Su Casa (已搬遷) 新店位置

每個星期都會經過石門，一直都知道個到有好多嘢食。今次終於去左其中一間餐廳食嘢。我揀左一間餐廳叫Su Casa，因為我見佢有兒童餐食，所以我就諗都無諗入左去😂入到去店員見到2個小魔鬼，已經好識做問我要唔要bb櫈👍🏻拎完之後比左顏色筆同紙比佢地油顏色。(真係好細心，我仔每次等嘢食都會嗌話咁耐未有得食⋯⋯但油住顏色就分散左注意力)。我地叫左Parma ham配哈蜜瓜 、鴨肝多士、是日餐湯、龍蝦汁海鮮意大利飯、燒完隻去骨美國野春雞、心太軟配雪糕同奇亞籽果茶，兒童餐叫左一份芝士通粉配芝麻沙律。Parma ham配哈蜜瓜: 哈密瓜夠甜，中間會配D沙律鴨肝多士:大大塊鴨肝配蒜蓉多士，好好味是日餐湯~椰菜忌廉湯:西蘭花忌廉湯我就飲得多，椰菜花忌廉真係第一次。原來都好味，以為會好淡，原來唔會，味道好出龍蝦汁海鮮意大利飯:有青口、魷魚、蝦同元貝，好足料！飯嘅軟硬度偏向香港人喜好。燒完隻去骨美國野春雞:雞肉肉質好嫩，配上汁味道更加提升。配菜有薯蓉、西蘭花、蘆筍同薯角 心太軟配雪糕:外層焗得夠脆，配上Movenpick雪糕，為我嘅晚餐畫上完美句號兒童餐~ 芝士通粉配芝麻沙律:份量對於我大仔岩岩好，佢都只係分左

今日同一個想食好耐嘅朋友嚟到沙田石門想聚下舊 想食一餐高質嘅西餐，於是朋友就介紹我去呢一間專食蠔嘅餐廳 話喺石門人必食喎！✨白酒忌廉紐西蘭青口($98)呢一份紐西蘭青口份量多得誇張，一共大概有10幾隻青口係入面，白酒同忌廉配合得天衣無縫，味道簡直可以媲美酒店嘅白酒青口✨招牌蠔湯($68)呢一間餐廳主打生蠔但因為腸胃關係今日冇嗌，所以就決定點一份招牌蠔湯，感受下生蠔嘅味道 。一飲落去真係唔係講少，飲得出個湯用咗好多蠔煉製而成 ，充斥着好嘅味道非常creamy ，旁邊仲有一塊好脆嘅蒜蓉包✨煎蠔肉黑松露雜菌蘑菇意大利飯($158)黑松露蘑菇意大利飯一直都係我嘅至愛，因為黑松露同埋意大利飯嘅感覺非常相似，一張兩樣嘢融合，成個菜式嘅味道就會喺味蕾上爆發！上邊配上4塊煎豪肉為成個意大利飯帶出清新嘅感覺，係我成餐飯最愛嘅菜式，係必點之作😭✨紐西蘭肉眼扒五成熟($248)紐西蘭肉眼扒味道上冇意大利飯咁驚喜，但係依然係上級水平 👍🏼份肉眼扒嘅size非常大亦都避開左根嘅位置 一切就係5成熟嘅粉紅色同極多肉汁，非常juicy，食落仲有炭香嘅感覺！✨心太軟($68)一個晚餐嘅落幕當然唔少得甜品嘅點綴啦 ！我

早排去左石門間西餐廳晚飯～環境、食物整體都不錯，可以下次再嚟！哥哥介紹生蠔做緊promo買一送一，叫左幾款試下～海水味重，夠鮮甜！抵食！炭燒紐西蘭肉眼-點左五成熟，煮得恰到好處，肉味濃夠juicy🥰龍蝦汁海鮮意大利飯-夠足料，2個人食好鬼飽～飯索晒啲汁，正，不過米粒淋多少少仲好～飲品-菠蘿有機亞奇籽綠茶，粒粒咬口，酸酸甜甜，飲完更開胃甜品-原個日本蜜桃雪葩，非常吸睛😍地址: 沙田石門安群街1號京瑞廣場二期地下 G03號舖(港鐵石門站C出口, 步行約1分鐘)Tel:28825000

