜菜，有西蘭花、露荀、粟米仔、薯角等等。種類多亦好食。燴車厘子金寶脆脆配雲呢拿雪糕 $78俾佢個名吸引左，好奇心驅使下，叫左來 try 1 try ! 又幾靚喎！驟眼睇，仲以為係生態瓶 。有沙、有石、有花、仲有小蝴蝶。睇得出，真係好有心機整架。味道亦唔錯，脆脆其實係曲奇餅碎，mix 埋雪糕同燴車厘子，好味的服務亦不錯，侍應有禮貎，主動加水同換碟，抵讚的。

慶祝自己分娩第1000日， 阿女一千日大， 精挑細選下一家三口，來到石門港鐵站隔離的京瑞廣場吃西餐。甫入餐廳， 青綠的裝修 很舒服 空間感也很大。看到一群年輕帥氣，打扮乾淨整齊的待應們， 態度非常殷勤，笑容滿面。由於一早訂了座，桌上已準備顏色筆及畫紙， 畫紙背面是數獨及迷宮 適合大一點的小朋友。阿女當然獨自享受， 兒童餐 A: 蕃茄粟米雞肉意粉，芝麻沙律配魚餅一來就是架粉紅車仔裝滿美食，阿女已經心心眼。意粉夠滑夠林，不太油。厚厚魚餅咬落彈牙，魚汁鮮甜，第一口咬已經覺得好好味。雞肉切成粒粒，肉質嫩滑， 易入口， 但有雞皮。兒童餐還附送扭蛋一次及現場扭氣球，服務好好我們好開心。德國腸拼盤配酸椰菜 - 三款腸，唔識細分， 長條係脆皮腸，係最濃肉味，咸咸地， 其餘兩條滑嘟嘟， 第一次係試食酸椰菜，幾特別好開胃。椰菜花忌廉湯配香脆蒜蓉包椰菜花打至糊狀， 令不愛吃蔬菜的人，也全碗喝掉，很神奇。麵包蒜香味濃， 麵包很脆，烘得一點也唔硬。煎蠔肉黑松露雜菌忌廉意大利飯- 黑松露惹味 ，米飯口感外軟內韌，好 Creamy, 蠔肉肥美外脆內軟，混合多重口感。燒原隻去骨美國野春雞- 在不吃皮的情況下， 雞

周圍都泣泣亂，夜晚真係吾敢周圍去。盡量只會係馬鞍山沿線開餐。石門既選擇多，不過好多都食過，今晚沿著商場外圍行，就見到應該是算新開既Su Casa ，裝修簡潔清新，就入去一試。侍應好 nice ，好細心介紹。👍我地一行三大兩細，小朋友要食兒童餐，有三款選擇，每款都有沙律，有粟米，都幾健康。兒童餐仲有得扭蛋。招牌蠔湯，超濃厚的蠔味。加拿大龍蝦意粉，上枱超有氣派香煎鴨肝配多士德國腸拼盤配酸椰菜軟軟殼蟹天婦羅乾蕃茄意粉德國咸豬手纽西蘭肉眼扒，好林又有肉味。二百幾蚊，自己去買一定吾止呢個價。意大利檸檬甜心雪糕球，好清鮮，食左咁多，酸酸地幫助消化。菠蘿有機奇亞籽綠茶，好健康，仲有得揀和暖，好細心。餐廳好用心經濟，一定會再幫襯!

今日放假約了好友去沙田食晚餐。「Su Casa」，位於沙田石京瑞廣場二期地下G03， 地方寬闊， 十分舒適！ 先來一道《白洒羅勒忌廉紐西蘭青囗》做小食， 份量不少，有十幾隻肥美青口，口感飽彈牙，加上香濃忌廉汁， 好夾， 好好食！ 我叫一道《龍蝦汁海鮮意大利飯》， 外觀美麗， 海鮮豐富， 有青口，大蝦、帶子同魷魚。香濃龍蝦汁配上鮮甜海鮮， 加上意大利飯煙煙韌靱， 令我感動， 滿口鮮味，正呀！主菜有《炭燒紐西蘭肉眼》， 肉味香濃， 由於廚師將肉眼炭燒外面， 將肉汁鎖住，十分juicy, 而火候控制得好， 外脆內嫩， 好食！最完美一餐梗係要食番個甜品《朱古力心太軟配雪糕》， 仲要有雲呢拿雪糕， 真係正晒！ 我把它切開，即時見到朱古力流流出嚟， 真係令人心動，超級正呀！《菠蘿有機奇亞籽綠茶》幾好飲， 味道清甜， 有少少菠蘿肉， 加上奇亞籽上， 健康之選！下次可以試吓其他食物， lunch Set 抵食！ 仲有兒童餐同下午茶！

