Sweetology (已結業)

6點零來葵芳食晚飯，大多餐廳已大排長龍，我一家三口（有小朋友）唔想等太耐，路過呢間唔駛排隊就入左黎，點知中伏！意粉乾到無汁咁滯，帶子完全無煎過，似就咁煮熟！長通粉又無汁，淡而無味又乾真真，真係差到極！

前天上午，與客人在葵芳與會議完畢後，食過午飯，下午繼續相關的會議。真是冗長的會議，幸好的是下午三時多就完結了，就到附近一間咖啡店休息一吓，吃個簡單的下午茶。英式全日早餐原來美式和英式的全日早餐是有所不同的。英式的全日早餐包括煙肉、香草腸、焗豆、太陽蛋、沙律、薯條、麵包，份量可真不少。賣相蠻吸引的，雖然味道不算突出，但富少女風的。凍檸茶就不多描述了。新裝修後的新都會廣場，名店林立，人流比以往的更為誇張。即使下午茶時份，此間咖啡甜品店還是人頭湧湧，可見深受歡迎。

這家餐廳白雪雪舖面真的好吸引，見時間尚早，唔算太多人，最重要係佢又有晚餐，又有甜品，所以今晚就試下這間啦！＂英式全日早餐＂真的超豐富，有我最愛的茄汁焗豆，重要係超多，好開心；牛角包亦都唔錯，鬆化的。＂意式辣蕃茄醬燴牛肋條配意大利粉＂份量都多，大概3~4件牛肋條，牛肉很入味，個汁亦很香濃，仲要有幾粒紅蘿蔔添，晚餐套餐還包括有磨菇湯及熱蜜桃茶，磨菇湯真的很香滑，仲食到磨菇粒粒，好有口感。＂宇治金時木槺布丁＂超級多紅豆圍圈又甜又大粒；綠茶味的木槺布丁口感粉粉的好特別，配抺茶糕好夾，又唔會太甜。＂公司窩夫三文治配香蕉脆脆新地＂賣相超可愛，窩夫口感又鬆又脆，原味已很好，還有朱古力味超香濃，伴香蕉船一起，好SWEET，食完個人都開心好多。

晚市等位好正常，佢嗌我number到我行過去都冇1分鐘佢已經嗌我之後個number，咁人地都入左去算啦入到去嗌左個卡邦尼三文魚同煙鴨胸Rosemary嘅dinner set，餐湯係磨菇湯。個湯都ok嘅係未攪渾姐，卡邦尼都ok，係唔夠味淡左啲。煙鴨胸先嚟料，一食落去就得黑椒味，食食下變埋花椒八角味，仲食到胃痛，最後決定番葵廣填肚算伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏伏

禁多人俾😢 都唔係不無道理，甜牙牙無左之後就只好幫趁佢食甜品。宇治金時號（配雪糕丸子）：綠茶雪糕完全無綠茶味，好在有綠茶醬，撈埋先ok。紫薯BB 心太軟： 甜到阿媽都唔認得，比起球雪糕仲要甜多兩倍以上。於是試下加埋d 藍莓醬，忌廉，雪糕一齊食先抵消到甜到漏嘅味道。本身已經唔係好有紫薯味，加埋嚟食更無紫薯味。熱水果茶：個壺都夠晒細架啦，雖然有生果，但只飲到茶味，完全唔係茶木或咖啡弄嘅口味，失望熱柚子薑茶：係有放兩片薑，但完全無薑味囉老實講，咁樣出街俾人食，點做生意呀。

2大3小，4個餐，2 lunch set + 2 兒童餐入座時話會調返張枱俾6個位，之後見隔離有吉枱，職員話你有小朋友，都夠坐啦... 4個餐，2個set lunch 逐個逐個上，野飲追爆都冇。兒童餐本身都話要等，但等足45分鐘，野飲又未到，玩到盡。終極係，佢話等咁耐係因為冇架車，咁我推理埋，冇嘢飲應該係冇杯。PS. 1架車到，溶溶爛爛。第二架車我同佢講，唔等，用碟。唔會再嚟啦，伏到不得了。等位時就咩都得，入到嚟就行出去捉住職員先有人理，講咗佢都係問你而家想點... 我想cancel 你同我講唔得，明屈我等.......

