TERA (形點 I)

營業中

休息中

😍甜品真係好難以抗拒😍知道《TERA》係元朗有分店，我地準備好第二個胃嚟啦😝店内設計以木系簡約風装潢和日系風格為主，内有類似榻榻米嘅座位明太子蟹肉意粉份量好大碟，蟹肉好多😍上碟啲醬已經撈均蟹肉沾滿意粉，好有鹹香味，意粉🍝好彈牙，好有口感金箔Nutella梳乎厘班戟 可可豆榛子果仁醬＋金莎朱古力脆脆+金箔全港首創金箔pancake，成個賣相真係好靚好靚😍😍😍梳乎厘做到好空氣感而且好有蛋香，食落柔軟細膩，甜度適中，面層淋左榛子果仁醬，都唔覺太甜，旁邊仲有2粒切開左一半既金莎，配埋一齊食朱古力味更濃郁😍😍士多啤梨牛角包窩夫窩夫質感鬆軟，外脆內軟，鮮忌廉唔會太甜，選用新鮮士多啤梨好甜，士多啤梨脆脆同醬伴碟，好出色的一個甜品田園沙律🥗沙律菜好新鮮，配上車厘茄及胡麻醬蜜桃柚子茉莉綠茶茉莉綠茶帶陣陣的果香，酸酸甜甜，味道清新TERA （形點1期）地址：元朗朗日路9號形點1期1樓1075號舖電話：23669669

經過呢間店時，想入去食的原因真係好簡單，因為覺得個店名“寺“字好日式，好靚😍。當然成間鋪裝修都十分木系日式，而且元朗店半開放式，就顯得光猛舒適。此店係由法國藍帶廚師開設的甜品店，嚟到當然要試下招牌梳乎厘先~🍵宇字治抹茶梳乎厘 $138充滿空氣感的梳乎厘，真係會彈下彈下~🥰而且啖啖都有蛋香味，加上多種料: 蕨餅, 紅豆蓉，白玉，宇治抹茶忌廉，抹茶餅碎，令到食起上嚟更加有滿足感。如果要挑剔的話，就係抹茶咪未夠濃 (抹茶迷戀濃濃的口味)🍌香蕉海鹽焦糖班戟 $108再嚟多個招牌班戟， 班戟呢樣嘢，每次我都覺得自己整成本好平，但基本上出去都一定會叫。(人就係咁矛盾)呢個班戟十分香脆，配料有忌廉,香蕉，海鹽，speculoos曲奇碎，絕對係小朋友會搶住食的甜品，相比之下，我鐘意呢個班戟多啲~飲品方面呢，價錢比較貴（沒有套餐），味道上亦無太大驚喜。

見到呢間餐廳有得食梳乎厘班㦸，行開Yoho就決定去試下佢。未食甜品前，都要食佢既主菜，見到好多野都想食，但為左食佢既甜品，所以唔可以叫太多野食，淨係叫左個意粉同蟹餅，諗住可以留肚試佢既梳乎厘同窩夫。但係食到一半，發現佢意粉既份量都唔少，只可食一樣甜品，最後只可先試食佢既梳乎厘，窩夫留返下次再試。明太子蟹肉意粉$148蟹肉味濃，意粉軟硬度適中，意粉汁掛滿意粉，口感非常好，好好味。香煎蟹餅$88起初對蟹餅無咩期望，但食落有驚喜，外皮煎得香香的，食落啖啖蟹肉，唔錯👍宇治抹茶梳乎厘班㦸$138成晚最期待既班㦸，送到時賣相靚靚，令人期待。班㦸上的抹茶醬滿滿，濃濃的抹茶味，加上入口即溶的班㦸，即使已食到飽飽的也忍唔住口，停唔到口有機會一定再黎

