SUKIYA すき家 (康怡廣場南座)

營業中

休息中

黃昏去康怡睇戲，覺得肚餓，就落去AEON快食一碗牛肉飯，咁就唔駛睇戲時jap jap jap！環境下晝五點幾好多位，我就坐吧檯，相信冇乜腰骨的人都坐到！最鍾意呢啲自閉位！食物唔想用腦，好快就揀定牛肉飯套餐$39，等左幾分鐘個餐就黎到，非常有效率！1碗M Size牛肉飯1碟菜1碗麵鼓湯份量啱啱好呀！配套本人就好似欣賞檯上提供埋紙巾，又有幾款醬料同薑絲比客人享用！改善之處食完要排隊埋單，由於前面勁多人排隊買外賣，反而阻礙想快快埋單的堂食客。希望可以增設外買點餐機，因為眼見都有唔少後生客人。

我們排了半個小時的隊才能進入 SUKIYA 餐廳用餐,真不是一件容易的事情!我能想像在午餐時段,這家深受學生歡迎的日式快餐店一定擠滿了人,大家都想趁放學後立刻來到這裡填飽肚子。作為一家人氣餐廳,它顯然供應不夠滿足高峰時段的龐大需求。但即使等了半個小時,最終我們還是入座並享用到了美味的料理,實在是太值得了。我想,在餓著肚子排隊等候的這段時間,我們一定經歷了不少煎熬。但一坐下來,一口咬進那份厚實多汁的牛肉丼,感受到肉汁在口中迸發,頓時所有等待的辛苦都煙消雲散了。至於你點的另一份牛肉套餐,上面鋪滿了嫩滑可口的牛肉和脆爽可口的貝爾海帶,口感層次豐富,實在是美味至極。再加上那份香噴噴的熟蔬菜和溫和醇厚的味噌湯,整個用餐體驗真是讓人大飽口福。即使經歷了耐心排隊的過程,但最終能享用到如此美味的日式料理,也算是物有所值了。我想下次來SUKIYA用餐的時候,一定要提早一些到來,這樣就不用等這麼久了。不過即便要排隊,最後吃到如此美味的餐點,那些辛苦也都是值得的!

我叫咗炙燒豚肉丼（L)外賣。豚肉好肥，啲飯好濕，我嘅意思唔係因為佢有肉汁而整濕咗啲飯，而係即使係白飯嗰部份都好濕。感覺上個加大只係加大咗飯嘅份量。如果咬走啲肥肉成碗除咗飯都無咩可以食。同日本食真係差好遠。

星期一，11：50，店面8成滿。外賣就要排隊，堂食就搵位坐低點餐。來買外賣的人可謂籠絡不斷。餐牌內食物種類多到有點花多眼亂。我想食牛，但見有套餐配炸雞，又即本試吓。食物應該是整定的，3分鐘內就有餐。炸雞皮是脆的，雞肉滑，但唔熱既。溫泉蛋有兩隻另上，感覺好抵。蛋白仍是流質，剝雞蛋殼時唔小心俾蛋白彈到自己。牛肉和燒肉份量不少。飯是熱的，飯粒軟硬適中。整體感覺很好。（兩張相係加溫泉蛋後和加蛋前）叫了冰紅茶，今天叫冰紅茶套餐減5蚊。賣相一般，但飲落 ok。12：07 已經食完，之後要拎張單去排隊俾錢。因為有唔少人叫外賣，要排左幾分鐘先俾到錢。宜家食過兩餸飯加飲品都要四五十蚊，呢個餐真係好味，感覺好抵。

是日夜遊太古城，以前係旺角每次見到都排超長龍冇機會試食，今次唔洗排直入。menu好多款，花多眼亂，份量大碗貴d細碗平d，加隻溫泉蛋又貴d，有牛有豬有雞，有加泡菜有加芝士有加蔥，揀左好耐終於揀完，套餐連一份沙律同一杯冰紅茶，正。同吉x家冇得比，d牛唔肥又好味，沙律菜份量多又新鮮，溫泉蛋撈飯超正，紅茶微甜，試過一次會想再幫襯多次試其他款，夜晚食都係幾十蚊唔怪得知長期都甘多人排。見到條隊開始長都唔好意思慢慢坐，食完鬆人比人坐。

太古Aeon裡的「SUKIYA すき家」是一家主打平價日式牛丼的餐廳，裝潢簡約，就像走進了一家日本快餐店。平日午市要早點來，因為堂食大約需要等待30分鐘才能入座。這次我第一次來，決定試試他們的招牌牛丼飯。從M至LL的尺寸都有，適合不同食量的人選擇。而堂食還可以加$10追加凍茶和青菜。🍚🍵🥬牛丼飯絕對是吉野家的味道，牛肉的質素、口感和味道都一樣出色。但是價格比吉野家更平民化，讓人感到驚喜。另外，他們的青菜也是一個意外的亮點--使用了大量的蒜蓉炒製，帶來了豐富的風味，非常美味。如果你有時間排隊並且想品嚐平價的吉野家牛丼飯，這裡絕對值得一試！😋🍚🥦總結來說，「SUKIYA すき家」是一家提供平價日式牛丼的餐廳，味道和吉野家非常相似。而且他們的青菜炒製方式帶來了驚喜的風味。如果你願意等待並且想嘗試平價的吉野家風味牛丼，這裡絕對是一個值得推薦的選擇！👍🍚🐄

