Sugar & Spice

營業中

休息中

同住的日本空姐朋友一直喜歡飲臺灣茶，近日她卻找上了一家泰式奶茶，更常常外賣回家飲，正好今天我行山完畢，回家前去富東商場買來試試。幸好奶茶夠冰凍，夏日炎炎下很解渴。凍泰式奶茶，$23泰式奶茶講夠茶味夠、奶味夠、甜度夠，是很有個性的一種奶茶。這兒的泰式奶茶，茶味算是濃郁，可以飲到茶葉的焙香。煉乳的甜味都沒有掩蓋掉茶香，入口順滑。泰式奶茶茶色呈橙啡色，顏色好像很可愛的甘筍汁呢！班蘭千層糕，$30另外我還點了班蘭千層糕，個人本身喜歡班蘭甜品的香氣。千層糕一客有9件，份量都不少，每件有3種深深淺淺不同的綠色。煙煙靱靭，口感很好。飲完泰式奶茶再吃會覺得略甜，作爲飯後甜品應該會剛好。

原本今日去左一間餐廳坐低左準備點餐，但最後想起suger&spice，所以就起身走人😂😂好似好衰咁。suger&spice呢間泰國餐廳食左無數次啦！雖然好簡陋，好窄，好細，但好好食，味道好有水準呢！而且價錢好平好低食！超級喜歡芒果鮮蝦炒飯！真係超好味啊！每次同男朋友來都會食呢個飯，而且我們都好鍾意點名鱸魚！今次試左佢個黃咖喱雞都好正啊！撈翻簡直係一流啊！今日又試左荔枝大樹菠蘿特飲！好特別！清清地好好飲！以前係呢附近返工，都經常黎呢度食lunch。

本身約左朋友在東薈城食野，但冇一間餐廳似樣，於是就去左富東邨。見到呢間好似正正常常，就入去坐低。當時正值下午茶時間，但唔算多人，不過間野都幾細，坐得都幾逼。叫左雞翼金邊粉同無骨鳳爪，友人就叫左豬頸肉金邊粉。一黎就食左個鳳爪先，好味，酸辣適中，同埋都幾滿。跟住開始食碗粉，估唔到個湯係腩汁味，幾濃，同埋蘿蔔好入味。到主角雞翼喇，用湯浸住都食到濃濃嘅香茅味，真係好食，有驚喜。友人一味食，冇講到佢碗豬頸肉點，我諗應該唔差，因為佢成碗食哂。

哈哈！今日係我的舊曆生辰生日飯真係沒完沒了希望大家冇睇到厭啦！今日就回味返我新曆正日那天在東涌跟車爸爸靜靜吃的一頓生日晚飯，這天忽然間好想食生蝦所以選了到Sugar & Spice食泰國菜嚕！ 到達餐廳時已九時有多，咋咋林叫個二人超值晚餐＄198便算了，套餐內包兩杯飲品轉是泰式特飲要另外加＄15/杯，我就選了荔枝大樹菠蘿冰，而車爸爸就揀了芒果珍多冰。 而這生蝦刺身足額外點選的＄88，點解要來這兒吃生蝦？是因早前跟好友在海堤那邊姊妹店 吃過覺得佢唔係用草蝦唔夠正宗好味！哪兒的經理便透露這店用的是草蝦我聽到即時勁想食所以牢牢記在心中，終於速成呢一餐生日飯呀 但係期望越高失望真係越大！草蝦係好大隻可惜沒帶半點鮮味，但又唔係唔新鮮喎就係唔知點解一啲鮮蝦味也沒有！而且生蝦汁亦都唔係我杯茶真係好失望呀！！ 套餐中的例湯呷一口淡而無味可以放棄！！ 不過去到套餐的香葉辣椒炒豬肉碎即攞返少少分數，有不吃得辣的車爸爸在當然要點選小辣啦，微辣乾身又夠香味的肉豬肉碎用來撈飯簡直係絕配呀！點咗一個白飯另外加＄5轉咗一個黃薑飯，嘻嘻不過其實白飯會更加好食囉！ 另一份選了無骨泰式海南雞，雞肉沒有特別嫩滑但亦都唔鞋

