The Seafood Kitchen (已結業)

常行經這餐廳但未有機會試，看見剛開業的時候是主打當時流行的韓式蒸海鮮幾層塔，價錢不便宜但很多人光顧，熱潮過後便沒那麼多人了。正當想去試試看的時候餐廳關閉了，原來是裝修、轉型，改為日式料理。最近終於來試了午餐。我們是被它的壽喜燒價錢吸引了，午市只售 $48，當中有大量的菜、冬菇、金菇、粉絲及少量的牛肉，配飯。以價錢而言，不過不失，但湯汁真是偏甜了..接着是紫膽親子丼，有韓國的紫海膽加三文魚魚生及三文魚魚子。份量是頗大的，海膽應該有半板的份量，外觀新鮮，但入口很鯹，很失望... 魚生及魚子還好啦。最後是點了雜錦魚生丼，有牡丹蝦、魚子及蝦子、劍魚腩、油甘魚、三文魚及八爪魚。魚生是挺新鮮的，又是不過不失啦。午市所有餐都跟麵豉湯的店舖的內在環境裝飾得很日式，多颜色，小朋友看見應該很開心。就當天用餐也有好幾枱是一家大細的。本人覺得這個價錢及水準，在同區有更好選擇的。

西環店 The Seafood Kitchen, 都有一段時間無去，對佢地既海鮮成日都念念不忘，結果，今晚有時間同男友，加好友一齊去食餐好，估唔到佢地做緊海鮮塔推廣，竟然每位只係 $488 就食到超水準既海鮮，老實講，咁樣既海鮮質素，如果係其他海鮮店，你唔比多一個 double 都唔使指意落樓。仲要 $488 係任食，你有本事食多個 round 就簡直係蝗蟲級既胃口先至做到，出面果啲講任食，米食埋啲瓜瓜菜菜，但呢度真係海鮮堅任食，飲品堅任飲。鍾意食放題既，真係要來試下。 食材太多，寫唔哂，影低個餐牌無得賴。埋單時，仲要有抽獎，抽到下次半價，嘩... 488 仲半價? 真係抵到無朋友。

我們一行三人行過諗住試下，幫襯左 $488 + 10% 的任食...首先黎既係"送" 既刺身，有象拔蚌同三文魚... 三文魚都正常，但個象拔蚌係深啡色囉... 好明顯係啲連用黎做湯底都無資格既部位 😡😡...連相都唔想影跟住個幾層所謂既海鮮，physically 佢地係海鮮，但居然可以全部都無鮮味！皇帝蟹腳 - 無海水味都不在話下，居然連蟹味都無蝦 - 佢有兩款，有款第一輪食都okay, 已經唔係鮮甜，但算喇。點知嗌第二輪時，啲肉有啲霉。 至於第二款，我已經唔想再提扇貝 - 唔鮮、無味八爪魚 - 無味安格斯肥牛 - 佢話係就係囉西班牙黑毛豬 - 咁佢應該係我食過最唔西班牙既一種三個人食左千六蚊，就算係任食都唔應該呢種水準...我見到人地個pose 啲象拔蚌刺身係正常白色，人地就梗係比個笑樣你喇。我個碟連湯渣都不如既象拔蚌刺身，全無鮮味仲要霉霉地既海鮮，我已經喊唔出

超鮮甜又冇沙!正。員工服務一流，態度良好。每次吃的水準仍可保持。地方環境整潔。蒸魚技術好好，魚不腥，非常鲜味。瀨尿蝦又大又多肉，蝦膏飽滿。所為一分錢一分貨。值得支持。

第一次寫食評的原因係希望大家唔好再好似我哋咁比人老點。先講這間餐廳的位置先，它是在西環吉席街（不是旺區）。所以唔似會有生客，我諗多是經人介紹或上網睇到先會去。一入到去，裝修一般但有一個大魚缸（都有幾多海鮮）。因第一次去唔知有乜好食, 就叫店員介紹。店員一開始就推薦水晶蟹，班馬賴尿蝦，龍蝦，魚等等。全部都是貴價海鮮（但餐牌價錢比西貢或鯉魚門還貴很多）。因為是1月1日，班friend認為價錢唔緊要，最緊要好味和食得開心。店員推介水晶蟹話會有很多膏，所以我哋全部都有點（除咗條魚）還有點青口，北寄貝和貴妃蚌。等咗大約20分鐘店員送上7層塔。 貝殼 食物除咗青口（因太細隻）還可以，啲班馬賴尿蝦完全唔新鮮，隻蟹又是水蟹，搵滴膏都冇，龍蝦唔新鮮而且個湯冇味。想揾之前個店員投訴，她一直坐在收銀位不肯過來理論。總括而言，味道只是清蒸海鮮。如果食材新鮮和時令就一定好味。 但以這種價錢就像不值了。

