The Trafalgar Brewing Company (已結業)

在新鴻基中心附近找西餐 餐廳數目非常多選擇 但每次都來這個有set dinner 的 $188元有Rib Eye Steak sets, 包soup of the day or salad, + main course + dessert , coffee/tea.. Tonight is tomato soup, very good! 還點了ard $143 set 素菜意粉 牛扒餐 都ok... Dessert is blueberry cheese cake, + coffee bitter taste, 苦苦地 但我喜歡black coffee 朋友就嫌太苦 總括中上

灣景中心一樓的幾間高級西餐, 這間要算是最平了, 未試過晚餐, 但午餐的紐西蘭肉眼扒, 只是$119, 我估... 落翻去駱克道那些港式西餐廳也未有找到.店內十分大, 但酒吧格局, 暗燈薰影..., 午市套餐, 可以優惠價$30, 要一杯自家製啤酒, 看餐牌, 有Golden mushroom Pilsner 和 Victory Ale, 通常的Pilsner 好淺色, 偏金黃,  這杯應該係Ale...., 唔覺太高的酒精度, 麥味算重.同事的磨菇湯, 是攪拌機打磨菇蓉的水準, 但份量不夠, 導致略為希了一點.Creek Salad, 用的是本港最平價的茶餐廳火腿, 真係吖...., 青瓜好爽好新鮮, 有幾粒Feta cheese, 算係夠creek喇吧....葡式辣醬烤無骨雞腿 ($95), 同事不愛食牛, 選了這件無骨雞, 睇佢只食晒薯條和西蘭花, 那件無骨雞肉, 只食了四份一左右..., 聽佢講..., 好似屋企比貓貓食果件雞肉咁鞋喎... 哈哈哈....炭燒紐西蘭肉眼扒 ($119), 上檯時個樣就夠好了, 但我最憎食薯蓉, 真係....天呀!!! 點解唔係薯條架!?!?! 

滿心歡喜同朋友去食steak lunch set我地order左lunch set, 等左45分鐘！！下面就係我地得到既野！！ 員工服務極差，隔離台order 遲廿分鐘，但一樣order 已經食緊。我同友人有禮貌咁請佢地追一追order, 點知隔多10min都冇人理, 繼續敷衍我地。問極d foreign waitress，佢地好似先係唔識聽英文果個，最後我地ORDER既野都冇黎，要空肚番office。講番食評，講下個soup and salad，soup 唔錯，有湯味，salad有salad材料咁囉，main course呢？我都想知咩味。我諗大家去餐廳都係想開心比錢食飯，而唔係買難受囉。

今次已經係第二次嚟享受晚餐，第一次我還記得是農曆正月年初六， 呢度晚餐收費相宜及食物質素好同埋啲嘢夠熱，呢樣係好重要!( 晚市套餐係每日都有不會是假期另外收貴啲) 同埋另外一個重點可以同寵物一同食飯(室外座位範圍)， 侍應招呼態度好， 就算晚餐時段滿座另有客人在外等候都唔會催你交枱， 整體感覺令人十分舒服及滿意。

事隔一個月，帶個年青人來据扒，食set lunch.年青人識食，要medium rear炭燒扒.先來青豆湯，沒有草腥味，奶和香草平衡適度，ロ感細膩香滑，長餅條也香脆，連討厭青豆的年青人也讚好。炭燒扒恰好5成，炭燒烤味濃濃撲鼻，食慾大增，肉質表面微焦內裡嫩滑，濃濃牛味送入口裡超級享受，薯角外表香脆無比，沒有油份絕不油膩。奶茶大大杯，卻缺茶味，2大杯奶茶卻只奉上麥記般一小迷你版的奶。甜點稍為進步，至少從廚房端出來，不似上次一大盤放在半露天的地方，從外面食晒塵オ端上檯。蛋糕小小一塊，味道一般，是一早整好放在雪櫃，但仍保留起碼的濕潤度。事隔一個月，想平平地食個有質素的扒，是不錯選擇，只是侍應水準仍有待改善，比較懶散，遲遲不落單，永遠頭向下望，上菜全無禮儀求其放低，我1點前前交抬，應有9折，她完全忘記了，我又忘記check單。

