影片
營業時間
今日營業
15:00 - 00:30
星期一至四
15:00 - 00:30
星期五
15:00 - 01:30
星期六
12:00 - 01:30
星期日
12:00 - 00:30
以上資料只供參考, 請與餐廳確認詳情
有關獎賞計劃
相關文章
呢間店一直都好想黎，因為裡面個Vibes好岩同啲朋友一齊傾計～但溫馨提示最好黎之前book定位～因為都好full架～呢到有好多💯100%香港製造既少爺啤，每一個味都好獨特～今次就揀左下面呢兩款🍺🍋咸檸啤Cha Chaan Teng Gose Sour Bee咸檸既酸味重但帶微鹹既後勁🍺🍍夏日賓冶✨Summer Ale好重熱帶水果味，而佢既酸味好解到膩～🐓Crispy Cajun Wings with Fermented Tofu Dip炸卡津雞翼配腐乳醬雞冀炸得岩岩好，個腐乳醬入口即溶、一定要沾哂成隻雞冀先夠惹味呀～🐔酒先軟骨✨Drunken Bone每一粒都入哂花雕酒味，食完一粒又再想食下一粒，送啤酒必須既前菜～🐓吐司雞✨Toasted Gai呢個吐司一上菜既時候已經被佢既多士深深吸引住，煎到勁金黃同埋配左個介央醬，但個主角炸雞先係最吸引，以為會好鞋口，但係原來勁嫩滑又多汁既雞！🐖🫓燒肉古巴佬Siu Yuk Cubano拖鞋包烘得勁脆，內面好多燒腩仔同脆豬皮，食落啖啖肉，係男士既必選項目🦀🍝白布蟹肉蘆筍意✨✨Pak Po Pasta V.2店員話呢個意粉係今個月新推出，所以即刻就點左～係海量係蟹肉同埋意粉份量好多，條條意粉都沾滿哂蟹肉，必點之選！呢到既菜式好特別同時都能夠配合啤酒既味道，有100%香港製造啤酒，另外都有唔同既手工啤，呢個地方係啤酒迷必要到訪既店～🇭🇰
繼續閱讀
綠色嘅啤酒你飲過未？平時其實唔係咁鍾意飲啤酒，但自己對少爺啤啲啤酒都幾有好感，鍾意佢有唔同嘅味道，而且你真係會飲得出嗰種分別。而最正就係搵到一間又有得飲啤酒，啲嘢食都幾高質嘅餐廳。雖然真係好邪惡，但係鍾意食炸嘢嘅朋友一定會同我一樣咁鍾意呢間餐廳。‣ 黃金薯條 $88平時食薯條我最鍾意食嗰啲脆卜卜嘅位置，即係有啲好多薯蓉係入面嗰啲，我反而麻麻哋。呢到嘅薯條好多都係脆卜卜嘅，而我覺得最正嘅係就算佢凍咗，佢依然都係咁脆口。識食一定係食鹹蛋黃味，絕對冇得輸。‣ 吐司雞 $72‼️超級推薦‼️當初見到有楓糖漿同埋牛油，我就知道我一定會勁鍾意吐司雞。吐司炸得好香脆，但依然食到麵包嘅柔軟，嗰種滲出嚟嘅牛油香真係令人欲罷不能。而炸雞嘅調味真係冇得彈，嫩滑彈牙，保證唔嚡口，認真我好後悔冇嗌到全份，下次再去係一定會再嗌嘅選擇嚟。‣ 燒肉古巴佬 $78份量比想像中細，但係唔好睇佢細細份，佢寫咗有嘅材料全部都喺晒入邊。感覺好似食緊飛碟，有火腿有芝士，但最正係仲有一大塊豬皮。‣ 黑布月見茄牛意 $128‼️超級推薦‼️相當重嘅黑蒜味，對我嚟講係偏向和風口味嘅意粉，但碎牛又會帶啲衝擊俾你，仲有一絲絲鯷魚味提鮮。仲有一隻溫泉蛋撈嚟食，黑蒜加上蛋香味道相當溫潤。平時好難得會食到嘅味道嚟，所以推薦大家試吓。‣ Summer Ale $80驚第二日返工唔想飲太多就一定會嗌summer ale，同我記憶中嘅味道一模一樣，依然都係咁清新輕盈。啱晒啲唔係好想飲好濃酒精度數嘅朋友，之前試過今次就讓俾朋友試下了。‣ Green Shoots $91個名叫做春色艷麗，本身真係諗住佢得個名，冇諗過一上枱見到成杯嘢綠色係有少少震驚到我。綠色係嚟自斑蘭葉，味道甘香。飲落口好舒服，仲有淡淡嘅花香，飲完就明白點解會係口感柔軟。
