Terrace in seaside (AIRSIDE)

營業中

休息中

早前，Care bear x Airside 期間限定分店 <Terrace in seaside>，期間限定12月，所以，就算我不是 Care bear 粉絲，也好奇有什麼特色飲品美食，可以影相打卡，我真的不容錯過！以這間分店的環境及背景，絕對是打卡一流呀！而且，歡迎狗主帶狗幫襯！MenuCloudseeker 彩雲窩夫 $118未嚐已傳來香氣，  除了忌廉、彩虹條，特別加入士多啤梨及新鮮藍莓，窩夫甜度剛好，尚有香脆口感！食完一份都夠飽！熱夢幻紫薯牛奶 $48入口香滑順喉，質感濃稠適中，剛剛夠甜！

以韓式裝修配合現代簡約風，仲有啲榻榻米特色坐位，一入到餐廳就俾佢輕鬆舒適嘅氛圍吸引，啲陽光灑入嚟感覺好舒服，好適合打卡👍🏻🍣［傳統飯卷］$82飯卷用竹籃裝住成個感覺好似去咗度假咁，米飯香軟同海苔嘅鮮味完美融合，每一啖都感受到懷舊嘅滋味。加上新鮮嘅餡料：醃黃蘿蔔、紅蘿蔔絲、蛋絲等，食落特別滿足更加有層次感👍🏻👍🏻🍗［燒慢煮雞腿紫蘇拌飯］$108慢煮雞髀肉質鮮嫩，配搭埋紫蘇嘅清香，飯粒吸收左雞髀嘅精華令成個飯味道層次分明😋真係食到停唔到口🍸［清爽爆汁西柚檸檬梳打］西柚酸酸甜甜，特別解渴，酸甜平衡得恰到好處，如果你鐘意清爽啲嘅飲品一定要試🍸［柚子檸蜜梳打］甜甜嘅蜜糖加上檸檬嘅酸增添左一層清爽感，而蜜糖嘅甜味則平衡左整體嘅口感，如果你鐘意果味飲品，呢杯柚子檸蜜梳打絕對係個唔錯選擇環境⭐️⭐️⭐️ ⭐️ ⭐️ 性價比⭐️⭐️⭐️⭐️ 推薦度⭐️⭐️⭐️ ⭐️ 人均消費:$95(另加一)整體分數:98.23分- - - - - - - - - - - - - - -

今日嚟到Air side，帶咗狗狗黎，諗住試吓韓國人氣過江龍，上網睇到啲好評，真係好想知道啲好評究竟喺邊度嚟，叫咗杯期間限定嘅橘子咖啡，另外再叫咗一個肉醬韓式年糕，先評價下杯咖啡，勁甜，咖啡味帶點水果香，個底應該係用咗柚子蜜/橘子蜜之類，所以令到杯嘢好甜，如果飲唔到甜嘢嘅人唔建議叫。另外，最值得討論嘅係呢個肉醬韓式年糕，上到嚟用叉拮第一嚿，硬硬地，擺落口仲要又硬又凍，好似煮得唔夠耐，仲要擺咗出嚟吹一陣先上菜，即刻叫職員幫我加返熱，唔知道飲食業係點樣處理呢一啲食物，佢應該成碟攞入去叮返熱，出到嚟碟嘢係熱返，但係個年糕個心依然都係咁硬，算….嗱嗱臨食完之後就走，只可以話唔會再有下一次，亦都唔建議大家去試第一次。店舖環境都算舒適，建議可以飲杯嘢放狗，但係食嘢就唔推薦。職員全部都係後生仔，但係上菜又上錯，拎住我杯咖啡問咗三四張枱先到我手，叫佢攞杯水，叫咗三次都拎唔到俾我，我行入去諗住自己拎，佢又叫我坐低等一陣，都係唔拎俾我🙃價錢方面，偏貴，呢個份量嘅炒年糕，要一舊水，數埋唔知有冇20粒，叫個窩夫都要百零蚊。不值得一試

