The Captain’s House (已結業)

當您品嚐到Signature Combo 自選海鮮拼盤時，首先您將被選擇的海鮮種類所吸引。您可以根據自己的口味選擇海蝦、青口和細聖子等等，每一種海鮮都有其獨特的風味和口感。配料方面，您還可以添加腸仔、粟米和薯仔等，這些搭配能夠豐富海鮮拼盤的層次感和口感。而最令人期待的是搭配的檸檬蒜蓉汁，它為海鮮帶來了清新的味道，使每一口海鮮更加開胃，讓您的味蕾感受到無比的享受。店員將海鮮和配料放入袋中搖晃，這一過程不僅使調味更加均勻，還讓海鮮與搭配更好地融合，使其味道更加豐富。當您打開袋子時，被一陣濃郁的海鮮香氣所包圍，讓您的食慾大增。每一件海鮮都可以充分沾取汁液，保證了每一口都能夠充分品嚐到海鮮的鮮美。而蟹肉卡邦尼扁意粉則是另一道令人驚艷的美味。意粉煮得剛剛好，口感柔滑豐盈，每一口都散發著迷人的香氣。搭配濃郁的蟹肉卡邦尼醬，呈現出濃郁的蛋香滋味，使得整道菜色香味俱全，帶給您極致的味覺享受

午市套餐，（包括餐湯+基本飲品）🫕忌廉南瓜湯，細滑的質感加上奶香味，真是十分可口！沙律是黑醋汁，有紅毛菜、火箭菜、青瓜⋯⋯🦞波士頓龍蝦扁意粉（$248）海鮮出色，令人眼前一亮！龍蝦肉質鮮嫩有彈性，扁意粉吸滿了香濃龍蝦汁，加上番茄、蘑菇、燈籠椒，口感酸甜開胃！🥩炭燒美國安格斯西冷扒8安士（$218）外表烤得焦香，內裡色澤粉嫩，肉嫩帶有少許筋，沾少許香濃燒汁，非常滋味！薯條粗身香脆內部粉糯非常，香氣十足，非常有水準🍔經典芝士手打牛肉漢堡（$138）麵包烤得香噴噴！牛肉叫了七成熟，真是太熟了，口感好粗糙，下次要叫5成熟好了！浪費了這個漢堡😂☕️Cappuccino灑上少許玉桂粉提升香甜的口感，咖啡碰撞純滑的鮮奶，順滑可口！

去呢間餐廳用餐前兩小時致電過詢問有寵物是否可以入內用餐職員都回覆可以當去到既時候 起初職員都只係話動物要坐入面位我都明白 並非人人對寵物都友善 咁就照佢所講咁做但當我睇菜單途中有一個黑衣職員 同我講要求我將我寵物入寵物袋我覺得憤怒既點係 如果知道要入袋的話 我就絕對唔會入內用餐當致電既時候無用我講 而家有個咁既要求令我好無奈 用餐體驗完全令我心情好差之後食既食物都唔覺得好食以後都唔會再幫襯訂位再三確定寵物是否可以入內佢都話可以

之前都有黎過呢間餐廳食shakeshake海鮮，行圍方見到開左新分店，好耐無食過所以再試下。照舊嗌左海鮮，2個人食其實3款海鮮都夠。上枱果陣有專人會係你面前shake個海鮮袋。海鮮拼盤(三款海鮮) $418小蟶子、鮑魚仔、扇貝個汁揀左cajun sauce，辣得黎好惹味，食到損曬手指😋海鮮方面扇貝同鮑魚都幾大隻，小蟶子都有好多隻，不過由於啲殻較薄，shake幾shake就碎曬，所以間唔到會食到啲殼。芝士焗通心粉(燉牛面頰) $148個mac & cheese好cheesy，牛面頰肉少乾但幾腍身。蒜油辣椒鳳尾蝦 $98蝦肉彈牙。