約朋友食飯，大家都想試海鮮塔，於是上網搵，見到呢間，就訂位嚟食。原來佢唔係韓國餐廳，而係海鮮餐廳，海鮮一律清蒸（塔）或做刺身，仲有少量係打邊爐嘅。佢嘅賣點，就當然喺海鮮嘅質素，包括新鮮度。店員好落力介紹海鮮，會叫我地出魚缸到睇。我覺得睇住實物咁order係幾好嘅～最後點左10寸瀨尿蝦、細扇貝、澳洲海中蝦、大尾魷魚、水晶蟹，同埋八爪魚同北寄貝刺身；海鮮塔最底鍋湯，就點左韓式豆腐湯。逐樣講⋯⋯由於店入面好光猛，刺身都擺得好靚，令平時唔中意相機食先嘅我都影左少量相。八爪魚刺身係OK嘅，切得好大片，不過仲未融晒雪，扣少少分。今次係第一次食活北寄貝刺身（平時食紅白色嘅係熟架），出乎意料地好食！灰色位置chewy有鮮味，白色位置好甜，好似入口溶化咁，極度推介！跟住就到主角：海鮮塔。上枱嘅時候係好興奮嘅，每款海鮮一層，隻蟹太大隻分左兩層，所以我地都有成六層！XD 第一層係魷魚，我覺得普普通通啦⋯⋯同埋朋友堅持呢隻一定唔係大尾魷。但睇價錢（$48），是但啦。澳洲海中蝦，好多隻，老老實實，都係普普通通啦，係新鮮彈牙嘅但好似平時都食到。扇貝就正喇，真原隻（半殼）扇貝，鮮甜。我記得，食完係有幸福感嘅。10寸

早幾個星期已book左台8點，點知黎到都要等到9點先入得，呢個價錢黎講完全接受唔到呢個服務態度！講返食物，我地叫左蒸海鮮包括瀨尿蝦王，蟶子，大花蛤，鮑魚，蟹，食落都新鮮同乾淨，特別係瀨尿蝦真係超大隻同好多膏！蟹都好鮮甜，肉質實淨，不過$988一隻黎講就細左d! 花蛤蟶子就正常啦，唔好太大期望，整體都新鮮。而最下層湯底就吸收曬精華，就咁飲都好味！再叫左少量火鍋料，牛肉、烏冬、栗米等，大家如果真係要去記得飲左湯先好開始打邊爐。火鍋料都係貴，牛肉$188得8片，薄切得黎肥瘦均勻，加上湯底鮮甜，好味。整體食物質素可以，不過服務質素一般，定價過高，建議大家試其他食店。負評係因為真係覺得真係不值一試。

第一次上網寫食評，應該係抱不平先真！前晚同父母第一次去叫左兩隻什麼超大14寸斑馬瀬尿蝦，游水的街市賣每只60元，我們一食就知是死的，因為D肉開始有D滑汕讪，她收我們488元一只，太過分了!  水晶蟹988元一只，都幾好食, 肉淸甜，勝子無咩味，最慘食到一口沙，完全無劏，佢仲話係特登留返D膏，真離譜。埋單3個人3千蚊，唔係話貴，係食水深仲要比半死海鮮好離譜！希望大家唔好上當！

西班牙黑毛豬，可以生食，店員話，佢話問過大廚完全冇問題，即時生嘅可以照食，我就梗系驚啦系我食唔系大廚食啊嘛，足知就唔系焗黑毛豬炒飯，系生煎黑毛豬，煎得很濃才拿出來，蛋炒飯，是一早已經炒好，跟住放入碟裏面，再在面上鋪上黑毛豬，淋小小茄汁，擺入焗爐焗，飯就梗系熟啦，不過黑毛豬就生勾勾啊你食啦，那碟炒飯只是暖暖的，還有那個迷你海鮮套餐，有三隻蝦，白曬曬，全部直不甩咁訓響度，這是其中一道菜，其它的海鮮，如其名，迷你得緊要！根本就無heart去做生意，媽媽虎虎，拿拿西西。

未食已經感受到嘅良好服務態度，因為訂位個姐姐超細心，一早會what'sapp定詳細地址及地圖。我地5個朋友order左四層塔+火鍋湯底，第一層嘅蟶子肉厚鮮甜又彈牙。不過可能我地掛住影相，之後第二至四層塔嘅海鮮可能煮得太耐，所以相對比較un。最正係上面蒸既海鮮精華全部滴哂落個火鍋湯底度，令個湯超級鮮味，一試難忘！雖然我地冇叫好貴嘅野食，而且只要海鮮夠新鮮，清蒸一定會好食，所以個人覺得價錢略為偏貴。