這間韓系咖啡廳的整體環境讓人感到舒適，店員們都戴着可愛的金橘帽，與店內主題的柑橘元素相呼應，增添了不少氛圍🍊。雖然菜式主要以韓式為主，但選擇相對較少，這點有些可惜。我和朋友點了兩杯飲品、一份煮食和一份窩夫。咖啡廳有戶外區和室內區，室外可以帶寵物，但我們選擇了室內的榻榻米區，享受了一個悠閒的下午。在這裡喝飲品、吃美食，真的很chill。千層麵的味道出乎意料，讓我驚喜不已💖，而飲品則是普通，不過不失。總之，這次的用餐體驗很愉快，下次經過啟德時，我一定會再來光顧這間店！😆

Airside嘅呢間Terrace in seaside位於空中花園，環境非常舒適，啱晒拍拖或者約fd聚會。臨近聖誕去仲有聖誕特色餐點，非常有節日氣氛。輕盈又滿足的煙三文魚沙律 $86先叫咗個沙律，有煙三文魚、水牛芝士、沙律菜、青瓜、洋蔥、青檸等用料豐富，食落清新開胃。超級肉醬芝士千層麵 $92千層麵每一層之間都夾住滿滿嘅肉醬，加埋芝士，味道超香濃。千層麵口感亦都啱啱好，唔會整得太腍身。不會爬煙囪的聖誕老人朱古力窩夫! $138呢款聖誕限定窩夫加咗聖誕老人做裝飾，仲有紅桑子、士多啤梨、藍莓等水果。窩夫外脆內軟，朱古力味好香好濃。綠雪奶蓋聖誕西柚綠茶 $58呢杯聖誕特飲用咗新鮮西柚同綠茶做底，好香果味，面頭加咗香滑嘅抹茶奶蓋同聖誕樹裝飾，賣相節日感滿滿。雲海蘋果茶 $45朋友就叫咗杯蘋果茶，入面一樣有新鮮果肉，蘋果味香濃。。。Terrace in seaside (AIRSIDE) (九龍城)九龍城啟德協調道2號AIRSIDE 6樓L604號舖。。

看到網上的好評，特意來尋找這間餐廳，但希望越大，失望越大。我們點了一個千層肉醬意粉，但感覺非常差。底部根本是切不開，旁邊亦燒焦了。感覺就是一個預製菜，放在微波爐加熱。 另外，海鮮拉麵太辣，沒有鮮味，材料亦不新鮮。另外榻榻米座位亦十分不舒服。另外，疑似漏單，叫一杯飲品後很長時間，追單後才送上來。 雖然環境不錯 但這麼差的食物體驗，實在彌補不了。 整體而言，整體用餐體驗十分差，不吐不快 ，絕代不會再次光顧！！！

12月24日平安夜跟朋友到airside逛街，大家都肚餓就去咗呢間餐廳排隊，前面起碼排左5-6組 有位女職員逐個咁行過嚟問：幾多位我就回應左：兩位數分鐘後那位女職員問我地：坐榻榻米有冇問題？我諗都無諗就應左：好啊 （然後就係惡夢開始）行到埋去我地坐個張榻榻米 一見到有3粒飯同張枱都有1粒飯咁我就叫左一位男職員幫我抹一抹 咁都唔算係問題問題係個位比呢位職員抹完後 非常十分極之臭！！！！！我以為係腳發出既味道 點知唔係 心知不妙😓😓我用左紙巾抹乾左佢幫我抹個個位 陣臭味都仲係到😅好彩我個袋有濕紙巾😅我再抹啦 陣臭up 味先無左😅首先唔知道條毛巾有冇洗過 當佢有洗過但係咁L大陣Up味 你地聞唔到？？？？其次你哋係趕時間執枱 抹枱個陣都起碼要double check好個衛生先比客人坐啦😅 希望你哋睇左comment會定期洗下毛巾啦😅at least 要曬乾先囉 咁撚臭🤢🤢🤢 第一次幫襯野食就正正常常啦 衛生欠佳 職員服務普通

