Tapas Brew (Greenfield Plaza) (已搬遷) 新店位置

唉🙃幾時有得去旅行雖然去唔到真正嘅國家，但起碼有西班牙菜頂住先🇪🇸口味都似正宗👍🏻座位可選室外門口少少和室內座位都幾多和舒服😌點餐經qr code，用電話下單，疫情下避免餐牌有機會成為傳播疫病的媒介👍🏻西班牙菜當然要食西班牙海鮮飯 $188 2人份量都偏大碟，2人食剛好食物外表幾吸引喜歡的可加點檸檬汁🍋令味道更fresh 海鮮份量都幾多，每樣海鮮都有幾件，包括蝦、魷魚、花甲、青口、魚🐟等飯類加了三色椒🫑、洋蔥🧅等令味道更惹味，更香，可以一試😝都幾飽肚羅馬生菜包牛小扒🐮🥬生菜份量大約8-10片牛肉叫了半成熟$98嚟講，質素幾好，很香牛味不過略嫌肉質硬身了少少，不過一百唔洗，超水準啦可點少少醋更具風味😊

一年容易又生日，同朋友近近地食餐好，想食得有特色啲，Tapas Brew係大埔區內嘅不二之選疫情下用電子餐牌嘅安排都幾細心最近戒緊澱粉，我哋兩個女仔今次就點咗一份烤乳豬同兩份小食。傳統醃八爪魚配香檳醋甜椒　$98八爪魚肉質柔韌有咬口，三色椒新鮮爽脆，撈埋啲酸酸甜甜嘅香檳醋一齊食，無論賣相定味道都令人胃口大開鹽石斑魚配辣奶油醬　$138石斑魚即叫即炸，外層炸漿又薄又酥脆，入面嘅石斑又熱又軟嫩，食得出係用真正嘅石斑魚，口感比一般嘅急凍魚結實；個辣奶油醬好正，濃郁嘅奶油味中又帶點辣味，香而不膩。特色烤乳豬　$188主角梗係最後先出場～乳豬肥瘦適中，外皮香脆，肉質細緻，就咁食都好好食；再點埋啲乳豬醬同蘋果蓉，啖啖肉配淡淡清香，一啲都唔膩，令人食唔停口

素來喜歡西班牙料理，賞心悅目又美味。今天跟好友來到Tapas Brew，讓口腹來一趟西班牙之旅。奶蓋沙冰——夢幻草莓沙冰打得細碎，草莓味酸甜清新；芝士奶蓋質感醇厚滑溜，芝士奶味香濃，略帶鹹香；整杯飲品的鹹、酸、甜比例恰當，不俗。烤特色乳豬配香菇鴨肉燴飯烤乳豬是這家餐廳的招牌菜，自是我們最期待的一款菜色。乳豬烤得皮脆肉嫩，皮薄且脂肪含量較少，肉味濃郁，果然不負所望。香菇鴨肉燴飯亦是水準之作，飯粒口感彈牙而不失軟糯，每一口都飽含鴨肉油香。鹽石斑魚配辣奶油醬石班炸得恰到好處，外層脆薄，魚肉軟嫩而不鬆散，蘸辣奶油醬同吃，更添風味。整體而言，餐廳環境舒服，食物質素不錯，是飯聚的好選擇。

行行下被佢內部裝修吸引左 所以同朋友試～一入去見到大大隻獲掛在牆上 好搞笑呀！同埋好鐘意座位闊落 坐得好舒服😌😌因為得2個人 點了3款食飯 但已經超級飽！！西班牙海鮮炒飯西班牙餐廳無理由唔點佢啦～好貼心有2/4人份量比人選因我地得2人所以選了2人份量其實2人份量都好多 上面鋪滿了海鮮 全部都係我最愛呀！款款海鮮都好新鮮 好欣賞個炒飯 配上唔同既配料 單單食飯都好濃味傳統醃八爪魚配香檳醋甜椒其實我第一次食呢款菜式 酸酸味好開胃呀！入面混合左八爪魚 3色椒 橄欖 洋蔥 配埋香檳醋 係一個唔錯既配合呀！地中海式炸魷魚圈配檸檬酸蛋黃醬一上台 已經比佢份量嚇倒 多到可以形成一個小山 食前都建議大家落埋檸檬汁 配埋個旦黃醬 簡直係無得頂呀！因即叫即做 都提醒⏰大家 小心燙到 放涼一回先好食呀🤣值得一提 因疫情關係 餐廳好甜心提供電子餐牌 可以減少接觸性傳染風險 不錯不錯！

