ThreeSixty

營業中

休息中

逛360最愛BAKERY和FOOD COURT但ELEMENTS呢度的麵包竟然冇得試食!非常失望於是轉戰GELATO唔記得係咩牌子出面未見過的味道太甜而且有D貴成$30一個單球要WAFFLE CONE仲要加錢沒有一種很想快D有得再食的衝動!

大年初一，祝大家新年快樂，日日有食神^0^太太响屋企悶得發慌，拉埋我去elements走一轉，就算冇其他舖頭開，都起碼可以去呢度嘅supermarket買吓嘢...薯片、意粉醬、日式咖喱...買咗一堆嘢。最後梗唔少得去foodcourt食D嘢...兩口子share一個hula burger set，夠矣...呢款burger特別在個teriyaki sauce及加咗塊菠蘿响上面，食落冇咁滯；照燒汁甜甜酸酸，幾醒胃；麵包及牛肉兩個主角反而係普通之作，包冇烘過，太淰；肉太乾身....只可以講係一個貴價版嘅將軍漢堡...波浪薯條夠粗夠大條，可惜已預先炸定，唔夠熱唔夠脆口...年初一，有得食仲想點?

之前o係土耳其食過又甜又較ge無花果，真係食過番尋味。見到three sixty 有fig 賣喎，雖產地不是turkey, 但即管買幾個試吓。買了四個就要$40，真係貴到飛天。要揀幾個靚嘅都唔係咁easy, 因為我估無咩人買喇，所以有好多都爛了~如果係好食嘅話我覺得值囉，不過遠遠不及我食過嗰d！雖仍是軟軟淋淋的，但就唔甜，仲帶少少酸，好失望。

昨天傍晚買麵包, 大部份大個的歐陸麵包都暴露於空氣中, 本想夾個意大利包, 見到有隻蚊伏在麵包上, 馬上放棄, 改夾透明箱內的芝士法飽(今早叮來吃, 很足料, 若以多士焗爐翻熱定必更佳)其實大部分的麵包店都習慣把長法包等大大個的麵包不加蓋便賣, 我也明白有蓋的麵包箱不一定無蚊飛入去, 但係起碼唔好俾客人見到啦(等於去茶餐廳唔好入後巷探險), 否則再香的麵包眼見要同昆蟲分享, 就無甘好味啦

昨晚來圓方看<末世凶煞>，未入場梗係o黎呢度買??入戲院食啦！見食友有讚這裡的burger 好味，便和男友要了「呼啦」bufer 和炒洋蔥熱狗。食品係即製的，好在不用等得太久。入到戲院開餐，個漢堡好鬼大個，男友說味道不錯，只係塊扒差咁?肉味；熱狗真係混賬，首先條腸係超市一pack pack ?雞肉腸，煎得又乾又柴；其次是個包「硬挖挖」；?洋蔥又有朕烤焦味，$29 一隻質素差過茶餐廳，離晒大譜！！

Three Sixty絕對是Elements的時裝店之一。初次踏足的我都被披著各式各樣時裝的食物深深吸引著。每個廚櫃內都放滿華麗、令人垂涎的食物。甚麼中東燒雞卷、煙三文魚麥包、牛油果卷等三文治，由上至下、左至右的整齊的排列好，場面莊觀。天生亮麗的西式切餅及五顏六色的Macarons都在朱古力噴泉旁靜靜的閃爍著。移過一點是一盤盤口味新奇的雪糕，炒雪糕、特式雪糕杯都是熱門的選擇。最後還是光顧了擁有開放式廚房的Burger，這裡的款式比任何一間專門店多，單單是平日少有的羊肉都有四至五款；雞亦分辣雞、照燒雞、芝麻雞、墨西哥雞等；牛當然不在話下。最後選了芝麻雞漢堡。落單後師傅即席製作，我坐在bar枱上，陶醉地望著他左煎右夾，感覺新奇、過癮。波浪紋的薯條增加口感，但薯仔味不足，需沾上茄汁加重味道。芝麻雞漢堡的麵包軟熟，加上新鮮的生菜及洋蔥本是完美的組合，奈何主角芝麻雞沒有雞味，口感粗糙，芝麻汁不足，令整體水準大打折扣。單叫一個芝麻雞漢堡索價38元，套餐價48，包漢堡包、薯條及汽水。其他價錢大致差不多。至於值得嗎？其實試一試又何況。如果兩個人的話，可點一個漢堡包餐嚐一嚐。接著到旁邊的麵包店品嚐一下漂