我平日係灣仔食lunch 嘅一間餐廳如果想坐得舒服 慢慢傾下計 再食下西餐，我都會去呢間Weekday lunch sets 每日有6款，價錢大約100~120+10%service charge Set lunch 包括湯/salad+main course + dessert +drink 份量十足👍質素都唔差😋平日都會叫肉眼扒

一行三人去會展前先吃個午飯，這邊與會展很近，而且選擇非常多 。老公知我喜歡吃Pizza，就上openrice幫我挑了這間。這邊的餐廳都是酒吧為主，方便看球賽，店內很多裝飾擺設都與球隊有關。為了吃Pizza，我們沒有點午市套餐，散叫了三款食物。炸薯皮：份量很多，配料充足，很乾身，還配上一大碟酸忌廉，中和了油膩感。中間的蔬菜沙律也不馬虎，有黑醋調味，新鮮爽脆！蕃茄海鮮意粉：非常足料，尤其蝦及魷魚，感覺上比意粉還要多，抵吃。自選PIZZA：自家手打薄餅，可選三款配料，我們選了煙三文魚，巴拿馬火腿及蘑菇。餅底厚薄適中，外圍很香脆，芝士份量非常足，很好吃而且令人很滿足！青蘋果Smoothies：很大杯，而且味道不太甜，比例很好，不過溶得太快變成水，喝到最後還是沙冰的狀態！不錯！

星期五上午11:20到，11:00開門，去到一個客都沒有，侍應尚未ready, 坐到11:45オ得閒來落order.環境氣氛好，價錢也平，2個人叫左2個炭燒紐西蘭肉眼扒set lunch.我要沙律，smoked salmon只有一塊，水果鮮甜。朋友要西蘭花湯，有驚喜，味道微咸，有香草，很暖心。湯來了約5分鐘就上扒，侍應竟然要求我拎起湯碗，讓她收起個底碟，以致兩個扒迫埋上檯，難道不能放在隔離檯?難道不能遲點才上?仲以為在MK茶記!服務九流，扒卻一流，真是medium rare. 濃濃炭燒烤味，牛味郁香，肉質嫩口，正正正!甜味味道尚可，但奇怪為何有幾點小黑點?而灑在上面的水果粒可以吾理，因為乾身冇味。走的時候，見到一大盤甜品無遮無掩就放在出面露天位，頓然明白晒。呢度個扒超抵食，但係員工的服務水平及衛生意識要惡補。

The Trafalgar Brewing Company 是 Brim 28 云云西餐廳中其中一間，表面看來平平無奇，特別之處在於有即場自家釀製的啤酒售賣。 雖然啤酒夠特別，奈何飯後仍要工作，還是乖乖吃一頓豐盛的午餐作罷。是日餐場是蕃茄湯，蕃茄經適度打碎後仍留有少許口感，味道以酸感為主挺開胃。主菜香煎鯛魚柳配焗杏仁及檸檬牛油醬配焗薯時蔬，鮮黃的檸檬牛油醬賣相吸引，牛油添香，檸檬引味。鯛魚柳肉質結實，富魚香，質素令人滿意。隨主菜伴上數顆西蘭花及數件薯角，稍嫌不夠多樣化，對於胃納大一點的朋友也可能覺得不夠飽。 甜品是芝士餅，香軟感一般。咖啡味道同樣中規中矩，無乜特別。

今天相約與戰友們一起到公司附近的扒房聚餐慶祝大家挨了一整年後升職了！這間扒房的環境不錯有許多部電視機播放球賽相信晚上來這邊喝啤酒邊看球賽應該相當輕鬆～這店提供了6款set lunch供選擇平日少吃扒的我為了慶祝升職竟然選了最貴的炭燒紐世蘭肉眼扒$109首先來的是沙律雖然有奇特的西瓜作配搭但異常地配合沙律菜都十分新鮮主菜 肉眼扒小妹點了medium-well扒的大小與同事的有點距離但之後才為這感到幸運～這個肉眼扒的賣相十分不錯炭燒的網紋十分明顯但吃的時候發現 偏熟了因此令肉質變得鞋口和韌了之後還有南瓜蛋糕和餐飲蛋糕有驚喜意想不到的美味和鬆軟～

Very comfy chairs and nice decor. Food was good. Decent value for a nice sit-down restaurant in Wan Chai.