東涌的富東村和東涌北，只餘兩所泰國菜舖，店名不同而來自同一顆人。在富東村的「Sugar & Spice」，走的是平價路線，店內地方淺窄，滿座的時候就很壓迫，擠逼程度僅次對面的「民華餐廳」。說是走平價路線，其實價錢以平價路線來說是稍高。今次吃餐，當中「泰式海南雞飯」，雞就是如白斬雞，斬得欲斷難斷，沒有一件獨立夾得起的，拖泥帶水！肉沒味，得靠那泰式酸甜醬，黃薑飯很乾，差點想不吃。「泰式滷水豬手」，數得出的豬肉只有幾件，賣的該改稱作豬皮豬膏才是，而肉的部份，咬落鬆散，沒豬味，那個滷水汁更是古怪，不吃也罷！「泰式炒飛天通菜」，算燕得下。餐以外的食物，點吃了「香葉辣椒炒肉碎配白飯」，就是很辣，很辣，很重手，辣得吃不下。「炸蝦餅」，吃下如吃炸膠餅，皮炸得亦厚，所謂蝦餅，該添了豬肉和魚肉，蝦味就吃不了，吃到只帶丁點酸味，咬落亦鬆散，罷了。雞翼，味道尚算不錯，但這是應份吧！雞翼都做得不好，乾脆關門好了。凍檸檬茶，用上手標茶葉，糖水自行添加調教，始終，這個味道不是人人可以接受。先不談價錢，這晚所吃到的質素，再平也只是一個嬲字！說是超值，一點也不超值！

Don't waste money and time. Poor attitude and awful food. Not worth a try. The price is over priced. The thai food is not very original and not good taste. The dinner set not much choices. The fat guy wearing a blue shirt is uneducated and stuck up. Unpleasant experiences during the whole dinner. The place is too crowded and hygiene is poor. Think twice before you step inside or buy any food there.

去完 outlet 掃貨梗係要醫肚啦！港女冇去 food court，揀左去富東買外賣。見到呢間 Sugar & Spice，一睇就知係泰式小店。佢細細間咁，估唔到有咁多選擇，我就簡單D，叫左個金不換肉碎炒茄子飯，成為$52.00，如果包埋野飲就好啦！唔夠五分鐘就有，一打開都幾香，不過就 feel 到所有野係一早整定，所以咁快都算不過不失，有辣椒、有九層塔，不過就欠缺驚喜，如果用上泰國茄子會正D！

之前吃過這店的咖哩大蝦！沒有特別提到辣的程度味道是正常的！今天再吃竟然辣到無法入口 辣到苦 食物質數竟如此參差 真令人費解！不知是否廚師未瞓醒！但這樣浪費食物真令人心痛！

小巧的泰國餐廳，坐椅不多，而且也算迫窄。本著食快餐的心態，也沒甚麼要求了。食物上碟整體感覺也不錯，份量也很充足，食物價錢也很合理。味道整體也不錯.~泰式雞肉炒河~配料充足。~泰式併盤~有雞翼，春卷，魚餅，蝦餅，可以一次過品嚐泰式小吃，但也偏向香港人口味。~泰式肉碎包生菜~肉碎很香口，味道也適中，包著生菜吃，一流。侍應招待也很勤快，落單起菜也非常有效率，一向十分支持不是集團式營運的小餐廳，用心努力去營運才是生存之道

入東涌探友人，順道去outlet shopping，今次都係去食泰國嘢，之前嚟過幾次，因價錢相宜，水準較為飄忽，但尚可接受。不過店舖較細小，每次都坐滿客人，非常擠擁，肩擦肩。午餐時段都相當抵食，並無加一收費。今次都係叫咗海南雞飯及豬頸肉湯金邊粉，海南雞夠滑溜，雞油飯無香味，較腍；無骨鳳爪夠入味，又夠辣；豬頸肉湯金邊粉，湯底味濃厚，加埋酸醋及少許辣粉，感覺實在不錯，可惜豬頸肉太薄片，無甚咬口。但總括來說，都屬抵食之選

未食已一肚氣，坐位已經好迫，坐得都辛苦，後面仲有大陸人貼住背脊，呢個時間，老闆娘叫我地將袋放出門口，我話下比人偷架wo, 等同叫我地將d 袋放出街邊，3 個人坐4 人臺，無人等位，話有人會搭臺wo, 以後唔會幫襯

