TERA

營業中

休息中

今日同朋友嚟咗呢間嘢度食嘢，我就揀咗明太子蟹肉意粉，賣相非常之好睇但係一擺入口就發現出了問題，唔係呀點解明太子蟹肉意粉入面會有蒜頭🙉？？？？？？？？？我真係瞓醒咗仲喺度諗，可能我見識少啦🙉之前幾次食明太子意粉都係偏Creamy嘅嗰種口感，但係呢一款明太子蟹肉意粉每一啖都有蒜頭粒喺入面所以基本上食唔到明太子同埋蟹肉嘅味道淨係可以食到蒜頭嘅辣味，食到一半真係接受唔到同朋友交換咗嘢食，佢鍾意蒜頭所以食得好開心😁所以我覺得鍾意食蒜頭嘅人，可以試吓呢一款明太子蟹肉意粉，蒜頭係絕對搶晒明太子同埋蟹肉嘅風頭👍不過環境好好疏乎厘都好好食，所以我覺得呢一間店淨係食疏乎厘就好啦

點咗龍蝦pasta、margherita pizza、蜆肉蒜頭辣pasta + 炸蝦咖喱蛋包飯。食物真係覺得茶餐廳質數，最差係嗰pizza，rocket菜得丁丁幾塊葉。蛋包飯蛋薄，咖喱汁又係丁丁咁durr durr。同太太講可能呢間主打pancake所以正餐一般，試試個金沙nutella pancake。上嚟係靚嘅但係食落真係好普通，一d nutella味都食唔到剩係諗起新年d人拜年d朱古力味。呢間真係圍仿入面數一數二渣，可以不試。

Cafe走日本寺廟風 營造京都小店感覺🏯法國藍帶廚師主理 招牌梳乎厘班戟仲相當高人氣 即刻試試佢✨.📌原條龍蝦·蝦肉意粉 $198原條龍蝦肉爽彈鮮甜 微微炙燒鹹香 勁厚身 啖啖肉🦞意粉al dente 爽彈有咬口🍝蕃茄醬底 酸甜開胃🍅配料仲有蕃茄仔, 蝦肉同蒜粒 好香口🧄.📌原條蒲燒鰻魚日式滑蛋飯 $178鰻魚大條厚肉 肥美甘鮮 配搭甜甜蒲燒汁同紫菜 正🐟蛋包滑溜濃蛋香🍳珍珠米飯底好多 粒粒分明夠乾爽🍚淋上濃郁微辣日式咖喱汁 好惹味🍛一啖食 大滿足😌.📌黑松露雜菌薄餅 $138白雪雪 賣相唔太討好👅批底薄身鬆軟 批邊脆卜卜🍕菇粒份量太少 菌香唔濃 松露味都冇乜🍄‍🟫鋪滿鹹香芝士 軟綿拉絲🧀配搭火箭菜草青味 清爽輕盈🌱.📌提拉米蘇布朗尼梳乎厘班戟 $148Soufflé Pancake有驚喜‼️即叫即整 慢火煎烘🔥鬆軟帶空氣感 輕盈震騰騰🥞以日本蛋製成 蛋味香濃🍳搭配滿滿香滑忌廉同可可粉 甜而不膩🤎手指餅濕潤軟硬度適中 甘醇咖啡味勁濃郁☕️配料仲有Brownie 夠晒豐富🍫.📌TERA'S原味窩夫 $98窩夫Q軟煙韌咬口 表面烘得脆啲就滿分🧇厚厚鮮忌廉綿滑輕盈🤍加埋陣陣蜜糖清甜同香口杏仁片

呢間真係意料之外搵到嘅餐廳話說當日喺圍方行嚟行去都揀唔到食咩好彩有行到呢一間最邊邊嘅餐廳見到啲款式都幾多就入咗去試吓🥢明太子蟹肉意粉佢已經將明太子蟹肉同埋忌廉撈咗一齊真係啖啖都食到蟹肉同明太子好creamy 又掛到汁 每啖食落去都好滿足🥹🥢抹茶鮮奶抹茶鮮奶稍嫌唔夠濃覺得抹茶同鮮奶好似溝唔勻咁 呢個就有少少失望不過今次自己一個人嚟食 食唔到佢嘅甜品🥹真心好想試吓佢啲pancake每個睇落去都好吸引好邪惡真心要搵人一齊share先得🤭

