The Luxe Seafood Bar & Resto (已結業)

近排太忙好耐冇寫食評，今日boxing day 同男友黎食buffet，見吾太貴之餘仲有生蠔任食都幾吸引！我地冇bk位walkin 因為早5:30入去，食90分鐘228加一。入到去環境都五錯，坐得舒服因為早所以五多人拎野食都五洗排隊，不過款式冇平時酒店自助餐禁多，但野食五差，有誠意！對得起個價錢！值得推介既係呢個焗芝士龍蝦！好好味個汁而且好大塊龍蝦肉！絕對係誠意之作另外隔離個燒豬仔脾都吾錯，生蠔就可以吾係好大隻，但食落都算新鮮，讚！後尾掛住食都五記得影相喇哈哈，仲有其他食物都五錯，值得讚既係個蜜糖雞翼，超好味！好入味，亦好嫩，平時食自助餐好少食到禁有誠意既雞翼！另外三文魚都係厚切同新鮮，有個蘑菇湯都五錯架，不過唯一缺點就係野飲要另叫同收錢，同埋冇雪糕 不過呢個價錢有咁既質素真係性價比高！比起好多團購既自助餐好得多。下次會同屋企人再黎啊^_^

自助餐中，有蠔的，正是我不二之選。198蚊，實在太抵食了吧！二話不說，先吃蠔，再吃，再三吃，蠔的質素踓然不屬於頂級，但質素絕對不差，而且十分新鮮，最好的是不用在等，因為所有蠔已經預備好，只要你走過去，便能夠拿得到。其它的食物質素也不過不失，雖然款式不是很多。 基本的魚生刺生也有。這個相當便宜的價錢絕對吸引。推介。

在討論區見到呢間平價自助餐，問清楚之後，發現居然位於鬧市，仲要係朗豪坊。在旺角區，二百蚊的放題選擇都幾多，自助晚餐真係第一次見。應該咁講，二百蚊的自助晚餐係香港都係少見。因為早到，大約六點半，唔洗等位就可以ｗａｌｋ-ｉｎ。七點之後，人就開始多，食完之後見到出面都有人等位。 入到餐廳，用餐環境高雅，坐位舒適 除左裝修grand之外，就連餐碟都與別不同。其實，我一開始係討論區就係比呢隻碟吸引住，哈哈哈‧海鮮凍盤：翡翠螺－－有沙蝦－－以二百蚊的價錢黎講，都算大隻同新鮮青口－－正常小龍蝦－－怕麻煩冇食 三文魚刺身：非常肥美鮮味，加上厚切，食落好有口感不過，六點半出完呢一盤之後就冇再ｒｅｆｉｌｌ有壽司，不過冇食，怕飽肚，但賣相都ｏｋ。 凍肉：有風乾火腿和沙樂美腸，仲有煙鴨胸 生蠔：大大隻，都幾鮮甜。平時一隻起兩隻止，但為左回本，最後都食左７－８隻 餐湯：忌廉栗米湯，味道同茶餐廳的栗米肉粒飯完全一樣，唯一分別係，呢個餐湯稀ｄ燒牛肉：自助餐點可以冇燒牛肉，不過，呢間野的燒牛肉對我黎講太生，一落刀ｄ血水就係咁流＝　＝"更大的問題係......韌到，切左好耐先切得開。 燒春雞：燒春雞個

[ 第一篇食評!! ]價錢挺吸引，$198就有生蠔任食。再望望餐廳，用餐環境舒適寬敞，裝潢時尚華麗。進了店內才發現還有戶外座位，皮製沙發與圓桌，感覺更寫意呢!餐廳有多款海鮮凍盤，如: 生蠔、翡翠螺、蝦、青口和小龍蝦。先來個凍食，生蠔雖小但肉身肥美，質素不錯。小龍蝦肉質結實，啖啖肉!肉類焦點有: 風乾火腿、沙樂美腸和燒牛肉。燒牛肉是驚喜之一，生熟度剛好，帶粉紅的肉色，肉質鮮嫩。甜品方面，款式賣相精緻! 最喜歡芝士蛋糕和朱古力慕士。切成一小口的芝士蛋糕質地軟綿幼滑，芝士味濃但不膩。而朱古力慕士是我等朱古力迷的至愛，香濃滑溜，正合朱古力迷的我。以百多元的價錢計算，食物種類選擇不少，冷盤、熱葷、甜品全部都有。味道和賣相都很好，可以再試!