放假同朋友去左YOHO行街，見到呢間日系cafe好吸引就入去試吓～香煎比目魚配墨魚汁燴意大利飯🐙比目魚煎至黃金色，外脆內軟，咬落去魚肉嫩滑，魚油充足，配上黏黏嘅墨魚汁意大利飯，令人食到停唔到口，真係舔舔脷😋開心果疏乎厘🥞最近好鍾意食開心果嘅製成品，我因為唔會太甜太膩，疏乎厘即叫即整，所以都要耐少少時間，食落好鬆軟，開心果醬味好濃郁，不過就算有醬都唔會掩蓋左本身嘅蛋香，左右彈下彈下咁，好治癒🥰最後飲品叫咗杯Cappuccino同Dirty，淨係睇個拉花都已經好治癒，嘆返杯啡有種慰藉心靈嘅感覺，好舒服好relax🥰TERA (形點 I) (元朗)元朗元龍街9號形點 I L1樓1075號舖#天天飲食_元朗#天天Foodies評分：8/10#班戟 #TERA #蛋糕 #cake #hkig #pancake #梳乎厘 #窩夫 #dessert #iloveeating #甜品 #元朗美食 #foodblogger #相機食先 #手機食先 #一路食一路post #掃街 #instafood #hkfoodies #strawberry #foodphotography #hkdessert #d

佐敦人氣日系Cafe「TERA」進駐元朗一段時間，主打招牌料理是梳乎厘，今次終於抽到時間一試。店內設計以簡約裝潢和日系風格為主，內有「偽」榻榻米座位。晚市設有二人晚 HKD398 起，包含頭盤、主食、飲品和甜品。頭盤煙三文魚沙律 🥗 調味醃製剛剛好，配上黑醋汁少少酸，十分開胃！主食 👧🏽 香煎比目魚配墨魚汁燴意大利飯 🦑 比目魚的香味撲鼻而來，魚皮煎得香脆，魚肉嫩滑；意大利飯濕硬適中，而且飯粒掛汁力高，啖啖Juicy 🤤主食 👦🏻 另+HKD38 香煎紐西蘭肉眼配青胡椒燒肉汁 🥩 五成熟的肉眼有部分煎得過熟，但幸好肉質無想像中咁靭；另人驚喜的是燒汁比預期更出色跟餐半價追加一品料理，單點一份日式清酒煮蜆(原價HKD78) 🍶 蜆肉鮮甜，略嫌湯底醬油味偏重，有點蓋過清酒味道飲品 🍌 香蕉咖啡配椰乳，入口香滑，椰奶味重，杯底仲有香蕉片💕大力推薦；山茶花，桂花椰子水 🥥 椰子水清甜配上桂花香甜，口感清新解膩跟餐甜品流心芝士撻 🍮 芝士味濃，味道不錯最後少不了招牌甜品 Pancake 🥞 動感十分的金箔 Nutella，邪惡的可可豆榛果仁醬和榛子朱古力碎淋滿班戟上 🍫 入口鬆軟Q彈又甜蜜蜜，朱古

難得阿妹喺香港過年，今日放假就同佢入元朗形點行下。經過見到一間門外餐牌寫住每日限定梳乎厘pancake，實在太吸引，就入去試下。我哋2個人叫左1個主食，2個甜品比目魚意大利飯 $138比目魚煎得香脆好食，魚肉保持嫩滑，每粒飯都沾滿墨魚汁，相當濃郁又有咬口。開心果Pancake $158梳乎厘係即叫即做，可以保持鬆軟，蛋香味十足，又可以做到入口即化，梳乎厘旁邊加咗各種堅果，口感更佳。金沙Croffle $78窩夫質感鬆軟，外脆內軟，鮮忌廉唔會太甜，上面灑咗好多金箔和可可粉，仲有一粒金沙切半，喜歡食朱古力嘅朋友仔，一定要試下。

