影片
電話號碼
27312870
開飯介紹
落地玻璃窗可欣賞維港海景，氣氛浪漫，環境一流。主打擺盤精緻的意大利菜，另設多款美酒供客人品嚐，是約會、慶祝重要日子之選。
繼續閱讀
營業時間
今日營業
12:00 - 15:00
18:30 - 22:30
星期一至六
12:00 - 15:00
18:30 - 22:30
星期日
11:00 - 15:00
18:30 - 22:30
以上資料只供參考, 請與餐廳確認詳情
有關獎賞計劃
去年品嚐過海景嘉福洲際酒店 The Mistral的開心果下午茶喜歡不已，闊別數月載譽歸來推出換上新點子的全新開心果海景意大利下午茶，我這位小粉絲當然要去再續開心果緣吧。這趟下午茶更配襯精選的TWG茗茶！六款特色的香茶選擇包括有皓空之茶、蝴蝶夫人之茶、蜜糖法蘭西茶、盛夏緋紅、波本香草紅茶及玫瑰芬香茶，以花果香氣靚茶來征服大家的心。我選上White Sky皓空之茶！是以銀針白茶融入依蘭花茶香清甜怡人，具備抗衰老、美白及降血壓等作用非常合我享用，除了熱飲外更可加入冰塊泡成凍飲好適合炎夏飲用。下午茶的鹹點共四款有海鮮亦有肉食吃罷頗為滿足。煙三文魚 • 三文魚慕斯 • 開心果鬆餅！油潤的煙三文魚燻香惹味加上三文魚籽添加鹹香，內裏的三文魚慕斯口感豐富柔滑，搭配開心果鬆餅帶來果仁香氣味道好有層次。開心果乳清芝士慕斯餡餅 • 意式煙肉 • 開心果金寶！清新的開心果乳清芝士慕斯配上香脆煙肉拼出化學作用，面層更灑滿開心果碎粒吃下滿嘴芳香挺迷人。巴馬火腿 • 水牛芝士 • 羅勒醬麵包 • 火箭菜 • 開心果金寶！甘香的巴馬火腿夾上滑溜水牛芝士，以芳香軟熟的羅勒麵包加我至愛的火箭菜一起品嚐味道超迷人。班尼迪蛋 • 火腿 • 開心果荷蘭醬！充滿驚喜的小綠蛋淋上開心果味的荷蘭醬貫徹主題又夠特別，濃厚醬汁混合蛋液和鹹香火腿非常和味超讚喔。吃至此刻忽然風雨欲來果然天有不測之風雲！我覺得這天氣嘆Afternoon Tea也別具韻味。既來之則安之就好好享受著雨水滴答的交響樂吧！英式鬆餅綴以開心果碎增添口感之餘更多了一份香氣，塗上果醬和滑溜的Clotted Cream吃好舒心。開心果雪糕！脆皮下包裹著冰涼的開心果Gelato，一口便能吃出午後的甜美小確幸。甜點中有新知舊雨但都能俘虜我的甜牙齒好開心啊。泡芙 • 開心果忌廉！煙韌的泡芙上是滿滿濃郁的開心果忌廉，配襯微酸的紅莓醬及果乾酸甜有致依舊迷人。海綿蛋糕 • 香草奶油 • 開心果忌廉！濕潤的海綿蛋糕上是幼滑的香草奶油，配搭獨特的開心果忌廉口感綿密味道芳香。 咖啡杏仁• 開心果奶油 •千層酥！甘醇的咖啡香氣跟杏仁互相輝映，加上開心果奶油和層層疊的千層酥吃得我滿心歡喜。杜拜朱古力 • 土耳其酥皮絲 • 開心果奶油！香濃朱古力內藏滿了脆卜卜的酥皮絲，加入開心果奶油令味道更加昇華「味」力十足。開心果海景意大利下午茶平日收費為$628/2位、週末$658/2位，於酒店官方網上商店預訂可享85折優惠，記得要於一天前預訂喔。
繼續閱讀
🍴🌿 The Mistral 意大利餐廳「Pistachio Vista」開心果下午茶 ✨🍰.今次同朋友去咗The Mistral 意大利餐廳試佢哋新推出嘅「Pistachio Vista 開心果下午茶」😍真係由頭到尾都充滿驚喜🤟🏻成個set由鹹點到甜點，再配埋TWG精品茶，完美演繹開心果嘅多變魅力，絕對係打卡同味覺雙重享受💯🌰 鹹點：開心果嘅鹹香演繹首先上枱嘅係 「開心果乳清芝士慕斯餡餅配意式煙肉」 🥧慕斯質感輕盈柔滑，煙肉嘅鹹香同開心果碎嘅堅果味好夾，口感層次豐富！.再試 「巴馬火腿水牛芝士羅勒醬麵包」 🥖巴馬火腿鹹香得嚟唔會太油膩，水牛芝士奶香濃郁，加埋清新火箭菜同羅勒醬，味道平衡得好好～最正係開心果金寶灑喺面，咬落脆脆哋，畫龍點睛！