今日同男朋友嚟到大埔拍拖拖又想搵間高檔少少有氛圍嘅西餐廳🍴撐吓枱腳上OpenRice 搵到太和有間西班牙菜入到去環境唔錯 幾清靜唔算太多人 七點幾去到唔使排隊坐低店員就叫我哋scan個QR code睇餐牌 減低接觸傳染嘅機會 但落order都係要叫返店員落我哋今次就叫咗一個前菜兩份小食同一個飯呢度招牌係西班牙海鮮飯同烤乳豬 咁今次就試吓佢個飯先啦🔸吞拿魚芒果莎莎幾樣野比我最鍾意食呢個 有中華沙律 吞拿魚 同芒果粒 個芒果好甜🥭 吞拿魚口感都幾特別 撈埋黎食幾好食🔸生菜包牛小排個牛小排都幾有牛味配上生菜幾fresh🔸芝士麵包薯條🍟薯條份量好多 麵包相對上會較少 建議多啲share飲住酒輕鬆食 兩人食有點heavy🔸西班牙海鮮飯招牌菜叫咗個兩人份量 其實食到最後我都好飽 唔係好食得晒 因為海鮮份量都唔少 有貝殼類，蝦，魷魚 🦑同魚柳 特別係隻蝦勁好食不愧係招牌菜Overall, 推薦大家黎慢慢飲酒chill住食

一日入到間餐廳成個環境都已經好有西班牙feel😍😍一去到侍應已經好快咁安排咗我哋就坐坐低咗發現呢度係唔需要用餐牌直接掃一個QR code就可以點餐🤙🏻配合而家嘅疫情狀態真係十分之衛生嗌咗四樣唔同嘅嘢食頭盤嗌咗個沙律沙律係具有西班牙特色嘅味道😘當中有吞拿魚嘅鹹味仲有芒果喺下面帶點甜味🤤所以加埋醋食嘅話係十分之清新😚仲有佢個牛小排 非常之香配合埋生菜加醬汁一齊食好容易突出到牛嘅味道另外嗌咗個芝士麵包薯條芝士麵包薯條裏面嘅芝士非常濃郁每條薯條都果包住好多嘅芝士仲有佢嘅西班牙海鮮飯好足料有唔同嘅海鮮喺個飯入邊建議大家過嚟食嘅時候都可以試吓最後裏面嘅侍應態度都好好總結依家餐廳非常之值得要試最緊要試吓佢個海鮮飯

朋友上星期搬咗去大埔，今日就邀請咗我地嚟佢嘅新屋house warming ， 晚餐唔想再叫外賣所以友人就帶咗我地去近太和個邊嘅西班牙餐廳chill 一 chill 😆我地叫咗2款signature dishes 一齊share Tapas Brew 特色烤乳豬 $188 婚宴嘅中式乳豬件就食得多，西班牙style 嘅就真係第一次食啦。烤乳豬係原隻乳豬髀咁上碟，唔好以為佢細細隻，但其實好有肉地嘅，重點係個皮係脆到好似薯片咁，一層脆片加上一層皮下油脂再加上豬髀肉，一啖就有3重口感，好幸福😋😋西班牙海鮮飯 $188 食西班牙菜又點少得西班牙海鮮飯呀，個飯煮得軟硬適中，飯粒都偏大粒而且粒粒分明，有咬口得嚟唔會太硬，海鮮份量足同新鮮，但就偏乾咗少少🤏另外再叫咗杯mango smoothie 作為甜品都好唔錯，最邪惡係mango smoothie 上面仲有一層奶蓋，鹹鹹地又可以平衡返芒果嘅甜味，讚讚