今日跟朋友到元朗型點行街，到中午時，見到tera，環境舒適，餐牌食品吸引，便去吃午餐。由於早餐吃得飽，所以午餐也就重質不重量；只叫了一個意大利飯和一個甜品。比目魚意大利飯～香濃的墨汁意大利飯，再加上煎香左嘅比目魚，外脆內軟，肉質鮮嫩，滑溜而有juice，不會太乾。味道適中，不鹹不淡，剛剛好。金沙Croffle～不用吃，見到外型已非常吸引！牛角包上加上cream和朱古力，再加上金色朱古力粉和一粒金沙；配搭恰到好處。牛角包外皮脆，而內軟；加上幼滑的cream和朱古力；不腻。

18/02/2024 afternoonLunch time section 絕對係服務極差的一次體驗呢間TERA落單無喇喇同人講冇lunch set/ set for two persons轉頭又話有sets， Drinks 全部偏甜用餐得60 minutes 咁嘅價錢仲衰過茶餐廳 / cafe outside Yuen Long staffs冇禮貌冇笑容最叻係極速收碟!埋單俾完錢又走埋嚟想收多次錢完全唔知咩事睇相以為唔錯，最後係覺得冇下次！

叫左兩樣野 等左半個鐘 隔離台遲過我地已經有野黎左跟住有個蒙醒醒嘅waiter開始知道瀨野我跟著問 ： 我地d野呢？你冇落單？跟住個watier話：頭先個同事唔記得落單 好，跟住講座幾個字之後閃 垃圾服務 waiter都係班不知所謂嘅後生仔 咁嘅服務 算啦香港餐廳。 

講到Pancake推介，TERA一定喺我個榜度⭐️。之前食過佐敦同大圍店都覺得水準唔錯，一於去埋元朗呢間比較吓邊間整得最出色啦🕵🏻！原來佢哋啲Menu真係3間都有少少唔同😳，不過鐵膽一定有Pancake、意粉同窩夫，都好夠選擇你揀！🥞金箔Nutella Pancake $168見印埋喺Menu封面，都知呢個係招牌嘅Pancake口味！Pancake有3層高，都整得幾有空氣感；顏色偏黃，蛋味幾重🥚。上面嗰層榛子醬好香，仲有啲金箔同果仁點綴，伴碟有兩粒金莎，賣相真係No.1嚟✨！不過食食吓會有啲甜，怕肥嘅女士們可以嗌返焙茶或者抹茶味🍵，之前食過呢兩款嘅味道比較Balance同清啲💁🏻‍♀️。🍝明太子蟹肉意粉 $138🩷上次食大圍嗰間覺得鹹咗啲，呢間又整得好唔錯喎👍🏻！鍾意佢啲蟹籽落得勁多，好畫龍點睛。同埋份量依舊驚人，撈開咗啲麵真係好多好多😳，明明已經係兩個人Share食㗎啦，要封返佢係性價比之王👑。好推介大家一定要嗌，賣相同味道絕對畀到驚喜你，記得趁熱食呀😋！☕️Iced Mocha $42🍹芒果茉莉綠茶 $48飲品選擇都多，但相比起茶類，咖啡係抵飲得多！杯Mocha好濃郁，好好飲，係我平時鐘

📍TERA (形點 I) (元朗)元朗元龍街9號形點 I L1樓1075號舖朋友一直想試呢間日式fusion菜 今日終於有機會嚟試試仲有Pancakes食😍✨經典卡邦尼意粉 濃郁蛋香 口感柔滑豐盈 唯一不足是煙肉份量過少✨明太子蟹肉意粉蟹肉同蟹子撈勻忌廉意粉一齊食 滿足👍🏽✨比目魚墨汁意大利飯 魚皮煎得香脆 魚肉嫩滑 意大利飯乾濕程度及口感 恰到好處👍🏽✨香煎紐西蘭肉眼配青胡椒燒肉汁 陣陣牛肉香氣 order 7成熟 切開係全熟 太韌了😮‍💨嘥左塊肉✨荔枝玫瑰花茶壺太大水又多 一個茶包味道相對好淡✨開心果pancake 賣相吸引 食落很普通 冇乜特別整體用餐體驗✨味道(3/5) 整體不錯✨環境(2/5) 餐廳地方比較狹窄✨服務(1/5) 沒有什麼服務可言
✨抵食(2/5) 每人$2xx 午餐嚟講稱不上抵食