📍#The Captain’s House (大圍)大圍車公廟路18號圍方3樓321A號舖▪️▪️▪️▪️▪️▪️▪️▪️▪️▪️▪️▪️▪️▪️今次到訪呢間The Captain‘s House主打食海鮮袋，之前都試過佢嘅海鮮袋係非常之唔錯，而餐牌上其他食物都非常吸引，今次就一於試吓其他食物😝✨#羽衣甘藍藍莓沙律💰$138幾款沙律之中個人覺得羽衣甘藍藍莓沙律最吸引❤️‍🔥 羽衣甘藍健康指數極高，加上沙律入邊有多款水果，款款都好新鮮，夾雜一齊食口感豐富。✨#火腿芝士拼盤💰$238ham配芝士再加蜜糖係perfect match，蜜糖中和到ham既咸香，配上香濃芝士，係一個幾唔錯嘅前菜。✨#經典芝士手打牛肉漢堡💰$168手打牛肉可以自選熟度，今次order咗五成熟～ 出到嚟比較似全熟😆 漢堡包口感軟熟，亦配上左千島海鮮醬，反而手打牛肉略嫌少許失色。但係burger去咗粗薯條，口感香脆加番分～✨#燉牛面頰芝士焗通心粉💰$148主菜方面我哋order咗燉牛面頰芝士焗通心粉，一直對通心粉情有獨鍾～ 加埋芝士簡直係我杯茶😎 成件事好入味，而主角燉牛面頰肉質都好軟腍腍，而且牛味都好出。▪️▪️▪️▪️▪️▪️▪️▪️▪️▪️▪️▪️▪️▪️

環境乾淨，OK！侍應服務態度都OK！但食物非常之一般，價錢反映唔到食物質素！講唔出係好食！侍應話入座起計個半鐘要交返張枱、但等食物已等咗30分鐘！今晚叫咗三文魚扒、唔能夠話好食、個評語只不過係嘢食冇變壞！可以用難食嘅形容！味道怪怪的！仲要返到屋企屙咗兩次！嚴重懷疑條魚唔新鮮！另外仲叫咗龍蝦湯、白汁意粉、黑松露薯條、味道也是普普通通🫣！建議唔好揀以上嘅食物！應該唔會再嘗試第二次、唔會再幫襯、體驗太差了！

今日過開沙田，順便過嚟圍方奇趣天地睇下玩具🤭 行行下又都食飯時間，見到間好大嘅＜The Captain's House＞，呢間大圍嘅新店環境好靚🥰 離遠見到隻龍蝦公仔就認得佢喇，見到佢做緊買一送一嘅酒精優惠，梗係試下啦😎食過佢嘅海鮮袋，好記得佢個獨家秘製新奧爾良卡彊醬汁，真係非常正，不過今次就想試下佢其他嘅主食😌 🌟Astrolabe Sauvignon Blanc🥂我哋兩個都覺得好好飲，味道都好balance，入口好舒服🥰🌟船長沙律沙律份量都唔少，有牛油果，柚子，士多啤梨同芝士等等，唔算好多汁但係味道啱啱好😍🌟生帶子片伴香草油帶子片應該有輕輕醃過，質地比較淋，有甜味🥰🌟法式煮青口 白酒牛油每隻青口都好大隻，啲汁先係精華，另外薯條新鮮炸，好高質😍🌟意式肉醬闊條麵海鮮餐廳做肉醬意粉都唔差喎，直頭好味，呢個推介😎🌟美式蘋果批伴雪糕蘋果批上碟熱辣辣，撻皮又脆，配返舊軟雪糕仲有上面嘅焦糖醬，一冷一熱，冇得頂呀🫶🏻我發覺呢間餐廳嘅生蠔都好多人食，全部即開，保證新鮮。 不過如果未食過佢新奧爾良海鮮袋嘅朋友，真係要推介試下，原因係你喺屋企整呢個醬係非常之麻煩，想試啲種味道一定要出嚟食，最緊要係……你

