Tapas Brew (Greenfield Plaza) (已搬遷) 新店位置

估唔到大埔連西班牙菜都有得食，餐廳位置不是在鬧市，有一種特別的寧靜，入內是酒吧格調，飲下酒傾下計都非常適合，連晚餐都有就可以食飯傾計直落啦！黑松露醬配炸粗薯條：份量非常多，三至四人份，薯條即炸，每條都飽滿又脆，炸得非常均勻。黑松露的味道很香，又不會搶過沙律醬的甜酸味，非常好吃，配啤酒一流。價錢只是$68，非常親民，必叫之選。西班牙海鮮飯：餐廳特別推介，當然要點來試試，賣相吸引，用鐵盤盛起來特別有風味。海鮮很多，叫二人份，每種海鮮起碼有兩件，不用爭也可以每款試一點。飯旁邊還附了檸檬，加在飯上增加清新的感覺，更加開胃，亦可以自行調教酸度，這方法很聰明。西班牙辣肉腸炒蛋配脆馬鈴薯絲：辣肉腸油脂味香濃又甘香，焗到脆口，唔錯。

今日去左大埔探朋友，夜晚無約人，順便一齊食飯。朋友話佢附近有間西班牙餐廳，都幾有特色，所以就帶我去。餐廳燈光淡黃，色彩鮮艷，充滿西班牙風情，仲有畢加索掛畫做佈置，都幾有氣氛。呢度係用電子餐牌點餐，疫情之下減少接觸性風險，食得開人又放心。朋友話要食呢間餐廳嘅signature，所以就叫左個特色烤乳豬同小牛扒。特色烤乳豬賣相好好，色澤烤得好靚，均勻，外皮薄，烤得又脆又香，但內裡肉軟，啖啖肉，有肉汁，一d都唔乾，味道唔太鹹，好好食。 呢個羅馬生菜包小牛扒個樣都唔錯，見到都想食。羅馬生菜乾淨同爽就肯定架喇，小牛扒肥瘦比例恰當，只係落左小小鹽調味，都已經帶出牛嘅原味道，入口帶肉汁，夾埋羅馬生菜食就比較清新，唔會覺得太油膩，減輕罪惡感，好好味。

呢排一有時間就同老公去大埔踩單車，踩到邊就食到邊，咁啱踩到呢間餐廳門口，好攰，我就話不如食呢間。呢間係西班牙餐廳， 餐廳裏裡裝修好colorful，牆上面嘅掛畫係畢加索嘅畫，充滿藝術色彩。疫情關係，呢間餐廳係用QR code點餐，減低感染風險，推得讚。老公發辦，點左個飯同一個小食。老公話見到個menu張相幾吸引，所以就點左個二人份量嘅西班牙海鮮飯，裡面有大蝦，青口，蜆肉，魷魚同烤魚。d海鮮係新鮮喎，入口帶甜同鮮味。飯裡面有三色椒同洋蔥，甜甜地，爽口。飯比較濕潤，唔會話好乾，係橄欖油味道，但食完又唔覺得太滯，唔錯。然後再黎就係特色多士配炸水牛芝士野菌及風乾火腿，多士烤得唔燶，好脆。水牛芝士同野菌味道分明，唔會話呢款會搶左另一款味道，好夾。至於風乾火腿就夠大塊，鹹鹹香香，配多士係好拍檔，呢個都好食。

諗住同朋友去飲杯嘢 之後食飯不過不失咁 野食ok叫左一個睇落好好飲既Sangria同一些小菜 覺得麻麻 可能小飲咁甜 不過應該適合女士們飲用正餐叫左個德國豬手同西班牙海鮮飯 兩個都不錯la~