約左朋友黎圍方呢間靚靚餐廳食，星期六晏就三點幾唔洗等位。小食拼盤$128（蜜糖牛油雞翼3隻、吉列大蝦3隻同埋大量薯條），全部新鮮炸起熱辣辣，個吉列大蝦好好食、炸粉唔會太厚。蜜糖牛油雞翼就油咗少少🤏，薯條都係新鮮熱辣辣，同埋份量超多🤣🤣🤣兩個人食唔哂！明太子蟹肉意粉$158，明太子意粉愛好者嘅我其實係為咗佢而嚟🤩🤩果然冇失望👍個汁好好食、每條意粉都充滿濃濃嘅醬汁，正！夏威夷Pizza$128，正正常常、不過不失。原味pancake$98，賣相好似有d fail，cream 唔夠多，同埋個cream好水，有大量杏仁片，pancake都有蛋香味，不過整體覺得麻麻地。可能其他口味會好d🫠🫠🫠店員有禮貌，主動幫我地加水，服務不錯。環境就有d嘈，同朋友講野要大聲d🤣🤣

星期六與家人12:00到達，餐廳只有一半枱有客。本想開開心心點個$600假日套餐，但入座時侍應提醒要限時60分鐘還枱！對不起，不打算吃快餐，其實圍方還有很多其他餐廳選擇啊⋯

星期六同朋友去圍方行街，想食個下午茶，經過見到呢間睇落d pancake咁吸引，就即刻入左去啦成間餐廳設計好有日本feel，座位亦好闊落。我地兩個人叫左兩個pancake share，一個係宇治抹茶梳乎厘pancake，一個係伯爵茶梳乎厘pancake～D 梳乎厘pancake 黎到時熱辣辣，仲要超鬆軟 搖下佢就震下震下，真係好似我喺日本食果時d pancake！d 宇治抹茶同伯爵茶忌廉亦都好有日本甜品餐廳嘅水準，又唔覺太甜，值得一讚 另外佢地亦有配料係側邊，例如蕨餅、白玉、紅豆蓉、麻糬、杏仁脆片，我超中意蕨餅同麻糬，超彈牙總括黎講呢一餐真係令我回到日本，有機會我一定會再黎

早前約咗朋友上圍方睇電影，散場後朋友邀約我陪佢食甜品，話一定要試喎！原來甜品控朋友被梳乎厘PANCAKE吸引前來♥，聽講仲係由法國🇫🇷藍帶廚師主理💕TERA裝修以簡約木系為主，有少少似無印風，仲擺設咗植物係唔同既角落，坐得好舒服。宇治抹茶紅豆梳乎厘班戟 $158我哋用餐前用匙敲打梳乎厘班戟，震震下望落好療癒，賣相好吸引，完美引起咗我哋既食慾。班戟食落口感好鬆軟，空氣感十足。配料MOCHI口味好夾，話咁快就食曬，好食😏。罪惡感滿滿，但滿足感爆燈😍😍😍+$26仲可以配雪糕2球/可享-$12 優惠價加配飲品🥤

打卡必選「Tera Pancake House」，除左打卡靚仲要野食都正！Pancake、意粉、咖啡樣樣出色😎🍝明太子蟹肉意粉 $158超Creamy明太子忌廉汁，蟹肉多到鋪出𠝹，仲有d紫菜絲，濃香鮮味十足🧇香蕉海鹽焦糖窩夫 $118厚切窩夫配整條香蕉加海鹽焦糖醬，仲有Lotus焦糖餅同餅碎，窩夫鬆脆，好香蛋香味添🍫Mocha +$30香濃既Mocha，咖啡同朱古力配合得好好，濃度剛好，唔會無味🍵抺茶鮮奶 +$36濃香抹茶配鮮奶，茶底夠足料，鮮奶沖出黎都唔會蓋過抹茶既濃度最適合同朋友相聚好地方，環境舒適，裝修為簡約日系風，感覺舒服🤓📍 TERA (大圍)🗺️ 大圍車公廟路18號圍方3樓320號舖

