The Seafood Kitchen (已結業)

 因為懶惰所以好少寫食評, 不過今次真係要寫下:1. 店員由訂枱到用膳前一日經 whatsapp 溝通, 主動地細心教我哋點去, 邊度泊車, 再到晚餐當日介紹有邊啲新鮮海鮮, 過程非常愉快滿意.2. 海鮮真係幾新鮮, 價錢合理, 招呼也不錯(雖然我哋無叫好貴嘅嘢😅)3. 可能是星期一同埋較夜(我們差不多九點才開始), 少咗好多抵食夾大件又新鮮嘅海鮮, 我本來想食蝦嘅, 不過店員都好主動話我哋知當日嘅蝦唔夠正!4. 店員推介的三文魚頭湯窩超正!! 十分鮮味, 連開頭話唔食魚嘅人最後都話個湯好味!! 5. 無因為我哋唔叫啲好貴嘅嘢食 （如:  北海道毛蟹窩$988, 蜘蛛蟹 $1888...) 而改變招待我哋嘅態度, 依舊好有耐性咁解答我哋嘅提問!

近排潮流韓風,咁岩睇廣告見到西環有得食海鮮9層塔,又咁岩d同事又想去試下,所以拉大隊12人去試試咩料.早一星期前bOOK位,已經話Full左 要晚上9:00後先有位,但因為同事們工作比較繁忙 所以9:00都照去食,我地係一班非常自律既客人,9:00pm準時到達,但位置還未有,12人企門口等位 其實都幾礙眼,有一位女孩出黎好禮貌係咁同我地講"唔好意思,位置一預備好就立即安排我地入座,唔好意思" ,此女孩我極相信佢應該係老闆娘黎既. 女孩大約出門口同我地講左7-8次唔好意思,不過我相信佢真係唔好意思既,因為12人起門口等左一個鐘都有.一入到門口,D海鮮味已攻陷我們心底,店舖位置比較坐得溫馨(一個字:細),由於時間關係我地起門口已經Order左食物啦,但坐低左都要等45分鐘先上到菜,我相信疑似老闆娘既女孩真係非常唔好意思,所以頭輪飲品:佢既.主角到了,雖然餓到飛起,但都要相機食先.問心講,海鮮清蒸都好難唔好食,非常有鮮味既:8爪魚大條 但UN左小小花甲好食 又大粒北寄貝個鮮味一流根本停唔到口鮑魚 大隻 鮮爆 一D都唔UN 麵包蟹 不得了 多肉又香 必須親自去試試 非筆墨可以形容最下果層 我地

以往從未寫過食評。但今次忍吾住要寫。老婆補祝小弟生日，話呢間有特色。的確，坐無虚席。但真係好嘈，又坐得迫，其實係無乜環境可言。裝修有d特色，以海洋為主题。落order等足45分鐘，仲要追單，先有野食。呢度海鮮係火煱上，一層煲叠一層煲，話係韓式喎。大蟶子一d都吾大，仲要未洗乾淨d腸。大花甲算好，我同老婆每人8隻。大濑尿蝦，完全吾大。大扇貝算对辦d。疑似老板娘推介龍蝦鍋底,收388,得隻似乎係急凍中型龍蝦，鍋底完全冇龍蝦味，只係加埋d芽菜，椰菜就算，似雞湯底多d。我好多谢老婆带我試新野，但呢間海鮮d質素衰到呢……好離譜！埋單兩個1300差不多。呢個價錢，去容龍，或尖東海鮮站一定食得好豐盛。至於呢間，一定一定冇下次！

本人從未寫過食評，但係今次真係忍唔住要寫。環境很擠迫，座位不夠舒服，食得海鮮就預咗貴，但重點是食物價錢與質素不相符。本人吃了以下食物：1. 生蠔只得兩款選擇，但味道一般；2. 北寄貝同韓國象拔蚌刺身過得去；3. 清蒸虎頭蝦，鮑魚，翡翠螺，北寄貝，蚌....整體食材鮮味不夠4. 最失望的是約＄600一隻的松葉蟹，由服務員推介，但味道令人失望；總結：雖然有周刊及廣告推介，但名不副實！

近期報章都不停介紹這間食肆，好朋友每月聚會，為求新鮮感，即管試吓韓式意念新綽頭，點知做咗比當晚海鮮更新鮮嘅水魚。4個人食唔飽之餘，埋單差少少$2000螺肉刺身……唔新鮮，為免肚疴，最後要淥熟嚟食毛蟹湯底鍋……價錢貴，份量少，蟹肉唔夠滑蟶子……味道一般Oyster……一般貨色阿根庭紅蝦……講明係雪藏，預咗唔可以同新鮮比，但都估唔到d肉係霉大花甲……講明有八隻，點知得六隻，要追加補番數最後要加單再叫烏冬，粟米，娃娃菜，牛肉，黑毛豬，先至感覺有嘢落肚，但個湯底依然冇乜味道，淡茂茂。每人食咗差不多$500, 跟住仲要搵甜品食至係啱啱飽，其實食得貴唔重要，希望有水準，冇咗水準，唯有要求食地方，但裝修唔係特別靚，又唔係甚麼方便地標，兼且坐得唔舒服又要同隔離枱迫迫吓咁，總之水魚做一次就夠，冇下次

We decided to try this new restaurant in Kennedy Town. The place had been opened for a couple of months now. It was the 4 of us - my friend's girlfriend was Korean visiting HK. We didn't know this place was supposed to be Korean... The food looked quite overpriced from the menu at the door but we decided to give it a chance - maybe it's really good food? Loooooong wait - it took 55 minutes before they placed a pot with steam on the table - really? I'm ok to wait for a cooked meal, but 55 minutes

今日happy Friday 準時收工，同老公去左呢間之前一路話好想試嘅海鮮餐廳。一去到，同我想像中好唔同，乾淨企理，一入門口就有個大魚缸，裝修都好靚，有d以為去左赤柱嘅地中海餐廳+上引水產嘅feel~~哈哈！我地叫左象拔蚌刺身，珍寶虎蝦，鲍魚同芝士焗龍蝦。一食就知係新鮮貨，廚房冇偷龍轉鳯～～最滿意係隻成隻手掌甘大嘅虎蝦，可以蒸到熟而不老，我果隻仲要超多膏呀！！！連我呢個入廚多年嘅師奶都要比個'讚'個師傅呀！哈哈～鮑魚蒸到剛好，夠彈牙，而個芝士龍蝦d芝士就咸左少少，不過隻龍蝦夠新鮮撘夠la~~haha呢度係以清蒸，刺身，火鍋為主，食海鮮嘅鮮味，如果鈡意濃汁嘅人就可能未必啱食na~總括嚟講,呢餐都幾滿意，老闆員工都好nice,都係一間值得推介嘅餐廳。唯一係menu冇意粉、飯果d,始終係晚飯嘛，都希望有d五穀類落下肚嘅～