Tea Library (已結業)

之前有同事試過都話OK，所以今日經開，專誠買來試一試。清楚看到他們是用新鮮的水果，水果應該都是用高品質的。朱古力普洱茶好滑，有普洱味亦都有朱古力味，兩樣加埋都好夾，稍嫌唔夠凍。另同事試了白桃高山烏龍，好香白桃味但茶味就稍為淡。另一個同事試了蜂蜜白桃檸檬薑茶，但她說真的只有蜂蜜味，也感覺不到有薑味。不是很多人排隊，但也需要等大概15分鐘。店內有一些位可以坐但是冷氣就不太足夠。收銀的店員態度十分友善及禮貌。

🌟呢家茶飲店位於中環擺花街，裝修幾文青，樓底好高，仲有sofa坐，可以買完杯野飲，悠閒地hea一下☺️飲品就以四種茶葉作Base，茶類圴以茶葉沖泡, 無茶粉成份，而且標榜100%採用新鮮水果，不加糖漿及任何化學成份！🍹芝士草莓極品鐵觀音🍓 $48酸酸甜甜的草莓配上清香既極品鐵觀音，上面再加上我至愛的芝士奶蓋，好喜歡這個配搭，仲食到粒粒草莓肉，芝士奶蓋亦好香滑，但就略嫌芝士味唔夠濃，但整體味道也不錯😋🍹荔枝高山烏龍 $39高山烏龍入口口感柔滑，茶香都好突出，有回甘，配上甜香荔枝亦好夾~

天氣熱，走在街頭買一杯飲品消暑解渴似乎已變成習慣。但經常飲黑糖珍珠，實在太邪惡又易肥了！中環這間茶飲店Tea Library名副其實以茶做主打，四款茶葉都有20年珍藏，而且每日新鮮沖茶葉，不會用茶粉。廚房也是開放式，見到新鮮即榨水果，令人放心。這天一於來杯健康果茶！店內擺滿一箱箱日本白桃，店員表示現在正是白桃當造時節，所以才推出較罕見的白桃系列。他們只會選用時令水果，所以menu定期會有改變，也能帶給顧客新鮮感。我選了白桃銀毫茉莉龍珠($43）。因為用上新鮮白桃，成本較高，價錢比一般飲品店稍貴。但一飲就知真才實料，白桃汁雖不會太甜，但味道清幽，毫不人工，明顯沒有添加糖漿，加上茉莉龍珠味道也偏清香，回甘帶甜，不會搶去白桃果味，頗有特色。男友點了荔枝高山烏龍($39)，荔枝味同樣較清，但因為高山烏龍味道較突出，略為蓋過荔枝味道，需要細嘗。我還是更喜歡我那杯白桃呢！看到店內還放滿了一箱箱日本蜜瓜，原來下星期會推出期間限定的蜜瓜口味！很吸引！

在中環上班的我又有一家新選擇啦❤️是主打芝士及茶的飲料店.價錢中上但挺大杯的磨沙杯子好美👀芝士奶蓋偏咸香🧀很厚的一層面頭加了少許抹茶粉調味果肉很多 有士多啤梨肉粒🍓茶底是鐵觀音 不算是太濃果香味會略為蓋過.店內有不少位子可以坐而且環境很舒服在炎炎夏日的確是一個休息的好地方

中環新開既茶飲店，用上香港老字號既四款茶葉每日沖泡，包括左烏龍鐵觀音普洱同茉莉龍珠，四款茶都係即日泡用上茶葉唔用茶粉。通常飲野舖都無得坐，呢間就放左幾個位係旁邊，可以一邊飲一邊坐低傾下計，用上左白色設計夠光猛仲有唔少夏日既畫作掛出黎。見到一壺壺茶放左係度，沖出黎都見到幾濃色唔會似水咁，另外見到好多唔同靚水果，好似水蜜桃咁陣陣清香，仲有茶葉可以俾大家睇清楚先叫。高身既係《芝士黑朱古力珍藏普洱》($48)，用上左25年雲南珍藏普洱，由於無用糖漿飲落黑朱古力較淳，上面芝士厚身同幾咸香。另一杯係《蘋果銀毫茉莉龍珠》($36)，店舖放左好多新鮮水果蘋果同白桃全部大大個，飲落有啖啖既蘋果清新香味。店名：Tea Library 地址：中環擺花街24號地舖餐牌:

