The Platter (悦品天秀酒店‧元朗) (已結業)

Book咗2間房staycation包咗4個人夜晚自助餐，登記時已講明有小朋友，到食自助餐，餐廳經理態度勁惡、又晦氣話我無同佢講，所以安排唔到，要等全部人入哂，當時全場只有幾個人，都話要等埋其他人嚟入哂先可以安排，如果我無同前台講，我貼錢俾你鬧無所謂，但一開始就已表明，有大枱都唔肯俾，最後變咗拆散坐，食到19點30分張枱先有人入，但當時野食已經無refill，第一次食buffet要自己親手挖雪糕，仲要見底無人換，挖雪糕期間，又見到另一個女客人鬧個衰經理態度差，我就唔會再去食，連熱食都係凍，貼錢買難受。

因為屋企人生日所以諗住齊齊去食自助餐，於是上網搵咗間近近地嘅，睇食評好似都唔錯，又係酒店內嘅餐廳，應該有一定水準，就打電話過去訂好位，結果去到門口都入唔到，職員話唔接受紙本針卡，就算話俾佢哋對埋身份證都話唔得，一定要將針卡放入安心出行先可以放行，話係公司規定，實在無奈，政府話可以用嘅紙本針卡，去到酒店竟然話唔用得，雖然我都有聽過有餐廳唔俾用紙本，但今次親身經歷，真係超無語，我自己幾日前先同同事去咗其他酒店食完，都冇被拒門外，估唔到今次會咁，結果唯有去第二間食，好可惜試唔到！

第一次黎悅品食半自助午餐，一定要訂位，因為staycation客好多，好難book位！前菜/甜品之類既野好少，味道亦無咩特別，反而想講下果2個主菜，竟然有意外驚喜焗豬手配蜜糖芥末汁伴薯蓉個豬手好大隻，皮好脆，肉又嫩滑，個薯蓉都好香滑值得一試吉列鯖魚配蟹籽蛋黃醬伴薯蓉鯖魚炸到好鬆脆，配埋蛋黃醬，非常夾，如果可以再多啲醬就好啦有沙律吧，飲品同甜品，一個餐大約都只係$150蚊，食物質素又好好，輕輕鬆鬆hea食個lunch，呢到都係一個好選擇！

去咗呢間酒店staycation，當然要試埋佢個半自助晚餐，可能平日關係，人不多，半自助餐由晚上6點至9點，食足3粒鐘，六點鐘去到餐廳，冇乜人，餐廳環境都唔錯，光線充足，入座率只有一成，一個鐘後陸陸續續有客人到，差唔多已經坐滿一半人以上。坐低冇幾耐職員就走過嚟叫我哋可以出去攞嘢食，服務態度唔錯，於是急不及待出去攞沙律菜，沙律菜都好新鮮，有生果，薯仔粒，沙律長通粉，真心覺得唔錯👍海鮮有三種蝦，蜆同青口，，蝦雖然細隻，但好新鮮，好味🤩其他兩樣海鮮就普普通通冇乜特別，主菜叫左2份精選牛扒配焗芝士薯蓉，一份叫左5成熟，另外一份系7成熟，牛扒上枱賣相唔錯，好軟淋兼夠哂juice，正😜甜品都有唔少選擇，有芒果慕絲蛋糕，提拉米蘇，麫包蛋糕，自制班戟，重有幾款唔同味道馬卡龍，七彩啫喱糖，當然唔少得雪糕🤩可惜實在太飽無試到麫包蛋糕😪湯有兩款，一款磨菇忌廉湯，另外一款中湯系花旗參紅蘿蔔湯，直心好飲👍飲品有好多種類，包括橙汁，自製凍檸檬茶或者熱嘅檸檬茶任君選擇，冰紅茶，鮮奶及咖啡等等，仲係無限量供應，生果就無乜選擇，得哈蜜瓜一種，不過就好清甜。總結以甘樣食物質素绝對系对得住價錢，極力推介👍👍

