Tapas Brew (Greenfield Plaza) (已搬遷) 新店位置

好少入黎大埔呢頭，唔係入黎探朋友都好少入黎。聽朋友講屋企附近開咗間幾好味既西班牙餐廳，要試下見都幾多酒+平日優惠，但我地今日約好唔飲就下次先🤣德國咸豬手+酸菜+薯仔沙律🥗一上台真係好震驚，因為真係好大份！好多時候大份既肉會難口，但呢個唔會，個皮仲好卜卜脆。食到中後會開始膩，酸菜起咗好好既化學作用，好清爽，夾少少連豬手塊點芥末醬一齊食好滿足。薯仔沙律就好似主食咁，正常發揮。黑松露松條：呢個真係令我呢個薯條控好開心，薯條香脆得黎充滿薯蓉，搭配黑松露沙律+燒烤醬食，食極到有。如果下次叫酒應該會想試試西班牙烤乳豬+香腸，可以同朋友開心share

放工最想同朋友飲杯野chill下Tapas Brew係其中一個好選擇環境氣氛夠哂chill叫埋啤酒兩個人傾下計一流呀—西班牙燴蜆伴檸檬橄欖油 （$98）鍾意食海鮮嘅我前菜叫左我最愛蜆份量唔算好多 但勝在蜆肉大大份再加上酸酸嘅味道 特別開胃—羅馬生菜牛小扒（$98）食肉獸平時食得肉多今次呢碟有肉又有菜牛小扒有牛香 亦唔會好難咬包羅馬生菜同埋點黑醋係好開胃既一道菜—特色烤乳豬（$188）主角終於出場乳豬燒到好脆 好好味亦唔似中或咁油膩 食完會來再食多舊每人食兩舊 好想再encore—由於要打針唔可以飲啤酒唯有叫兩杯冰沙分別叫左mocha 及pineapple sunset係夏天飲冰沙特別覺得清爽—下次希望可以黎呢到飲兩杯Chill一chill

香港可以食西班牙菜嘅地方唔多出奇地比我係大埔搵到依間西班牙菜嘅酒吧餐廳。西班牙菜，多數都係一小碟一小碟咁上，等你可以試多幾味野。依間都唔例外門口開放happy hour 一流入面環境夠chill,最啱幾個人摸下酒杯底menu 我主要影番我有叫果d先上飲品，渣車嘅關係，冇叫酒飲題外話，泊車位好難搵，好多車泊哂係街，好多時都見到有人再出去救車。依杯朱古力咖啡奶昔幾好，自己打出黎，唔係果現成西班牙燴蜆伴檸檬橄欖油，份量唔多，幾入味，有一份酒味係入面，蜆又夠大隻，好多汁羅馬生菜包牛小扒食得出唔係平價嘅牛，第一次好似泰國生菜包咁食，包牛，真係第一次幾特別，仲有個黑醋汁可以比你點全晚嘅主角特色烤乳豬，份量唔多。不過d 肉好滑，好重豬味，個皮脆到不得了d 肉同中式乳豬好唔同，中式大d,多肉d,不過就鞋d西班牙依隻就樣樣都好過中式，係差個份量總結，依間餐廳可以再戰下次約多d 人，可以試更多野

座落喺翠怡花園嘅西班牙餐廳Tapas Brew，周圍係唔同嘅小店，位置幾隱秘，但入到去成個氣氛唔同晒，一入到門口就見到個bar檯。🍸裝修同燈光都好啱放工嚟啤一啤chill一chill，同friend happy hour喺度慢慢坐。音樂主打歐美嘅pop music，好upbeat，聽住呢啲歌食嘢心情都會變好！🎶我哋一行二人嗌咗三樣嘢share嚟食前菜有蘑菇湯配意大利麵包 🍄 ($28)見佢呢個幾平所以就嗌咗嚟試吓，個包浸落個湯都幾好，但係如果個包本身可以再脆身啲就好了 😌西班牙黑毛豬風乾火腿野菌闊條麵 ($138) 🍗睇個menu嘅時候諗住係比較乾身嘅麵，但嚟到食嘅時候比想像中creamy，好似 carbonara，火腿令到成碟嘢嘅味道昇華，有驚喜！ 望落分量一般，但食落都幾飽肚！😋煙三文魚配凱撒沙律 ($128) 🥗嚟到嘅時候份量比想像中多，賣相都幾靚 🤩下次可以再試下同friend嚟呢度啤一啤，應該會幾正 🍺