如果想體驗Fine dining 推薦呢一間 可以慢慢食 坐兩三個鐘 嘢食啱啱好到 平均上一碟嘢食時間半個鐘 唔係一齊上 類似食法國菜咁 慢慢上 但係出奇地食物係暖 唔係熱 證明有顧及客人感受 怕佢哋辣親條脷 而服務員質素尚可接受 埋單等15分鐘 等你有充分時間準備 去個洗手間 查過潤唇膏 女士們補個妝 味道方面 餐廳比較注重健康 菜式都冇咩味 好符合健康人士嘅要求 而且唔會太熱 全部食物介乎和暖同凍之間 適合一家大細 環境方面 尚可接受 可以帶狗狗黎食

Airside 開咗之後好多餐廳都未有機會試，今次揀間在露天平台既特色坐椅餐廳，有點似榻榻米屈膝坐位，這次體驗完下次試埋坐戶外chill下先得😻😻今晚同朋友都唔太肚餓，所以點個🐟輕盈又滿足的煙三文魚沙律‘🥗，三文魚很嫩滑，份量都不小👍🏻👍🏻再叫了個🍝超級肉醬芝士千層麵‘，滿滿的肉醬隨時多過伴麵呢～相當夠份量呀💖💖餐飲就叫了杯有聖誕氣氛既🧋綠雪奶蓋聖誕西柚綠茶🎄，再加杯🥤鮮奶咖啡用來配搭甜品：🎅🏻🧇爬煙囪的聖誕老人朱古力窩夫🧑🏻‍🎄☃️！這窩夫旁邊的胖胖聖誕老人🎅🏻肯定爬不到煙囪了，不過幾塊深啡色的窩夫豎起並排，又真係幾似木屋頂喎🤣🤣

去AIRSIDE逛街睇展覧🌟當然少不了上去6樓空中花園嘆個Chill Chill嘅晚餐💛 見到Terrace in seaside 仲推出咗聖誕版本嘅窩夫🧇🎄最啱節日打張靚卡！玻璃屋外觀+內裝木系小清新，用餐環境好悠閒舒適💛仲有露天雅座添～有啲置身外國嘅感覺。🎄不會爬煙囪的聖誕老人朱古力窩夫超可愛嘅聖誕限定朱古力窩夫！仲有靚靚聖誕老人🎅🏻窩夫外脆內軟，質感超棒，仲有超香濃朱古力味💛配以藍莓丶士多啤梨丶車厘子等水果，還有脆脆～口感豐富，味美。🎄綠雪奶蓋聖誕西柚綠茶有一小棵聖誕樹作裝飾🎄很有Xmas feel呢～綠茶上面有厚厚奶蓋～裏面還有許多西柚肉呢！有綠茶清香👍🏼清新酸甜嘅西柚香，仲有濃郁細滑嘅奶香，整個組合好搭配，清爽不膩。🎄超級肉醬芝士千層麵味道也很不錯～千層麵烤恰恰好，入口有微酸開胃嘅肉醬和濃郁芝士香。🎄輕盈又滿足的煙三文魚沙律健康又美味嘅沙律！煙三文魚份量也挺多，配以多種新鮮沙律菜，清爽不膩。🎄熬夜後要飲的菊花茶菊花熱茶，清熱安睡～帶有菊花清香。

Kai Tak附近開左新商場果日行完就去Airside食晚飯去到Terrace in Seaside嘆西餐仲有聖誕主題🎅🎄⭕️ 輕盈又滿足的煙三文魚沙律沙律好足料 三文魚比得慷慨沙律菜新鮮 仲有啲青瓜同青檸增加口感醬汁Refreshing👍🏻⭕️ 超級肉醬芝士千層麵近期食過最好味嘅Lasagna之一面頭嗰半隻流心蛋好加分跟手有塊半溶芝士🧀切開勁多肉醬 層層分明 調味亦都💯⭕️ 不會爬煙囪的聖誕老人朱古力窩夫今次依個waffle切開左四小件砌到靚靚仲有christmas theme🎅waffle好鬆脆 濃濃既朱古力味食多兩啖先慢慢滲出黎所以唔會過甜過漏👍🏻恰到好處⭕️ 綠雪奶蓋聖誕西柚綠茶緊貼聖誕theme既仲有西柚綠茶上層嘅奶蓋好smooth 仲有聖誕裝飾同士多啤梨乾碎碎下層比較light

