The Terrace Restaurant

營業中

休息中

想衝出銅尖旺, 終於搵到呢間餐廳...首先要經過一番搵路探索, 先至搵到唸度...(佢有大量車位, 放心...一定有位泊)餐廳分室外& 室內雖然24TH晚有19-20度, 唔係太凍, 坐室外應該幾好氣氛,不過本身驚凍, 都係室內喇~~佢當晚只有X'MAS EVE DINNER MENU ($380+10%)頭盆: 鵝肝配青蘋果加黑醋汁+ 自家製好味麵包湯: 忌廉菠菜生蠔湯主菜(3選1)1)火雞(2)大蝦配銀鱈魚(3)牛扒配龍蝦甜品: 麵包布甸咖啡或茶(不過我地叫多左杯HOUSE WHITE WINE)全間餐廳氣氛好WARM, 好舒服, 唔係太多人(如果想靜靜地食飯, 談下心, 呢度係好選擇), 侍應哥哥姐姐好NICE, 好好禮貌, 食物質素真係幾好..總括黎講, 起碼8分...

今日生日(10月9日),老比我連環驚喜,晚飯地方都係其一驚喜。5:00pm由彩虹搭的士入去,老同我講果度好隱蔽,就連司機叔叔都唔識去,要一直慢駛搵路,終於搵到右手邊輋徑篤路,入到去都仲係好隱蔽,沿著小路向前行,當時已經開始天黑,司機叔叔話:\"如果你地係兩個男人,我一定唔會載你地入去,點知係唔係打劫呀~\"哈哈!!入到去差不多6:00pm (的士$100)!我一向鍾意坐outdoor位,遊艇+四面環山+眇無人煙,好寧靚,餐\廳經理說呢度係全西貢最靚,亦係最住睇日落0既好地方,叫我地下次早d0黎,嘆返個tea,煩惱即刻無晒。唔好彩當日落雨,睇唔到日落,不過煙雨濛濛,好有詩意,感覺就好似離開左香港咁!waiter哥哥悉心介紹有咩好食,全程真係如之前食評所講提供適當服務。牛油果雜菜雞沙律- 我一向都唔食雜菜沙律,都覺得幾好味,不過有兩啖唔知點解好苦煎鱸魚- 有煙肉包住,野味得0黎又唔會搶走鱸魚香味,再加上好creamy0既白汁,好正!聽閒呢度0既鱸魚係野生,係會好味d!蒜汁羊鞍- 7成熟,0岩0岩好,唔會有血水,蒜汁既可辟左羊0既蘇味,又可帶出羊0既香味,伴菜薯角都好好味最衰之前lunch去

三十二年前，一個少不更事的年輕小伙子，由家鄉「米字國」，乘着火船，老遠跑到東方一個小漁港，開展那吉凶未知的事業。努力經年，身居要位。小小漁港，變成了繁華大都會。小伙子，在此落地生根，臉上，也添上了見証歷史轉變的風霜。今天，他終可退下火綫，享受人生精彩的另一頁。一行三十多位親密戰友，就在這遠離繁囂的臨海小館，為快要離開的他，好好地慶祝一番。店小，剛能容下一長長的食桌。玻璃窗外，是西貢遊艇會的閑息風情。先端上的是忌廉磨菇湯，跟載有四款麵包的籃子。湯，入口香滑，磨菇味濃。三款大會指定菜色，要了燒牛肉。是明智之選，肉嫩得要命，那粉紅色的牛柳，仍滲出豐富香濃的肉汁，牛肉味十足，再伴上新鮮炸起的薯角，及鮮脆的多色菜蔬，直叫我超額完成。甜品是迷你雪糕芭芙，配上鮮忌廉跟巧克力醬。可愛靈巧的外表，再次喚起我半飽的食慾。雪糕芭芙，外脆內凍，是叫味蕾驚喜的精彩配搭！巧合地是他的生辰。飯後，為他送上小蛋糕。他合上眼，許了願：「希望今日可以退休去也！」小伙子，你的願望成真了！

開完會....老公黎接我去西貢食飯....佢睇左食評話呢度有間偏僻餐廳....個路口都差Miss 左....!上到去...一岩岩走...我地包場...! 想坐裡面就要係member 先得啦! 外面都ok...好在無蚊咋! 個洗手間係連沖身既...可能近遊艇碼頭啦....! 我地六點七先黎到....太陽已落....如果早...個景會靚!兩人叫左個咖哩角...本係正宗既咖哩角...係較扁身...有失望! 不過....就好熱...熱到辣口....! 然後再叫左個ox tongue stewed with wine sause (steamed rice)....好鹹唔腍....仲差過我樓下間茶餐廳! 最後再叫左個白汁三文魚扁意粉....呢個唔錯....不過..如果三文魚再生少少....會好食! 整體service 好好...不過....野食無預期中咁正....可能唔識叫....叫唔到佢地既special!