無錯呀😙無錯呀😙今日又去左大埔搵朋友食嘢，唔知點解成日都好似嚟大埔搵食咁😂😂其實真係咁岩家炸，今次試下西班牙菜先🙂🥢 烤斧頭一字牛肋骨 $315呢個牛肋骨係即叫即整，牛肉同脂肪比例分配得好好，完全唔會太淋又或者太硬，餐廳烤嘅時候淨係用左鹽同黑椒，好突出到牛肉嘅鮮味，點埋牛肉汁一齊食真係好好食😋另外仲有焗蒜同沙律菜，完全係有濃味又有啲清新，完全衝擊味蕾之選🥰🥢 西班牙海鮮焗飯 $188當滿滿嘅海鮮遇上茄汁焗飯，真係好胃☺️海鮮嘅份量都有番咁上下，同埋佢地d 量同款式都好多不過就有少少淡，如果咸番啲會更好🤣但我地有落檸檬所以都能夠吊起個飯嘅味道🥢奶蓋蜂蜜綠茶 $40濃郁嘅芝士味奶蓋配上淡淡嘅蜂蜜綠茶真係無得輸😋上面仲有加左綠茶粉添👍🏻總括嚟講環境唔錯，啲座位幾闊落，不過唔知果日個冷氣係咪有啲壞，好鬼熱，職員要加把風扇係後面先夠涼😂😂😂

今日又去探大埔朋友，佢介紹有間好食而且大份嘅西班牙餐廳，咁就聽佢話嚟試試。去到發現果到好適合去放鬆同朋友飲酒🍻食飯吹水嘅好地方，只係大埔行過去有啲遠太和去會近啲🚶‍♂️我地只係點左兩份野食，因為大大份食唔落咁多西班牙海鮮飯（二人份量）有滿滿嘅海鮮🦞而且食落彈牙，份量足夠只係味道差少少有啲淡，但係加番檸檬汁就岩岩好啦烤斧頭一字牛肋骨🪓🥩大大份，肉味香濃，食落好滿足呀另外配有蔬菜沙律🥗可以減輕返油膩嘅感覺而且可以減低少少🤏罪惡感🤣仲有一個烤蒜頭🧄提味奶蓋蜂蜜綠茶頂層厚厚芝士奶蓋，再加上抹茶粉飲落果陣先飲到微咸嘅芝士奶蓋，再而飲到清甜嘅蜂蜜綠茶🍵唔錯唔錯總括嚟講，食物大份而且好味道，只係有啲乾，如果濕潤番少少就 prefect啦💯

新界除左有牛之外，其實都有好多好野食。千里昭昭入到大埔食好西。見到呢間餐廳環境半開放式幾有格調。有個好大既西班牙鑊掛左係度。主打特色烤乳豬同西班牙飯。俾乳豬吸引左，就算放左一陣都非常脆口，肉汁爆晒出黎，油腔味十足。可encore。諗住叫左豬，所以再叫烤乳雞配西班牙腸番茄紅飯。烤雞亦都唔失色，香料味道濃郁。食烤雞烤乳豬又點少得配番啤酒，叫左德國Erdinger同香港牌子Yau啤。第一次飲Yau啤，好香花味。原來呢度仲有Wings day.叫啤酒可以叫$5 Wings

仲要去到星期五可以同朋友去chill一chill❤️揀咗間係大埔嘅西班牙餐廳☺️去到都幾有情調㗎☺️有唔同嘅酒類可以選擇😝最啱星期五來放鬆一下烤乳豬（$188）呢個真係要試吓☺️佢外皮勁脆，而且勁多肉汁，咬落去以為自己食緊薯片😝同埋佢係即叫即整㗎，所以真係勁好食，送酒一流呀西班牙黑毛豬風乾火腿野菌闊條麵（$148）黑毛豬風乾火腿真係好好味☺️唔算太鹹但係有一種煙燻過嘅味道☺️加埋意粉嘅忌廉汁，鹹鹹甜甜咁真係勁夾☺️同埋佢個意粉都煮到岩岩好，唔會太腍我哋今次就冇嗌酒喇，叫咗兩杯奶蓋嘅嘢飲，荔枝奶蓋同埋熱情果奶蓋☺️味道都唔錯㗎！ 啱晒啲唔想飲酒但係又唔想飲汽水嘅朋友仔大家經開大埔都快啲去試吓啦❤️

