The Stonegrill (已結業)

Differences between 2 are: the former needa eat FAST as stones are extremely hot, raw foods are done in SHORT times (esp. beef); while the latter, eating speed depends, the moisture of foods cannot keep long. higly recommend: 0portobello mushroom & coffee * 人生總要豪一次

中午同媽咪行街來到呢頭, 有阿里朗, Habitu 同呢度由她選擇, 結果是石頭勝出. 自助沙律有6,7 款左右, 青芥末三文魚沙律同有一款好多蘋果的都唔錯. 今日餐湯是蕃茄湯, 媽咪唔好, 比埋我. 其實我覺得唔酸, 濃濃蕃茄味, 幾香的. 不過有d似v8. 講番石燒, 媽咪就揀左紐西蘭牛柳+雞扒+羊架.不過佢唔食羊, 所以比埋我. 而我就本身揀左紐西蘭牛柳+燒烤菇. 牛柳唔夠嫩; 羊就o岩o岩好, 羊味唔算好重但可以, 肉都夠嫩; 菇本身都夠香, 唔好食我反而出奇. 但一次燒幾樣野, 真係幾亂的. 媽咪就幾滿意呢餐, 貪佢調味少, 同埋自己有得玩. 埋單時先知會員卡有分扣, 平左$100, 好鬼開心~

Absolutely one of my favourite restaurants.Ordered the set dinner for 2, it has steak, salmon, supersize mushroom, price is ~$700 for 2 ppl. Food is great, and they have a special half price menu for American Express cardholders, you can choose from steak or salmon set, price is half. Got to try that next time I am there.

尋晚同老公去young枱腳, 我未食過石頭燒, 咪試下law。我地叫左2個經典石燒,佢果d石燒全部都係set, 由百幾蚊到3百幾蚊, 視乎叫咩料同份量, 龍蝦就會貴d, 肉既份量多d又會貴d。佢地有2款二人set, $598/$898, 有湯, 石燒, 炒飯, 甜品, 飲品, 貴d果個set有葡萄汽酒, 石燒既款式同份量都多d, 但冇我想食既白雪魚柳喇。我地叫果種係$298/set, 可以選3款, 我order左:4oz加拿大安格斯牛柳, 白雪魚柳, 珍寶蘑菇;我老公就order左:4oz加拿大安格斯牛柳, 大蝦, 鴨胸;我地2個set都有沙律, 餐湯同餐飲。個沙律好清, 餐湯都ok, 個麵包就幾好, 鬆軟得黎d皮又脆。開始時我地都覺得好忙, 因為塊石頭好熱, d野會好快熟, 所以要將d牛柳呀, 魚呀放係另一隻碟度, 費時咁快熟, 大概一個鐘左右已經唔會好熱。我地都覺得大蝦麻麻地, 白雪魚柳好滑, 反而蘑菇同鴨胸都比想像中好味。d service好好, 佢地會問我地食過未, 會教我地點樣燒, 又會成日添水, 環境都算浪漫架, 暗暗地, 不妨試下!

琴晚約左個fd 食飯~~佢之前講左想食D特別D既野喎~~咁就去左呢到食喇~~食物同格調都唔錯~~個蘑菇好正~~XDD

幾個星期前，同幾個朋友飯聚，因為遲到，地點由朋友選，來時大家已經坐低。以為呢度食午餐幾貴，點知原來有個特價石燒午餐，有湯有沙律有得燒有野飲，都係78蚊，仲可以揀牛或雞，唔怪之得佢地來左這裡。要了西冷，先來的磨菇湯好濃郁，但幾鹹，似乎落多左鹽；沙律只是簡單的沙律菜再加油醋汁，清得不可以再清，沒什麼味道可言。反而伴吃的香草包熱熱地，幾鬆軟，吃完一片，又再吃多一片；主角上場，是燒得「滋滋」作響的石燒西冷，加兩片茄子，一片冬菇及一舊薯角。雖然西冷肉質一般，燒生一點熟一點都是韌韌地，不過幾十蚊貨仔，算交到功課啦。八安士照估計是有多無少，個人而言是夠飽有餘的了。加上切下切下，燒下燒下，話咁易就傾到兩點幾。侍應好快手，如果趕住返工的一定不會遲到。熱咖啡幾香濃，不錯。埋單每人86蚊，幾抵食。題外話：樓下大王食評講到爐兄及他的8安士西冷，可以咁講，這份西冷只同佢食完港大校友會後果碟撈麵的豬手的重量，佢食完唔使講要再食多餐！

尋天晩上, 男友生日,我帶他去了這間餐廳,吸煙區裡面得三張枱,食野時好煙呀...冇抽風既..之前睇過食評說這裡的價錢很貴,但依家好似減左價啦..2人餐9百幾減到8百幾.還有一個餐係598架..不過d野食就少d.但我地今次叫左兩個一人餐有白雪魚柳,羊架,大蝦,鴨胸,牛柳同肉眼, 我覺得最好味就係白雪魚柳,好滑,跟住就係羊架..雖然有少少蘇同有根,但都好好味,燒完大蝦之後塊石頭仍然重有蝦既味道,好正,不過隻蝦就細左d,牛柳就冇我想像中咁好食羅,有d乾,可能燒耐左..但這些食物都不是生的上枱,是熟了一半才上枱,塊石板好快就唔熱,所以話咁快就食完啦,走時成身都好大油煙味呀,下次都會食多次

it is not worth indeed dining here but still...i joined as member with hkd50. and few hundred pts in return and a bday coupon. so i made use of this coupon of coz and it's kinda surprised that, i only paid hkd500+ for a almost hkd900/2 set dinner with -champagne(unlimited reveal)aound 6 kind of food includ. 2 kind of steaksoup & breadsaladdessertdrinksthe membership is kinda attractive if u enjoy cooking & steak by urself!