基本上好多間分店都去過食過，今次第一次黎Airside呢間食！半戶外都是有趣的，但天氣太凍就冇去出面坐！叫左兩碟野+聖誕窩夫食，第一次見d服務咁樣！待應好似唔係好舒服定太凍，不論係落單又好上菜都好，都係唔好太想做的感覺！完全係好敷衍嘅感覺！問佢地攞餐碟，佢地直接比剛剛洗完水汪汪的碟，滴住水攞黎俾我哋用！嘩真係從此我都唔敢叫佢攞嘢！真係第一次有咁嘅奇妙服務體驗！玫瑰醬海鮮年糕，年糕不多，汁仲多過年糕，年糕都有d 唔熟，食落個心仲係硬！唯獨個肉醬千層面都保持到水準！希望airside 呢間有d改善啦！真係失望的

《Terrace in seaside 🍊》主打韓式料理食物精緻又吸引🤩ღ輕盈又滿足的煙三文魚沙律 $86煙三文魚肥美！入口鮮味嫩滑有口感，搭配清爽嘅沙律菜，口感輕盈又清新ღ超級肉醬芝士千層麵 $92香濃嘅蕃茄肉醬加上滿滿嘅芝士🧀令千層麵有濃郁口感且豐富嘅味道ღ ⁠不會爬煙囪的聖誕老人朱古力窩夫！$138朱古力窩夫外脆內軟，朱古力味香濃，令人回味無窮ღ 綠雪奶蓋聖誕西柚綠茶 $58好有聖誕feel🎄味道酸酸甜甜帶點綠茶香ღ濟州柑橘乳酸梳打 $46漸變色嘅賣相好靚呀！味道清新解渴

原來Airside 6/F, 大部分餐廳都係有戶外位同Pet Friendly 。今晚就去咗Terrace seaside 。夜晚氣氛好Chill ,好舒服👍最啱同朋友去gathering 🍝 超級肉醬芝士千層麵呢個千層麵好豐富，麵上有隻流心蛋，食落每一口都充滿肉醬同芝士。溶咗嘅芝士味道夠濃厚。每層麵都煮得啱啱好，食落好滑又入味，好正👍🥗 輕盈又滿足嘅煙三文魚沙律沙律清爽又好味，三文魚嘅煙燻味同新鮮蔬菜嘅組合啱晒口味又清新，一個絕對係開胃嘅好選擇。🌲 綠雪奶蓋聖誕西柚綠茶呢杯綠茶唔單止清新又好飲，仲裝飾得好有聖誕氣氛。西柚嘅酸甜同奶蓋嘅香滑味道好夾。仲帶有綠茶嘅茶香。🎅 不會爬煙囪嘅聖誕老人朱古力窩夫呢款朱古力窩夫唔單止香脆好味，食落外脆內軟👍仲係裝飾得充滿聖誕氣氛。每一口都係濃濃嘅朱古力味，仲有好多生菓：有士多啤梨、車厘子及藍莓…配埋個cream 好滑好正。份量足夠兩個人。🌼熬夜後要飲嘅凍菊花茶呢杯凍菊花茶清新怡人，花香四溢，夠清熱飲落好清新。**呢間韓式餐廳唔單止菜色豐富，配合聖誕節仲係食物細節佈置聖誕氣氛，食得開心嘅同時，又能感受到節日嘅喜悅。

🎅🏻餐廳位於airside 頂樓，落地玻璃，寫意舒服。🎅🏻超級肉醬芝士千層麵：蕃茄肉醬同埋千層麵融為一體，淡淡芝士香同埋濃郁嘅蕃茄醬，質素極高。🎅🏻輕盈又滿足的煙三文魚沙律：三文魚半上淡淡的cream cheese，連埋新鮮嘅蔬菜一齊食，味道清新。🎅🏻不會爬煙囪的聖誕老人窩夫：個聖誕老人真係超級可愛，增添咗聖誕嘅節日氣氛，朱古力窩夫有濃郁嘅朱古力味，伴上雲呢拿醬同埋朱古力碎及開心果碎，水果有車厘子,藍莓,紅桑子同埋士多啤梨，好滿足嘅甜品。🥰