TABLE by Sandy Keung (已搬遷) 新店位置

5年前食過一次後念念不忘，見到個蟹膏飯依然想食。不過今次都係兩個人食，所以都係無食呢道signature菜式😂今次餐廳多咗啲貓貓掛牆畫，雖然冇以前咁淡雅，但令環境變得活潑。加上同Chef Sandy閒談一陣，知佢鍾意貓貓，如果環境令佢開心，可更用心為客人烹調美食，我係絕對支持嘅🙋🏻‍♂️Service team方面，我記得之前係有位年紀大啲嘅侍應，佢serve客時好淡定好優雅，我好欣賞；而家呢一team就後生啲，優雅感都爭啲啲，不過介紹菜式時都好用心，尤其係4眼女同事，我都欣賞佢對客人嘅貼心👍🏻呢個南瓜湯夠杰夠濃味，加咗啲咖啡粉同米通令湯嘅味道更有層次更特別呢隻蟶子真係不得了！煮熟程度真係啱啱好，咬一口你就會感覺到聖子外層有彈性而入面係細嫩，加上麵包糠碎又令佢口感更佳，加分龍蝦湯我比較鍾意杰身嘅口感，不過既然叫做macchiato，稀身嘅texture都預咗。但估唔到佢真係用coffee mug上菜😂味道絕對無愧對macchiato呢個名，濃濃嘅龍蝦味，齒頰留香，飲完會有種龍蝦湯嘅味道環繞口腔。龍蝦肉嫩口清甜，但點落呢杯macchiato就爭少少，因為啲湯唔夠杰，所以痴唔到上龍蝦肉度。無

晚上和朋友來聚餐，6:30pm入座，15分鐘後order 完，等咗半個鐘先開始上餐包同湯，之後每上一道菜都等好耐，好適合想慢慢食嘅朋友，食物質素係ok，個龍蝦湯好鮮甜美味，蟹肉都不錯，但侍應的態度真係好差，收碟嘅時候亦要求客人主動遞上碟，十分奇怪！最後有位朋友因為趕時間，希望等了三十分鐘嘅甜品可以快啲上菜，那位女侍應竟然説：因為客人比較多，你可以放低$300走人真心呆咗，其實講聲唔好意思，會盡快上會好好多！

來到以浄化海鮮為噱頭的Table, 但主要來吃的不是海鮮, 而是其叉燒蛋飯, 先說叉燒, 又是西班牙的豬肉, 現在在食肆吃到的叉燒, 愈來愈來來自這裡, 但不是Ibreico黑毛豬, 而是Duroc杜洛克豬, 原種的Duroc有棕紅毛色, 所以稱之為紅毛豬. Duroc比Iberico便宜, 油花較少, 但今次吃的部位脂肉層次算是不錯, 經過慢煮再烤香, 肉質嫩滑而多汁, 只是表面焦脆度可以再多一點. 溫泉蛋的做法可以保存蛋汁, 蛋汁香甜, 但是我還是喜歡煎蛋給我焦脆及蛋汁流出的雙重口感. 飯身用上越光米, 用上日本和西方食材做出傳統的港式料理, 由於越光米比較黏身, 和叉燒的油脂與蛋汁黏在一起, 感覺頗膩, 我還是喜歡比較乾的飯身.另一道這裡建議的菜式, 是頭盤的花蟹肉酥盒, 花蟹拆肉起絲再焗, 放上酥盒上, 蟹肉浄化過鮮度更高, 肉絲條條分明, 單是肉質來說不錯, 和芝士焗也沒有問題, 沒有搶到蟹肉的鮮味, 只是酥盒不夠酥脆, 帶點油膉味, 破壞了蟹肉本身, 甚為可惜.

為咗蟹膏飯無名而去如果要食蟹膏飯嘅話記得一早打電話去餐廳預訂本來約咗朋友七月份去食但因為疫情所以最後改咗10月先食到蟹膏飯有分半份或者一份餐廳建議兩至三個人就叫半份四至六個人就叫一份今日我哋叫咗半份試下見到蟹蓋上邊有好多膏店員會將蟹膏撈晒落盤飯之後再分俾我哋但入邊加咗好多蒜本身我鍾意食蒜 所以我覺得好食雖然有少少搶咗蟹膏嘅戲份 但整體配埋日本米 好煙韌每一啖飯都有濃郁嘅蒜頭味 同 好香嘅蟹膏我覺得同味道整體都好夾 另外我哋仲叫咗西冷同埋龍蝦汁薯條薯條唔係脆嘅薯條係淋身嘅 龍蝦汁好濃郁雖然唔係完美嘅配搭但都可以接受西冷我哋叫medium rare 雖然佢主打嘅係海鮮但我同朋友都幾滿意呢份西冷煮嘅熟到我哋滿意肉味同口感都唔錯係欠左少少調味總括 蟹膏飯無論打卡定係食落口都好正其他菜式亦都有一定嘅水準