The Captain‘s House原來喺大圍都開咗分店，位於圍方商場內，呢間分店好大，枱與枱之間有距離，似乎比其他分店坐得更舒適~🔘Seafood Combo A $418建議揀可以自選海鮮嘅set，自己揀想食嘅海鮮，鮑魚仔同埋扇貝都推介，大隻爽口新鮮，同招牌加薑蒜蓉醬好夾，辣辣地幾惹味，海蝦就發揮正常，一打開個海鮮袋香氣撲鼻，海鮮熱辣辣，除咗海鮮仲有粟米、薯仔同腸，餐廳貼心準備咗手套，用手食更添風味~🔘Linguine Carbonara $128偏濃稠杰身嘅卡邦尼醬汁，芝士味香濃，調味上都幾重手，每條意粉都掛汁，佢同海鮮袋一齊上，食佢嘅時候意粉已經凍咗少少，下次可考慮食完海鮮袋先再叫其他食物~🔘Signature Crab Cake $138蟹餅蟹味香濃，食到一絲絲嘅蟹肉，加上特製醬汁同苜蓿芽，口感層次豐富~

THE WAI開左咁耐都未去過!! 特登過去行下, 見到原來開左CAPTAIN HOUSE分店, 正呀好耐冇食過!! 新店仲好大間下, 樓底又高仲有大玻璃窗座位添。Combo A $418入得黎就必食既SHAKE SHAKE海鮮袋。揀左翡翠螺, 海蝦同埋蟶子。最中意翡翠螺大隻q彈食落好有滿足感🧡海鮮袋既另一精髓就係配菜彩仔, 栗米同埋薯仔, 缺一不可! MIX埋卡薑蒜蓉汁好香好惹味!! Linguine Carbonara $128哩個Carbonara質感非常濃厚, mix埋蛋汁成個勁香濃, 仲有芝士片同埋煙肉碎, 超正! Tiramisu $78原來哩度D甜品都好好食, 蛋糕浸到岩岩好唔會過濕, 酒香, 咖啡香同朱古力味互相融合, Cream細膩幼滑, 用哩個甜品作結真係幸福!!除左唔同酒同cocktail之外, Mocktail都值得一試, 冇記錯Happy Hour仲有7折添!哩杯Mad Me同埋Pure Spring, 都係清爽REFRESH, 又唔會好死甜。

電話服務 職員很有禮貌。但食物 分量 同價錢 不值得。很細份。係細得很誇。尤其意粉。沙律更可憐。燈籠椒切到很大件。它的大細 唔易入口。好易聯想 由廚房洗完直出上枱。調味也很少。水魚感覺好強！

😍😍captain's house 食手抓海鮮好出名但原來其他單點西式餐點都好出色高質既西餐廳🥹😍😍仲要係圍方商場開左新舖😍😚同朋友行完新商場就去左食✐船長沙律沙律有蔬菜 、番茄同黃瓜 上面有芝士粒 、草莓 、柳橙 、牛油果同桃 E個沙律開正我胃口因為有橙同牛油果😍freshfresh既沙律最出色✐卡邦尼意粉🍝卡邦尼超creamy🥰奶油味香伴埋雞蛋食 奶油 蛋香出曬黎✐西班牙式爐烤乳豬😍😍超脆 裏面又勁juicy多汁好明顯係即刻焗即刻上 質素好✐狂犇牛肉串 配美式牛仔汁牛肉一上果時勁打卡🤣 裏面熟度岩岩好 少少粉嫩 廚房掌握個熟度好好完全唔韌😋😋👍🏻✐Tiramisu💯💯💯好好好好好食