上兩個月去過，我覺得，呢處的食物種類不算太多，價錢亦不算便宜。不過，在幽美的環境之下，看著夕陽徐徐落下，白沙灣泛起閃閃漁光。即使只有飲料在旁，懶洋洋的呆一個黃昏，也是賞心悅目的事。真係好多蚊，惹蚊之人要三思。

The restaurant has a superb view over the marina. Food is very good. Only problem is mosquito, especially at night. Miss Poor got a lot of mosquito bites

The standard of food at HK Marina Terrace has been on the rise since 2-3 years ago.The main selling point for this restaurant is definitely the view overlooking Bak Sha bay and the marina clubs, but don't let that overshadow the quality of food on offer.On the menu, you get to choose snacks and sandwiches, western cuisine as well as asian cuisine, so there's always something that suits you. The chef's suggestions written on a blackboard are updated on a regular basis, depending on what ingredien

一間都幾隱閉的食店,我記得n咁多年前,聽張達明、陳輝虹及谷德超在電台做的早晨節目(大概都有八、九年前了),張達明在空氣中說:「在一個懶洋洋的早上,萬無目的地駒車到西貢,給他發現了此店,它在一個停泊遊艇的海灣處,有室外和室外的坐桌,o黎到呢D地方,緊係坐室外啦,有個無敵海景喎,成間店得佢一個客,間店亦得兩個侍應,侍應亦很有禮貌地幫他落完order,便走回店內,但當他有任何想找侍應舉動的時候,他們都會自動的出現,所以令他能過了一個懶洋洋的早上」,另外兩位主持便問他真實位置在那裏,他也不記得正確位置和店名,只記得在蕉坑附近.我亦是他的這番話,駒車去找這間店(當時沒有這多搵食網,地圖亦不是太詳細),王天不負有心人,由九龍駒車去到西貢市再回頭便給我發現了,那時連那個掛在村屋路途中的店名牌都沒有.到達時大慨是5:00p.m.左右,差不多是黃昏時段亦是得我們一台客,太陽亦在我的眼前慢慢沉到海裹,當天坐到大概8:30p.m.,其間並沒有新的客人到來,而侍應們亦很專業的作出適當的服務,給我得到了一個又寧靜,景又靚,又有異地feel的晚上.食物方面咁多位食家都介紹得很詳盡,而本人覺得它的意粉及沙津亦做得不

同朋友出海, 因為天氣突變要被逼中斷, 見悶悶地咪由深水灣車入呢度食.呢度的確幾偏僻, 如果無車就一定要call的士, 由獅子會路口直入...其實呢樹係遊艇會, 如果唔係member唔知可唔可以泊車入去, 不過出面大把空地, 應該無問題!雖然落雨兼打風, 但呢度for泊船, 所以海面依然平靜; 我地亦好願意坐係半outdoor位置, 吹吹風咁.歎tea, 唔吃太多, 2個人叫一客遊艇會三文治同Nachos share食, 朋友要咖啡, 我就要熱好立克. Nachos份量幾少, 但好香脆惹味, 而且帶點香辣, 仲有好多芝士上面, 正! 而三文治亦好足料, 煙肉, 火腿, 雞蛋, 生菜, 蕃茄等等, 麵包烘過, 都好出色. 唯朋友話杯啡唔得, 扣分!服務亦唔錯, 侍仔女們好禮貌亦好親切, 可能因為呢度都有唔少一家大細同小朋友卦!Anyway, 呢度夜晚收10點, last order 9:30, 晚餐要睇時間喇!