剛過去星期3去試luxe, 朋友話平時行過冇人等位，就冇book 點知等左4個字。門口既光頭哥哥幾多禮貌咁去幫我地留資料係門口望入去。嘩~生蠔 ...之後有d 睇唔上眼或想食既見唔到刺身。我完全見唔到其他人講既蟹夾。D 蝦同蠔都ok 鮮但d 蠔係唔痴殼。我唔見佢有即時開殼或一隻隻蠔放上蠔殼，但勁多水。我夾果時打斜左小小個超後生男職員仔(見人就放蠔果位) 就講左句野我聽唔清楚*咩話* 佢就黑晒面咁講唔好倒d 水出黎。基本一d 禮貌都冇d 3文魚乾。最好味真係佢，d 肉又滑d甜品款多。但每次得幾件

同男朋友係朗豪坊行完街，本來想去食Monster Sushi點知去到鬼咁多人，見到對面有Buffet食又好似唔係太多人等位咪去睇睇囉，見到傳單寫$198+10%一位，(咁岩今日係星期五Weekend $228位)一心以平平地試下囉嘅心態入去。入到去環境好優雅，座位又寬敞，侍應安排咗我哋坐出面，嘩好有天幕下的戀人feel呀，好浪漫。唔知係唔係因為外邊商場唔夠冷氣嘅關係，男友話越坐越熱, 有點破壞咗個美景。食物方面，第一時間梗係去攞生蠔，大大隻，好鮮甜，仲有長腳蟹﹑青口及蝦。其他還有新鮮又好肥美的三文魚刺身及不同款式的壽司。值得一提嘅係，好好味。不得不提既當然係好多愛食自助餐嘅朋友都會喜歡的燒牛肉，熟度適中，不太生不太熟，配汁可選黑椒或燒汁。熱食區種類都有很多，有湯﹑豬手﹑炒雜菇等等，但因為掛住食冇影相。甜品有大約6款，cheese cake, chocolate mousse, 水果撻等精緻味美。咁嘅價錢有咁嘅質數，既飽肚又滿足，對著咁優美的環境嘆美食，一樂也。

是日到旺角食lunch, 家姐提議去朗豪坊依間新開既餐廳食buffet, 仲話好抵咁講，咁就試下啦！去到12樓，見到門面已經覺得好唔錯，裝修好grand。但價錢完全唔係想像中咁貴甚至係平。入到去，周圍既環境好吸引好舒服，岩晒同三五知己一齊黎high tea。一坐低我就出去拎野食，食物種類黎講由於係tea buffet所以一定唔多，不過出奇地係有青口同蝦揀，壽司只有幾款，cake都一樣，不過講真108蚊你仲想點？So far食物都唔錯，壽司幾好食，不過蝦就唔係好新鮮，而且近門口位夾野食果陣有好大陣臭味，但應該係唔關d食物事，希望餐廳方面可以注意一下，因為好影響食客既食慾。雖則食物種類不多，但食下食下已經好飽，撐住知肚走人，埋單每位只係108加一抵到呢。下次會試下晚餐buffet, 聽聞生蠔任食，價錢二百多。