員工服務態度差 打黎confirm booking 一個朝早打成3次黎 建議可以改用WhatsApp 通知 confirm 電話又好惡講話留枱時間5分鐘 個日閒日黎 見佢又留枱5分鐘 又打鑼咁打黎confirm 以為好full 13:00 去到拍烏蠅 問多少少野個staff 又jip jip 聲又反白眼 可以我運氣唔好 遇到個staff 咁岩心情唔好野食份量不一 一個飯好少 另一碟意粉太多 咖啡好難飲 未飲過一間cafe 既咖啡可以用難飲黎形容 不可一不可再 真係唔好再黎。。 有冇咩推介菜式 真係冇真係要黎試既 就建議千奇唔好飲咖啡😅

辣椒紫蘇葉蜆意粉 $128呢個蜆肉意粉, 加左一齊炒，蜆肉分量都唔少，雖然細細隻但好新鮮、意粉加左蒜頭、洋蔥粒、白酒、牛油、PARSLEY、 辣椒、蘇葉一齊炒，微辣得黎香氣撲鼻，意粉仲索晒紫蘇葉既香味，感覺好fusion日式既煮法日式照燒汁汁燒紐西蘭肉眼 $244黎由紐西蘭既肉眼扒，大大份肉汁鮮嫩，咬入口多汁，日式照燒汁甜甜地，味道濃郁，伴碟既蔬菜同樣調味剛剛好，整體味道都很好。蕎麥保健茶 (跟餐)蕎麥茶味道溫潤，不含咖啡因味道帶微焦香，不但唔傷胃，夜晚飲更加唔會引發失眠，而且仲可以幫助降血脂

行過元朗，朋友拉住我去試咗間TERA寺日式店，超級有驚喜。首先俾那個明太子蟹肉意粉🍝截住眼球，意粉啱啱好嘅煙韌同埋啖啖蟹肉，爽口得嚟Creamy，每一啖都似在講故事咁，令人回味無窮。然後，個宇治抹茶疏乎厘Pancake🥞，尼個限定嘅甜品，真係將我呢個鍾意食甜嘅人搞得雙眼發光，Pancake超級鬆軟，一啖抹茶忌廉，清新抹茶味頓時在口腔爆炸，啱晒愛新奇嘅食客。而家講返個招牌菜，香煎雞扒煙肉牛角包窩夫伴薯菜，咋一睇，係唔係好特別？但一咬落去，嗰個酥脆窩夫🧇同多汁雞扒，配置得就好似天造地設噉，味蕾直接飛上天。嗌完這個，還有個海鹽蕉糖窩夫挑戰我嘅甜度承受極限，香蕉、海鹽、甜味，三者合拼曲奇碎，每一啖都係完美嘅平衡。喂，講到興奮我都想再去！💕😍🎉

呢間Cafe環境都幾舒適同別致，地方雖然唔大，但充滿着溫馨嘅氛圍。⭐️ 明太子蟹肉意粉餐廳嘅招牌菜。呢道意粉絕對係TERA嘅經典之作。明太子忌廉醬汁非常濃郁而順滑，同鮮美嘅蟹肉完美結合。意粉本身煮得剛好，帶有彈性，醬汁同明太子份量多，每一口都充滿左鮮味同明太子嘅奶香，份量亦算幾大。⭐️開心果疏乎厘滿滿嘅開心果醬，上面灑上開心果同堅果碎，形成一個口感豐富嘅疏乎厘。每一口都充滿開心果醬，而且疏乎厘做得好出色好軟而又好彈，真係識得震架✨