老公話帶我去神秘地方慶祝生日，原來係呢間餐\\\廳．地點真係好隱蔽，無車就難搵．餐\\\廳環境非常正，對住無敵游艇海景，氣氛一流．我叫一個燒帶子（４隻）做頭盆，味道好但有少少貴（＄９５）．　之後叫餐\\\湯：海鮮周打和薯仔紅椒，兩個湯都好味．主菜就非常吸引：一個係虎蝦配牛柳，虎蝦好大隻，牛柳五成熟，好有肉味．另一個主菜係燒羊鞍，嘩！呢個不得了，份量好夠，有４支骨，五成熟，又香又嫩．殲滅上述主菜之後已覺好飽．另外，侍應服務水準高，態度有禮．唯一要注意此餐\\\廳只收現金，請備足夠銀兩！

上個星期六晚... 男朋友帶我來到這間餐廳，位置真的很偏僻，不過入到去之后，間餐廳真的幾靚...d景仲好good添！最重要是幽靜....可以好寧靜咁享受晚餐。不過令我最驚喜的是竟然價錢不太貴..而且餐廳老闆好nice會幫我地另做一些菜式，很細心。當晚試左個新菜係法式乳豬..乳豬脆卜卜...好好味...^.^

環境好,夠靜,對著個海.唔會人山人海.位置僻,一定無人經過而walk-in.待應態度好,見你睇唔明個menu會講解你聽.最憎啲扮高級餐廳見你睇唔明英文睇唔起你.食味夠份量,味道好.南瓜湯,夠creamy.燒豬手,大大隻,我覺得好味過赤柱果間.Pasta,我由闊麵改左長通粉(事前都問過我長通粉要煲,可能要等耐啲,態度好吖),長通粉有少少硬,不過味道就唔錯.重有兩杯cocktail.好飲.以上內容連加一四百蚊.唔收咭真係唔係咁方便.重有十點前已經廚房last order.

之前聖誕夜去食, 地方可能偏僻一點, 在節日都沒有滿座. 之前定了位, 坐在露台對著整個遊艇會, 寧靜得來感覺很relaxWaitress的態度很nice, 而當日聖誕餐的食物就只不過不失, 但環境搭夠, 值得再來聖誕餐每位$250 +10%

西貢地膽朋友話要帶我去一個好特別o既地方食晚飯~ 真係好驚喜呀~~ 如果朋友唔係依度地膽, 無可能識去~ 轉入小路之後, 都要兩三分鐘車程先到~ 依度環境寧靜, 人客好少, 坐o係戶外望住前面o既遊艇, 好舒服~ (好彩今晚唔算凍) 今次先睇o左相再講:http://community.webshots.com/album/132370836QQZkQxService好好, 雖然唔係好professional o個種, 但好nice!!我地order o左:兩個洋蔥湯($45/each) - 好大碗, 兩個人share都夠, 味道唔錯!! 芒果咖喱大蝦配飯($80) - 仲有兩塊印度脆薄餅跟~ 咖喱汁好好味, 雖然兩隻蝦燒得過火o左少少, 但都唔錯~Tandoori Lamb Chop ($120) - 個sauce同羊肉質都ok, 五成熟, 對我o黎講就o岩o岩好~ 如果去之前有睇到McWing o既comments, 一定order goose liver!

星期日o既下午，好熱，成3x度。唔想去D人多o既地方，忽然興起，就入o左o黎西貢遊艇會呢度食午飯。呢度位置都幾偏遠，去到西貢蕉坑之後仲要再入，所以諗住會冇乜人~~結果，比想像中多人，細細o既餐廳都已經坐o左4、5檯人，仲係陸續有來果隻。不過環境尚算清靜，一路食o野一路望住出面藍天白雲同海景，真係好舒服。之前嚮度食過D鵝肝覺得唔錯；今次再食$88只得兩小塊，但水準依舊，外面煎到少少脆而裡面juicy，好味。另外叫o左一客$45 Minestrone同$6x 龍蝦湯；Minestrone好rich，唔錯。龍蝦湯好香濃，有龍蝦鮮甜味之餘仲有好濃o既酒香，絕對有酒店水準。另外仲食o左一客Rib Eye Steak，grill得好香，不過比order熟o左D，有點美中不足~呢度食o野豐儉由人，可以選擇貴少少百幾蚊食個牛扒，也可以只花幾十蚊飲杯o野；目的只有一個：嚮度過一個寧靜而懶洋洋o既下午。呢度仲有個室內火爐，如果冬天開埋o既話氣氛會好正。不過o黎o既話記住帶多D現金，呢度唔收咭o嫁！