唉...我的三星手機用不夠一年就有問題男友陪我黎朗豪坊維修中心整整佢好彩只係等一小時, 咁o岩遇著晚飯時間早前行經朗豪坊12樓已見到The Luxe了當時食飽飽先見到有tea buffet, 門面看到內裡的裝潢很grand似的以為價錢也不便宜誰知, 一個tea buffet都是百多元所以今日在等待整電話的一小時, 立即話要試試這間其實剛過去的星期一已吃過酒店buffet 但是見到The Luxe的dinner假日都只228, 而且坐得舒服, 也有生蠔, 長腳蟹....6pm又不用等位, 所以.....2位唔該在沒有訂位下, 都可以安排到窗口位, so nice起12層高望下去, 感覺良好 (我沒愄高症)檯, 椅都很舒適, 感覺很潔淨也時尚由於晚餐不包飲品, 水例外所以他們都會放下drink list, 而且有8折, 其實唔貴不過邊飲邊食, 我會好快飽, 所以無點飲品其實The Luxe供應食物, 相比酒店級是有距離但二百多元, 有生蠔長腳蟹, 有我地想吃的 在旺角區吃放題都差不多, 況且看過食物的質數一定會好過放題因為時間尚早的關係, 我不能吃太多, 有些也沒有影相我們主攻冷盤: 生蠔

Since my beloved young cousin's birthday is coming soon, I took her out to search for a gift in MK per her request. After a whole afternoon of shopping, I really wanted to find a nice and quiet place to sit down for dinner. That’s a bit of challenge in MK though. Then I remembered that I previously had a pretty good Valentine’s Day dinner at The Luxe so I decided to go there again.When we arrived around 6pm, I realized that the business model of this restaurant has changed. They no longer serves

早在這餐廳開業不久的時候，曾來過這兒吃過一頓豐富的晚餐，評價不差。但數月前與友人一同在午飯時間前來所吃的午市自助餐，卻令自己甚為失望。無疑，這午市自助餐的價錢是便宜的，才$128+10%的價錢便可以吃到，但這自助餐的食物款式卻很不夠，只消三數round便已可KO這自助餐內的所有食品，勉勉強強算是較為吸引的食物就只有燒牛肉而已，而且各款食物的味道也只是普普通通，並沒有哪一款可以令人留下深刻的印象。這不單是我的觀感，也是我的友人們的感覺。要是可以的話，我和友人們真的寧願付出多一點的金錢來換取這自助午餐供應多些吸引的食物，讓我們可以吃得滿意些呢！

首先, 自助餐要齊人才可入座, 然後開始計時, 我也都可以理解, 但門口receptionist 的態度可以好一點, 說話可以客氣點嗎?! (她就悔氣地說未齊人唔入得, 你地出去行個圈先入黎!)到入座後, 那些員公不知是否很空閑, 就不停望向我們那張台指手劃腳, 說三道四, 她們好像對我們的衣著和髮型很有意見似的?! 原來現在的服務員都喜歡在客人用餐時背著客人評頭品足, 講是講非?! 她們就是一個傳一個不停地說和望著我們那張台似的. 我想問現在我們是去參加時裝表演嗎?! 難道花了錢去吃一個午餐, 還要給服務員不友善的態度對待嗎?! (自問我們的衣著都很檢點, 沒有半點沉誇或不尊重的!)另外, 除了員工喜歡在客人用餐時竊竊私語外, 還有她們的服務態度真的不行!!! 好像讓她拿多一個碗都不願意似的?! 我現在不是去了大排檔吧?! 就算是普通荼餐廳, 好像伙計們的態度也都比那些員工親切和友善呢?! 本想為求方便, 就到那裏一嘗自助餐, 怎料大為失望. 若以這個價錢, 但要受這種甚差的服務態度, 那我倒不如還是去到價錢稍貴, 但服務態度和食物水準有一定品質的港島區或其他五星級酒店用膳吧!!!最

睇完戲肚仔餓, 適逢呢間餐廳做緊tea buffet, 見價錢合理, 便入內一試.雖然食物種類唔太多, 除咗湯同麵飽無食過外, 其他全都encore過.冷盤方面, 除了凱撒沙律同生菜可自行調味, 其他沙律均已經伴好沙律醬, 唯沙律醬略微稍多. 其他冷盤有豆角和青瓜, 好fresh, 有中和沙律醬的作用.熱葷方面, 味道濃淡適中, 唯餐廳冷氣過盛, 熱葷好快變冷盤.甜品方面, 普普通通, 未有驚喜.Tea Buffet 包餐茶一杯, 冷熱均可.餐廳裝修很grand, 有fine dining的感覺. 值得一提, 如有朗豪坊LP Card, 可免加一.