**SU CASA**今日黎石門幫阿囡買日用品後 就四圍搵野食 , 推住BB車 最希望就係搵到間餐廳有HIGH CHAIR又或者擺到BB車結果比我地搵到! 仲要門口無梯級 係斜陂黎嫁!! 店員好快安排左我地坐低,問我想擺BB車定要HIGH CHAIR . 成個過程佢地都好NICE,好有笑容.仲不時聊下小朋友.拍得住親子餐廳既員工啊!!呢度食物選擇好多,選擇困難症發作招牌蠔湯 HKD68  - 有蠔味得黎又唔會腥 仲配左塊多士吉列廣島蠔配松露薯條 HKD78 - 總共有四隻蠔 , 即叫即炸 , 薯條份量亦都好足 ! 軟殼蟹明太子忌廉意粉 HKD108 -  明太子味道唔算突出, 意粉份量好多 , 而且軟殼蟹已經預先分左一半 ,唔洗自己切紐西蘭肉眼扒 HKD248 - 我地要7成,煎得岩岩好 , 無咩筋位同肥肉 , 而且仲唔少伴菜最後要左個心太軟 HKD68 做完結 老公話呢度選擇多 , 地方夠闊 , 可以再黎 , 加上仲有兒童餐. 桃桃大D就可以嗌自己一份餐LU !

跟好友約會食個飯，最重要係環境好，可以邊食邊傾下心事，近近地石門呢間西餐廳正正合適，舖面都算大，全場深淺兩款綠色座椅感覺好Fresh，環境舒服，服務員笑容好好，有禮，是日餐湯蕃茄忌廉湯配蒜蓉多士，稀結度適中，質感夠滑，德國腸拼盤配酸椰菜，有三款腸，味道口感各有不同，配沙律菜加酸椰菜味道好夾，紐西蘭肉眼扒，嫩口重牛味，保持到肉汁，軟殼蟹天婦羅乾蕃茄意粉，份量多，好啱我口味，意粉口感剛剛好，值得推介，甜品好多選擇，最後揀左意大利芝士餅，不太好甜品的我，都覺得好好味，不會太甜，菠蘿有機奇亞籽綠茶，有凍有暖選擇，夠味足料，家長唔怕小朋友唔啱食，餐廳好貼心地有三款兒童餐比大家選擇，我見服務員仲會拎部小型扭蛋機比小朋友扭，有得食有得玩，小朋友開心，家長就放心。

好少一間餐廳一個禮拜會去2次，但竟然食左 Su Casa 2次，原因係：佢換 lunch menu 呀。因為食過好幾次，對佢啲嘢都有信心，所以有新 menu 都會想試。 🤤今日食嘅係雞肉什菌菠菜忌廉意大利飯。我平日好少食飯，唔鍾意食飯，唯獨意大利飯我 OK。意大利飯... 聽聞啲飯有少少硬硬地先係正宗。Su Casa 個意大利飯，就係有少少硬硬地，我個人就覺得OK，幾鍾意呢個質感。不過我估香港人可能會鍾意食煮冧晒嘅嗰種。 🤔呢個飯啲雞煮得都算滑。味道嚟講都OK啦。我唔知sup唔suppose會食到菠菜味，不過我就唔係好食到。😂不過呢，作為一個細食嘅人嚟講，意大利飯本身就好滯，佢嘅份量真係飽到我呢...😌上個禮拜個食評講過啲服務好似比之前差咗少少，但今日嚟又 OK 返喎！特別係有個大眼鏡馬尾女仔，好笑容好 service 👏🏻👏🏻 大家嚟到不妨留意下！觀察過其他女仔 serve 其他客都好唔錯，都有笑容，係真係個男仔相比之下就遜色啲。好嘅 service 而家喺香港好難遇到，希望佢地可以 keep 到。 我相信，除左嘢食好食之外，好嘅服務更加可以令客人回頭。加油！😉