Very good food. No need to wait for dinner in Sunday because it is located in business district. only No free parking. enviroment is very traditional England pub feeling. Once move in, you can see four very big copper tanks. Amazing.... they are making freash bear.When you opened the menu, you can find 'dry age'.... it is not easy to find out dry aged prime steak in restaurant. I think usually can find in five star hotel.last experience with dry aged steak was in W Amestrrdam!of course,

有時lunch想食得舒服點，會過來這裡食set lunch，這個set有湯或沙律，一個main course，甜品和飲品。今次選了沙律，沙律裡菜很新鮮，配上小小凱薩沙律醬汁和車尼茄，是很開胃的。Main選了肉眼排，5成熟的肉煎得外層很香，一切開裡面鎖住肉汁，雖未去到入口即溶，但塊扒很稔，加埋燒汁，突出肉味。今日食埋甜品和餐飲，食左很滿足的一個午餐

朋友B今年一月生日果時話想去呢間The Trafalgar Brewing Company 食野慶祝，咁梗係去啦，難得大家都咁鍾意食呢d Devil Food超like佢個餐牌，夠串咀!先黎一個Potato Skin,佢整得較一般(如Ruby Wednesday, Dan 差人etc)較乾同細件， 我比較鍾意呢個，冇咁漏……跟住就係多國洋腸拼盤Assorted Sausage Platter, 不過不失，我都係最愛Fass 果個之後係極之推介嘅Spicy Garlic Chicken Wings, 我地係唔比個waitress 拎走d蒜， 實在太惹味，好香 肉唔乾又唔算太辣~再黎set Rib Eye (medium rare), 小弟都係覺得，唔配汁食原味最好味， 不錯之選仲有Beef Lasagna, 我覺得Lasagna 配雞胸肉反而冇咁漏(可能我自己整左咁多年都係雞/免治豬肉)，反正都係d汁同芝士為主，當然牛肉一定惹味d嘅~其實當晚仲有其他野，但已經排住食唔記得影(包括酒、酒、酒同酒)~ 整體黎講餐廳環境幾正，又有氣氛，唔拘束，比起駱克道舊店好坐，絕對係放工抖啖氣，三五知己開餐

一班人去睇舞台劇，睇之前當然要醫肚！ 一早訂家定位！去到門口店員帶入座！店內燈光昏暗，坐在店內大釀酒桶前，酒吧有好多款式嘅酒，好搶眼！兩張細枱！座椅係英式大皮椅！好特別！ 鹹脆花生：夠鹹夠脆無益味！送酒一流 晚餐沙律：份量唔大，蔬菜款式多！沙律醬唔多，酸酸地開胃！食到蔬菜鮮味！ 晚餐餐湯：碗大湯少，唔夠熱，忌廉湯滑！麵包棒香脆 晚餐fettuccine funghi:即芝士奶油菇菌闊麵！芝士味濃，闊麵煙韌，菇唔多，索晒白汁！不過天氣凍好快糊晒！ 晚餐Rib eyes Steak：做到5成熟，淋身多汁，牛味濃，欣賞醬汁另上，由客人決定醬汁份量，薯角炸得外脆內軟！伴碟西蘭花新鮮！ Chicken Quesdilla:墨西哥芝士雞肉餅，薄餅唔脆，包住薄薄免治雞肉！味道偏淡！正常！ Crisscut Potato carne($104)香脆薯格加半溶芝士，蕃茄肉醬微辣惹味！ Pork knuckle:等咗好耐，木板墊底，豬手鹹香，皮脆肉嫩！芥末蜜糖醬唔辣！可以帶出肉香！ Wyld Wood Apple Cider($68)夠凍！酒味幾濃，酸酸地易入口！解膩一流！食物好味，不過張枱唔夠大，