朗豪坊是以年輕人路線的商場， 西餐廳不算多， 新開的這家算是不錯的一家。 被安排在天幕下用餐，有種意外的驚喜，寬敞的沙發， 精美的餐具， 喜悅的心情刺激味蕾。叫了半打生蠔， 非常的新鮮， 本身的鮮味令人動心， 不知不覺的多吃了幾只。 喜歡吃生蠔的朋友可以來這裡試試。 很多高級酒店的自助餐會有生蠔提供，但不會令人有驚喜的感覺， 吃過好吃的生蠔， 才知道其的質量有很大的差別， 好吃的，口感， 鮮味令人回味無窮。 最近我也開始喜歡上她的味道和質感了。 接下來的沙律， 周打蜆湯也做得不錯，擺設味道沒有太大的驚喜， 預期之內。 反而牛排卻是失敗之作， 煎得太老， 肉質變得很粗糙。 吃完後， 沒有任何的回憶， 只知道下次不會再點。 牛排有點像魚翅，不是每一間餐廳都能賦予它們第二次生命的意義， 讓人吃完後久久的回味。 看著朗豪坊眾多的人群， 自己卻身再在悠閒的角落用餐， 感覺特別好，美好的時光在指尖， 舌尖慢慢流走...

很神奇地生日當日好友番早放早因此三點幾可以出到黎見見面其實冇計劃要食d咩既，只係等佢果陣周圍行就俾我發現左The LUXE仲做緊之前係openrice宣傳既tea buffet:^)價錢亦相宜，$98+10%有90分鐘反正大家未食野肚空空咁，不如一試啦！沙律有好多款既除左本身separate既材料，如羅馬生菜，仲有d mixed salad揀蔬菜感覺幾新鮮既，起碼佢都算青綠，唔係倒胃既棕黃色食落亦覺得佢夠爽脆，冇淋爛feel沙律醬唔會過多過膩，剛好可以coat住調到味:^0呢味就係朋友拍板佢拎既，其後見到仲有蕃茄配水牛芝士，但就冇再試了熱盤估唔到佢會有熱盤（仲以為係沙律加甜品而已Croquette係長條形果件啦XDDD內餡芝士味好重，炸得夠香脆炸物放出黎既時候有燈heat住，唔會太凍變硬出油:^)Risotto Balls外皮算脆，不太油膩Risotto內餡仲係粒粒飽滿，有嚼勁有彈性而唔係爛成蓉Curry Chicken好特別XDD，又係另一樣估唔到會有既野但佢既咖哩只係香氣上，唔會話辣唔會話醬多到漿住哂咁雞肉冇雪味又冇血水，肉質竟然保持到不老不柴，真心冇諗過:^00000雞肉普遍大件

這天自己一個吃晚飯突然想吃奢華一點，可是看看自己衣著不夠正統知道不可能去 fine dining 餐廳。結果走去旺角試試新開於朗豪坊的 Luxe Seafood Bar & Resto，以前幾次路過已想試可是朋友們嫌貴。門前的接待生熱情招待對我介紹這介紹那，餐牌上的都被她介紹得令人垂涎欲滴，怎能拒絕呢… 接待生識趣的帶我到靠牆的疏化位坐下，很好的位置讓我靜靜享用晚飯。服務生第一時間帶來好漂亮內裡彩頁的餐牌。點了Fine de Claire生蠔，沙律… 最初問服務生 Fine de Claire 為甚麼 No.4 貴過 No.2 ，她跟據價錢解說 No.4 比 No.2大隻很多 (事實上我清楚知道生蠔的 size 由大到小順序該是 No.0-No.4，笑了… )鄰座都在享用 bread basket 等待已點的菜，可是卻沒有服務生給我任何麵包或水。直到我忍不住開口要求要一杯水…然後 Bread Basket 是跟 Oysters 同時間端到我面前 (我還以為點餐份量太少所以沒有麵包…) Oysters 都頗為新鮮，我要了半打 $199+10%。麵包雖則是不用付費，倘若先烘焗會比較好味