大埔收埋左好多隱世餐廳，今日試左呢間。有酒飲XD 睇落價錢都可接受。入面都幾大，坐得都舒服。餐牌入面超多野食揀，價錢以大埔區黎講屬貴價。（1）西斑牙辣肉腸炒蛋配馬鈴薯絲，$78。愛蛋嘅我，從未食過呢味菜，都幾特別，蛋炒得半熟，滑滑厚大，而辣肉腸薄薄地，唔會太heavy。馬鈴薯絲係炸出黎，卜卜脆。不過個配搭有啲奇怪，蛋同薯絲兩者關係好分開。（2）羅馬生菜包牛小扒，$98。另外一味係有菜，牛小扒有點兒熟得制，味道正常。（3）烤雞配西斑牙腸蕃茄紅飯，$168。呢味係我意料之外嘅好食，烤雞香，肉嫩雞味重，香料醃製至肉內，此外，米飯一粒粒分明，醬黏米而乾身，紅飯裡嘅橄欖好出，同蕃茄味好夾。Staff服務幾好，價錢屬高，味道正常發揮，偶有喜出望外，總體黎講性價比，7/10。

好隨意地決定食呢間西班牙餐廳，見到餐牌價錢都係偏貴。🤪.「傳統醃八爪魚配香檳醋甜椒」$98🍽：好細碟，可能作為前菜，份量較少，味道酸酸甜甜，好開胃，八爪魚好有口感。配啤酒🍻唔錯！.「特色烤乳豬」$188🍽：上菜時都覺得好細份，兩個人真係每人兩件就無啦！不過都知乳豬價錢的確係唔平。😂外皮都算脆，但食落真係無乜味，好一般。.「西班牙海鮮飯」$188 for2🍽：好細碟，感覺上無二人份量。唔通係我哋太高要求🤔😂但真心性價比唔高，試過其他餐廳嘅西班牙海鮮飯係更好味。..「椰子斑斕蛋糕&紅莓蛋糕」🍽：好似係$60買一送一，完全失望，因為件蛋糕未完全溶雪，食落仲係有啲冰嘅感覺。

Tapas Brew位於大埔既一間西班牙菜餐廳🇪🇸店內掛畫🌇同裝飾🪅令環境同氣氛有著舒適既感覺同埋有歌播放🎼無論下午或夜晚都會令人會踏入既餐廳，而且店員友善，令客人對餐廳既好感度大大提升💓🥣西班牙燴蜆伴檸檬橄欖油 💰98作為前菜，點燴蜆非他莫屬，蜆肉既size 都較大隻，而且食落唔會有沙石加上份量多👍🏻味道較重酒味，酒同蜆真係好夾😋🐷特色烤乳豬 💰188因為乳豬製作需時，等候時間要耐啲啲⏱乳豬既size 比想像中大隻，而且會幫你切開5舊👍🏻服務度加分，乳豬肉質嫩滑又勁Juicy🤤外皮烤到好脆，亦可配醬汁點黎食🐷🦐地道蒜片辣椒橄欖油蝦 💰138依碟蝦做得好出色😋上菜時已經聞到好香既蒜味，有蔥、乾蒜、蒜片、辣椒做配料，蝦都好大隻同埋去埋殻👍🏻岩啲懶惰既食客（我）🤣另外一咬落個包會聽到咔既聲音，就知道個包有幾咁脆卜卜☺️✨總括而言，食物既質素💯環境💯服務💯如果下次再食，我會點西班牙飯同埋其實小食仲有蛋糕🍰😋

