SUKIYA すき家 (康怡廣場南座)

營業中

休息中

是日夜遊太古城，以前係旺角每次見到都排超長龍冇機會試食，今次唔洗排直入。menu好多款，花多眼亂，份量大碗貴d細碗平d，加隻溫泉蛋又貴d，有牛有豬有雞，有加泡菜有加芝士有加蔥，揀左好耐終於揀完，套餐連一份沙律同一杯冰紅茶，正。同吉x家冇得比，d牛唔肥又好味，沙律菜份量多又新鮮，溫泉蛋撈飯超正，紅茶微甜，試過一次會想再幫襯多次試其他款，夜晚食都係幾十蚊唔怪得知長期都甘多人排。見到條隊開始長都唔好意思慢慢坐，食完鬆人比人坐。