媽知道我喜歡扮番鬼婆食人家的三文治, 所以昨日在elements 的360 買了一份給我試. 她選了煙三文魚生菜麥包. 份內真是很大,因為件麵包好厚,入面d三文魚和生菜份量相對來講就比較少左d囉. 從雪柜攞出來,麵包不硬,而且好鬆軟,三文魚好好味,整個包味道配合得好啊.一口咬落去真係有種fresh的感覺.全個食晒,除了包邊,因為都幾硬.此三文治必為夏天之選.

又去elements睇戲，之前來three sixty買個包吃。　揀這個blueberry danish因見賣相幾好，誰知味道更好，令人留下深刻印象：　-外層酥皮鬆軟中帶脆，淡淡的牛油香是恰到好處-中間的custard cream略帶芝味/乳酪味，質感濃郁幼滑又香口，既特別又滋味加上新鮮的甜甜的藍莓粒，很精彩的一件包，給人初吃beard papa的puff的清新驚喜感!　才$12一件，下次經過也來試試吧!

今晚在The Crand Cinema睇完戲，想去夏麵館食麵，點知排長龍，之後去了Three Sixty食晚餐，見到麵店有位wor，就食這間啦！點了一個叻沙米粉套餐(包一枝330ml礦泉水)$45。碗麵得幾條芽菜、有2舊切開一半ga豆"樸"同2隻冰鮮蝦，湯底完全唔得，除咗飲到有少少椰汁味之外，咩味都飲唔到，呢碗麵完全唔好食，如果唔係怕等得耐，我寧可俾多少少錢去夏麵館食low ~

9-11-07 (五)原來商場最熱鬧的地方在這裏，試了一款炒雪糕，選士多啤梨和朱古力味，再加两種生果粒和朱古力漿，其實是大混合，不過味道又不錯，偶爾吃到生果粒，感覺不會太甜。

其實呢度有2種MACAROONS的一個是在COUNTER, 另一個是放在賣麵包的架COUNTER的只有4個味: 開心果,檸檬,朱古力,紅莓放在賣麵包的架的呢,一包有11個,$88一包一個人冇理由買一包的嘛所以買左2個: LEMON 同紅莓但係味道麻麻,得個甜,都係LGB好食D但價錢就平一半價錢同味道,睇下點揀吧!

Elements內多數食肆都死貴，要想平野食，ThreeSixty是佳選，價錢合理又十分diversified,有各式sandwiches&burgers,cakes,飲品有coffee&tea, smoothies,fruit juices，另外還有炒雪糕，雪糕口味新鮮，種類比scoop多不少，下次一定要試！是次我和朋友要了四件macarons(choc, vanilla, raspberry,lemon),味道都不錯，中間夾層cream粘粘的很甜（vanilla尤其！過於甜，不太推薦），但總體味道都不錯，8蚊一件做小甜點很不錯。又要了blueberry smoothies和blueberry&banana smoothies,前者甜度適中，但味道比較“人工”，飲不出藍莓味。不過bluenana就不錯啦，香蕉占了上風，但又被藍莓中和了一部分甜度，很合適的搭配。

食完麵之後行陣就黎左呢度食Gelato喇!我地叫左兩種味:芝麻同開心果芝麻味幾香滑,幾濃唔錯唔錯!而開心果都幾好食,有d開心果o係入面!呢度有得食炒雪糕.......唔知好唔好食,好似就咁撈埋咁,但係又好多人食wor!好啦,下次再同男朋友仔試啦!^^

既然Three-Sixty都有entry，就將此食評特地分享予macarons粉絲吧!　超市場內有很多不同stalls，如果不是一對草餅介紹，都幾難留意到macarons一角。這裡的macarons款式比LGB少好多，只得5款；不過價錢也差不多平一半，才$8一個!　趕去睇戲，今次試了lemon及朱古力味，前者味道清新脆甜，後者濃郁黏口，居然兩款質感是不同的，不過都稱得上是好吃的，最緊要是抵食，各位macarons迷可以平平地過下癮了!