之前聽朋友介紹過石門有間抵食親子餐廳，適逢仔仔K1面試完滿結束，決定要一家人去慶祝一下💕餐廳就喺石門站出面既京瑞廣場二期地下，好易搵！門口有位哥哥好熱情招呼我地入去～自動門後係一條斜路，bb車/輪椅都好方便，貼心👍🏻整間餐廳環境光猛闊落，感覺舒服😊入到去姐姐已經為我地準備緊bb櫈，同埋一張可以填色既kids menu，仔仔已經急不及待要玩，爸媽就可以慢慢揀野食🥰招牌蠔湯：超重蠔味！配埋脆卜卜嘅蒜蓉包，一流😋德國腸拼盤配酸椰菜：脆皮既腸係仔至愛，就俾佢食啲啦，不過份量對2大1小嚟講有啲多😂龍蝦汁海鮮意大利飯：飯粒吸滿濃濃龍蝦汁，配上青口、帶子、爽口既蝦、魷魚圈，一食停唔到兒童餐B：炸魚、薯條、牛油粟米、芝麻沙律、橙汁，用一架好靚嘅車仔載住曬啲食物～仔一見到就好開心咁話「跑車呀！」😂😂食完仲有得扭蛋添架！飲品：菠蘿有機亞奇籽綠茶，微酸而帶甜，清新醒胃下次要試埋蠔先得！

每次同仔仔去完石門學野都好鐘意係呢邊食野，今次去呢度，位置唔算好顯眼，但環境都唔錯。一坐底，職員就主動拎顏色同畫紙俾兩個小朋友填顏色，所以今餐真係食得好清靜😄今日叫左以下，一家四口食。招牌蠔湯 $68 Creamy 鮮甜，好香蠔味，但一啲都唔腥。香煎鴨肝多士 $88 鴨肝剛剛熟，油香味好正！小虎蝦冬陰公意大利飯 $128冬蔭公味唔算重，少少辣，中和左Risotto 嘅膩，唔錯！炭燒紐西蘭肉眼 $248我地order 7成熟，但變左10成，有啲韌。牛味其實幾香，如果唔韌應該會好好食，而且配菜都好豐富，有蘆筍、西蘭花、蕃茄、小粟米等，啱晒我呢啲鍾意食蔬菜嘅人。原個日本蜜桃雪葩 $68 呢個真係大愛呀！😍😍 好清甜好香嘅桃味，食多5 個都唔怕肥呀！我地仲叫左2份兒童餐 $68 x2 落單後就俾左張票小朋友去扭蛋，兩個豬仔勁開心😃A餐有芝士通心粉，士多啤梨藍莓C餐有茄汁粟米雞粒意粉，魚形餅兩個都有橙汁同芝麻沙律，分量都好多，兩個小朋友都食唔晒，然後繼續填色，我地大人就可以慢慢食。整體來說，我都幾滿意呀！作為家長，好多時食飯都以考慮小朋友為先，呢度有得食兒童餐，又有得扭蛋、填顏色，大人可以好好享

成日都同小朋友黎石門番pg，去partyroom玩，一直都冇發現有呢一間親子餐廳，直到朋友介紹先知！今日係拍拖紀念日，帶埋小朋友黎試下😛⚠️食物：⭕️是日餐湯 $48⭕️鵝肝多士 $88入口即溶，煎得幾香口，味道有少少鹹，不過配搭多士又balance番⭕️龍蝦汁海鮮意大利飯 $168好足份量，有蝦帶子魷魚青口。醬汁分佈得好均勻，啲飯粒粒分明，溫度啱啱好，每不一啖仲會出煙。⭕️紐西蘭肉眼(medium) $248落單個陣hold起左，食完risotto 先醒起應該可以起埋，大家記得食到一半可以落埋🤣除咗薯菜，仲配左兩個醬汁，分別有茄汁同埋芥末大廚烹飪得岩岩好，exactly 5成熟，啲汁鎖得幾好，切開嗰陣，個人喜歡點芥末，不過咁岩呢一件肉眼既筋位比較多，少啲嘅話，食起上嚟口感應該會更好⭕️兩份兒童餐A+C $68+$68Set A:沙律，粟米雞粒意粉，魚餅，橙汁Set C: 沙律，芝士通心粉，橙汁，士多啤梨同藍莓小朋友都好享受，食完飯，仲可以扭蛋。⭕️心太軟 $68店員好貼心，幫我地寫咗字畫心心，點埋蠟燭💋⭕️菠蘿奇亞籽飲品好健康嘅感覺，不過要記得自己攪勻先好飲😌平時唔好綠茶既我，都接受到呢個味道⚠️環境