Every dish we tried use the best ingredients and was well-executed. Most impressed with the signature mud crab rice using Japanese rice. There was a lot of crab roe to cover the rice and flavour was enhanced by a garlicky kick. The meat of the crab itself was also "sweet" and juicy. Their homemade pasta with lobster claws was also excellent as it was cooked to an al dente texture. The lobster itself was served in a separate plate and the flesh was very fresh and bouncy. They quite rightly descri

上環，好的餐廳挺多的！上環，樓上舖的比例高！所以，找地方吃飯，要在網上找，因為不會路過樓上舖。Open Rice發現 Table，網上評價高的店，還可經 Open Rice訂座，受COVID-19疫情影響，Friday lunch，只有４桌客人，餐桌距離超過1.5米，符合相關規定，讓客人安心！供應 set lunch，餐牌上的主菜，都挺吸引的！Set lunch以外，還有lobster set，定價398/位和688/位，分別在波士頓龍蝦和法國藍龍蝦，我們點了２份波士頓龍蝦：#餐前小食，小小一塊，很法國，加了梨子，口味清淡！#餐湯，龍蝦餐不配龍蝦湯，是日餐湯是椰菜花忌廉湯#主菜，烤波士頓龍蝦，可配沙律或意粉，我選了意粉，朋友選了沙律，份量都很多！龍蝦肉質富彈性，新鮮！#咖啡，夠濃！喜歡！推薦的店！疫情減退後！會再來吃！

朋友請客，知道我們關注衛生與健康，非常 considerate 地包了私房。環境很好， service 亦 殷勤、有禮、主動。menu 方面， 亦照顧了不同客人有不同的需要， 這方面的服務要加分。我個人比較喜歡羊架，味道好味而且很香，但主菜牛扒方面因擺在海鹽板上，引致味道太鹹了.....too salty...... 個人希望將來能夠改善 ，當然主廚走嚟問意見，客人感覺態度誠懇也是加分的。整體也是開心愉快的一晚，謝謝。

工作壓力大，朋友想食餐好嘅，於是揀咗呢間Table, 黎到tag個location見到中文名先知原來自己一早已經想黎！.我同朋友睇openrice, 已經見到大家推介個蟹飯已經好想食！但我哋無睇啲字！原來個蟹飯係要預早訂，唔係會無得食！好彩咁啱有人無黎，我哋先有機會！！.前菜有麵包，同下面呢個魚子？帶子jelly.. 淡淡地幾refreshing前菜我哋點咗南極鮑魚同鵝肝，味道覺得好surprises, 覺得同其他地方唔同, 味道好鮮.重點來了！因為我哋得兩個人，點咗呢個飯，已經點唔到太多嘢！呢隻蟹係unexpected咁鮮！到底係點整！我覺得好fusion, 個飯係risotto mix 蟹高，真係好正.Dessert platter都覺得好正！又有surprised, 白色嘅雪糕係咸的.呢間真係唔錯，會入我encore list!!! 下次再試其他！！！

不知不覺 上一次來table已經是一年多前了。念念不忘他的韓式凍蟹和蟹膏蒜味飯。今天在到訪好可惜因為疫情關係，海鮮不像以前預期進行，韓式凍蟹就沒有了，但蟹膏飯是我們提早幾天預訂的，這是不能跳過的一道菜。今天點了西班牙紅蝦、海膽溫泉蛋、香煎鵝肝、蟹膏飯、甜品🍮。西班牙紅蝦蝦頭裏的蝦膏豐富到可以用來做配菜的醬油，蝦身沾在蝦膏里，合二為一的味道。主菜是菲律賓蟹飯，服務員用心的幫你把蟹膏拆出來，默默的鋪滿在用蒜蓉和牛油炒過的越光米，那種從視覺至味覺的幸福感🤗 剛吃完甜品已經懷念這種香濃的美味了。