一行五人，同行有日本同香港人，樓面有2個經驗甚淺嘅女侍應同1個年紀大過佢地嘅女經理。本來諗住去出面間鋸扒，但唔夠位，而且泰國嘢可以即刻有位，就坐低先。嗌咗啤酒、青咖喱、紅咖喱、roti、蝦餅、青木瓜沙律，味道都唔錯，聽到廚房都係講泰文，正宗泰國味道都唔質疑，雖然細份些少，但味道確夠正宗。Herbs都可謂係泰國菜嘅靈魂，都算足架。roti同蝦餅即叫即整，夠香酥，蝦餅蟹餅醬汁雖然簡單，但配合埋就夠惹味。青紅咖喱用黎送roti亦不俗，雖然roti比想像中要細份好多，兼且切埋。可惜，再好嘅食物都畀樓面2個女侍應毀咗。好地地飲完枝啤酒想再嗌，嗌四五次先上，未聽完人order就走咗去同廚房落單，嘢食黎到問佢係咩黎又唔知道要問其他人，記單又懵盛盛，搬咗枱又唔記得上菜上返去新枱……戇烚事跡不能盡錄。總之，要食呢間嘢，外賣就好，唔好堂食，除非你想毀咗你一日嘅好心情。

我次次去都係食佢地既功陰功湯金邊粉, 呢兩年食左不下30碗, 無論係午餐既細蝦(爽D) 定係晚餐既大蝦(蝦味濃D), 我最鐘意既都係佢地既湯底 香味十足都只應佢地落料足 南薑香芽檸檬葉等等但唯一唔好處就係呢半年黎水準唔穩定 唔知點解有時真係淡到你呢......最近佢既辣味又轉左 係刺激D既辣 無左以前慢慢黎既香辣但相信我 佢正常既時侯真係超級好味 我次次都一滴不剩當然佢地其他食物都有一定水準 柚子沙律酸辣開胃 值得一試<<<我打呢篇食評既目的只係想老板好好控制湯底既水準 唔好黎滿心期待既食客失望>>>上星期六果陣個湯真係得酸同辣 淡到一D平時既濃香都無 大失所望只希望你地能唯持一貫既水準

每個月總有一日要來東涌工作，工作後以前會去food court食，不過自從發現這家餐廳之後就只去這兒。座位不多，坐得也的太舒服，不過為的是食物就先忍耐一下吧。午市的選擇也不少，很多都試過。今天朋友和我就點了以下的餐。冬蔭功金邊粉 ($50)先說湯底很辣，但又和冬蔭功的酸相配合，寒冬食就寧捨醒胃，食完很暖呢。蝦的數量多，煮得剛好，配上金邊粉，條條分明。刺激得來愈食愈過癮。香葉辣肉碎飯 ($46)這個是另一食到流鼻水之作，因為加了十分多的指天椒，辣籽充滿了整個飯，不勝辣度的朋友要考慮清楚。炒香的肉碎，配上白飯至好不過。不過假日午餐是不包飲品，加配要加$5, 於無乜好嘢食的東涌黎講算係咁啦。

戲院散場後，離開機場，退回東涌，很想吃海鮮但農曆年間到處收爐。經過人氣小店Amante又滿座，於是又在富東商場到處逛了一下，見扶手電梯附近有一抹青綠，過去一看發現是泰國餐館。有趣的是店外同時放着剛才Amante的menu，明顯地提示你有另一個選擇。店子小小的，入座位置只有百餘尺，連靠牆吧檯，一共擺了約24個坐位，可以想像環境的擠迫。除了堂食，這兒也設有外賣，很受外籍客人歡迎。店員大多數是年輕女生，感覺有活力亦夠親切。此時有疑似熟客抱着狗狗探班，店員湧上去摸摸抱抱，轉過頭連手都沒洗便立刻傳菜，感覺不太衛生哦。平日很少喝奶茶，不過來泰國餐館就很想喝泰式奶茶，因為那種香味很獨特。這兒的普遍奶茶要$18，泰式奶茶則要$23，感覺有點貴呢。擺盤精美的泰式生蝦刺身，底部墊了冰墊包，雖然感覺好似比較衛生，但有點看不習慣。剔走辣椒，只餘蒜片，入口蝦肉很爽，但不夠冰凍，如果不蘸青辣醬，蝦身毫無味道。吃無骨海南雞最幸福，因為啖啖肉不用吐骨頭。店方調配的醬汁，酸辣平衡很出色，一碟有兩排肉，數數約有15件，雞皮雖然沒有皮下脂肪，但非常香滑。通常吃海南雞都是拌飯，這樣齋吃雞還是第一次。主食黃咖喱等得比較久，店員