今次嚟到呢一間位於大埔嘅西班牙餐廳，今次真係第一次食西班牙菜，所以都帶着一個興奮又期待嘅心情嚟到呢一間餐廳，試吓佢好出名嘅西班牙乳豬。一入到黎的而且確個裝修好別致，好有外國風情，同埋一啲酒吧嘅feel，都見到好多人喺度飲緊酒，吹吓水咁樣，亦都見到一家大細嘅人嚟食西班牙菜，因為西班牙菜啲份量都好大份。呢隻啤酒幾特別，又咁啱做緊promotion，所以就叫咗一杯嚟試吓，酒精味不太濃，又好有果香味道，好啱女士們飲。飲啤酒點可以冇呢一個招牌菜，西班牙乳豬，呢一個乳豬真係10分好食，皮薄又趣，不太肥又不太瘦，醃得好好食，配埋果醬簡直係經典， 10分推薦大家叫。炸物叫咗呢一個炸魷魚圈，魷魚圈好新鮮，但略嫌炸粉太多，會食到有啲濟。呢個蟹肉餅都好好食，食得出啲蟹肉好新鮮，而且份量都好大份。最後就係呢一個蘑菇闊條麵，分量都好大份，味道都好夠，汁嘅份量都好好，煙肉同個面都好夾。整體來講，呢一間西班牙菜都幾特別，都可以嚟試吓。

一講起太和，大家都覺得應該唔夠大埔墟市中心嗰邊咁多嘢食，但其實喺內街都有好多唔錯嘅餐廳今次就同男朋友試咗一間西班牙菜嘅餐廳，呢間餐廳傍晚嘅時候已經有唔少人會坐喺度飲酒、食小食同埋傾吓計，今次我就睇中咗佢個燒乳豬，所以就捉咗男朋友嚟試下😛食呢啲菜當然唔少得啤酒啦，首先就一人叫咗一杯手工啤，唔算貴而且果味幾清香，好啱女仔飲😛嘢食方便，由於唔係好肚餓，又想飲下酒傾吓計，就只係叫咗一個主菜，另外再叫多咗三款小食西班牙黑毛豬風乾火腿野菌闊條麵呢個主菜都幾驚喜，唔似得外面嘅餐廳多數用忌廉汁，主要都係用橄欖油同埋風乾火腿嘅鹹味去做調味，唔會太漏之餘亦都好惹味烤乳豬呢個就係我心心念念想試嘅烤乳豬，上到枱其實係一隻乳豬髀，切開左四件，一貼落去果皮非常之薄同埋脆，豬油味香而充足，但係又唔會食落口有好肥膩嘅感覺，更加唔係燒到乾爭爭嘅肉質，非常之好味，一人兩件剛剛好炸魷魚圈魷魚圈上到枱真係嚇親呀，因為每一件都好大份，尤其係個爪嘅部位，足足有我手掌咁大，配埋個醬汁，送酒一流炸蟹餅但係餅份量都好充足，有八件咁多，其實三至四人嚟食share都好夠，而且佢整到每一件都係迷你size，唔需要因為切來切去而整碎個蟹餅，讚

<<Thursday Couple 尋食記😋👣>>之前喺新蒲崗已經見過呢間野，好想試，但新蒲崗真心遠！🥲但估唔到近近地，原來大埔都有，你知啦，香港好少好味嘅西班牙餐廳😆😆😆不過見呢間都有好多外國人幫襯，所以我哋就決定試吓呢間西班牙餐廳，好唔好食😋😋一入到去，裝修都幾靚，而且有個好大嘅吧枱，其實好似主打係俾人入嚟飲返兩杯，同朋友聚腳，感受下西班牙嘅風味🥳👍🏼佢哋嘅碗碗碟碟，都幾有特色，啲花紋好有民族風嘅感覺，雖然我冇去過西班牙😆😆唔知係咪西班牙傳統嘢，但係都feel到佢哋嘅心思，因為隻隻碟都唔同嫁！🤩再加埋呢個大鑊嘅裝修🤣🤣真係好正! 我知道傳統西班牙海鮮飯，好多時候都係用大鑊去煮，佢咁樣做裝飾，再加上佢牆壁上面嘅畫，完全感受到歐洲嘅裝修同感覺🥳👏🏼👏🏼事不宜遲睇吓佢有咩食先☺️佢哋就係用電子版Menu嘅！好環保！值得讚👍🏼👍🏼見佢有好多唔同嘅tapas ，同埋西班牙特色嘢食，樣樣都好想試🥳😋唔好誤會！呢杯唔係酒黎嫁！大家都知我完全唔掂酒嘅，而呢杯其實係奶蓋蜜桃茶😂😂🤣好搞笑，做到好似啤酒咁樣嘅外型，比我扮下飲酒😎🙈😂😂杯「酒」個奶蓋味係唔錯，濃郁，好smo