琴日揸車入到黎大埔，見到有一間幾有特色嘅西班牙菜。本來香港都比較少食西班牙菜因為價錢都相對偏貴，但見得得到呢一間價錢相宜，而且裝修亦都非常之有特色。佢哋入嚟試一試。見到佢有好多款唔同嘅肉類，當然見到有好吸引嘅豬手亦都有鹹蛋黃味嘅豬手，同事之間仲有燒乳豬添。不過最後都係忠於傳統嘗試一個傳統炸豬手，豬手嘅皮非常脆，而且並不油膩。配上傳統嘅酸蘿蔔，味道非常清新。另外仲叫咗一個燒牛肉，牛肉配上意大利醋，以及新鮮嘅菜，夾起來吃非常獨特開胃。主菜方面我哋仲叫咗一個全隻燒春雞，雞笑得比較乾身，一點也不油膩，配上獨特調製的沙律醬味道非常好吃，而且半菜還有薯角非常新鮮香口。以上所有的菜式都非常獨特，而且比較清新一點也不油膩，是相對健康的西班牙菜。

今日專誠嚟到吐露港行左個大運 夜晚就去咗太和附近搵好嘢食 上網見到呢間西班牙菜食評都幾好 就一於試試佢氣氛都唔錯 應該都幾啱睇波或者happy hour 我哋六點去到都冇咩人 本身見到呢個手工啤都好想試 但係諗起今日有揸車就廢事西班牙菜點少得西班牙海鮮炒飯 海鮮種類有青口 蜆 炸魚柳 蝦 魷魚 本身我都好鍾意食西班牙炒飯 因為好鍾意蕃紅花嗰種味 佢呢度個飯底仲有好多青紅椒 識落更加清新 個飯明顯喺焗爐度焗過 飯嘅質地有啲乾乾脆脆 同平時濕濕地嘅有啲唔同因為係食肉獸 就叫咗呢個生菜包牛小排 雖然只係小食嘅價錢 但係牛小排份量非常多 而且熟度啱啱好 加上沙律生菜同埋黑醋汁 非常開胃仲有呢個原隻燒春雞 皮非常鬆脆 而且個雞嘅油分都已經迫晒出嚟 隻雞啖啖肉而且唔油膩 仲配埋薯角同埋酸椰菜 非常正

大埔一向有好多好嘢食，今日就去咗食西班牙菜，位置於翠怡花園附近，近街尾位置有少少隱蔽。餐廳燈光柔和，感覺非常舒服，裝修富有西班牙色彩，內裏有吧枱位，可以食飯前飲返兩杯。逢星期一和星期二，馮惠顧任何酒類可以以優惠價享用雞翼和生蠔。西班牙餐廳主打菜式當然唔少得燒乳豬和西班牙海鮮飯。另外有多款唔同嘅tapas 可以揀，亦有德國豬手和腸仔等菜式，非常多元化。西班牙海鮮飯（2人份量$188）海鮮飯材料非常豐富，有蝦，青口，魷魚，魚柳和蜆。海鮮新鮮，蝦味濃郁，仲有少少蝦膏嘅甘香味，魚柳炸得非常香口。飯底亦做得唔錯，每粒米飯脹卜卜，富有咬口。色澤帶紅，質地濕潤，每粒米都被鮮濃的湯汁包圍著，非常鮮味。西班牙辣肉腸炒蛋配炸馬鈴薯絲$78外表紅紅地嘅西班牙辣肉腸帶有點點的煙燻味，唔會太辣，味道有幾分似沙樂美腸，幾香口。炒蛋非常嫩滑，帶有豐富嘅蛋香味，底層仲有層馬鈴薯絲，馬鈴薯絲切得相當幼細，炸到脆卜卜，整體味道好豐富，佐酒一流。

今日又係大埔收工 聽朋友講翠怡花園個頭幾多食肆 就決定去個邊睇下其中一條巷仔見到間係食西班牙菜見幾特別就試下坐低發現原來佢地用電子餐牌 見時間尚早又唔係特別肚餓 諗住同朋友叫一個main 一個小食Main 選左西班牙海鮮飯for two 小食叫左迷你漢堡 成間鋪面都有唔同的特色畫迷你漢堡配薯條 分量都ok黑松露醬做得幾惹味 西班牙海鮮飯 基本上每樣海鮮都至少有兩件 唔會有分唔均勻的情況 隻蝦都幾大隻 魷魚我都覺得幾好味 最後兩個人食左$160 左右 都有飽肚感