今日過嚟呢邊見完個vendor已經接近六點鐘收工時間，所以直接就放工無返公司喇～喺附近兜下兜下期間，見到呢間幾靚幾有feel嘅西餐廳，就叫寶寶今晚入嚟呢度同我食晚飯😝路線好方便❗️佢放工搭「東鐵線」再轉「馬鐵線」就嚟到最近餐廳嘅石門站喇🤓 方便到出咗石門站，行一分鐘就到啦🙈 搶盡地理環境優勢😆餐廳坐位好闊落👍🏻 仲全場都係梳化黎添😍所以坐邊度都一樣咁舒服☺️餐廳全晚都播住輕快音樂🎶整體環境令人心情舒暢愉快😙今晚我哋冇嗌到set dinner, 叫咗單點，因為見到main menu嘅菜式太吸引🤤🙈招牌蠔湯飲落非常重而濃香嘅蠔味🤩 飲到d 粉粉地嘅感覺，應該係溝咗d南瓜蓉入去，未飲過蠔湯的我表示驚喜😆 好特別👍🏻 值得一試❗️煙三文魚配蕃茄莎莎蕃茄莎莎入口清新怡人❣️帶洋蔥味但唔算濃烈，食落d 洋蔥小粒好爽脆💕 大大片三文魚夾住d 蕃茄莎莎一齊食，又fresh又開胃😋德國鹹豬手豬手皮超香脆❗️入面嘅肉醃得好入味❣️生熟適中，咬落有質感有嚼勁👍🏻啖啖肉大滿足🤩最神奇嘅係香脆豬手皮就算凍咗都唔會變硬晒，除咗溫度之外，口感同熱辣辣嗰時食係差唔多🤓寶寶大讚❣️而我就非常鍾意個薯蓉☺️ 香滑細緻得嚟帶淡淡嘅芝士味，

上次觀塘食完環境，今次去石門食服務。啱啱個星期日去咗石門京瑞地下呢間西餐廳，入到去好大同靚，五點幾到咗，無咩人顯得仲闊落，店內職員好熱心，驚小朋友悶仲比咗圖畫加顏色比佢哋畫。差不多每個小朋友都叫咗個兒童餐，小朋友食得好開心，因為個盤係車仔黎，但我望落去d食物覺得好普通。 大人食嘅晚餐，湯ok幾濃嘅，但飯唔算好食，賣相麻麻，另一個餐個牛都幾細，同埋overcook咗，炸蠔炸皮比較厚，其他同行食嘅嘢我無影喇...7大8細食咗大約1500, 絕對唔算平。但整體我比正評嘅，係比d服務員同環境嘅，哈哈！

位於石門o既呢間西餐廳，樓底好高，開揚度高，以綠白色為主調，帶點田園氣息；因應就o黎聖誕，掛上o左少少節日裝飾。除o左有長檯方便一大班人之餘，仲有d 圓形卡位，俾我地坐得親密d sweet sweet……餐廳有多個國家多種生蠔，其中六款仲做緊買一送一。雖然我地無叫到，但仍然試o左客招牌蠔湯($68 未加一)。個湯呈灰綠色，質地creamy 濃稠，蠔味尤其重，相信幾足料熬製，鮮甜之中唔會過鹹。跟湯搭上一小片蒜蓉法包。前菜諗過叫parma ham 配哈蜜瓜定煙三文魚，最後都係決定嗌碟煙三文魚配蕃茄莎莎($78)。滑滑o既smoked salmon，上面o既莎莎醬以蕃茄、洋蔥粒等同香草製成，整體味道酸甜，口感清新。朋友鍾意鋸扒，點o左一份炭燒紐西蘭肉眼($248)。大塊厚身，聞落好香炭燒o既bbq 味！外面燒成吸睛o既橫紋，裡面因為叫medium rare，自然十分鬆化。佢無其他餐廳整通常連帶一大舊肥膏，果真啖啖肉。一啖咬落去，牛穌味遊走齒頰之間，大滿足！塊扒下面有住薯仔、露荀、粟米仔等o既配菜，仲附上黃芥辣，辣度甚高……龍蝦汁海鮮意大利飯($168) 一如menu 圖中所示，都算幾多餸，有