平時係太和真係唔知食咩好，朋友今次帶左我去e間比較入少少的餐廳，餐廳望落幾有氣氛，坐得幾舒服，仲有bar枱不過食物等得比較耐，一碟一碟咁出，而且main出左，有d小食都未出烤吞拿魚伴芒果莎莎吞拿魚厚身，唔腥，帶少少芒果味，都幾夾 少清新溶岩芝士薯條芝士多到鋪滿左個面頭，有拉絲效果嫁，芝士味香，薯條唔會林到一pat咁西班牙燴蜆份量比想像中多，蜆肉都大，好乾淨，冇沙味道濃郁，唔會太鹹蒜片辣油欖油蝦望落好油，食落真係好油，有點膩，但係好香的，蝦亦都大隻西班牙海鮮飯雖然話係兩人份量，但三個人都夠食飯底好香，飯唔會好林，海鮮都幾多，可以加少少檸檬汁，清新少少，不過加少少就好了，如果吸係就會搶左原本個飯味煙肉意粉份量雖然有d少，但都夠兩個人食麵條唔會太淋，唔會好膩

今次黎到呢間西班牙餐廳真係好特別，間舖有個好大既鐵鍋做裝飾，主要做用黎煮個西班牙出名既海鮮炒飯，仲有好有西班牙情調既裝修，坐位位置都算幾闊，岩曬同fd子一齊黎食，一路傾計，慢慢做，雖然去唔到西班牙，但都感受到少少西2班牙既風情呀嘛。叫左個同西班牙同系既德國咸豬手，豬手外皮炸得好脆，夠曬香口，上枱仲好熱辣辣，又大份，真係夠曬有特色，切開左黎睇下，肉質都算幾嫩口，味道都算岩岩好，配埋介辣醬個味就岩岩好。特別推介大家叫個黑啤，因為黑啤配豬手就真係一流。另外，叫左個小食雞翼，醃得幾好味，味道岩岩好，而且好有油香，而且咬落夠曬juicy，佐酒一流小食。黎到主食西班牙炒飯，夠曬多海鮮，而且d飯索曬海鮮d鮮味，食落好惹味，仲有少少辣辣地，真係幾唔錯。

呢日搵食搵到黎呢間西班牙餐廳tapas brew~ 估唔到都有咁多好野食!!! 黎到西班牙餐廳又點可以唔叫啤酒啤啤佢! 我地叫左Guinness, 黑啤! 我地仲叫左雞翼, 豬手同西班牙海鮮炒飯! 雞翼好香柚子同蒜蓉味, 佢好細心咁將隻全翼切開左, 咁就食得方便D!~雞鎚都估佢唔到咁入味, 食完一舊接一舊! 豬手夠哂香脆! 配埋mustard 食真係一流! D 豬皮炸到脆卜卜, 食落令人覺得脆過薯片, 豬皮香而不膩~ 仲有薯仔沙律伴碟, 真係食到停唔到口~ 伴碟既酸菜食落仲可以解左個飽滯感, 咁就食多多都唔怕! 另外西班牙海鮮炒飯估佢唔到有咁大隻蝦! 食落仲好鮮味, 入面都有唔少海鮮, 蜆仲要冇沙, 夠哂大隻! 飯又夠哂入味! 所有野配埋啤酒真係人間極品!

好耐都冇食過西班牙菜，大推呢間嘅乳豬😆————————❦ 特色烤乳豬 $188個皮烤到超脆，一咬落去d油香同肉汁湧哂出黎，超惹味！唔好睇落細細舊咁，點知食極都仲有😍😍評分：🌕🌕🌕🌕🌘-❦ 迷你炸蟹餅 $118蟹餅有8舊咁多，而且一d都唔迷你。食落似薯餅，好飽肚。評分：🌕🌕🌕🌖🌑- ❦ 羅馬生菜包牛小扒 $98第一次用生菜包牛小扒咁食，幾創新。牛肉juicy，點埋沙律醋食幾開胃。評分：🌕🌕🌕🌗🌑-❦ 西班牙黑毛豬風乾火腿野菌闊條麵 $138個麵份量好多，火腿都超多好足料！評分：🌕🌕🌕🌗🌑-呢到座位幾闊落，坐得都舒服，同朋友黎食飯吹下水飲杯野就啱哂。

