影片
港鐵太子站 A 出口, 步行約1分鐘
繼續閱讀
電話號碼
57146642
開飯介紹
木系懷舊風打卡cafe，供應一系列和洋料理和甜品，亦不時推出期間限定菜品，是休閒聚餐的好地方。
繼續閱讀
營業時間
今日營業
12:00 - 22:00
星期一至六
12:00 - 22:00
星期日
12:00 - 18:00
以上資料只供參考, 請與餐廳確認詳情
有關獎賞計劃
#thesite 太子木系cafe, 位置唔多, weekend 等左差唔多一個鐘先入座🥹．封門柳配薯菜 ($168)份量好足,有齊晒薯條沙律！牛扒煎得好,入面仲係粉紅色(˶‾᷄ ⁻̫ ‾᷅˵)．香煎虎蝦配龍蝦汁意粉 ($132)味道唔錯, 虎蝦好多隻, 但係意粉份量反而偏少.黑毛豬臘腸蘆筍蘑菇意大利飯 ($112)好少見嘅配搭🤣中西fusion菜不過整體味道好和諧．巴斯克蛋糕($58)甜品好出色！個巴斯克好絲滑, 中間仲係少少軟身火候控制得好好
繼續閱讀
一直想去The Site，系近年聽聞高質嘅cafe之一，同朋友系聖誕節去🎄人流絡繹不絕❣️食物質素亦不錯👍🏼✿ 封門柳配薯菜 $168系呢度招牌菜，油脂部分少，肉味濃郁，擺咗一段時間都好好味又大份，同朋友一致認為CP值高好值得叫😋✿ 黑毛豬臘腸蘆筍蘑菇意大利飯 $108朋友最中意食fusion菜，呢個就啱曬佢😊黑毛豬臘腸充滿港式風味😆蘑菇意大利飯陣陣蘑菇香撲鼻🍄🟫✿ 凍朱古力 $45表面奶泡同朱古力粉佔一半比例賣相吸睛🤎🤍比想像中濃郁🍫✿ Matcha Latte $55抹茶味不俗🍵但濃茶控表示可以再濃味啲～✿ 開心果巴斯克蛋糕 $58開心果同芝士比例黎講，芝士比例較多，蛋糕屬軟心，每一口亦食到開心果香氣☺️💚
繼續閱讀
早兩星期平日lunch time同同事慶祝生日，叫咗幾款食物都唔錯，尤其係超juicy嘅烤雞同巴斯克蛋糕👍🏽周末再訪，水準明顯下降，封門柳太生，應該是煮好rest時間不夠；香草烤雞調味太鹹，今次無咗juicy感🥲 飲品方面水平一致，上次試熱hojicha latte，好濃郁，今次試iced chocolate都幾好。比較兩次，周末應該因為太多人，出菜比較趕，環境都比較嘈，無咗平日嘅舒適感，下次都係平日先嚟🥲
繼續閱讀
Tiramisu 咖啡味很濃，mascarpone 芝士也很香滑，手指餅濕潤度中等，酒味對我這個酒鬼來說偏淡😆不過整體來說很出色呀～Cafe環境很舒適，員工服務不錯（竟然沒有加一服務費👍🏻）雖然今日趕時間只係食左甜品，但日後一定會再光顧lunch/dinner。香港有水準的食店我會繼續支持💪🏻
繼續閱讀
呢晚我同老公喺太子，我心血來潮好想食意粉，想起酒吧街有幾間餐廳幾有情調，就行過去望吓。.經過呢間 The Site Cafe，我俾佢英倫酒吧裝修風格吸引住，因為我好鍾意英倫style🤩 見到menu有set dinner for two，食物種類幾啱食，平日6:00pm咁早就已經有幾檯食客，心諗應該唔會差掛？就揀咗食呢間。.Set dinner for two 有前菜（3揀2）+ 主菜揀1款 + 意粉揀1款 + 甜品1份 + 飲品2杯，好豐富。前菜我哋揀咗：蟹肉牛油果他他、白酒龍蝦汁藍青口主菜：香草煎羊架拼蘆筍意粉：香煎虎蝦配龍蝦汁意粉甜品：呍呢嗱雪糕配開心果仁及脆餅+ 咖啡汁飲品：橙汁、Mocha.蟹肉牛油果他他 —上層有好多蟹肉，下層牛油果他他有落檸檬汁，酸酸地配牛油果幾夾，再配埋碟面嘅黑醋醬，食落有幾種味但好match！呢碟前菜好有心思。.白酒龍蝦汁藍青口 —呢道菜好有驚喜！因為個白酒龍蝦汁超好味！我第一次食青口會飲晒啲汁😆 我鍾意佢白酒味揮發咗，無酒嘅苦味，個汁好好飲；而藍青口好厚肉，有鮮甜味，配埋龍蝦汁食真係好正。.香草煎羊架拼蘆筍 —羊架好出色！羊肉好嫩滑，有炭燒香味，又有羊羶味！我好鍾意食羊，覺得啲羊要夠羶先好食😍 出街食羊架，好少會食到有羊羶味，所以呢度嘅羊架真係有驚喜！🤩 碟上有埋黑醋汁及蜜糖芥末醬，沾埋一齊食都好夾。而伴碟的配菜有蘆筍及車厘茄。蘆筍粗身但好爽口，無渣，亦出奇地好甜，一啲苦澀味都無，好食；車厘茄好鮮甜多汁；雖然係配菜但一啲都唔求其。.香煎虎蝦配龍蝦汁意粉 —呢個龍蝦汁好好味，見到醬汁當中有好多細粒蝦肉，應該係落埋蝦肉一齊煮呢個汁，所以個汁有鮮甜味👍🏻意粉煮到好彈牙，做到掛汁；而虎蝦有4大隻，煎到好香，好新鮮爽口。.呍呢嗱雪糕配開心果仁及脆餅+ 咖啡汁 —呢個甜品好出色！我哋以為跟餐嘅甜品都係普通蛋糕仔一件，或普通一球淨雪糕。估唔到佢呢碟雪糕咁有心思！呍呢嗱雪糕有開心果仁碎喺面，仲配有4塊脆餅俾你沾雪糕食；更有咖啡汁另上，有得自己落咖啡汁。呢碟甜品好靚、好味又有滿滿儀式感，我哋食得好滿足😋.橙汁、Mocha —我杯橙汁唔會太甜太酸，仲有一片心形橙肉，好可愛😆我老公杯Mocha 好好飲！咖啡及朱古力味都好出，兩者好平衡，唔會太苦或太甜。.好開心搵到間咁出色嘅西餐廳，下次再嚟試埋其他菜式先！😋
繼續閱讀