✨班尼迪蛋控一定唔可以錯過 「開心果荷蘭醬班尼迪蛋」 🥚流心蛋黃混合咗開心果香氣嘅荷蘭醬，濃郁得嚟帶微微堅果香，夾住鹹香火腿，口感超級圓潤！另一亮點係 「煙三文魚慕斯配開心果鬆餅」 🥞煙三文魚嘅鮮味同慕斯嘅柔滑好夾，鬆餅微酥仲有開心果粒，鹹甜交織得啱啱好！🍭 甜點：開心果嘅甜美變奏甜品部分簡直係開心果狂熱者嘅天堂！ 「開心果忌廉泡芙」 外皮酥脆，內餡嘅開心果忌廉香濃順滑，甜度剛剛好～ .「咖啡杏仁蛋糕配開心果奶油」 ☕️ 驚喜十足，咖啡微苦同杏仁香氣好突出，夾住開心果奶油同泡芙，層次感爆燈！「杜拜朱古力配土耳其酥皮絲」 🍫 絕對係邪惡之選！濃郁朱古力包住開心果奶油，再灑上脆脆酥皮絲，一啖咬落去三種質感，幸福到震～最尾嘅 「開心果雪糕」 🍨 清新得嚟堅果味超濃，為成餐畫上完美句號！☕ 茶飲：TWG 茶香襯托套餐包兩款TWG茶，推介 「蝴蝶夫人之茶」 同 「玫瑰芬香茶」 🌹，前者帶花果香，後者玫瑰味好優雅，同甜點好夾，解膩又提升味覺享受～💸 價錢同優惠平日兩位$628，週末$658，喺酒店官網訂仲有85折！份量足料，環境又靚，絕對值得encore 💗.🌟 總評 成個下午茶set將開心果玩得出神入化，鹹甜點平衡得宜，食材配搭有心思～整體超滿意！推薦俾鍾意打卡同鍾意開心果嘅朋友🤎.The Mistral ✨📍香港尖沙咀麼地道70號海景嘉福酒店1樓.✴️記得提早一天網上預訂啊！
繼續閱讀
人手唔夠 枱上面只有搽麵包的碟 個scone係凍勁難食 仲有個包都係凍嘅又係勁難食 最失敗係杯嘢飲完全冇味好似飲水咁樣 只係第一次見過個Waitress之後就冇再見過 全場雖然只得三台但只有一個Waitress 重要收你七百幾元 難食過紅茶 不推介，亦不會再來 我都想講句公道說話事實上佢哋嘅中菜廳係好食嘅亦都性價比一流，因為我有join membership Club 但係今次嘅下午茶就真心不推介 人流少，亦都可見此下午茶是如何難食
繼續閱讀
平時跟朋友嚟食，今次第一次帶老公黎食，還之前預留了window seat, 環境舒服，試了不同國家不同款式嘅前菜，主菜keep到熱力，不會放到涼，雖然份量不多，但外邊自助前菜已經吃飽了，最後推介俾大家甜品 Tiramisu,非常好食，悠閒嘅午餐，很合適一班朋友合或屋企人聚餐
繼續閱讀
係𝕜𝕜𝕕𝕒𝕪 訂有優惠 $𝟞𝟟𝟜 兩位原價兩位$𝟟𝟠𝟠 加一即係依加$𝟛𝟛𝟟 一位ᜊ•ᴗ•ᜊ本人唔係開心果愛好者但對所有食物都係開心果好有興趣所以過黎嘗一嘗ᐡ•͈ ·̭ •͈ᐡ 個景係好靚 但係反光 好難影到靚相 有啲小失望 𝓣𝓮𝓪 𝓼𝓮𝓽分左三層上層𝟸舊無開心果味 但係綠色既𝒮𝒸𝑜𝓃𝑒⑉꒦ິ^꒦ິ⑉可以揀士多啤梨果醬又或者𝒸𝓇𝑒𝒶𝓂中層 鹹點ฅ ℂ𝕠𝕥𝕥𝕠 𝕖 𝕗𝕠𝕟𝕥𝕝𝕒 ฅ唯一一個無開心果既鹹點 個蛋係好ᴇʏᴇ ᴄᴀᴛᴄʜɪɴɢ既 我仲以為佢係假既 用其他材料做既假蛋 點知原來係真蛋ฅ𝔽𝕖𝕘𝕒𝕥𝕠 𝕕’𝕒𝕟𝕒𝕥𝕣𝕒 ฅ第一次食鴨肝醬慕絲 𝕦𝕞…味道不太好:¯ᯅ¯:下層甜品 主要係開心果ᴍɪx紅莓醬不過好多時我都只食到酸酸甜甜既紅莓醬大部分甜品都係一堆𝔠𝔯𝔢𝔞𝔪 仲要係無咩開心果味既𝔠𝔯𝔢𝔞𝔪 開心不了 つ﹏ɵ̷̥̥᷅ 後上ฅ𝓖𝓮𝓵𝓪𝓽𝓸 ฅ我覺得最好食係𝓖𝓮𝓵𝓪𝓽𝓸 (๑˃̵ᴗ˂̵)佢用左脆皮朱古力去包住個𝓖𝓮𝓵𝓪𝓽𝓸 就唔怕溶 個𝓭𝓲𝓼𝓹𝓵𝓪𝔂都好靚 利用左朱古力豆 甜筒可以插得穩陣啲 再加上佢底下綠色既水 成個好有𝓯𝓮𝓮𝓵ᰔᩚ ･ᴗ･食完好濟 っ ̯ -｡但其實好空虛 好快就肚餓 好怕所有野都好肥 好內疚 食左好多脂肪 但味道都唔係想像中好 ･ᴗ･̥̥̥說好的開心果呢？
繼續閱讀