石門越來越多嘢食，而且餐廳選擇都多。今日嚟呢度食諗住試一試。先叫了煙三文魚他他，有番茄碎，酸酸地夾埋啲煙三文魚食，幾好食。份量都唔少，呢個幾抵食，而且賣相都唔錯。一向都好鍾意食鵝肝多士，就諗住叫一個share，鵝肝非常之厚切，而且有多士墊住，唔會太油，一咬落去鵝肝非常之香，不錯。鵝肝油真係好正。而且仲配有沙律，都幾清新。主食叫咗菠菜帶子扁意粉，帶子都幾大粒，而且煎得幾香，菠菜扁意粉份量好多，但係食落去都幾煙靱。飲品都唔錯，夠健康。

石門 Su Casa，係俾禾稈草遮住咗嘅一粒小珍珠。點解咁講呢，因為作為都間唔時去石門搵食嘅我嚟講，都係幾個月前先知有呢間嘢。佢個位置有少少唔顯眼，佢嗰邊其實得餐廳冇嘢行，如果唔係專登兜過去，係唔會冇啦啦路過。不過呢... 自從第一次幫趁過之後，就愛上左喇 😍。Su Casa 啲位都幾闊落，應該都唔會好逼。(利申：次次都lunch尾/tea唔多人嘅時間嚟，不過就算人多都應該OK)成間嘢用咗個綠色tone，我覺得都幾舒服。當然你話好有情調又不至於啦吓。----------佢 lunch menu 都算多嘢揀，以我咁多次嘅觀察，好似每次都必定有2飯2麵1薯1扒同埋1個 special。但最最最抵係，2:00-6:00 lunch set 有7折！🎉🎉🎉(注：1.  7折唔包任何upgrade嘅嘢，即係 menu右邊嗰堆 / 2. 好似要6:00前埋單先有)所以如果就到時間，我都係2:00後先嚟。好似我今日食個B餐，原本$78，7折左$62咋！(不過點解我加埋一都計唔到$62嘅 🤔)----------好好好！講返啲嘢食先！今次食嘅係B餐：蟹籽煙三文魚忌廉扁意粉 + 菠蘿有機奇亞籽綠茶其實我

今日約咗個客係石門開會，於是就叫老公過嚟石門食飯，上次嚟石門食飯時經過呢間餐廳環境好靚😻所以今晚同老公就揀咗係到食晚餐😋前菜我揀咗帕馬火腿哈蜜瓜🍈因爲好少地方有得食，同埋我好鐘意食帕馬火腿🤤帕馬火腿咸中帶香，一放入口油脂充滿口腔，再被哈蜜瓜的甜味中和，幸福的味道🥰我哋再叫咗龍蝦汁海鮮意大利飯，材料有青口，大蝦🦐帶子，魷魚🦑大蝦好彈牙，其他海鮮都好新鮮，意大利飯軟硬適中，配上龍蝦汁更加鮮味可口😋主菜我揀咗紐西蘭肉眼扒🥩我叫咗七成熟，牛扒煎得剛剛好，牛扒嫩口多汁，好香牛味又唔韌，超級好食👍🏻甜品我叫咗心太軟，心太軟一切開流曬啲朱古力醬出嚟，雲呢拿雪糕係用Mövenpick嘅雪糕，又香又滑，超級正🤤飲品我哋叫咗菠蘿有機奇亞籽綠茶，啖啖都有菠蘿果肉，飲完消脂解喝😻餐廳裝修以綠色為主🌳好像置身係城市綠洲，好舒服，餐廳職員好有禮貌和笑容好燦爛，食物質素好高，星期四晚上都坐爆曬人，下次再嚟石門做嘢都會再嚟呢到食嘢😻