繼續閱讀
On the list左幾年終於係倉底搵返出黎🙂↔️嗯⋯食完最記得係貴份量少 食物唔係特別好味🫡所以覺得性價比唔高最好可能係無限時因為根本無人hahaha🤣🤣🤣❙ 炸茜漢堡 ❙ $158芫茜就食得多 炸既就真係未試過原來既茜味炸過後會弱左好多 口感勁似紫菜淡淡地食緊堆空氣咁既野😂🤨成件事靚就靚啦 不過食到非常論盡芫茜又咬唔斷 食食下又要扯成條出黎 麻煩囉！反而本地免治牛漢堡好讚👍🏻油份夠水份夠 有牛味 勁juicy！ ❙ 黃金薯條 ❙ $88薯條份量都幾多 每條都比咸蛋黃重重包圍可惜對我呢個咸蛋黃愛好者黎講 實在弱左啲🤨雖則有沙沙地既口感 但真係唔夠油香鹹香兩個人都食唔晒 實在有啲膩🫢 ❙ 圈圈圈圈 ❙ $78好好食既炸魷魚圈炸洋蔥圈！不過份量好少 勁唔抵😮💨 ❙ 麻辣薑汽水 ❙ $55比個名吸引左🤩與其講係汽水倒不如話係梳打好似更合適！嗯⋯薑味好出 唔麻少少辣無咩甜味 似薑茶既梳打😌我地都覺得好飲 ❙ 果香伯爵紅茶 ❙ $58🤣朋友忽然玩養生有果香亦有茶香 佢滿意haha
繼續閱讀
📍 TAP- The Ale Project ｛旺角｝一間酒吧的餐廳🍴三種體驗！其實依間餐廳主要都係飲酒為主🍻但係返工返到攰嘅，我當然唔會飲酒啦！只係想飲吓啲花茶可以令到夜晚好瞓啲！收工當然肚仔餓，朋友想飲酒，我就想飲花茶，亦都好想食嘢，呢度就滿足晒我三個願望🩷仲要係旺角有一間係令到我好滿意嘅酒吧餐廳🩵✨三重芝感由三種不同芝士🧀半溶而成，｛車打芝士、瑞士芝士、水牛芝士｝上枱熱辣辣仲可以做到拉絲效果，好治癒❤️🩹焦糖酸種方包，烤到好脆卜卜，方包中間仍然保持軟綿綿，夾住烤蕃茄🍅好清新🍅🍅✨ 白布蟹肉蘆筍意粉滿滿既蟹肉🦀 鋪滿係意粉上🍝好豐富，每啖都食到蟹肉😗仲有白汁、蘆筍、紫菜嘅配搭！變成餡料特別豐富🥢每條意粉都好掛汁🫕食完都飽了🥢✨ 炸卡津雞翼配腐乳醬啱啱炸起就上枱，外皮炸得夠脆，仲有小小調味唔會太咸，入面嘅雞肉好嫩滑，加上配腐乳醬，係惹味嘅🐔✨ Tonic Punch 湯力賓治打卡一流📸好甜既果香味配少少酒精🍺好易入口🤭✨ 蘋果花茶清新嘅蘋果花茶，可以解膩 ，飲落都好舒服😌飲完更好訓！
繼續閱讀
Hangry Donut🍺幾鍾意呢一款啤酒，加入咗洛神花釀製嘅美式小麥啤酒，帶有花香又有一絲絲嘅甜意，啱晒夏天飲非常之清爽，女仔實鍾意，要試下蔥油漬蠔🦪用咗黑啤汁煮同炸薑蔥油漬，味道都幾有趣嘅左酒小食三重芝感🧀麵包有牛油煎焗過，令到外層更加脆，入面夾咗芝士有拉絲嘅效果吐司雞🍞炸雞再配上吐司，之前去美國食過呢一個組合已經一試難忘，鹹甜交織，令人食上癮嘅味道，香脆嘅炸雞配上鬆軟嘅吐司，一啲都冇違和感
繼續閱讀