呢排係咁病係咁病，搞到好少週圍食野，尖咀午餐都冇乜去邊，呢餐叫做近排難得一餐尖咀食店Lunch。唔知係阿爐兄約我定我約爐兄食Lunch，唔想行咁遠，就近近地去附近商場搵食啦。知道呢間stongrill近排推出特價午餐，一於約阿爐兄黎食。之前呢間野仲係cova對面時都食過，覺得幾貴下，試過就算，基本上都唔會番轉頭。見佢而家七十多蚊有得燒下，又唔驅呀。同阿爐兄都叫左個8安士西蘭，爐兄問8安士有幾大，我就話一定唔夠你當早餐，一陣再去食德發牛丸啦。石頭上檯，加上一塊生生的牛扒，基本上都沒有甚麼特別，係志在燒下，自己又可話事鍾意整幾成熟都得。份量其實還可以的，還有麵包沙律前菜，薯仔矮瓜伴著舊石頭，是夠飽的。到這裡食這個特價餐，記住叫侍應俾個特價餐牌俾你，如果唔係，佢唔會主動俾你，到時你叫左個幾百銀午餐唔好賴我呀！

星期六晚和家人食晚飯，選了海港城的STONEGRILL。一行四人只點了兩份一人套晚餐及兩份小食，因爸沒胃口而剛好夠食(因有大量麵包供應)。這裡的優惠咭很有用，我們的單原本是$660，打折後只是$520，以食物的品質而論，價錢可以接受！推介小食《芝士薯仔》！

搬左之後首次幫趁，無咩不同，反正調味的都係自已，舊肉都係果個supplier。火山石無話凍左。不過…又香檳又紅酒，咪玩啦，我得番3分咋，就算full license 都唔好drink & drive啦。最後都係坐到醒先敢走。

我係5月30日帶我Boss去Stontgrill食Lunch試餐,(因6月7日我Boss有大客來香港,希望我帶佢去一間餐廳來請客唔好失禮),於是我叫左意粉同石燒,意粉可以同酒店比較,我Boss 見到個Salad Bar好靚,價錢又唔貴,我Boss好滿意,於是我Boss今日帶同客人去Stontgrill食Lunch,點知我Boss返到公司同我講,今日令到佢好失禮,原來我Boss同D客大讚Stontgrill同酒店比較,點知去到見個Salad Bar四個字形容(不知所謂),沙律出水、生果太熟又淋,買相又唔靚,意粉又難食,我Boss話以後都唔會再去.最重要我Boss俾客人串,問我Boss去過酒店未.

同男朋友睇完戲10點鐘在尖沙咀, 因為知到呢道last order 係11點, 所以過來呢度同佢慶祝生日. 我們叫左588的2人餐, 再加左一客當日推介的$128生蠔頭盆. 我們要了3隻生, 3隻熟的, 熟的是用煙肉洋蔥菠菜忌廉汁做的, 男友跟我一致認為好味! 不過如果要晒6隻熟的話, 恐怕不用叫其他也飽了, 所以要3隻就剛剛好.講番個餐, 當日餐湯是洋蔥湯跟忌廉蘑菇湯. 洋蔥湯比較普通, 但蘑菇湯忌廉味唔濃, 雖然我只喝了一口, 好像淡淡的, 但菇味幾香, 再喝應該唔錯的. 連埋添左1次的麵包, 其實我已經飽左.跟住上的是石燒, 有西冷, 羊架, 三文魚, 青口, 帶子跟魷魚. 西冷, 羊架, 三文魚都不錯, 可惜男友最初燒時冇用鹽& 胡椒調味, 淡了少許, 我出馬之後就好味好多啦, 嘻! 青口, 帶子跟魷魚就普通了些.同上的還有亞拉斯加蟹肉拼帶子蟹黃意大利扁麵. 雖然蟹肉好幼, 同埋我已經唔記得帶子的味道, 但個扁麵味道好濃, 很是不錯! 可惜的是, 跟石燒一起上, 我們當然是先吃石燒後吃扁麵, 所以放久了些少左吃.最後是甜品, 芒果班戟伴雲呢拿雪糕. 班戟裡面包著不止芒果的一粒粒

上星期六同bf 去左呢度食lunch, 一人都叫左個set lunch $178/ set (不連加一), 有自助salad bar 同dessert, 一個湯, 意大利餐飽, 主菜係可揀四個item 既石燒, 仲有兩柸餐飲, 餐前可以揀紅/白酒或其他雞尾酒, 餐後有奶茶咖啡等等主菜既石燒我就要左potabello mushroom, 新西蘭牛柳, 雪魚同帶子, 青口. salad bar 方面選擇唔算太多, 不過材料都算幾新鮮, 有沙律菜, 三文魚沙律, 生果沙律等等. 湯呢就只得雜菜湯, 味道都幾濃, 不過似蕃茄湯多d. 我最鍾意就係主菜, 材料新鮮, 牛柳唔"un", 非常之淋幾有肉味, 但我就覺得佢無乜肉汁, 比較乾身. 燒雪魚同其他海鮮都好好食. 最好既係佢無任何調味, 新唔新鮮都厄唔到人丫嘛! 新鮮既肉只要加少少salt & pepper 就已經好好味喇!甜品就唔太多, 加上可能我地遲去, 食完野再去揀甜品時已經無乜得揀, 只有美式芝士餅, panna cotta, mousse, 法式焗蛋等呢餐真係十分豐富!! 份量十足, 個日由頭食到落尾真係食到差d行唔郁.. 咁既價錢

格調唔錯夠黑帶住女朋友黎兩人世界一流價錢呢d 野真係睇你食唔食得開...一生人試下無妨既特色就係塊幾百度既石頭。