The Fat Oyster

營業中

休息中

在觀塘的隱世駱駝漆大廈之中，斷估唔到居然會隱藏著一間食蠔既好地方！The fat oyster!（肥蠔？）首先上場既係鮮美既海膽同魚刺身，海膽完全無冰鮮味或者澀味，好鮮甜。刺身就啖啖肉，入口即融！之後係呢開餐廳既招牌菜：大肥蠔，蠔是選了老闆娘推薦的肥蠔！同樣地完全無任何異味，落檸檬汁後更顯鮮甜！最後係正正既燒扒！勢估唔到呢度除左蠔同刺身咁正外，連扒都有靚扒食！扒外脆內淋，香氣撲鼻！最正既就係價錢！ 食咁多野，都只係幾百蚊埋單！ 抵到爆！

朋友係呢間餐廳嘅熟客，因為佢知我鍾意食蠔，所以佢推薦我嚟觀塘呢一間餐廳。本身無咩期望嘅我，食完之後覺得真係值得推介。今次我哋四人一共叫咗四樣食品，分別係生蠔、青口、鵝肝多士同埋和牛。生蠔生蠔做緊買兩打送一打嘅優惠，所以我哋一共食咗三種生蠔，分別係Harty,Chiron同Majestic。我地一致認Harty係最符口我地嘅口味，既creamy又鮮甜。不過下次黎我會想試JJ Oyster，因為睇落真係好大隻好吸引呀！青口而青口呢就係老闆娘推介嘅，由法國新鮮運到，無需要加任何調味料，青口原本嘅鮮美就已經出哂黎，令我地覺得好驚喜！好快就清哂碟！鵝肝多士食到呢個位已經覺得好滿足，但驚喜一浪接一浪，鵝肝多士好大份，四個人share都夠分！誘惑嘅香氣配上脆嫩嘅鵝肝，十分滋味，價錢都係$2xx，真係十分抵食，強烈推薦！和牛最後就係和牛啦，自己去雪櫃揀完再拜託廚房煮，約$4xx一塊，我地餓得滯order左三塊。想經濟d亦可以揀$2xx嘅安格斯牛扒，豐儉由人。和牛煎得十分焦香，外脆內軟，入口即溶，男朋友十分滿意，話下次要encore。總括黎講，今餐令我地有好大驚喜，估唔到一間小店嘅野食可以咁出色。順便提

This place will definitely be one of my favorite places. The Beef and Oyster was flavorful, savory, and succulent. The waiter did an excellent job. I was happy to see how clean everything was. Everything was just so yummy. Easily earned their 5 stars!

我朋友7月22日星期日去問7月23日會開門嗎…個女店員話會開。結果呢我同朋友真係7月23日下午1點半黎到。係「關門大吉」。但我地好想食。唯有當行街咁周圍行到2點半都唔開。好心你個女人就唔好答人開喇。我專登山長水遠咁黎囉…仲有呀…你人地問你野你態度可唔可以好d呀…我地唔係欠你錢呀。。。

生蠔多選擇好新鮮非常抵食，牛扒豬𩣑滿分💯，有聚會一定係首選地方👍👍之前係朋友屋企食過哩間生蠔同剌身，勁好味，聽朋友話佢次次都訂哩間，因為成日都有買一打送6隻，圍起都係$10幾$20元隻。撞啱老公生日，成家人都鍾意食蠔同牛扒，booked咗7pm，早少少6pm幾到,去到得2-3個客等外買，無咩人，當日係星期四，有肉類優惠買二様第二様半價，侍應話需要熟嘢要早的解凍，聽講佢地熟嘢好好食，嗱咗二塊厚身牛排，1.5吋一塊，成塊磚頭咁厚，一塊4支骨羊（咁平$119/份），一舊西班牙豬，一隻黃雞，即刻提我8個人可能食唔曬，我話放心，7pm屋企人全到齊，阿女唔食蠔又好餓想食熟嘢先，但啲肉都未解凍，點搞?7點後開始好多人，佢哋話可先出隻雞，隻雞上咗，見阿女唔出聲猛咁食，唔係好食雞嘅我都好奇試吓，唔柴有水準，切開有好多汁流出來，燒到金黃。跟住緊係戲肉啦，生蠔每人一打，買4打送2打，唔駛爭，款式真係好豐富，差不多20個款，同款都有啲有齊2-3個碼，點咗我心頭好majestic, 每次去蠔吧一定食佢，但好貴，哩度$21/隻N2,真係好鬼抵食，唔知會唔會好似有啲人寫唔鮮，就先叫2打送一打先，再決定，侍應提我哋最