兩星期前BOOK落呢度試下，因為見裝修幾特別，門面又幾骨子，加上本人又好中意食海鮮，所以嚟試試佢。。我哋一行四人叫左個海鮮塔幾正，可以自己揀海鮮，D海鮮又大隻又生猛，重好好味。。。D伙計又好NICE，個老闆娘仲同我哋傾計，D SERVICE的確唔錯。。。基本上我哋食海鮮已經好飽，不過都叫左一兩碟牛試吓。。。Generally this is a good resturant, with nice service and good food. 不過埋單果吓都幾罅利，我地四個人TOTAL食左三千幾蚊！平均每人＄880！！！未免太貴。。。唔係話唔好食，我覺得堅好味，不過＄880響出面可以食D更好既野。。。即係咁，有得揀既話我唔會再嚟，除非有人請～

慕名黎到, 一個星期一晚上, 人頭湧湧, 諗住應該唔會差。坐低叫佢介紹下有咩好食，佢當然淨係介紹貴嘢啦，食左佢推介象拔蚌刺身，加我地自己揀左幾款海鮮。象拔蚌刺身不錯，新鮮，爽口。其餘食物冇每樣都影，全部都係蒸熟黎食，實在冇質素可評。特別要提係扇貝同蟶子。扇貝蒸到勁老，又冇味，佢地係咪應該意埋D海鮮擺邊層0既次序呢?大蟶子一D都唔大, 有鮮味，不過冇清腸，幾倒胃口...

重點係, 果隻瀨尿蝦!!!!!!!! 大隻不只, 一半以上係糕, 好食到暈. 好久沒有吃瀨尿蝦吃得這麼滿足. 另外, 人蔘雞湯都十分盪氣回揚... 記得要拆開隻雞才開始喝湯, 好喝十倍.其他海鮮好食, 新鮮, 其實唔需要個味那麼濃的點汁, 不過個汁都好好味.

朋友仔生日, 加上好耐無一班人聚埋一齊. 所以今次一行十人去食海鮮.其中一人介紹, 所以之前都無望過究竟係咩胡蘆賣咩药.哈哈, 因為Friday company drinks, 所以遲左小小, 去到時, 朋友們已經落晒單.首先, 先order左兩個小吃  象拔蚌刺身 - 好新鮮海螺刺身 - 比象拔蚌淡味少少, 不過都好新鮮上塔了:聖子王 - 真正既聖子王, 不過有少少污糟野鮑魚 - 夠大隻, 蒸到啱啱好皇帝蟹 - 超甜, 超新鮮, 勁好味. 每人唔至一節腳咁少囉繼續皇帝蟹 - 望見個蟹蓋就已經流晒口水, D膏超甘甜瀨尿蝦 - 都係兩層, 因為太大隻, 要食埋隻蟹先啱啱熟. 超大隻, 不過店員話依隻只係12吋, 平時有14吋仲大隻.之後個魚湯,本來我地係叫左烏冬同牛肉做湯麵.點知個個都話試下D精華. 哈哈, 到最後就變左上湯牛肉烏冬.個魚湯真係超得.P.S. 我地都叫左唔少sake, 一支1.8L, 幾支300ml.

呢一晚同朋友劈落西環，目的係去吔海鮮，聽講佢地既海鮮全部空運到港，唔賣本地野㗎啵。Menu上有好多海鮮種類俾客人揀，而每日都有special既海鮮推介，客人可直接出去揀海鮮，再落單就ok架啦！呢到既海鮮以清蒸為主，講真，只要海鮮夠新鮮，清蒸一定好食，應該話好難唔好食囉，相信店主對自己既食材好有信心先打造呢個九層塔既概念吧 (笑) 揀左海鮮後等師傅處理再蒸啦！咁我地再叫個刺身吔住等啦！嘩...帶子不得了，好鮮甜好彈，100分，真係掂，甜蝦都唔弱，一樣係鮮甜無比，我對之後既蒸海鮮即時好有信心 (爆)好啦好啦！海鮮埋位啦！由於我地後加鳥貝，所以樣樣衰衰得幾粒放喺第一層 haha，鳥貝肉唔算厚，但鮮甜爽彈有海水味，正。不過講到全晚最正，應該係聖子啦！真係甜到你唔信，每款海鮮殼上既汁一定要飲勝，精華黎架。聖子中間pat黑黑地既膏又香又滑，肉厚鮮甜又彈牙，最中意呢個聖子。北寄貝我第一次用清蒸，嘩，厚肉到呢，飲埋d汁覺得自己好幸福啊！又大隻又厚肉又鮮甜，呢一篇食評將出現多次鮮甜厚肉彈牙既字眼，恕我字窮吧。。。哈中蝦大隻又大份，好似百零蚊有11隻，靚海蝦既蝦頭我夠膽啜，好多膏好好味，蝦肉結實，如果點埋