眾所週知馬鞍山係美食沙漠，想食好西唔想下下出九龍？鄰近馬鞍山的石門站外的京瑞廣場，中、西、日、意、美、法的餐廳臨立，又冇沙田大圍咁多人，如果食厭左大型集團連鎖飲食店，石門的而且確係不錯的選擇。今日帶埋小寶姐到Su Casa開餐，餐廳環境舒適地點便利，職員見到小朋友貼心即遞上兒童餐具、兒童餐牌和畫筆畫紙超抵讚！ 好讓媽媽安心點餐和鬆一鬆回一回氣。今日點左頭盤煙三文魚蕃茄、甘旬湯、主菜有菠菜忌廉帶子天使面、德國咸豬手、甜品 Lemon Tartufo 和一份兒童A餐。整體食物水準都好好，份量好足夠一家三口。小寶姐食曬成個兒童餐，仲有抽獎券玩摟蛋，仲表示好滿意話要再encore 呢間餐廳！ Su Casa 網址: https://s.openrice.com/QrbS0vIm900 地址: 沙田石門安群街一號京瑞廣場二期地下G03號舖#SuCasa #kidsfriendly #Foodie #Foodblogger #Annielittlecake #西餐廳 #石門 #親子

前日,約咗女同事ES,男同事FCP,RL今日(27-11-2019 Wed) 食lunch,我提議唔錯同好坐嘅呢間,咁啱上openrice,上網訂枱全單9折,於是訂枱.我哋準時到達,4個人叫咗A,B,C,C餐,兩個加$15.00要是日餐湯配蒜蓉包,大家都要菠蘿有機奇亞籽綠茶.飲品同嘢食都陸續到嚟, 暖菠蘿有機奇亞籽綠茶,味道同上次(嗰個食評:https://www.openrice.com/zh/hongkong/review/%E5%A5%BD%E9%A3%9F-e3585527)一樣唔太濃,舒服嘅.而我嘅C餐,雞肉什菌菠菜忌廉意大利飯呢?好熱好熱,要慢慢食,雞肉同什菌唔多,成個調味都清淡,ok 嘅.其他同事嘅我冇問好唔好食,呢個食評分同樣只計我嘅.抵食係2.7分

每一個小朋友，對兒童餐都情有獨鍾😍阿仔亦唔例外，點左個兒童Boy餐👦🏻 嘆下薯條飲下橙汁，就可以擁有自己嘅小世界🌎女人30一枝花🌹你同意嗎😍？今年生日去左石門Su Casa和家人吃生日飯，可以簡簡單單聚首一堂，已經好幸運😇首先上了一客 #招牌蠔湯 ，鍾意食蠔嘅我，呢碗蠔湯絕對無得彈👍🏻 綿綿密密嘅鮮蠔味，飲左幾多隻蠔落肚呢？前菜係 #帕馬火腿配哈蜜瓜，天作之合。亦勾起我第一次食Parma Ham嘅回億，意大利某個休息站。主菜時間到，率先捧上原隻加拿大龍蝦意粉，賣相十分奢華，味覺十級享受！龍蝦肉非常新鮮，意粉沾上濃濃龍蝦汁，怪你過分好食😋一餐生日飯，食勻全世界！隨即送上紐西蘭炭燒肉眼扒，軟淋多汁，炭火味濃，惹味香口，一件不留！話咁快食完兩餸一湯，不可以錯過呢到朱古力心太軟！細細切一個V位，朱古力湧現，小心唔好lak親嘴💋生日飯點少得Birthday Cake，其實我不介意只有一件Tiramisu，正所謂年年有今日，歲歲有今朝丫嗎😆 食到尾聲，職員捧左部扭蛋機黎。原來叫兒童餐可以扭蛋，扭呀扭，到底有咩驚喜禮物呢🎁 食左咁耐，原來呢餐飯嘅主角係阿仔😜 祝你快高長大、身體健康啦😘石門Su Ca