🍽🍽🍽🍽🍽🍽🍽🍽🍽🍽🍽🍽Semi-buffet Dinner-燒牛西冷配紅酒燒汁、焗薯餅及時蔬 $228-香煎石班魚柳配薯蓉、根菜、檸檬牛油汁 $208🍽🍽🍽🍽🍽🍽🍽🍽🍽🍽🍽🍽🔼悅品天秀酒店Semi-buffet Dinner 第一次食，又幾唔錯，裝修有情調，椅與枱之間距離隔得遠，係舒服嘅用餐時光🔼主菜叫咗燒牛西冷同石班魚柳，擺盤靚，啱晒相機食先，西冷軟腍唔乾身，無咩筋位，啖啖肉。 石班魚柳清新之選，無骨可以放心大口食🔼出面自助沙律吧有一個位係同咗素肉品牌合作，每日有4款以素食為主題嘅小食，我今日食咗素牛肉薄餅、英式炸素肉扒三文治、墨西哥辣素牛肉醬配香脆多士、越式素豬肉碎粉絲😌 口感同味道確實好真，一啲都唔似係假肉😳 另外賣相present 出黎都係吸引，為咗呢個素食吧位，我覺得我會再嚟，而且低碳飲食，食少嘰動物產品點都對環境好啲嘛😝🔼同場仲有中、西湯、大量甜品同任食雪糕😚雪糕有好多味，最like 係波蘿椰子，波蘿味清新香重，同椰子味出奇地夾，係新奇嘅味道🔼埋單4百幾

這一間The Platter 位於天水圍悅品天秀酒店4樓裡面嘅餐廳，而地方環境寬闊舒適😙，去嘅風格擺設都幾特別，坐著感覺都唔錯🤔!.同時餐廳都分開幾個區域，有Harvest Gourmet® 素肉自助餐區域，沙律自助!.Harvest Gourmet®素肉區食物有幾款:素碎牛肉瑞士薯仔沙律韓國泡菜沙律配素豬肉彩椒意粉素雞沙律四川麻辣雲耳配素雞呢D素肉分別煮起這五款菜式，配搭唔同嘅菜式有唔同效果，而去嘅營養高蛋白質，用咗非基因改做大豆同埋纖維而成，同時而加食素對環境都有好處:低碳飲食，食少D動物嘅產品又有好處，又可以保護動物!.檸檬海鹽焗石班魚柳伴薯蓉及時令蔬菜 $248呢款石班魚柳賣相都唔錯🤔，金黃鬆脆外皮😮，魚柳食到入口肉質都好新鮮，而味道帶點咸味😋，加埋D薯蓉食帶點香口又軟綿綿!.焗豬鞍扒配肉桂蘋果燒汁拌焗忌廉芝士薯餅及時令蔬菜 $228呢碟豬鞍扒賣相都睇得吓🤔，豬鞍扒肉質味道都好鮮味😋咬入口都有口感.🤔，而去嘅忌廉芝士薯餅兩面煎至金香😙，食到入口都好軟滑香口😋，配埋肉桂酸甜味道恰恰好!.甜品方面款式方面多款選擇🤔，尤其是麵包布甸熱辣辣食到入口口感鬆鬆😙😋，味道帶點香濃😙，好香蛋香

.‼️❤️ 記得CLICK我PROFILE關注我呀 ❤️‼️.😋 𝙎𝙚𝙢𝙞-𝘽𝙪𝙛𝙛𝙚𝙩 𝘿𝙞𝙣𝙣𝙚𝙧 @ 🌟 The Platter《👽食神大媽食自助餐》.💁‍♀️ 圖片展示美食：Salad Bar & Dessert Buffet 🥗Grilled Daily Beef Steak with Gravy Sauce served with Potato Gratin HKD 268 🥩Roasted Grouper Fillet with Lemon Sea Salt HKD 248 🐟.👽 大媽最近發現左呢間性價比超高，供應半自助餐嘅餐廳。食物都幾多元化，賣相非常不錯，一於嚟試吓。佢有三間分店，今次就特登黎試吓位於天水圍嘅呢間分店。.👀 晚餐時段，除咗自選主菜之外，頭盤、湯、甜品同埋飲品，都係以BUFFET形式供應。以主菜質素同自助區域嘅食物選擇黎講，價錢真係好抵 😬.🦐 頭盤方面除左有鮮味海鮮之外，最令大媽欣賞係餐廳響應越來越多人食素，竟然特意開設左一個素食角落，就算唔係食素嘅朋友仔都可以食得健康D，對環境、對自己身體都有益 🤩 以為自助餐通常都用料普通啦，但原來呢間餐廳所選用嘅素肉，係