最吸引我嘅係開心果soufflé pancake🥞，賣相唔錯😁有好多nuts，但開心果醬冇想像中咁濃郁🫣而且pancake冇想像中咁鬆軟同有空氣感🫣 龍蝦湯我冇影到🫠 但味道係偏咸..羊架同青口係ok嘅，正正常常。個意大利飯都係麻麻地😅整體唔算特別好食，同埋餐廳限時一個鐘，個日唔算多人先冇趕我地走😂😂 weekend就好難講😅A͇p͇p͇e͇t͇i͇z͇e͇r͇ ͇1️⃣𝘽𝙡𝙪𝙚 𝙈𝙪𝙨𝙨𝙚𝙡 𝙬𝙞𝙩𝙝 𝘾𝙧𝙚𝙖𝙢𝙮 𝙃𝙚𝙧𝙗 𝙎𝙖𝙪𝙘𝙚香草忌廉汁青口S͇o͇u͇p͇ ͇o͇r͇ ͇S͇a͇l͇a͇d͇2️⃣𝘾𝙖𝙚𝙨𝙖𝙧 𝙎𝙖𝙡𝙖𝙙 𝙬𝙞𝙩𝙝 𝘾𝙧𝙞𝙨𝙥𝙮 𝘽𝙖𝙘𝙤𝙣🥓🥗凱撒沙律配香脆煙肉3️⃣𝙇𝙤𝙗𝙨𝙩𝙚𝙧 𝙎𝙤𝙪𝙥🦞 龍蝦湯M͇a͇i͇n͇4️⃣𝙍𝙤𝙖𝙨𝙩𝙚𝙙 𝙇𝙖𝙢𝙗 𝙍𝙖𝙘𝙠紐西蘭羊架（3件）5️⃣𝙇𝙚𝙢𝙤𝙣 𝙍𝙞𝙨𝙤𝙩𝙩𝙤 𝙬𝙞𝙩𝙝 𝙃𝙤𝙠𝙠𝙖𝙞𝙙𝙤 𝙎𝙘𝙖𝙡𝙡𝙤𝙥 🍋帶子檸檬意大利飯D͇e͇s͇s͇e͇r͇t͇6️⃣𝘽𝙖𝙠𝙚𝙙 𝙈𝙤𝙡𝙩𝙚𝙣 𝘾𝙝𝙚𝙚𝙨𝙚 𝙏𝙖𝙧𝙩🧀流心芝士撻7️⃣𝙋𝙞𝙨𝙩𝙖𝙘𝙝𝙞𝙤 𝙎𝙤𝙪𝙛𝙛𝙡é 𝙋𝙖𝙣𝙘𝙖𝙠𝙚🥞開心果梳乎厘D͇r͇i͇n͇k͇ 🍹8️⃣𝙋𝙚𝙖𝙘𝙝 𝙂𝙧𝙖𝙥𝙚𝙛𝙧𝙪𝙞𝙩 𝙅𝙖𝙨𝙢𝙞𝙣𝙚 𝙏𝙚𝙖凍蜜桃柚子茱莉綠茶9️⃣𝙄𝙘𝙚𝙙 𝘾𝙖𝙢𝙚𝙡𝙡𝙞𝙖 𝙇𝙮𝙘

星期六去咗The Wai 食lunch. 呢間西日餐廳主打梳乎厘，不過我哋當日叫咗個2人set，3個人share已經夠飽，冇試佢個梳乎厘😅之前Open Rice訂咗位，1:30pm去到唔洗等直接入，不過職員會話用餐時間1個鐘😑會唔會少咗啲😑😑當日星期六冇lunch set,不過就有假日二人餐 $568：✅大蝦田園沙律🥗有3件蝦，配柚子沙律醋，酸酸地幾開胃👍🏻✅法式焗田螺配香滑薯蓉田螺有6隻，薯蓉份量都唔少。如果2個人食哂都幾飽😅✅明太子蟹肉意粉🍝幾creamy, 唔錯👍🏻✅紐西蘭肉眼🥩配季節性雜菜肉眼medium,唔chewy,都有配薯蓉，好大牛油味。✅流心芝士撻🥧即叫即整，中間流心芝士係好熱的。中意食芝士撻嘅啱哂🤣✅2杯飲品☕️🥤可以喺飲品menu 任揀兩杯。我哋揀咗iced Americano 同葡萄🍇乳酸梳打。杯乳酸梳打唔會好甜，大熱天時幾refreshing 👍🏻3個人埋單（連加一）$625，其實都幾貴，仲要呢個suppose係二人餐😑食物唔係太特別，仲要限用餐時間1個鐘，未必有下次了😏