勁過中環口渴，所以search了哩間飲品店內裝修絕對加分！非常文青歐陸風！但飲品卻非常普通！叫了一杯芝士火龍果茶類似既飲品，芝士非常淡，如果有飲過喜茶絕對唔會滿足火龍果一啲都唔甜，勁淡味口渴之際，好快飲完杯嘢但係好難好似欣賞喜茶和欣賞佢但係裝修靚！

人間仙境靚茶靚心情中環好多款珍珠奶茶，好難得有一間淨係買靚茶嘅飲品店一家大細喺中環玩完好攰就去咗呢間飲品店，排隊時人客不多，側面有一啲座位提供，所以邊坐邊等，真係好寫意👍我叫咗一個白桃銀毫茉莉龍珠，見到一個個白桃， 就感覺好新鮮，諗都唔使諗就叫咗呢一個飲品。果然味道非常清香， 啱晒啲女士。老公就叫左金桂花極品鐵觀音，小朋友都搶着嚟飲，味道都好清甜，真係feel到有茶葉味。同埋環境真係幾舒服，坐下坐下都飲埋杯嘢lu下次試吓會叫芝士奶蓋😛回頭率:100%

食飽之後，朋友話想試下呢間看來是以靚茶叶黎做招来最後朋友揀咗杯 白桃銀毫茉莉吐珠$43朋友俾我試左啖，um...... 唔難飲既，但桃味同茶味都唔太出加上定價唔低，所以真係試過就算啦回頭率都幾低下------------------------------食物質素：🤤🤤🤤(5🤤最優)價格水平：💰💰💰(5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

 這間中環以圖書館書卷味設計的優閒健康茶飲小店，主攻以天然原片茶葉和新鮮水果做茶和芝士奶蓋茶。其芝士奶蓋是用Cream Cheese、牛奶等打成，芝士香味十足仲又滑又香濃，鹹度適中。再配合用新鮮水果打成的果肉加入茶底，既飲到新鮮水果汁又飲到天然茶香，真是絕配。  100%用上新鮮水果打成果肉。  店內主要用4種茶葉，高山烏龍、二十五年雲南珍藏普洱、清香極品鐵觀音和銀毫茉莉龍珠。  芝士芒果高山烏龍($48) 芝士奶蓋是用Cream Cheese、牛奶等打成，鹹度適中，能帶出芒果味。入口嘗到果肉外還有淡淡茶香的烏龍茶。芝士奶蓋上還會灑上抹茶粉。  白桃銀毫茉莉龍珠($43) 白桃清甜，入口先有果香味之後再出淡淡的茉莉茶味，非常解渴。

近期香港開左好多茶店, 今次介紹一下中環新開茶店 – Tea library 芝士草莓鐵觀音- 係有粒粒果肉, 好清新, 而奶蓋芝士唔太漏, ok, 值得一試! 不過價錢就偏貴…一杯都$48 芝士銀毫茉莉龍珠- 奶蓋芝士已蓋茉莉茶, 不過芝士加茉莉茶唔太夾, 下次唔會試!

Tea Library係一間係五月嗰陣正式開始營業嘅茶飲店，不過其實係佢哋未開業之前小編已經有留意，因為佢哋標榜係一間純天然嘅茶飲店👏所有飲品都係用原片茶葉沖泡唔落茶粉同任何化學物質。聽到咁健康就梗係要去試吓啦😏Tea Library嘅茶飲就可以分為五大類，分別係高山烏龍茶、雲南珍藏25年普洱茶、清香極品鐵觀音、銀毫茉莉龍珠同西方茶。另外店舖嘅裝修感覺就比較休閑，而且係一間少有會提供座位嘅茶飲店👍🍴白桃銀毫茉莉龍珠個銀毫茉莉龍珠店舖寫到明係來自福建省福鼎縣，而白桃方面就標明係用日本/澳洲嘅白桃。店舖首先會將白桃打成果汁，之後再加入銀毫茉莉茶。飲品出到嚟係天然嘅粉橙色，賣相非常之吸引😍而飲品入口嘅味道會比較清甜，茉莉花茶嘅味道就會比較突出☺️不過由於白桃本身係屬於一種比較淡味嘅水果，所以相比之下白桃既味道就會比較弱。另外飲品個甜味自然得來又唔假。而茶底入口方面，由於茶底本身都加咗白桃肉落去打，所以飲品出嚟個口感會比較濃厚😯整體嘅味道都比較自然👍冇糖漿味。🍴芝士草莓極品鐵觀音小編一開始見到草莓同鐵觀音呢個配搭真係嚇咗一跳😨心諗兩款味道夾唔夾點解可以擺埋一齊㗎？所以都抱住一個好奇嘅心態去試吓🤔