這間餐廳，我已來過好幾次晚餐。 食物質素一向都很好。 今天相約好友來午餐， 今天午餐 餐牌 有油封鴨髀，當然要點一客。嘩！ 吃完了， 真的要讚一下！是我吃過最好吃的油封鴨髀！ 皮脆甘香！ 比其他名店都要好！ 就算英國名店我也試過 也沒有 Wow 的一種感覺。 在 香港 外面 其他餐廳 也 食過的油封鴨髀， 但有時味到唔夠，皮唔脆，有時太乾 但是 Table 的出品 就真係啱啱好！ 絕對係要推介！看得出是用心製作！午餐 的湯及麵包 也是非常好！ 總括嚟講 👍！

我從來無打過食評，但因為太難食的關係，想係度叫大家小心d。蟹飯完全無想像中咁好食，蟹膏同飯是不夾的，然後garlic 味又overpowered。全部dishes 都overpriced，中上環好過這餐廳多的是，不用選擇”Table”。Servers 的經驗是0,喺我同朋友頭上放dish落張枱，碟野都無食完就不停問收得未食完未，我地6個女仔討論緊點解野食咁差，server聽到望下我地就走，問都無問我地覺得食物如果？裝潢就算啦，選畫同音樂都係一個迷。本人對Aesop都叫忠實fans，餐廳廁所那瓶Aesop 洗手液的味道真係令我懷疑係咪用左其他品牌既洗水液落Aesop個樽到。6個人，埋單800元一位。呢個價錢真係無諗過可以咁差。最後，我想講既係我唔介意食local western food，平同貴都可以，但最重要係好食，”Table”令我大開眼界，我敢講我真係好多年無食過咁差既餐廳，我知OR有好多正評，有”可能”係我食個晚chef失手，大部分servers 剛剛翻呢份工，I don’t know! 但係都係講句中上環好過這餐廳多的是，不用選擇”Table”。

It wasn’t my birthday but my friend picked this restaurant to fulfilled my cravings for crab🦀🦀🦀I actually didn’t ordered or had a chance to look at the menu at all so I didn’t know what to expected... thinking it was a Chinese seafood restaurant with crab of some sort ...stupid me!Bread and foie gras ball: love it especially the stick like one( sorry I dunno the official name) Beef Carpaccio: yummy! Not too dry or salty with a hint of olive oil Prime beef: juicy and tender , cannot ask for more

[🇭🇰香港- 上環].🔻除咗之前介紹咗嘅蟹飯必食,估唔到佢哋嘅"US Prime Ribeye"都唔錯,粉紅色嘅肉眼扒煎得啱啱好,肉質夠嫩,加少少鹽牛味就出曬嚟;前菜"香煎法國鵝肝配特式榛子濃汁"嘅鵝肝煎得香口,配搭就不過不失.🔻🍽 Table📌地址: 上環文咸東街22-26號柏廷坊8樓.#tummysready #tummysreadytoeat #tummysreadyinhongkong #tummysreadyatsheungwan #tummysreadyforwestern #tummysreadyforsteak

最近食得比較清談，就想食滴重口味噶菜，於是來左Table試試滴正野。心心念念果個蟹飯，今日終於有得食咯！蟹糕同埋滴飯撈混，蟹肉就連埋只殼噶，要自己手拿著吃噶。蟹飯好鮮啊，好惹味，仲有滴蒜香味，如果可以加少少辣噶話，應該會更好味。

[🇭🇰香港- 上環].🔻見到都已經流曬口水呢?🤤"Mud Crab Meat & Roe, Garlic Rice"係呢度嘅Signature dish,用咗菲律賓膏蟹,超多蟹膏啊🤩打完卡之後店員會將蟹膏同飯撈埋,粒粒分明嘅飯都大有來頭,日本越光米用蟹湯同蒜蓉煮成,蒜香味超濃但有少少搶咗蟹味,不過都係好好食,但一定要趁熱!蟹肉就分開食,蟹肉鮮甜肥美,如果拆埋肉會食更啱我呢啲懶人😝.🔻🍽 Table📌地址: 上環文咸東街22-26號柏廷坊8樓.#tummysready #tummysreadytoeat #tummysreadyinhongkong #tummysreadyatsheungwan #tummysreadyforwestern #tummysreadyforseafood