今日約左個 fd去葵芳行街，約左先係新都會廣場食晏先，然後再去 shopping我就簡左呢間攞 sweetology , 我未曾食過，又見佢門口餐牌有 all day breakfast食，價錢又唔太貴，所以入去試下囉。我就叫左英式all day breakfast而我個 fd就食芒果蝦牛角包配薯條，餐只包杯蜜桃茶，所以我地各加錢轉飲咖啡同凍檸茶。賣相 ok喇，但食落覺得麻麻地，薯條牛角包都唔係脆嘅，但未至於係差，要求不高可以試，但我就唔會再食，因為我對食有要求的。呢個賣相好，但個 fd話麻麻地方都可以，有好多張枱，適合歇下脚，食下 tea咁囉* 位於新都會廣場地下，食物一般，試唔試就你地決定啦。

放假食早餐，嗌個普通多士配煙肉蛋，$36真係坻而且交足貨。要彈嘅係加+$10 latte, 仲差過即溶，又淡。服務又慢，杯啡等到成個早餐食完都未到。整體都係小伏，係勝在平。

雖然係聖誕節，但呢間甜品都吾貴，所以都多人排，等左一陣就有位佢有優惠，甜品都吾貴，我叫左一向都中意食既芒果，芒果甜甜的( ̀⌄ ́)涼粉都正常，仲有QQ既迷你丸子不過冬天食凍野真係要好大勇氣⋯⋯抵食！

今天是平安夜，本應是很開心快樂的一天，可惜今天在這間餐廳卻有不愉快的經歷。早前用手機程式訂枱優惠網成功訂枱，取得半價優惠。怎料店內高級男店員告知今天是假期不可以使用有關優惠，叫我們自行聯絡手機程式訂枱優惠網負責人。我們明白假期可能餐廳不做優惠是正常的，但是，我們的確成功訂了枱。而且，手機程式訂枱優惠網於2小時前亦電郵提示今天已訂枱。平安夜的晚上已預約了，要臨時找地方吃東西也不容易，很多都需要排隊等候。餐廳與手機程式訂枱方溝通有問題，臨時自行取消假期的預約，我們並不知道，為何要將責任推卸其中一方？店員似乎立即致電對方查詢/投訴了約10分鐘，我們不想站著等候，故坐下了。但店員溝通完畢後亦沒有主動告訴可否使用有關優惠。食物的質素固然重要，但食物的外觀，餐廳環境及服務等也是缺一不可的。如果店員，而且是高級的，更應該好好地溝通，而不是推卸責任，指責第三方，不願意正面與食客溝通。店員的服務是會直接影響到食客的食慾及消費的。最終晚飯時段我們只是點了個Tiramisu 窩夫，賣相普通，碟的粉撒得太多，有點髒的感覺。但心情受影響，故吃不出什麼味道，連正常的甜味也感受不到了，甜品原來也可以沒有味道的。服務

服務態度，食品質素及送餐專業度與環境不符，極不滿意的一頓午餐。送餐速度慢，又似漏單，我地5人用餐，在下午時段，係逐個餐追。不單只我地，見隔離枱的情況一樣！食品質素一般，性價比低。最有趣是甜品為沙律，但來了水果，細問侍應話呢個係沙律嗎？ 佢先解釋已無沙律。地方狹窄，坐係度，成日俾侍應撞，不舒服。我地5人，但枱面只有4套餐具，不解。送熱飲品時，來3杯熱飲，只用一雙手，不用托盤，險象還生。放餐具的膠盒極多塵，污穢！

這是我一次寫食評，亦第一次食呢間，見外表幾好便一試。食左個下午茶，雞排烏東，雞排ok, 但湯底沒味，$37不貴，但服務態度唔太好，問他攞餐具，服務員竟然答沒有餐具便走開，真奇怪!

65元的全日早餐有茄汁豆，薯條，香蕉窩夫，迷你香草腸及煙肉。要等20分鐘的全日早餐，竟然是凍冰冰的薯條及窩夫。我食左兩啖就全部無食。隔離枱看見我同經理講，她們也加入說，她們點了蛋糕，但質感糊身又苦，無小朋友願意食。餐廳真系要好好改善食物質素。

看罷舞台劇通常會找個地方喝點東西或是吃點小吃，在葵青劇院最方便就是在新都會隨便找個角落的了。Sweetology環境是不太好的，座位密密麻麻且十分嘈吵的，但我們見滿滿的客人，便想這餐廳應該不會太差的，於是立即排隊等入座了。時值下午5時許，還是下午茶時間，很多一家大小的到來吃下午茶，而我們馬上要吃晚飯了，但還想吃個甜品。抹茶木糠布甸拼雪糕也來得很快的，但外表及味道完全不行，綠茶雪糕裡面很多冰塊啊，紅豆泡過多少的糖水，甜得發膩，反而最底的抹茶木糠布甸很有雪糕的質感，究竟放灰在凍柜裡多久，凍柜的溫度有多低呢????朋友的朱古力號，就是隨便的把不同牌子和款式的朱古力脆脆放在一起吧………. 雪糕裡面同樣是冰塊，一個字，伏雖然是這樣，我們都很禮貌很認真地吃了半份才結賬走人

無下次，一個兒童餐要等50分鐘，追了4次仲問你真係未嚟？最後問點解兒童餐不是62元而是64元，經理話餐牌印錯🤬😡嚴重違反商品說明條例，希望海關跟進大家唔好再幫襯