剛剛嘅星期六晚，一行三人去左位於大埔嘅西班牙餐廳同朋友相聚，餐廳位置位於後街，相對寧靜。有普通餐枱，亦有吧枱，想輕輕飲返杯都好適合。Menu選擇都幾多款，意粉，飯，唔同嘅主菜同小食。飲品由茶到cocktail都有提供。前菜叫左烤吞拿魚伴芒果莎莎，烤吞拿魚外脆內軟，唔會食落有渣。連芝麻一齊烤，味道更香。大約有六件左右，底鋪滿芒果粒，面係中華沙律。仲有D沙律菜，食落清新。叫左個西班牙黑毛豬風乾火腿野菌闊條麵，呢個闊條麵有驚喜！麵質煙韌，厚身但熟度平均，汁都係厚身夠味，風乾火腿充滿鹹香味，好食！下次去會想再食！小食叫左熔岩芝士麵包及薯條，一定要把握最熱嘅狀態去食！芝士好濃郁，麵包切粒，配粗薯條，鍾意芝士嘅食客可以一試～飲品就叫左香港友啤酒一杯

Tapas Brew西班牙餐廳，餐廳燈光柔和。因為疫情，全部枱都已經有曬板隔開，每次有客人離開都有消毒下張枱。地方都乾淨，坐得舒服，啱哂幾個朋友傾計食野。食物方面, 叫左西班牙海鮮飯，西班牙燴蜆伴檸檬橄欖油,地道蒜片辣椒橄欖油配脆包粒西班牙海鮮飯：主要有蝦，魚，青口，蜆等等。蝦都幾鮮味，魚冇骨，仲有D脆邊，肉質唔會乾。有唔少青口同蜆，而且冇沙，都幾鮮味，唔錯。飯粒有咬口，有紅椒粒，海鮮飯望落好多顏色，十分開胃，賣相一流！西班牙燴蜆伴檸檬橄欖油，燴蜆唔算多調味，食到蜆肉本身嘅鮮甜味，都冇沙。地道蒜片辣椒橄欖油蝦配脆包粒，脆包粒配埋蒜片辣椒橄欖油蝦係好好嘅組合。索左油香嘅脆包粒外脆內軟，重蒜香而微辣。一齊食都唔覺好油膩，蝦有金黃外皮，肉質彃牙，味道唔錯～飲品就叫左杯凍檸茶，糖水另上，可自行配合個人口味。

上次食完果子喇沙 行過見到隔離呢間西班牙餐廳好似幾chill於是放假又過左尼呢邊食野~我地7點前就到 有得揀window seat坐首先即刻嗌杯香港友beer 泡泡好綿 易入口呢間餐廳用電子menu 減少客人互相接觸menu 幾衛生~不過就無得電子下單 都係揀岩就叫番staff過尼take order我地有好多Tapas都想試 不過比signature既海鮮飯同乳豬吸引左就叫左呢2樣先 之後仲未夠飽先加單西班牙海鮮飯 $188（2人）材料都算豐富 有蜆、青口、魚、魷魚 同2隻砌成心形既大蝦海鮮既調味都唔錯 就算唔加檸檬汁都好味大蝦新鮮多肉亦醃得好夠味 飯亦都好入味又開胃 2個女仔食份量剛剛好特色烤乳豬 $188本身都想食咸豬手 不過諗諗下乳豬唔係周圍有得食結果呢個signature無令我地失望乳豬脾外皮燒得好香脆 最正係一切開見到入面既肉汁爆哂出尼肉質非常嫩滑 唔係平時酒樓食個d好鞋既口感乳豬本身調味唔係好重 食到佢肉汁既鮮香味 我地都幾推薦呢個菜式~

呢度邊度有酒鬼？😆呢間西班牙餐廳真喺變左小編同朋友既飯堂，又可以飲酒，又可以坐耐啲，依家疫情真喺好難揾到一間可以令人咁舒服既空間，鍾意飲酒既朋友仔要留意啦～黑啤紅白酒都喺$48一杯啊😆😍另外星期一$28一隻蠔，雞翼星期二就只喺只喺～$5一隻！！！雞翼既味道令人一隻一隻喺咁喺咁食😍又辣辣地仲要喺炸雞翼