適逢朋友生日，同佢去悅品天秀酒店嘅The Platter試吓佢個半自助餐！難得天水圍有呢啲酒店式嘅半自助餐，試吓都好。叫咗燒牛西冷，佢配住個燒汁、忌廉芝士焗薯蓉同時蔬。佢啲時蔬就係啲蘿蔔同啲豆，冇乜味道，好似白烚咁。不過佢個忌廉芝士焗薯蓉都唔差嘅，入面都食得出有啲粒粒嘅薯仔。芝士味就一般啦。切開入面都okay嘅，熟度都唔差，不過嚿肉就薄咗啲啲，嘢乾咗啲啲。味道都還好嘅。加埋啲半自助餐嘅嘢食，都算飽，但係啲質素就一般了。

今日去悅品天秀酒店食晚餐，問一位經理有無花奶沖奶茶，竟然答我呢度吾係茶餐廳。非常之好服務態度，作為經理竟然可以甘無水準以及服務甘良好！真係非常風趣幽默！！！！！

朋友知我好鍾意食雪糕，介紹我去呢間餐廳，佢話包我滿意。間餐廳喺酒店入邊，晚餐係半自助餐形式，主菜我揀咗羊柳，其他食物e.g.前菜餐湯沙律同甜品就係自己出去攞嘅。本身對沙律都唔係好大期望，但估唔到個薯仔沙律同豬肉粉絲都唔錯。主菜羊柳份量偏細，不過煮得幾好，肉質鮮嫩又夠軟食，下面嗰伴菜有驚喜，本身以為係薯仔，但食落原來係麵團，咬落去煙煙銀銀好好味，點埋個汁食一流。甜品方面除咗雪糕之外， 麵包布甸都唔錯，可惜我掛住食唔記得影相🤣重頭戲食雪糕，第一次食CocoBerry嘅雪糕就愛上左，口味有好多選擇，比較特別嘅有麻辣味，真係超級特別，估唔到食落似麻辣火鍋，唔會好辣又好食😋其他口味都真係夠濃又易入口，結果作為雪糕控嘅我食完一杯又一杯，到最後都唔知自己食咗幾多杯🙊餐廳做緊優惠有折扣，食到勁飽每人都唔洗$200，真係抵食。

今日試下📍天水圍悅品天秀酒店半自助餐。價錢由$168-228，款式只有5款，大致上都係扒類，只有一款係意大利飯。餐廳提供嘅前菜，即小食及沙律就係晒度！其中一款前菜地方闊落，坐得舒服現場有4款沙律菜🥗1款泡菜、南瓜沙律、薯仔沙律、蓮藕沙律。有南瓜濃湯及木瓜湯有好多款餐前包，旁邊有爐可即時加熱及烤脆飲品就有紅茶、橙汁、牛奶咖啡等。甜品反而有幾多，有涼粉/雪糕麵包/布甸/啫喱/西瓜/朱古力撻/蛋糕/奶酪，仲有楊枝甘露布甸。楊枝甘露布甸好濃郁，有人唔小心食咗幾件！麵包布甸主菜揀咗燒牛西冷及燒春雞。以為呢啲雞雞哋嘅酒店，食嘅嘢都伏伏地。點知又唔係咁差噃，我覺得仲好食過📍美孚悅滿軒。牛扒同烤雞煮得好嫩，唔老，絕對冇over cook。仲要讚一讚個拌碟薯餅，其實就係薯蓉加西蘭花，然後再焗出嚟嘅！呢個好食噃。。。