以前同老公拍拖既時侯 有年生日距帶過我食Casa Group旗下係銅鑼灣嘅一間餐廳🤤好食到過左甘耐我都仲記得但有左流星雨後真係好少會再去西餐廳怕距嘈到人 破壞個氣氛近排俾我搵到係石門開左間都係Casa Group既餐廳仲要係child friendly 💕 一於帶流星雨去試下流星雨睇餐牌見到有車造型既兒童餐已經急不及待係甘嘈要食好彩侍應哥哥係呢個時間拎咗顏色紙俾佢畫畫等距可以安靜下😂 兒童餐一個有三款 佢自己揀咗炸魚薯條配粟米 仲有杯橙汁點兒童餐仲有得扭蛋 開心到不得了搞掂左大少 我地有得食餐安樂茶飯見精選生蠔做緊買一送一優惠有我最鐘意既南非蠔就點左幾隻試下🥰好鮮甜Creamy 但係為咗可以試更多野 所以就無再encore招牌蠔湯 鐘意食蠔既真心唔可以錯過 必點湯好滑又重蠔味 好似食緊好多隻蠔小食點左炸蠔 炸粉唔厚 咬落去好鬆脆見原隻龍蝦意粉做緊優惠價$128所以我地嗌左一份 再加個德國鹹豬手 外脆皮內嫩肉👍最後再食埋個甜品 白桃雪芭 真係大滿足

今晚我想到石門晚飯，滿足食肉獸的我，又可以滿足小朋友們，首選這家餐廳，因為環境寬敞，兒童餐吸引招牌蠔湯蠔🦪味濃郁，鮮甜無比，喜歡蠔的必試🦐🥣小虎蝦沙津前菜先點沙津，小虎蝦蝦肉彈牙，橙肉鮮甜，沙津菜新鮮又有沙津醋點綴，酸酸甜甜好醒胃，份量足，開胃之選🦆鴨肝野菌扁意粉鴨肝肉油香，野菌鮮，扁意粉熟度剛好，醬汁包裹所有扁意粉，濃香綿密，滿口鴨肝油香 ⭐️紐西蘭肉眼扒食肉獸一定喜歡肉眼，啖啖肉夠滋味，肉質嫩滑，牛肉味濃，滿足✨⭐️兒童餐B炸魚外脆內軟，薯條香脆 ⭐️兒童餐A 蕃茄意粉酸酸甜甜，魚餅香，沙津清新，味道適中不會過鹹，鮮橙汁消滯🍒🍨燴車厘子金寶脆脆配雲呢拿雪糕煙燻效果令外觀加分，金寶脆脆加雲尼拿雪糕，口感更豐富，底層車厘子多汁香甜，朱古力蝴蝶點綴下，好睇又好食小朋友還有扭蛋作為兒童餐禮物🎁💕

見仔仔依排咁辛苦周圍面試，等我帶佢去食好西哄下依個肥🐷豬仔先～今次去依間餐廳位於石門，一出石門站行5分鐘就到，超容易就搵到～一坐底心諗大獲😱，因為我唔記得帶玩具比佢玩，好彩侍應哥哥一見到我仔就派填色紙同顏色筆比佢，一見到顏色筆就開始油油油，完全無騷擾過我點菜🤪 首先叫左個$68 兒童餐 (茄汁粟米雞粒意粉配魚型魚餅+橙汁）比佢醫肚～仔仔一見到🍅番茄醬已經好開心，仲有佢最愛既粟米粒🌽叫完兒童餐仲送一個小玩具😍😍兒童餐份量岩岩好，我仔一個人都可以食哂d 🍝意粉，而我就食🥗沙律，後尾我都有偷食佢個餐，番茄🍅味好重，魚餅都好夠味～ 最開心就係有得飲橙汁啦！可以一個人飲哂🍹以下係我同薯爸點既菜：生蠔：6隻（買一送一）前菜：招牌蠔湯+脆炸黃金軟殼蟹主菜：紐西蘭肉眼扒+鴨肝野菌扁意粉飲品：菠蘿有機奇亞籽綠茶甜品：桃🍑雪芭🔶生蠔見到生蠔買一送一忍唔住叫左3款都是來自法國的生蠔，又肥美又清甜🤤🔶蠔湯味道充滿蠔味～愛蠔者必叫！🔶脆炸黃金軟殼蟹前菜必叫～因為加埋我最愛既蛋黃醬一齊炸～好好口感又好味😋🔶紐西蘭肉眼扒　⭐推薦❗份量超大，二人食都覺得好飽！外皮香脆～內裡肉汁多！🔶鴨肝野菌扁意粉鴨肝野菌扁意粉係薯爸