朋友介紹去咗一間西班牙餐廳當然要食好耐冇食過嘅西班牙炒飯😋餐廳因應疫情關係枱與枱之間都有用板分隔開令客人食得更安心😇餐廳亦選用電子餐牌 掃描QR code避免客人重複使用餐牌 增加細菌積聚.西班牙海鮮飯$168飯粒都好入味 海鮮款式也很豐富仲有我最鍾意嘅魷魚分量比想像中更加大份兩個人叫一個其實都已經好飽西班牙煮蜆$98呢個菜真係要俾100分平時都好鍾意食海鮮青口煮蜆果d呢一個蜆夠哂大隻而且鮮味十足個湯汁仲有少少酒味 非常濃郁我最後差唔多飲晒成個湯🤣🤣如果份量多啲就更加好啦～

今日同朋友係附近踩完單車黎左呢間餐廳食晚飯。我地大家都比呢間餐廳既徳國咸豬手吸引左，忍唔住都嗌埋杯啤酒飲下。先黎左一碟醃八爪魚tapas，個香檳醋甜椒既汁酸酸甜甜配上入面既olives同細細粒既八爪魚，非常開胃。好適合做前菜。咸豬手焗得皮脆肉嫩，配上少少酸菜或mustard食可以一去豬手既油膩感。另外旁邊仲有薯蓉配撘，令到本來味道可能較油較單調既豬手更有變化。再黎當然唔少得西班牙海鮮炒飯，份量比一般的海鮮炒飯較細，最適合一班女孩子share黎食。雖然少份量，但飯上都鋪滿海鮮。飯粒硬度適中！最後都黎左呢個期待已久既蒜片橄欖油蝦，遠遠已經聞到非常香濃既蒜味。鬆軟既麵包點上橄欖油，除左惹味既橄欖油仲吸收哂入面既鮮蝦味，中和翻油膩既感覺。除左食物好味之外，餐廳內雖然不大，但坐座總算坐得舒服，侍應服務態度亦不錯，值得一試！

星期五的夜晚我們嚟到西班牙餐廳😊餐廳位於太和翠怡花園，佢係住宅區內的一個有特色嘅餐廳。這一晚都見到好多人客幫襯，有家人嘅聚會，有朋友嘅約會，亦都有人客會踩吧枱位置坐低飲酒relax睇餐牌嘅方法係手機掃QR code，都幾清楚及方便。這既我們點左兩個菜式。西班牙辣肉腸炒蛋配脆馬鈴薯絲香腸味道濃郁，鹹香味好出；薯絲脆卜卜好香口；滑蛋也好好味。三樣嘢配合埋一齊都幾夾。特式烤乳豬烤得恰到好處，店員亦都有問我哋要唔要幫手切埋乳豬，外皮香脆，一咬落口卜卜聲好有驚喜！肉都幾好味配合埋醬汁好正！

呢排發掘左唔同嘅大埔/太和既小店今次嚟到呢間tapas小店裝修簡約得來又幾搞笑而且都好環保轉左用電子餐牌German Pork Knuckle w/ Sauerkraut & Potato Salad隻豬手好大隻啲皮都烤得好香脆帶少少鹹香就好似乳豬皮咁！而啲肉質好嫰滑食得覺得油膩嘅時候仲可以食啲爽口微酸嘅酸菜好啱用嚟送啤酒Seafood Paella個飯好入味 而啲飯粒粒分明唔會太硬唔會太軟而海鮮嘅份量都好足Marinate Octopus in Champagne Vinegar個汁真係好開胃 酸酸甜甜咁易啲八爪魚好彈牙爽口 又唔會太銀Sizzling Garlic Shrimp啲蝦真係煮得好香 啲蒜味入晒去然後嗰啲汁帶有滿滿嘅蝦既鮮味用黎dip麵包一流