友人發現餐廳有半自助午餐，主菜限定，另加半自助前菜吧，而且有七五折，便過來一試，怎知一試便中伏我點了烤豬柳配辣菠蘿汁配薯蓉菜蔬，真的很難吃，豬柳口感極之粗嚡，很乾，而且沒有甚麼味道；薯蓉淡而無味，醬汁亦非常少，我只能乾啃豬柳肉⋯自助吧的選擇亦不多，只有豆、沙律菜、蓮藕、涼拌雲耳和一些簡單的甜品，西米糕、水果涼粉、麵包布丁，要數最好味的是中華沙律、雲耳和麵包布丁，其餘的都沒有甚麼特別餐廳環境雖然優美，服務很好，但食物味道真的有待改善

朋友做了業主，搬到濕地公園住，當然不要他煮飯招呼我們啦，所以我們決定到天水圍酒店吃晚餐。10分抵食，因為有照價七五折，客人可以先選擇一份西餐，有羊牛魚。叫完之後就可以出去自己裝沙律，沙律都有好多款選擇，有生的有熟的有日式小墨魚易有泰式辣粉絲沙律。基本上食完個沙律自助餐已經很飽。這就是我叫的魚，很大塊，又係唔錯，西式湯都要試試，好味道。重點來了，記得要留肚起碼食三杯雪糕或以上，這個雪糕品牌是來自香港的，咖啡味是首選，因為10分香濃。如果喜歡食綠茶味雪糕的必要是這個玄米茶雪糕。至於鍾意食麻辣味的人就要試試麻辣味雪糕了。仲有焦糖脆片，牛奶味雲呢拿雪糕。

酒店內的一間餐廳，裝潢合格沒太大問題。被他的自助沙律吧午餐吸引嘗試了第一次。平心而論，沙律吧水準絕對是平民級數。出去取了一次已經不想吃第二次。主菜叫了豬手及牛扒，水準正常，但配菜看得到流水作業式的水準，所有綠色的配菜變了墨綠色，你不會想吃一啖他的配菜。論服務，完全感受不到是酒店的服務。總之整個用餐感覺像在 food Court無異。讓大家更能感覺到和心領神會這裏食物的質素，我可以用廣東省短線超平旅行團的團體餐作比喻。

👁‍🗨The Platter📍天水圍天秀路8號悅品天秀酒店4樓@—————————————近日興Staycation ，見新界區都有間4星酒店有Package優惠，住宿包半自助晚餐+自助早餐，見咁抵就一於試吓餐廳喺酒店4樓， 以運動風做主題，環境不算大，座位空間尚算舒適⚽️ 住客出示飛仔就可以入座，晚餐時間7點左右，食客開始多，包括部分外來客Menu 上主菜選擇不多一共5款， 牛/羊/魚/鴨/咖哩飯，價格包自助沙律吧，另收加一好食度：✔️✔️✔️「半自助晚餐」*晚上6:00-9:00⚑ 主菜 ➰ 燒牛肉眼配紅酒燒汁w/f 焗忌廉芝士薯餅及時蔬 $228牛肉眼大塊但薄身，真正5成熟，切開仲喺血紅色，邊位帶少少肥膏筋腱，食落韌度十足，可能7成熟先食得出肉眼真正軟嫩嘅口感，紅酒燒汁就無咩特別配菜好求其，俾幾片烚到無味兼黃晒嘅切片紅蘿蔔同醃黃瓜，切段嘅荷蘭豆最好食喺忌廉芝士薯餅，一個小砵份量，香草芝士味香濃，咬薯一層層薯仔片，有口感又唔乾👍🏻⚑ 自助沙律吧➰3款涼拌沙律+3款沙律菜+2款蔬果-蕃茄長通粉沙律-蕃茄洋蔥沙律-南瓜藜麥沙律：南瓜腍甜，藜麥多拌得均勻-紅椰菜/芽菜/沙律菜：新鮮爽脆-3款醬汁