影片
更多
2018-07-24
1116 瀏覽
生蠔多選擇好新鮮非常抵食，牛扒豬𩣑滿分💯，有聚會一定係首選地方👍👍之前係朋友屋企食過哩間生蠔同剌身，勁好味，聽朋友話佢次次都訂哩間，因為成日都有買一打送6隻，圍起都係$10幾$20元隻。撞啱老公生日，成家人都鍾意食蠔同牛扒，booked咗7pm，早少少6pm幾到,去到得2-3個客等外買，無咩人，當日係星期四，有肉類優惠買二様第二様半價，侍應話需要熟嘢要早的解凍，聽講佢地熟嘢好好食，嗱咗二塊厚身牛排，1.5吋一塊，成塊磚頭咁厚，一塊4支骨羊（咁平$119/份），一舊西班牙豬，一隻黃雞，即刻提我8個人可能食唔曬，我話放心，7pm屋企人全到齊，阿女唔食蠔又好餓想食熟嘢先，但啲肉都未解凍，點搞?7點後開始好多人，佢哋話可先出隻雞，隻雞上咗，見阿女唔出聲猛咁食，唔係好食雞嘅我都好奇試吓，唔柴有水準，切開有好多汁流出來，燒到金黃。跟住緊係戲肉啦，生蠔每人一打，買4打送2打，唔駛爭，款式真係好豐富，差不多20個款，同款都有啲有齊2-3個碼，點咗我心頭好majestic, 每次去蠔吧一定食佢，但好貴，哩度$21/隻N2,真係好鬼抵食，唔知會唔會好似有啲人寫唔鮮，就先叫2打送一打先，再決定，侍應提我哋最
之前係朋友屋企食過哩間生蠔同剌身，勁好味，聽朋友話佢次次都訂哩間，因為成日都有買一打送6隻，圍起都係$10幾$20元隻。撞啱老公生日，成家人都鍾意食蠔同牛扒，booked咗7pm，早少少6pm幾到,去到得2-3個客等外買，無咩人，當日係星期四，有肉類優惠買二様第二様半價，侍應話需要熟嘢要早的解凍，聽講佢地熟嘢好好食，嗱咗二塊厚身牛排，1.5吋一塊，成塊磚頭咁厚，一塊4支骨羊（咁平$119/份），一舊西班牙豬，一隻黃雞，即刻提我8個人可能食唔曬，我話放心，7pm屋企人全到齊，阿女唔食蠔又好餓想食熟嘢先，但啲肉都未解凍，點搞?7點後開始好多人，佢哋話可先出隻雞，隻雞上咗，見阿女唔出聲猛咁食，唔係好食雞嘅我都好奇試吓，唔柴有水準，切開有好多汁流出來，燒到金黃。跟住緊係戲肉啦，生蠔每人一打，買4打送2打，唔駛爭，款式真係好豐富，差不多20個款，同款都有啲有齊2-3個碼，點咗我心頭好majestic, 每次去蠔吧一定食佢，但好貴，哩度$21/隻N2,真係好鬼抵食，唔知會唔會好似有啲人寫唔鮮，就先叫2打送一打先，再決定，侍應提我哋最好一次過决定食幾多，方便幫我哋由淡到濃排次序，結果第二打未食完己過去order定多三打，結果就要等多35mins, 因為爆曬，枱枱都二三打咁叫，排到我哋第二round的蠔，前面最少有三十打蠔要開，失策，咁唯有食吓的刺身，叫咗extra jumbo牡丹蝦同好大隻粉紅蝦$55/6隻！好鮮甜，仲有活赤貝新鮮扺食不可錯過！海膽乾身鮮甜！不過到我想追加海膽果陣己售罄，唔到8點就無貨，唔怪得我friend訂親都要幾日前提佢留貨！食完蠔都要再等一陣，見佢哋忙到飛起都唔好意思走去催佢哋。佢哋好客氣話唔好意思，肉要再等多陣，問咗食幾成，我們齊口話5成，佢望一望啊女，駛唔駛一塊熟少少，真細心！咁一五一七啦，羊佢俾意見6-7成，果然牛扒羊架同Facebook 的留言一様，勁好味，就算阿女食果塊7成都係好juicy一啲都唔乾！平時都煎慣牛扒都食過的靚牛扒屋，但可以連的肥膏都煎得咁香，佢哋嘅手法真係超班，哩個滿分而且有驚喜！羊得我一個食，姑仔貪得意試咗舊，佢話連佢唔食羊都覺得好味唔騷! 第一次寫食評，真係因為佢哋的食物好好味，質素比起好多高級餐廳有過而無不及，無加一，食幾多計幾多，好彩無因爲看到一些負評爭啲唔幫襯，咁樣就少咗一個咁好既地方！
28 瀏覽
0 讚好
0 留言
張貼