小妹父在晚餐即將食飽之際，居然話要留肚食梳乎厘班戟 😂，於是我哋為咗食梳乎厘pancake，所以就去咗圍方間Market Place超市散步啦！💚《TERA寺》🚶🚶‍♀️🚶‍♀️🚶‍♂️呢間係一間木系悠閑風西日料理餐廳，港島區暫時無分店，小妹都係第一次幫襯呢間餐廳，佢哋嘅甜品除咗有梳乎厘班戟之外，仲有窩夫、牛角包雪糕等等，而家仲有外賣優惠：綠茶雪糕買一送一，不過記得只限外賣堂食係冇依個優惠㗎🍦！小妹今次揀咗每日限量供應的《榛子焙茶Pancake》及大圍店限定的《提拉米蘇布朗尼 Pancake》，再加多兩球雪糕！兩款Pancakes 各有特色非常美味🤤，班戟🥞柔軟ふはふは、蛋味均勻；焙茶cream夠濃夠香夠滑；Tiramisu 手指餅包含香濃咖啡酒，整體係值得再來🥰開心又滿足的下半天，久違嘅與家人在香港逛街、睇展覽、食好嘢👏🏻，每一次都好珍惜相處時光❣️

相信唔少嘅香港人都知道，最近呢一兩年喺大圍港鐵站附近，開咗一個新嘅大型商場圍方。一個咁大型嘅商場裏面，當然有各式各樣嘅食肆，喺咁多餐廳嘅大趨勢之下，當然都會汰弱留強都唔少店舖遷離。今次要講嘅呢一間由法國藍帶大廚主理，首先喺佐敦打響名堂然後開咗好多間分店嘅pancake House，都喺圍方開設咗分店啦！作為沙田友就一定要試下佢！🍝明太子蟹肉忌廉意粉鮮忌廉煮嘅意粉果然唔同！脆卜卜嘅明太子遇上蟹肉，鮮香美味，嚟多一碟都唔會嫌多！🐔燒春雞春雞分成兩節上碟，配有酵蔬菜，沾上蘑菇汁，juicy又好味，雞炸得嫩滑，就算唔食飯都好夠飽肚！🥞原味梳乎厘其實呢一個應該先至係主菜嚟㗎嘛😂店舖嘅梳乎厘都係採用新紀元蛋，非常重本，有好香嘅蜂蜜味，加上有杏仁碎片，蛋香濃鬱！打卡精選！面頭有鮮忌廉🥰🐔水牛城雞翼小食只係加18蚊就有兩隻水牛城雞翼唔會太辣酸酸甜甜好惹味呀！🧀流心芝士撻點解食撻會用匙羹食！？因為佢係流心嘅！有一種好似乳酪咁濃鬱嘅味道🥰🥤楊枝甘露；凍朱古力好少會有餐廳嘅特飲竟然係會有楊枝甘露呢啲咁繁複做法嘅飲品！套餐只係加九蚊😉🥰

最鍾意約朋友去Cafe見，一方面因為每次見面都有太多野要update💦 另一方面，可以滿足下大家個甜品胃😌➿ 炸蜜糖牛油雞翼6隻 ($68)雞翼嘅size都幾大隻，炸漿皮皮薄均勻，好香脆～ 略嫌蜜糖🍯 可以再多少少～➿ 明太子蟹肉意大利粉 ($158)有海量嘅蟹籽，意粉sauce入面混入絲絲嘅蟹肉🦀 好好好creamy，要趁熱快食😆➿ TERA'S 原味梳乎厘班㦸 ($98)m最期待嘅甜品😍🥞 好似有三層層層疊咁，質感好fluffy，輕盈到唔會覺得好大負擔🤪 味道都唔會好甜👍🏼➿ 蜜桃柚子烏龍茶 (+$36)主食/ pancake🥞加配飲品可以有-$12嘅優惠，我哋揀咗呢杯果茶share，果味同茶味兼備🍑🫖

大圍圍方都幾多裝修靚，坐得舒服嘅餐廳，最近試咗一間，同大家分享一下💁🏻‍♂️一入餐廳應覺好日系，座位有大枱供一班人用餐，座位與座位之間唔會好貼，舒適嘅。講下食物，試咗以下:🥞 榛子焙茶鬆餅 (餐) $148鬆軟，幾有蛋味，焙茶味同榛子味都好出好香，又唔會過甜。🍵 凍蜜桃柚子茉莉綠茶 $36🐖吉列豬鞍 & 蕃茄濃湯烏冬 (餐) $158豬鞍好彈牙，厚身，有肉汁，唔會鞋。烏冬好滑好煙韌，湯係濃嘅蕃茄湯。🥤 梳打soda water $10