每次都黎呢度食蠔因為之前試過坊間好多間都失望之後都反黎呢度老闆每次都推介時令靚蠔明顯唔只係為左錢入親貨都係靚野真心推介同樣價錢出面係無得比一向都唔寫食評就係唔想一間有心既食店做到無晒心機繼續加油呀會大力支持特別推介銅蠔 Monster oyster正到爆

巧合之下，發現有間 “The Fat Oyster”可以堂食或者外賣生蠔，而且做緊優惠價$8雖然入到去特價個隻款就賣哂，但都有一系列的蠔選擇，而且仲有各種刺身同海膽選擇豬記試左Fine De Claire$10隻，老闆娘解釋呢隻體積細d，海水味重啲，所以食落咸咸地的確形容到一模一樣，證明係老實人，但豬記已經好滿意，因為始終都係$10隻，而且有兩隻仲要有種甜味👍🏻 下次要來食餐勁既，因為真是抵食，仲有我最愛的海膽😍評分:8🐷Ig: #hkfooddetector

好耐都無寫食評，出手就要寫劣評真係食到一肚氣！食氣就夠飽，完全無意欲再食其他！我們大約5點45左右到達餐廳，當時餐廳內並無其他食客，只有我們4人及一男一女(言談間，應該係老細)，我地坐低唔夠10秒，女就叫我地快d落單，佢地趕住走，7點令就走！我地表示會盡快，不過有兩位未到，但落住d熟食先！男的老細好有禮貌，好細心介紹牛、羊、雞，女的十分不耐煩，大聲咆哮叫我地自己睇meun價錢都唔係平，連小小服務都無？其實陸陸續續都有客人入黎，都坐滿客，我心諗佢都唔走得啦最後我們點了4款每人1隻生蠔，牛扒、4支羊架、春雞、海膽、紅蝦，諗住食完先再點其他蠔，反正一次點太多，佢地得兩個人四隻手都開唔到咁多！先講生蠔: 質素係咪好好？一般啦！價錢係咪好平？都算係！價錢反映質素，我明！我接受！令我對”貴價”熟食有所期望！大大話話件牛扒都400幾500，羊都要3,4百！燒春雞: 咸，好咸，好鬼咸。牛: (無問過我地幾成熟) 煎得一般羊: 比想像好成餐飯真係得海膽係十分好食、抵食囉！

首先，要戴一戴頭盔！本人都係呢一兩年先喜歡吃生蠔！所以對生蠔的認識不是太多！也不是最識食的！所以以下的分享！可能不是最專業的！過天和朋友來到駱駝添大廈行街，原諒我有點Out！雖然知道駱駝添大廈轉型已久，但一真的一直沒有上來走走！這天來到，感覺好像發現新大陸似的！眾多的蠔店，一直吸引著我！直至走到這所，真的沒有辦法不停下！因這一間有寬闊的枱和椅子，可以坐著品嚐！不懂蠔的我，點了3款愛爾蘭蠔試食！過過口癮！因同行的朋友不吃生蠔！加上要留肚晚飯！（要知道生蠔是可以吃不停的！所以還是適可而止好了！）點了三款生蠔，三隻都很新鮮！真的過足口癮！相信這會是我日後的新蒲點！

已經是第N次到訪本身自己好鍾意食生蠔但係喺出面餐廳食markup勁多delivery自己開又有啲麻煩有一次行開駱駝漆發現左呢間小店見佢玻璃櫃入面有好多款生蠔即叫即開好新鮮餐廳環境又幾舒服所以膽操操試吓一試就成為左我同老公的生蠔食堂💕👫原因是因為價錢非常合理生蠔新鮮空運款式多堂食又坐得舒舒服服❤️❤️❤️❤️❤️❤️❤️除咗生蠔佢仲有賣原板馬糞海膽，阿根廷紅蝦，牡丹蝦等等不過始終都係最鍾意生蠔😛如果遲啲做埋外賣速遞包開蠔就好啦🤗有生蠔拼盤~啱晒啲嘗試唔同生蠔又唔想諗嘅人食完一打又encore，同朋友一口氣食左兩打🤣👍🏻