🥚溫泉蛋燒肉丼 $44牛肉有燒過帶燒汁香口🥩，牛肉薄唔會太肥，飯揀咗m size，飯面鋪滿牛肉40幾蚊真係非常抵食，仲有加咗啲洋蔥，而溫泉蛋就會分開上比你自己加落飯度🥚，加咗蛋汁嘅飯特別好食😆🌶️泡菜燒肉丼 $48牛肉都係一樣，只不過配菜揀咗泡菜，亦都仲有其他選擇可以加芝士，個飯唔算多汁加泡菜就可以增添味道.✨日本過江龍連鎖丼飯快餐店，CP值高又抵食，簡直係糧尾之選，選擇又多，掛住日本嘅丼飯可以止下癮😝

Sukiya係抵食嘅。但康怡分店的冷氣真係凍死人。一路食一路啲冷氣fark fark聲吹住。夏天都頂唔順🥶 之前提出過意見但係冇改變過。其實真係想幫襯多啲但係咁凍真係食得唔自在。

看見很多人排隊，試買外賣回家吃，看見圖片 炙燒豚丼，賣相非常吸睛，豚肉好瘦，價錢比起其他丼飯貴點，諗住差極有限，點知回家打開大部份肥豬肉，比很多 日式連鎖店 差好....... 多，唔介意份量少，但未至於可以咁多肥肉，食了幾啖掉了

呢間日本餐廳，睇餐牌已經覺得價錢好親民唔怪之得，日日都咁多人排隊今晚行過見到唔係好多人排隊所以去試吓等咗大概20分鐘⭐️LL size牛丼飯⭐️堂食加$10有麵豉湯同沙律🥗LL size 嘅牛肉份量係M size 既double 呢個位要讚吓餐廳，會解釋清楚唔同size嘅分別，唔使客人估估吓個餐送到，見到牛肉份量真係非常多😍以呢個價錢嚟講真係好抵食👍🏻牛肉用上美國產嘅牛肉牛肉厚薄適中，加上和風秘製牛肉汁好好味😋麵豉湯夠熱，唔會太鹹沙律🥗會另外附上沙律醬等客人可以自己決定落幾多醬，幾好👍🏻

呢2星期內康怡分店外賣2次牛丼飯，同樣都發現整个牛丼飯太多牛肉汁，整碗白飯似先與牛肉汁撈過，令到每粒白飯都己上汁，打開外賣碗後，整過牛丼飯變似意大利飯。質量甚差。是否更改制作方式？

期待已久，一直等裝修完，開業後一直好長龍，看燈箱好吸引好平，$25牛丼日本米美國牛，有不同大小選擇，有牛、豬、雞，甚至素牛肉，這個真的讚😊多個選擇，還有日本咖哩。今天經過見到11點開門，還有5分鐘左右，可以趁人未多有位坐，決定一試，原來堂食還有很多款選擇，也有不同升級套餐，都是大致上加$10，便有沙律或菜，以及飲品或湯。.🎈餐牌坐下才知有一大本精美餐牌，好多選擇。影不了那麼多頁。.🎈食物質素.👇高菜明太子沙律醬燒肉丼 M $55 ⭐️⭐️⭐️💫3.5分加了$10升級有青菜及湯，即共$65牛肉一般，📍建議牛燒肉會較好味。.👇牛肉加燒豚雙拼丼 M $63⭐️⭐️⭐️⭐️這個與餐牌的相有少少差距😅張相明明鋪滿肉，這碗見到很大條罅😅雙拼沒有牛燒肉及燒豚肉，我覺得燒肉較惹味，牛肉比較一般，這個燒豚味道好，比雙拼的另一半牛肉好多了。要推介下杯冰茶，好像有少少桃味，好飲，推介👍📍冰茶。.👇追加五件炸雞$25⭐️⭐️⭐️⭐️這炸雞不錯，沒有太多的粉在面，也不會炸得太硬。這個價錢可以。.🎈總結✅服務態度十分好✅多選擇✅按鐘叫侍應好方便✅建議冰茶，好飲，有少少桃味，不算好甜✅建議牛燒肉好過牛肉，燒豚肉好味✅M已挺飽肚，一般食量

5月21日晚餐，不設派飛，需要排隊入座，這個沒有問題，二人座位因另一位未到所以不能入座，原本都問題不大，但實際並不是，因為之後有人人數未足仍安排入座，很明顯是雙重標準！

黎到太古城，到處都係有份量餐廳，今日想簡單找個午餐，發現康怡廣場Sukiya 已開張，而且位於Aeon 入面，不過都要排下隊呢度有好多款套餐選擇，可以配菜同沙律、湯或飲品等，又或者淨丼飯按鈴會有職員過黎為你落單，餐牌好多款式，除左主打牛肉丼，亦有燒牛肉、鰻魚、咖喱等今日先試下燒牛肉丼有不同Size 選擇，選擇M 標準大小份量，如果加大 L size 會多4分1飯，LL size 會再多一陪牛肉另外加$10 可以轉套餐，配菜/沙律同飲品/湯相當抵食，而且又好味道

新開張到今日依然都超多人排隊 堂食 兼外賣。 炸雞25蚊，五件，炸雞皮脆，咬落去中間嗰層呢就好似麵包軟林林之後就到個雞肉，雞內好少 好細嚿。 另外雞肉飯嘅雞肉，似罐頭雞肉， 如果唔撈埋啲汁有腥味。都係食番佢牛肉丼或者燒肉丼最穩陣， 記得配埋佢嘅辣椒油，記得加辣椒渣， 撈埋落飯度好好食👍🏻👍🏻👍🏻 因為個人口味鍾意食辣