雖然在中環，但Tea Library 的位置比較靜～ 下午時候，行過幾次都唔多客～ 不過靜靜的 對客人來說 應該是高興的😚～ 起碼唔洗等～ 冇咁嘈～ 杯飲品都做得有心機啲 🤩芝士芒果高山烏龍 $48～ 芝士味偏鹹，有少少芝士粒～ 飢詩比較喜歡滑滑的哪種～ 芒果味香濃 不假 😚 最最出色的是烏龍茶底～ 先飲到芝士同芒果再 嚐到茶味～ 而且烏龍香味清新 與芒果 融合得非常好～ 兩者都很平衡～ 茶香一點也不弱～ 😍飢詩想 它們的茶比較適合坐下來細緻品嚐，渡過歡樂 Tea time ～ 如果買來為了解渴，呢杯茶未必是你果杯～😚飢point : 7/10#hungermarch #飢詩 #非飢詩

作為一台茶愛好者，最近實在有太多台式店出現啦，飲過幾次黑糖珍珠奶茶，感覺成個人腫左成個圈阿，今次聽朋友講中環有一間與別不同既茶店，特別健康同天然喎。去到鋪頭前面，個裝修都幾骨緻，個環境都幾舒服，不過一向對健康同天然呢2個字，我自己本身都標籤左味道麻麻既感覺，望住個menu，無乜太大期望之下，突然比我見到有士多啤梨既茶，就特別醒神，咁就係咁而叫左杯芝士草莓極品鐵觀音。當日有幾枱客人，多數係年輕人為主，咁由比錢到拎到杯野飲既同時，欣賞下周邊既環境，佢地好似主打不同既茶葉，同一般台茶店唔同既係佢地主打既好似係中國茶，分別係高山烏龍，鐵觀音，25年珍藏既普，重有唔記得咩龍珠等等，感覺上都幾特別。攞左杯野飲果時，一開始覺得$48都幾貴下，但睇真d，杯野飲都幾大杯，即刻諗起生果檔一杯橙汁都成$20果時，感覺特超所值阿，未飲之前，都幾期待嫁XD奶蓋有好香既芝士味同淡淡既咸味，同出面唔同既係一般都係用果醬來代替，而佢地杯底有新鮮既士多啤梨打碎左既果肉，鮮甜而不帶點酸溜，真係耳目一新阿，好少飲得哂成杯手搖茶既我，竟然慢慢就咁飲哂成杯，嘆茶之餘重好似食左新鮮水果咁，最後，天然健康同味道可以做得咁出色，讚阿

其實之前經過幾次都未有機會試一下哩間新開嘅茶店，不過今次特登嚟既原因喺朋友嘅極力推介之下嘅。Tealibrary，入到去有幾張小圓枱，配搭唔同顏色嘅梳化，播放住輕鬆既音樂，比人feel到成間舖好舒服，再望下嗰裝潢，都同library好match，感覺到成個裝修好有heart。之後再望下價錢牌，水果茶類都30元以上，內心覺得相對比較高😲，我自己本身對濃郁既茶興趣不大，經過店員嘅推介，我叫了一杯金桂花高山烏龍，盛惠$29，自自然內心嘅expectation會比較高，我站喺櫃枱前望住佢哋製作，而且多口問咗店員喺咪真係有金桂花🧐，事實上真係有㗎！！😍😍😍😍慢慢坐喺梳化嘅上面，觀摩周邊環境，有種偷得浮生半日閒嘅感覺。金桂花高山烏龍，天然清香金桂花，加上烏龍既味道，味道竟然喺咁match，其實茶底真係好重要，茶葉既好壞真喺影響好大，而佢哋sell既茶底都好高級之餘，用料亦好天然實在，真喺值得一試再試！難怪朋友極力推介。下次嚟試下其他茶先！

茶店熱潮也襲擊到中環了，茶狼日排夜排，不過對於鮮果茶興趣不大。來到擺花街比較清幽的 Tea Library ，格局簡約時尚，抵讚。遊客走累了可以坐坐。餐牌上見芝士朱古力烏龍茶，冒險心不大，最終選了芝士芒果高山烏龍茶；友人的是芝士火龍銀毫茉莉茶。芒果這款口味就似許流山的芒椰奶西，不過分層逐層喝的話就可嚐到不同食感。如果想飲一口芝士一口芒果，就不要混和飲料了。友人一開始就混和整杯火龍銀毫，結果完全享受不到不同食感，而且感覺奶味太重，也太甜了。