食過 The Captain House 幾次喇 今次見到大圍圍方有新分店梗係要試吓餐廳入邊環境好寬闊採光好好 有一個對住街景 好光猛嘅落地大玻璃🥰雖然今次冇食Shake shake 海鮮不過佢既海鮮出曬名 一定要試吓都試咗幾樣唔同嘅海鮮西班牙烤章魚章魚新鮮，口感鮮美味道係酸酸甜甜嘅 配上幼滑嘅薯蓉香草焗田螺新鮮的田螺，加上香草焗烤田螺保持鮮嫩既口感，同時吸收了香草的芳香味道田螺都一樣，配埋薯蓉蒜油辣椒鳯尾蝦大大隻既鳯尾蝦，以蒜蓉、辣椒炒香發出香氣四溢的蒜香味和微辣的口感招牌手工蟹肉漢堡以新鮮嘅蟹肉整成厚厚嘅漢堡 非常鮮甜麵包香脆夾住蔬菜同蕃茄值得一試薯條亦都好香脆，熱辣辣叫咗兩杯飲品，我就忍唔住叫咗杯朱古力嘅特色飲品 - Choco-Nana結合了巧克力和香蕉片 加埋乳酪同鮮奶入口非常幼滑又飽肚朋友就叫咗杯白酒配搭海鮮最後梗係唔少得食返個甜品Tiramisu 咖啡味十分濃郁的加埋幼滑嘅奶油營造出濃郁的口感和獨特的風味

真心難食到要寫返個負評警剔下世人……頭盤：醃吞拿魚片，墊底Mango salsa - 吞拿魚片片都有根，食完有渣果隻酥皮周打蜆湯 - 湯底好稀，有陣苦味，坦白講意粉屋個酥皮湯好飲過佢，夠膽收$88+$18真係勁黑松露薯條 - 普通炸雞翼 - 粉漿過厚海膽焗蠔 - 入面仲係凍，所以有陣腥臭味，或者改名叫「冰火焗蠔」會好d主菜：卡邦尼意粉 - 無味墨魚意大利飯 - 正常或者佢主打食海鮮盤，而我地點錯食物啦，但真心唔會再回頭幫襯，百幾個好評唔知點得返黎，食到火都黎埋，去西貢食海鮮好過。

𝘛𝘩𝘦 𝘊𝘢𝘱𝘵𝘢𝘪𝘯’𝘴 𝘏𝘰𝘶𝘴𝘦 喺大圍圍方開左新分店，除左有𝘚𝘦𝘢𝘧𝘰𝘰𝘥 𝘊𝘰𝘮𝘣𝘰 𝘉𝘢𝘨，午餐仲新推出左𝘉𝘳𝘶𝘯𝘤𝘩 𝘉𝘰𝘢𝘳𝘥，可以自由揀唔同組合嘅𝘴𝘪𝘥𝘦𝘴，幾有新鮮感✦𝘚𝘰𝘶𝘳𝘥𝘰𝘶𝘨𝘩柔軟度幾高，幾香麥味，點其他配料嘅醬汁幾好味✦香煎波士頓龍蝦半隻龍蝦肉幾彈牙，但溫度如果高少少會更好✦法式燴牛面肉芝士淋面焗完脆卜卜，牛面肉口感幾淋✦水牛城豬仔脾調味唔算好濃，豬仔脾肉質幾實在✦日式煎銀鱈魚銀鱈魚肉質幾滑，味噌調味幾入味夏威夷醬漬三文魚醬汁味道較淡，三文魚幾厚身✦爆谷蝦炸衣較厚，食落有比較硬口感✦香烤甜粟米配芝士芝士存在感較低，粟米較乾身✦忌廉炒菠菜菠菜嘅青味唔算重𓄢𝘛𝘩𝘦 𝘊𝘢𝘱𝘵𝘢𝘪𝘯’𝘴 𝘏𝘰𝘶𝘴𝘦大圍車公廟路18號圍方3樓321𝘈號舖

呢個商場好多餐廳都食過，呢間餐廳算係最…..嘅一間啦。兩個人叫咗一個海鮮set （五款海鮮）要五百幾蚊..過咗一陣之後話冇咗鮑魚！但又冇得轉返細set package ,結果改左魷魚同埋墨魚點知啲蟶子好多沙，同埋啲殼都碎晒㗎！八個蜆，但有四隻唔熟。問左，又好似冇得返熱喎！（個waiter 好奇怪的話氣…）呢個海鮮拼盤都好油！同當年在尖沙咀食過，太大落差了。七百幾蚊一餐，成個餐飲體驗都非常之唔開心，海鮮唔新鮮。可能我唔好彩，嗰晚個胃痛咗成晚！