星期日天朗氣清，與男友倆諗住喺觀塘可以揾間蠔吧食個tea﹐黎左觀塘工廈嘅哩間The Fat Oyster試下，一入到去就被邀去到蠔櫃前落order﹐一看蠔櫃嘅蠔都被毛巾概住，咩都睇唔到，而眼前一個個A4 size嘅純文字餐牌感覺有點雜亂，但蠔種類繁多，亦有蠔種嘅口味分析，尚算details。見到不同蠔餐，主要以數目定價：有一隻、半打以及一打的價錢，7點半前選購一打同款蠔更會送半打。我同男友兩人諗住輕食，但係好似嗌咩無咩，終於嗌中有貨要半打，女服務員又會不斷以警告你嘅聲線話你知"半打無得送架喎！" 最後我地點左半打法國Pusse de Claire和半打White Pearl﹐2隻試食價嘅日本帶子、2隻試食價的法國Pinky Jumbo和2杯白酒。期間女服務員解釋蠔種類時嘅嫌棄面容的確令我們失望，大家只好寄望等陣嘅蠔係會好好食。行到到蠔櫃另一邊俾錢之後，就坐低等食。先黎左White Pearl和白酒，White Pearl不錯，雖然唔新鮮，但鮮甜，而白酒卻很一般，略帶點"水喉水"嘅味道。之後嘅Pusse de Claire同Pinky Jumbo都非常有驚喜；前者似淡味嘅Gillarde

一班朋友高高興興咁諗住試新野，結果一肚火咁走，價錢並唔平，一塊牛扒都6百，咁價格外面大把選擇，而且味道好一般，生蠔並唔太新鮮........更更更加差係個女職員嘅態度，完全趕客feel，order生蟓時佢話唔係隻隻有，問佢有邊啲款有，咁就話唔得閒每款讀俾你聽.....order酒時已指住我哋想要哩支，佢就叫你慢慢睇吓先，order羊時，佢就不停話4件唔夠你哋食，我哋咪話咗有兩個都唔食羊，所以叫多啲牛囉.....想點呀？！仲有更多惡劣嘢，簡直不能盡錄，仲慘過佢係客，我哋係員工...........好好好肯定永遠都唔會再去!!!

秋涼天…又係食蠔好時節！ 這兩天在網上搜尋著蠔食資料， 看到這店正在做優惠(買1打送6隻)決定訂來試試。 這店很多款式選擇，除了蠔，還有新鮮刺身( 韓國空運新鮮赤貝、劍魚腩、海膽等) 套餐、牛扒、熟食也可選擇。 三五知己放工後嚟過蠔嘆 Happy Hour 也很不錯唷蝦子餅不愛吃太多刺身、生吃…今天小試牛刀，訂d法國生蠔…回家開支最愛嘅 Moscato慢嘆蠔食。大概 18:35到達，已有幾枱蠔客在Happy Hour。我選訂了一打法國水中花( 加送6隻共18隻)外賣並代開， 店員(應是老闆娘)客氣地告知 最少要等35分鐘…因為還有15打柯打待開。 付了款便和蝦子餅在大厦四處逛逛，這幢工廈改建後很多食店、生活百貨、雜貨、美容等應有盡有。 逛買了好一會，趕取戰利品回家開餐 我們不是肆蠔之人，不懂評價… 只要新鮮、入口爽滑便喜歡。 這法國水中花是我們"杯茶", 海水鹹味不會太濃且味道鮮甜(蠔肉再肥一點更好)。 另外要讚的是開蠔手…18隻中衹有3隻有蠔殼碎。老闆娘態度友善，熱心推介。還建議我下次可 先whatsapp問她是日精選/特價優惠， 想不浪費時間等候…訂購後通知取貨時間並在網上過數付款

老婆突然想食生蠔，作為老公既我當然二話不說即時陪老婆揾食。我倆去到觀塘駱駝漆睇了好幾間，再上網查看後，決定去呢間the fat oyster。間店有好多套餐，又有不同的優惠，睇到眼花撩亂。最終決定買一打送半打既法國水中花。再加阿根廷紅蝦。紅蝦好大只，但可能期望太高，味道沒有預期的鮮甜。食完紅蝦，輪到主角生蠔出場。生蠔上台時好吸引，好大只。每只都有海水，味道鮮甜，沾或不沾檸檬一樣出色。而且食完離開駱駝漆後，口腔內仍有生蠔的餘韻。不錯。最重要的是，食完沒有肚痛。

只係叫左20隻生蠔，蝦刺身，帶子刺身同鵝肝，等足一個鐘都無得食。想叫野，企係個open kitchen成幾分鐘都無人service。第一次黎當我地好熟點落order咩？見到有個蠔牌諗住叫，又話唔係隻隻有，又介紹餐但又唔係個個餐有，玩野咩？餐牌無寫幾點到幾點，放得出黎就預左有架啦！遲我地45分鐘到既客，等15分鐘已經有得食，仲同我地講要排隊，咁呢45分鐘我地張單排左去邊？個垃圾員工仲要話已經唔收我地加一仲想點。枱枱都無收架啦，有咩咁特別！呢d服務態度不知所謂！你老闆叫你收聲都唔收聲，呢個員工真係當自己係老闆娘呀？