我本身想要杯薑蜜，但係得熱所以就轉凍檸茶～ 朋友就叫咗杯奶蓋茶，西餐廳整嘅味道比想像中好有驚喜！蟹餅應該係急凍食品然後即叫即炸～ 蟹肉味雖然唔係好濃郁，不過真係食到有一絲一絲，夠真材實料香口好味叫咗個牛小排配沙律菜，牛肉份量都幾多，都有玉未，不過就un左啲～ 沙律菜配埋黑醋汁好開胃意粉賣相普通，不過食落去味道好香好好食！雖然味道比較重，應該係因為比較多煙肉同埋芝士，但食落油脂感夠闊條麵感覺啱啱好，有咬口又索汁終於去到重頭戲：燒乳豬 我哋呢隻比較肥，油香十足！食落去真係好香口，表皮烤到好脆，入面嘅肉又好嫩滑，多重口感，超好味

兩口子在大埔搵野食決定試一試這間西班牙菜、德國菜店鋪裝飾好特別掛住一大個鑊即刻聯想到西班牙海鮮飯仲有好多特色畫作裝飾餐具亦有多款不同圖案整體氣氛好有西班牙特色餐廳有好多特色西班牙菜傳統醃八爪魚醃香檳醋甜椒呢款係好有傳統西班牙菜特色八爪魚經過燒烤處理入口好香八爪魚味香檳醋配甜椒醃製酸酸甜甜好開胃德國超級香腸拼盤有五款不同香腸香草腸、芝士腸、脆皮腸等香腸煎香皮脆不同香腸肉質有不同濃味再配上芥末醬同茄汁送酒一流特色烤乳豬係呢度既招牌乳豬一上檯已聞到好香烤乳豬味乳豬皮烤到香脆一刀切落好鬆化肉質夠嫰仲好juicy食德國菜當然要配啤酒放鬆一下男士點了傳統麥啤女士可以試下hoegaarden rosee好香桑梅味之餘酒精濃度吾算太高用來襯香腸乳豬簡值絕配👍🏻

今晚朋友突然好想食德國豬手，於是揀左Tapas Brew。由於疫情關係，為左減少接觸性傳染風險，Tapas Brew轉用QR code scan睇餐牌，好貼心！👍🏻朋友見到有特色烤乳豬，於是點左一份，製作需時。我就叫左2件cake黎食。分別係Expresso & Yuzu cake同 Greek Yogurt & Raspberry Crunch Cake。Expresso & Yuzu cake: 咖啡香蛋糕，配酸甜酸甜既柚子醬，好夾，味道不錯。Greek Yogurt & Raspberry Crunch Cake: 健康，唔會太甜，不錯。主角 特色烤乳豬: 離遠已經聞到香味！外皮燒到好薄脆！無幾肥膏！肉既部分都唔少！肉既熟度同口感剛剛好！火候控制得幾好！👍🏻

夏日炎炎最好就係去戶外活動下，今日同朋友嚟大埔踩單車，係大埔中心附近還車後就諗住食埋晚飯先走。一番搜尋之下就嚟到嚟間Tapas Brew , 週末晚市都幾滿場，好彩咁啱仲有一張台可以walk-in。嚟食西班牙菜就必點西班牙海鮮飯，哩到有提供2款份量俾你揀，分別係2人同4人份量。2人份量都好足料，基本嘅海鮮都有齊哂，大蝦、青口、蜆、同炸魚等，飯底軟硬煮得剛好，煙煙韌韌食唔停口👍🏻另外仲叫咗個Tapas 小食試下，羅馬西生菜包牛小排，睇menu 好似好生咁，而店長好貼心咁話可以幫手煮熟少少，讚👍🏻 牛小排切到細細件都有10幾件，蘸上黑醋再用生菜包住食，新鮮生菜可以中和牛小排嘅油膩感，好似韓式烤肉咁。